Passion (Closed)

今晚約他去葵芳，已經在上星期決定今晚晚飯的地方就是此咖啡室，靚裝潢，又光鮮，每次經過也坐無虛席，記得之前曾到灣仔那分店，但當時只試過甜品，今天一於試試，叫左slow cooked beef , chicken tikka 和粟米湯跟餐加20元 slow cooked beef好淋，有大概六舊，醬汁又香濃，他猛話送飯一流，可是冇飯！只有兩片穀物包一同吃下，好味道，至於pizza，餅皮不油膩，有蕃茄，火箭菜，芝士及雞，薄身的，熱呼呼，所有材料好新鮮！粟米湯勁推介！好甜，好creamy,吃到有粟米架！好正！如果冬天飲，一定暖笠笠下次要試咖啡和蛋糕至得。

當天, 我倆身處 葵芳 新都會廣場, 等候谷友前來交收寵物用品, 忽然收到谷友的來電說, 因工作關係要遲 45分鐘到達 ....  45 分鐘 .... 時間不長也不算短, 我倆只好找個地方坐一坐 hea 著等 ~這間 Passion 會是不錯的選擇 除了食物質素好之外, 選擇也夠多, 不失為 hea 一 hea 的好地方 .... 太座知我心意立即幫我點一杯 Iced Americano這杯啡調得濃郁芳香又夠冰涼, 乃 hea 之極品Mixed Fruit Danish生果新鮮, 酥皮夠脆身亦夠鬆化, 甜度適中, 吉士的味道輕柔, 但略嫌吉士較少 ~Raspberry Milles Feuilles賣相精緻, 份量又夠重手, 拿破崙的酥皮一層一層的十分香脆, 吉士的味道輕柔細滑, 甜度也剛好, 紅莓味道微酸又帶甜, 個甜品不會太膩, 真是一流 ~本篇完 ~

平時食開大家樂大快活啲粉麵飯，食都食到厭，所以睇下有無其他嘢簡。甘岩路過見到新店就試下，叫左外賣。簡左紅菜頭，一啲雜菜同黃色嘅飯（唔記得名）。食物味道新鮮，紅菜頭好鮮甜，但就好似小左d,有機會會試下買400g自選沙津，61蚊。

一向很喜歡Passion ，無論它的蛋糕或是沙律，全都非常美味呀！試過尖沙咀跟灣仔分店，兩間店子的環境都十分舒適～ 好不容易，終於等到它開第三家分店啦！第三家分店，選址於葵芳，對小妹來說，是個頗方便的地點呀～店內的坐位比另外兩間分店少，環境亦較為狹窄～ 同樣以木色作主調，一入店內，就是一個大大的麵包櫃及開放式廚房，廚房提供幾款熱食及即焗薄餅，行過一點點，就是沙律櫃，每日都有六、七款沙律以供選擇~ 中間是收銀處，收銀處的另一面，就是小妹至愛的蛋糕櫃，款式多得令人眼花撩亂～我們都愛沙律，所以先點了一份大沙律($65/ 400g)，可以在眾多的選擇中選四款～紅噹噹的紅菜頭沙律爽甜清脆，加了一點點橙肉，酸酸甜甜的，配搭得非常好~南瓜螺絲粉甜蜜粉稔，螺絲粉帶嚼勁，是飽肚之選~小米沙律最豐富，有不少的鷹咀豆及乾果，美味又健康～青蘋果青瓜沙律則是清新之選，不過略嫌沙律醬多了一點點～再加上每碟沙律奉送的蔬菜沙律，整碟就是清新又健康，一個把它食光光真的會很飽呀，二人分食就剛剛好～買沙律只要加二十大洋就可以有一杯湯，所以我們也加了呀～是日餐湯是粟米忌廉湯，湯厚身而帶有濃濃的粟米味，以二十大洋來說，質素不錯

幫襯左兩次, 第一次:因為下午5點半去所以唔算好多人, 叫左個三文魚沙律都唔錯,都算幾大兜.算幾足料.跟住叫左個蛋批. 味道一般冇乜驚喜.仲有個蕃茄煙肉三文治, 個包面烘得幾香幾脆口火腿PIZZA. 個PIZZA都唔錯.仲有個咖啡, 佢連一塊開心果餅仔,個餅仔好甜幾好味.最後係原味焦糖蛋, 好好味, 好香第二次係外賣.買左馬卡龍一盒, 味道都幾好, 唔算太甜.仲有焦糖味蛋..味道冇想像中好, 都係原味好D另外仲要左一個拿破崙焦糖味酥. 幾特別值得一試.可惜既係個比錢COUNTER度冇MENU, 要記晒入腦, 有時都講亂左....同埋覺得改善下好似人地D FOOD COURT咁執完野先去COUNTER比錢會冇咁亂. 手指指就得唔使記.

