水蜜桃冰室 (Closed)

朋友同我慶祝生日，今晚系旺角通菜街見到有間水蜜桃冰室，看一看個餐牌種類好多有：石板燒，焗飯，小食，意粉，沙律，雪葩，飲品等。。。餐湯南瓜忌廉湯好滑溜，蒜蓉包又香口。芝士焗田螺（跟餐加$18）好濃厚芝士味，底下舖上薯蓉好香田螺又爽口。日式蟹肉炸薯餅（跟餐加$18）外脆內嫩，蟹肉又滑又香，沾上沙律醬更加美味可口。香煎虎蝦蟹肉南瓜意大利飯，蝦🦐好爽口彈牙，南瓜和蟹肉已經混埋左落飯度，啖啖南瓜味好香濃，飯又好有咬口不會太淋美國黑毛Prime牛肩胛配生蠔石板燒套餐有些燒蔬菜。燒美國牛肩胛肉好香，牛味又濃厚，肉質又不會太韌。鹹蛋炸魚皮好香鹹蛋味，炸到好鬆脆好香口。南瓜雪葩店員用火槍燒一燒，令周圍溶解下冇咁硬，南瓜雪葩好香又滑。菠蘿🍍雪葩原個菠蘿上，清甜的菠蘿雪葩好正，好似食馬雪糕一樣非常美味可口。

裝修ok食物賣相唔錯可惜味道極差芝士鴛鴦焗豬扒飯：大家x/美x/大快x 比這間好吃很多，番茄汁無蕃茄味，白汁無味。最大問題係...很懷疑廚師識唔識煲飯，水分太多，分唔清飯粒。 豬扒火候ok 容易咀嚼。鐵板烤羊扒： 食開羊肉既我 從來未食過咁騷既羊肉.... 肉質唔會老。 上菜點火嗰一刻幾有賣點。椰子雪葩： 雀巢牌椰子味雪糕 加個椰殼，仲要用生鏽既火機加熱表面，食得一陣鐵鏽 腥味。 30幾蚊..完全唔值芝士焗西蘭花：西蘭花未熟，白汁無味酥皮白湯：無特別，無乜味，飲唔出味精白牛/黑牛： 分別係7喜+雲尼拿雪糕 ，可樂+朱古力雪糕..... 唔明白咩配搭..味道格格不入蒜蓉多士： 呢個餐廳最好食既嘢 ，多少新鮮出爐總結：較快餐劣質，食物品質絕對對唔住價錢，不會再惠顧。

女人街入面食肆甚多，泰國野、日本野、西式野、鐵板燒、韓國野，乜都有。事實上呢間水蜜桃餐室，我地兩三個月前來過一次，但果日平日都滿座，於是就去左其他地方食，今日見有得早走，就來呢度睇下，因為時間尚早，所以都唔算好多人，加上遇著兩枱啱啱埋單，於是就有機會食到。成間餐廳都有約莫四十幾個位，一般冰室格局，一邊係卡位，燈光暗暗地，都算坐得舒適。menu係西餐為主，有鐵板類嘅牛、三文魚、雞扒；仲有沙律、飯、意粉、小食、雪芭，仲有石板燒系列，以晚餐來計，價錢都唔貴。而且佢有唔少追加嘅小食，都幾平。晚市有三款套餐，價錢係78蚊，包主食、餐湯、包、飲品。甘荀忌廉湯幾濃郁，同埋杰身，朋友就唔鐘意，我覺得可以嘅，仲加左酥皮 (12)，酥皮即焗，都幾酥脆。鐵板燒紐西蘭牛柳 118：點左七成熟，諗住如果有鐵板，就啱啱好。可配飯/意粉/薯菜，我地揀左薯菜。鐵板類上枱時都幾浮誇，店員會加少少酒，再點火，幾有趣，又等相機食下囉。好耐冇食過鐵板，鐵板吱吱聲，又確係幾有風味牛柳有三大塊，每塊都幾厚身，好在熟成度都可以，唔會太老或者鞋。切落仲有彈性，雖然無乜肉味可言，勝在性價比都算高，配左黑椒汁，另外都會食到有啲咁多酒味。

同媽咪係旺角行完街街，行到攰就走左入女人街搵野食醫肚，途經此處見到門口餐牌d野食好鬼吸引，就同媽咪入去試試佢先。入到黎服務員安排左我地坐最入既卡位位置，呢到環境舒適，地方寬倘，佈置亦十分特別！！我地黎到既時候只有一枱客係到，坐左陣就陸續有客人入黎食晚飯了！！Menu上有多款食品供選擇，樣樣都好吸引，樣樣都想食😍😍😍最後我地點左兩份晚餐加小食再加雪葩兩個。首先送到既係跟餐特色飲料+$11 左：雪糕紅豆冰 右：咸檸檬七喜跟餐忌廉湯加酥皮x2 $24好耐冇飲過酥皮湯了，上層酥皮焗得好香脆仲有蒜蓉包送埋，個包咬落去都係脆卜卜的！！跟餐+$18芝士焗田螺跟餐+$18日式蟹肉炸薯餅主菜：鐵板燒薄切三文魚配薯菜$102鐵板上面既三文魚全部都好大塊，肉質鮮嫩好味三文魚蓋住下面全都係薯菜。建議唔好淋得太多汁落去，淋得太多會令到三文魚過咸！！另一主菜：熊本一口牛配曰本廣島燒蠔2隻&鹹蛋黃炸魚皮+一碗白米飯🍚$168一口牛肉質鬆軟好食，不用燒太耐，剛熟就好炸魚皮咬落去脆卜卜，仲勁香鹹蛋味👍🏻👍🏻完全食到停唔到口同媽咪兩條友仔🤭🤭🤭非常豐盛既一頓晚餐 正 最後食埋呢到最出名既雪葩服務員非常細❤️地為我們用火機

今日同朋友去行下旺角，唔知食咩好，醒起之前有另一個朋友話水蜜桃冰室鋸扒幾唔錯，於是就黎到呢度。室內環境唔錯，有舊時既冰室懷舊感覺。打開Menu，原來除左鋸扒之外，仲有好多樣唔同既菜式。見到呢板，就比佢吸引左。見到石板燒有7折，咁當然要叫一個啦，然後另外再叫左個意粉，最後落埋兩個甜品 —— 雪葩。首先黎到既係餐湯，我同朋友都係叫是日餐湯 — 忌廉粟米湯，粟米味較濃、而忌廉比例少，如果比較鐘意粟米既應該會係個唔錯既選擇~凍飲都好快上左，因為有兩個餐，所以都會有兩杯凍飲，分別叫左凍奶茶、凍檸茶，都係大大杯呢！跟餐亦有蒜蓉包，脆口既包再加上蒜蓉，真係好香口呢！Set dinner黎講有齊餐湯、餐包、主菜、飲品，真係好抵食！當然好快就到今次既主角，石板燒啦！首先黎到枱面既係醬汁~佢地好用心咁簡單介紹左醬汁係點樣選擇。左邊既燒汁係牛肩胛 / 蠔都可以用黎調味既 ~ 而右邊蒜同蔥就係比蠔調味既 ~ 之後再上既係跟石板燒送既鹹蛋黃魚皮，炸魚皮就食得多，即炸唔洗講都知有幾咁香脆，加埋個鹹蛋黃既味真係無得彈。想講呢個餐真係好抵食，依家MENU寫住做緊7折，唔知做到幾時。除左有齊SET DINNER要有既餐

食過好多間冰室，唯獨旺角水蜜桃冰室呢間係真正價廉第美，食物非常便宜和很美味。冰室裝修非常有木質感，亦有唔同既擺設為裝飾加分。因為行完街好肚餓就叫多2個小菜。雞中翼煎到岩岩好，唔會太焦，配汁亦非常夠味。芝士田螺芝士味很香，可以拉絲拉到好長，田螺既鮮味並無被掩蓋。酥皮紅湯：新鮮出爐非常熱，但好鬆化，配湯一流。雪糕加紅豆冰配餐只係11蚊，份量十足肉眼排肉汁較少，但好有質感。最後就係必食既雪葩，由日本士運到達，今次去到得番番薯同南瓜味，非常搶手。必食推介。