 中秋時節四處都是人山人海,一家大細出來相聚,見見好友和親友.在餐廳內的座位是bar枱多餐廳內一定是甜點,甜品是我超吸引除了甜的食品外,有健康的沙津,三文治和熱食.我企在DISPLAY櫃外已經行了幾圈,超多都想試呀~~~~~ 不得了~不得了~我們經過討論後,外賣回家去慢慢享用.邊個叫我咁愛吃甜品.由店去家是有一段路程,幸好多得店員細心整理好外賣的食盒,回到家的食品依然整齊.先來四色沙津,有火雞肉帶酸汁大貝殼的羅絲粉,香草南瓜羅絲粉,紅菜頭沙津有黃色的小米沙津似熟米,每一口都充滿咬口,紅菜頭沙津酸酸的,更令我要吃下去.燒牛肉飽咬到口軟的一份健康飽,外習超多不同款的穀物加上薄薄的牛肉片,加上多多的芝士.和一些芥醬.去加熱後更加好吃.但真的要慢慢吃,因為麵包是超梗的. 三文魚治-內有厚的水牛芝士和火箭菜,三文魚塊份量識中,這份沒有加熱了,吃後其實很滿足的.Quiche lorraine加熱後更香蛋味道厚厚的蛋層內有煙肉和洋蔥碎,洋蔥帶一點甜,煙肉是有淡喊,無想這樣的配合原來是很好味的.哈哈~經我搬到家後,熱情果黑梅餅已經有散散地.回到家後,放回雪櫃內冷一冷先,到吃完熟食後,才慢慢細味.熱情

今日黎葵廣呢邊搵個frd，跟住諗住同佢食個飯。佢話知道隔離嘅新都會廣場有間新野開張喎，話好有興趣去果度試一試，店入面所提供嘅食物選擇都算幾多架喎。之後一走入左去店入裡最先見到嘅就係餐廳用一個仿烤爐作為裝飾，為餐廳增添氣氛。仲有一埋嘅麵包同餅干類。之後向店嘅左邊走，就能看到一堆沙律，之後再走兩步，就會見到大量的甜品～有蛋糕、同埋大量色彩繽紛嘅cup cake，真係令人眼花，令人食指大動。Smoked Salmon Pizza三文魚肉質有點軟，煙燻再加上魚油香味感覺都算唔錯。另外，三文魚之下鋪滿了濃郁的蕃茄醬，還有mozzarella，呢個都算係另一個吸引人嘅地方，鐘意芝士又同鐘意三文魚嘅你又點可以錯過呀。蘋果酥，肉桂加埋蘋果嘅香味，未食都已經聞到，再加上底部一層一層嘅酥皮超級香酥，真係好誘人，你話點忍到呢。香桃酥，香桃酥用料十足，首先香桃量十分足，而底層有一層薄薄的吉士，酥皮又夠晒鬆脆，以佢嘅售價黎講，絕對係物超所值喇。講真呢到真係唔錯，又可以慢慢食慢慢傾，又唔洗怕俾人趕，係新都會嘅一個新落腳點。

某位朋友在葵芳看到還在裝修階段的 Passion by Gerard Dubois,已急不及待說要去試試, 知道已開業了, 還極速地約了時間,要一同前來呢~Passion by Gerard Dubois 屬於自助形式, 有飲品櫃可自行選購,也有花茶及咖啡等, 付費後店員會送上給你, 而裝修設計,有點像走進焗麵包的地方, 很溫暖舒適丫~燒烤豬仔脾 $112看到它的賣相, 開頭也有點擔心難以進食, 其實一點也不會,因為輕易就能起出軟腍豬仔肉, 而且充滿肉汁, 還混有點蔬菜,所以還附有麵包方便點醬汁食用, 真的連汁也不放過呀~紅莓慕絲餅 $41其實一坐下看到那麼多賣相精緻的甜品, 已在流口水中,加上選擇也蠻多, 首選必是莓系的啦, 香滑的慕絲已佔了大部份,酸酸的十分美味, 還有些的金箔片, 而且整個吃下也不會出現膩感啊~茉莉茶黑莓餅 $41顏色較像藍莓, 是甜中帶酸的, 還帶有淡淡茶香唷,碟邊亦有朱古力粉作配襯, 很有心思嘛~紅莓檸檬蛋糕 $76最後還買了蛋糕回家品嚐丫, 面層帶有甜甜的微黏糖漿,而蛋糕亦很鬆化, 但就有點少貴啦~