旺角呢間水蜜桃冰室雖然個名叫冰室，但裝潢果d其實都幾似一間歐陸既餐廳，菜式方面有鐵板餐、意粉，亦都有意大利飯、溫泉蛋飯、燒肉等，其實種類都幾多。冰室雜錦鐵板燒 (牛柳、羊扒、雞扒同德國腸) $125晚餐包餐湯同飲品(加$12仲可以配酥皮，邪惡得黎好正！)，而且呢份鐵板餐包既肉類都有牛同羊，比起一般街外既雜扒餐黎講真係貴價d😂，除左一般既黑椒汁同燒汁仲可以揀雜菌汁，一黎到真係放到好滿😂，薯角好粗身，而店員仲會淋上白酒營造火燒既效果😂，無諗過鐵板餐都咁有心思！不過食落覺得d酒既味有少少搶左醬汁既味，淋少d會更好。其實份鐵板餐份量好多，建議兩個人share會更好！#低溫牛柳意式煎飯 $98 幾特別既煎飯，係risotto既味道，忌廉味道都重，仲加左芝士，飯特意壓扁，好似飯焦咁，但口感更加濕潤😝，格雜既低溫牛柳其實食落同一般既無乜分別😅。日本Lisse迷你南瓜雪葩 ； 蜜桃雪葩 (跟餐+$35/原個) 送到上黎以為即刻食得，原來要用火槍燒一燒佢先，話驚太凍食唔到😂😂😂，呢樣真係估佢唔到，不過又真係，燒過後易畢好多😆！南瓜雪葩較creamy，而且奶味比較重；蜜桃雪葩就比較冰感，似飲蜜桃果汁咁

H & M經常都減價，我太太最愛，每次減她都會去選購心愛既服飾..有很多心愛的...戰鬥力下降時就是醫肚時！我地走到女人街一餐廳食西餐，餐廳不是很大但是裝修不錯，有品味，我叫了「溫室雜錦鐵板燒」，這個餐好豐富，有牛柳、羊扒、雞扒和德國腸！$125不貴，因為份量很多，鐵板上，我選了配上薯菜。牛柳雖然沒有肉眼等牛扒肥美，但也很嫩，7成熟加上鐵板上，來到剛剛好。切開時也沒有筋，不難咀嚼。羊扒其實是羊架，很厚身，七成熟機乎切不開，但味道我是欣賞的，因為不是太「So」，亦沒有太大的羊So味，啖啖肉呢！鐵板可以另外選配醬汁，我選了野菌汁，配上德國腸，令本來無乜味道的德國腸增添色彩。老婆選了鐵板三文魚拼虎蝦，同樣是野菌汁，這件三文魚很厚身，煎得剛剛熟，一點也不腥，虎蝦亦好大隻，已經開左邊食用方便，一切就出了。蝦肉都幾滑，一點都不「梅」！小食我們也叫了兩個：芝士西蘭花同芝士焗田螺，原價$25，跟餐叫都是$18，十分抵食！不要以為很hea，田螺有7、8粒，加上芝士般的薯蓉，味道很好，西蘭花也有滿滿的芝士味，$18很抵食！最後是最令人滿意的甜點：柚子雪葩。本來想食最出名的水蜜桃雪葩，但是日沒有貨...侍應

食西餐都唔一定要去高級餐廳，旺角的「水蜜桃冰室」係又平又好食嘅選擇，教你如何300蚊左右食到你滿載而歸。這間冰室只要你點主菜，都會隨餐奉送餐湯、蒜蓉包及飲品，非常抵食。隨餐附送的蒜蓉包非常鬆軟丶香脆丶美味！而且充滿蒜蓉味，配西湯一流！酸酸甜甜的羅宋湯特別開胃，非常足料，有很多蔬菜及小碎肉。【日式蟹肉炸薯餅】(跟餐+$18)外脆內軟，蟹肉也很creamy， 帶少少辣，配沙律醬食就更好，但食落有點兒飽滯。 【西班牙穀飼黑毛豬腩片】($148)石燒套餐隨餐奉送餐湯蒜蓉包飲品，仲有配日本廣島燒蠔兩大隻及一碗白飯，還附送一客自家製嘅鹹蛋黃炸魚皮小食。非常豐富！這個餐一個人食份量可能會比較多，建議跟朋友一起share。店員都有教我地點燒，亦要小心彈油。黑毛豬腩片燒香後肉質嫩滑細緻，散發香濃肉香，食落充滿肉汁，唔會嚡口！啖啖肉！你亦可以因自己口味添加蒜蓉、香蔥或秘製醬油調味。但是這種石燒方法沒有去油位，導致肉很油膩。【紅菜頭意大利飯伴日本帶子】($96) 奉送精選餐湯及飲品日本帶子有四粒。都煎得香香的。紅菜頭意大利飯跟一般的意大利飯一樣creamy，但是味道比較清新，飯粒索盡紅菜頭汁，食落入味，但相

呢間餐廳其實有啲隱蔽，係係通菜街一堆檔攤後面的，因為係旺角行完想食冰室野，所以就揀左呢到！餐廳環境都幾有冰室格調haha呢到揀餐牌上任何晚餐，都會送餐湯同飲品。餐湯加12蚊就有酥皮！湯出黎嘅時候都仲好夠熱，酥皮焗得夠鬆脆，唔會太油膩，配埋紅湯一齊食好開胃！芝士焗西蘭花啲芝士多得好誇張，直頭變左芝士濃湯😂西蘭花唔會乾真真，食左之後有少少飽肚，但勝在唔會太咸，調味岩岩好！芝士焗田螺身為芝士控嘅我一次過嗌左兩個芝士，真係食完兩個前菜都飽😂😂田螺大大粒，咬落爽口！卡邦尼雞柳溫泉蛋墨汁麵麵底夠墨汁味，個汁亦唔會稀到變哂水，加埋蛋汁都唔會怕個麵太濕。上面仲有少少魚子。鐵板燒紐西蘭肉眼扒呢個份量超大！女仔可能要三個先食得哂！配汁都多選擇，除左燒汁黑椒嗰啲之外仲有蘑菇汁揀。店員送上黎時仲黎左個火燒牛扒表演：真係玩火，齋睇都好惹味🤣肉汁都鎖得住，唔會乾真真，唔會燶，肉質鬆軟👍🏻最後甜品揀左柚子同蘋果雪芭，賣相好正，成個生果咁樣，店員又出黎玩火🤣燒一燒個邊等佢熔熔地，似雪糕咁易d 入口。柚子偏酸，適合清一清個口腔，而蘋果就較甜，易啲入口。餐牌如下：

放假又去旺角行下街，成日都行商場好耐冇去過出面的餐廳食下嘢，今日特登行下西洋菜南街嗰邊，行行下就去到通菜街見到依間水蜜桃冰室入去試下。 一入到去，裝修都幾別緻，用瓷磗裝飾有一點點vintage的感覺。 首先飲品方面點了黑牛，即是雪糕配可樂，雪糕令可樂飲落更加smooth，很不錯！ 前菜方面點了蒜香雞中翼同芝士焗田螺，蒜香雞中翼上面加了一點燒汁，還有一點點紫菜，食落個外皮好香脆，還有一點點大阪燒的感覺！而芝士焗田螺都幾有鮮味同大隻！入面有一點點薯蓉，配埋芝士好夾！ 跟餐叫了個酥皮湯，酥皮有好多層，食落好有口感！浸少少落個羅宋湯入面簡直perfect match！ 之後就是主菜韓式石板燒，我叫了西班牙穀飼黑毛豬，而朋友就叫了熊本一口牛。 侍應端上石板燒，上面有少量的配菜，馬上將食材放上去烤！ 黑毛豬經石板烤過後食落好有肉味仲有一點點油脂香味，絕對唔會靭，餐桌旁亦有鹽可以讓客人調味。侍應還推介可以同黑毛豬捲著黃金炸魚皮食，兩個配搭好夾，夠曬crispy！ 而熊本一口牛好厚切同份量好多！本身有點擔心會很靭，點知食落好軟熟冇筋，加上同鐵板烤完有一點點焦香味。 兩個鐵板都跟餐有日本