前陣子新都會裝修後便引入了一些質素較高的餐廳我這位街坊當然是舉腳讚成了，留意到開了甜品店便找了即將成為街坊的好姊妹來嘆下TEA甫進店先會經過開放式廚房、沙律PIZZA區，再向前走立即被一排排擺放精美的甜品吸引著，有女人的浪漫Macaron、各種口味的件裝蛋糕以及杯裝甜品一行四人先找個位置坐下，店面不大因此坐位亦不多，找了張高檯坐坐再想想要點些什麼來嘆TEA當然先叫杯茶濕濕口啦，點的是Lemongrass & Ginger，店內所賣的茶包都是同一牌子，而且是可以叫店員加熱水的，茶包的Lemongrass香味不算濃，可以加強一點自選沙律(細)：點了個細SIZE的沙律，可以自選三款有紅菜頭橙肉、地中海小米和傳統的沙律菜，紅菜頭橙肉的配搭較特別，酸酸甜甜的橙肉加入紅菜頭用來淡化紅菜頭的味道，但又可保留紅菜頭的健康價值，地中海小米帶有一點印度風味，不錯Four Season Pizza：店員推介這個四季Pizza，名叫四季，因為有四種不同口味，包括Smoked Salmon, Salami, Mushroom, Chicken Tikka，而這4種材料分別放在4邊廚師已經將Pizza分好6份，其

今日係葵芳工作,見到新開張的Passion by Gerard Dubois，被它的甜點吸引著，單係橱窗上面的甜品,已經好精緻,賣相奪目耀眼。新鮮出爐面包及法國糕點。馬卡龍, CUP CAKE, 拿破崙, 等等。 更提供沙律及熱點, 無論食下午茶定晚餐飯聚都係一個好選擇同朋友來個午餐，前菜，自選沙律，十多款口味，夠晒多!我點了水牛芝士蕃茄,充滿著鮮甜蕃茄,非常醒胃,雞肉意粉 ，口感煙靱之如,味道濃而不膩!而且店員亦好細 心，非常細心咁比D推介我地，唔洗我地心大心細。

前一天全公司的同事玩遊戲，輸的人要請全公司食早餐，大家都興高采列地羸左，有人請食好豐富的早餐。一大早，我們幾個負責買早餐的小兵出發，就係公司附近的早餐店買早餐我們吃開好野，所以當然買高級的早餐(嘻嘻)剛好係胖蕉公司門市附近有間新的西點店我們前一天就決定"吔"呢間。好，要斯文少少了，一入門就見到個好似好真的壁爐下面有些麵包，感覺好像剛新鮮出爐可以獨立一包包的散買。格黎個櫃到好吸引，有好多麵包，有意式、法式的種類，畫面好似在外國的電影場景。以為係全部都是麵包店，但行入少少就有沙律、蛋糕等等的食物任君選擇。因為成班女人擇好耐，我先點了杯咖啡在等點的是Cappuccino味道偏咖啡濃，所以會是有點苦澀甘香，抱歉我不能喝太純，所以我加了一包糖，可以選擇代糖，也是自取形式的。早上人不多，好笑的還遇上剛趕上班的胖蕉(心)因為這店是玻璃窗設計，外面很容易偷看進來的，入面很有西式古典風味，外面是繁榮商場，有點世外桃園的感覺。拎到番公司，我拿了2樣，被公司大食的同事偷了一個(T^T)，只餘下檸檬露絲瑪莉雞肉包 自己獨食我少食咁豐富的早餐，我以為是簡單的雞肉+菜的包但係一打開個包一D都唔簡單，入面除左雞肉之

見到門面裝修好歐陸風, 已經好想試下。見有晚得閒終於入去食下佢既沙律同甜品。入到去見到好多款沙律可以選擇,心頭已經大喜樣樣都好似好好食,急不及待揀左個大SIZE既沙律餐揀左通粉、紅菜頭同藜麥食落紅菜頭, 係有D爽口, 入面加左D橙肉, 好清新係不錯的開胃菜而通粉沙律入面有少少火腿絲, 通粉比滿滿既沙律醬包圍一開始食就覺幾好食, 但食食下就覺好似多左少少沙律醬好似飲緊沙律醬咁相反另一道藜麥就非常好,藜麥數量一點也不少食落每口都有滿滿既藜麥香, 而調味亦恰到好處同時, 伴碟的沙律菜是火箭菜, 給得一點也不吝嗇火箭菜食落新鮮, 頗不錯雖然每款沙律都不錯, 但六十多元應有更佳的選擇