今日收工之後出左旺角買野，買完之後男朋友都放工黎到旺角，跟住就去左水蜜桃冰室食飯~我唔係好肚餓，所以叫左火炙三文魚蕎麵沙律（$75）夠曬fresh唔會滯！男朋友食嘅係鐵板燒紐西蘭肉眼扒（$112）上枱後再用火燒一燒，更加鎖住肉汁！芝士焗西蘭花、日式煎餃子、蒜香雞中翼（跟餐各$18）跟餐叫嘅小食都唔錯。餐湯upgrade做酥皮湯（另加$12）係紫薯忌廉湯，係我最愛嘅紫色！飲品方面,我飲嘅係黑牛;男朋友飲嘅係紅豆冰。

天氣不似預期，但街係要行既，衫都係要買既，最後，飯都係要食既水蜜桃冰室係朋友仔前排食完，又覺得味道唔錯，就帶我地去食食名雖叫冰室，實則就係西餐，飲品上就呈冰室元素，特別處就係有好多水果既雪芭，真係原個水果上開場白是餐湯同蒜蓉包一紅一白羅宋湯、紫薯忌廉湯再加酥皮，細個勁鍾意酥皮浸落熱湯既質感，同本身既香味，味道同細個食既一樣加18蚊有個小食，個價錢都幾良心，咁就食多個芝士焗田螺田螺都幾大粒，有口感，唔稔身，質素也是不錯有芝士又有薯蓉，其實好邪惡，但面對拉絲同軟綿既口感，都係一啖接一啖咁清哂卡邦尼雞柳溫泉蛋墨汁麵個配搭對我黎講幾新穎，食落又幾和諧醬汁好充分，但又唔會過多，去到最底唔會覺得太膩整體幾好，雞柳無雪味，但調味可以再出啲鐵板燒紐西蘭羊架 配薯菜 黑椒汁呢到既羊架好大塊呀! 仲要3塊都咁大侍應仲會用酒燒佢先，唔單上視覺上有享受，燒過後既羊架帶點點酒味，味道更為特別整體黎講，性價比極高，推薦

朋友介紹之下嚟到呢間水蜜桃冰室。一入到去餐廳裝修別緻，好適合打卡，完全 Instagramable!我同男朋友每人叫一支啤酒，同埋叫咗個牛扒，食物質素高，而且服務員嘅態度都好好，每一個餸菜都同我地解釋得好詳細。原來水蜜桃冰室好出名嘅水蜜桃雪皅，雖然已經食到好飽，但點都要試吓嘅。於是我同男朋友兩個人叫咗一個share嚟食，果然真係冇介紹錯，水蜜桃係用新鮮嘅原隻水蜜桃做嘅，雪皅入面嘅雪糕仲係水蜜桃味，由內至外都好香嘅水蜜桃味！好彩有食，如果唔係就後悔了。

今日去呢間位於女人街嘅冰室，環境格調都好西式，有好型格嘅彩色小瓷磚，入嚟嘅感覺已經好好，坐低之後，侍應熱情招待，亦都好有禮貌，估唔到有咁嘅服務同質素。睇睇餐牌，有鐵板餐，焗飯，石板燒😍，一於試吓食石板燒啦！叫咗一個熊本一口牛嘅石板燒，一份鐵板牛柳，仲有叫酥皮湯，同埋手工啤酒添！鐵板餐一上枱，侍應仲會幫你點火，聲色味俱全！薯菜份量都好多，抵食！牛柳亦都好淋！正！手工啤酒又唔太重麥，好適合我飲😝跟住重頭戲出場啦，石板燒，一路燒住一路食，加埋佢嘅蒜蓉，十分之香，佢嘅秘製醬汁亦都好好味，另外仲有兩隻石蠔，蠔肉肥美，燒完好香口😋水蜜桃冰室直情就係女人街入邊嘅隱世冰它