家住葵青，知道附近的新都會廣場有新店開業，當然急急腳地前來一試，還記得該舖前身是一間著名的牛仔褲專門店，可惜敵不過高昂的租金，還是被食店所取代，證明港人還是比較喜歡吃吧店內所提供的食品也有蠻多選擇的，走進店內最先就是看到有一埋麵包及餅干類，背後還有一個仿烤爐作裝飾，增添氣氛往店的左邊走，就能看到一埋沙律，有小盒裝（250g)及大盒裝(400g)可供選擇，而小盒的可揀選3款沙律，大盒的就可選4款再多走兩部，就是大量的甜品～有蛋糕類、烤焗類及大量色彩繽紛的cup cake，花多眼亂，非常吸引呢除了包類及甜品，店內還有提供另類的熱食「Old Fashion French Casseroles」系列，該系列分別有:燉小羊肉、紅酒燴雞、慢煮牛小排及燒烤豬仔脾Small salad box (250g) $43小盒裝的沙律份量比想像中的少，分別選了青蘋果沙律、貝殼粉沙律及小米。青蘋果沙律最令人感到清新，而貝殼粉味配上清涼的沙律醬，飽肚之餘又不會太膩。而小米則口感特別，質感碎碎的，帶有香料香，不過3款之中最愛的還是青蘋果那款Corned beef brisket melted cheese sand

Passion by Gerard Dubois在葵芳新都會開店？這跟它在我心目中的印象完全不符。價錢定位偏高，而且外藉顧客偏多。沒有試過尖沙咀店，只在灣仔店試過精緻的甜點，印象不錯。除了三文治和沙律，還有casserole和pizza，讓我一直心思思想試。即使在葵芳，也是一貫的高級裝修。強烈的射燈，把Passion by Gerard Dubois的招牌照得金光閃閃。長方形的店，一邊是用餐的高桌，另一邊是長長的display。先是麵包類，包括水果danish、三文治等等，然後是沙律和蛋批。收銀處的另一旁則是各式各樣、精緻無比的糕餅。大沙律可以選4款，八款都很吸引，無從入手。最喜歡couscous，雞心豆添上口感，還有清新的香草。蕃茄配上香草醬，清新多汁。雖然水牛芝士切成小粒，竟有意想不到的濃郁芝士香。雞肉貝殻粉的沙律醬，味道濃度剛好，而且雞肉不嚡不韌，貝殻粉還幾彈牙。略嫌份量太少。同行的友人試過casserole，覺得普通。於是把目標轉到pizza。一共6款，有sour dough和dark sour dough。Three Cheese PizzaMontery Jack, Par

在下經常在葵芳出現，無論是工作抑或覓食，這區都會有在下的踪影。早前在下已留意新都會廣場近葵涌廣場出口處，Passion by Gerard Dubois 正在裝修，當時已期待她的開業，終於等到上月開業了，可是卻沒有第一時間到訪，直到今晚才有時間。Passion by Gerard Dubois 總店位於灣仔，但亦未曾到訪過，卻一直都想到灣仔店，直到落戶在葵芳，才抽時間吃點東西。店內已經一目了然，知道吃的是甚麼，不過還有黑板上寫道各款的咖啡，花茶等飲品，因此在下沒有刻意看過餐牌。從食物櫃中看到了那款食物，就到收銀處點餐，付款後，就會有一個傳呼機，然後安坐座位，直到傳呼機響起，便可到櫃檯拿取食物，不用站在櫃檯前等候。自選了一個細沙律盒（四十三個大洋），共有二百五十克，從八款沙律任點三款，包括有：地中海小米、蔬菜伊甸園及紅菜頭橙。地中海小米是用上了中東印度等一帶的香料製作，因此吃起來是帶有印度式或中東式的香味，感覺上就在吃著印度食物一樣，而蔬菜伊甸園句括了椰菜四季豆等蔬菜，有種帶點酸的味，不過也很醒胃，至於紅菜頭和橙，也頗為鮮甜呢！今晚的主菜是燒烤豬仔脾（一百一十二個大洋），旁邊亦有兩片麵包