半島漁港/阿翁火鍋館 (南昌薈)

Open Now

Now Closed

今日同朋友約好去南昌既半島漁港食晚餐。今日去到店員好快就安排好座位，食住花生飲住鐵觀音諗下食咩先。今日點左例湯，燒鵝皇，半島小炒皇，奇味沙拉骨，原隻菠蘿脆皮咕嚕肉，啫啫蝦干唐生菜煲，豉椒炒鵝腸。例湯：今晚例湯係粉葛赤小豆唐排骨，味道清甜可口。燒鵝皇：$1燒鵝皇真係無得輸，性價比好高。可以用1蚊3選1。燒鵝味道夠味，皮脆肉滑。半島小炒皇：炒得香口，料都好多。蒜芯加上蝦干，魚干仔，腰果等配料炒起來既有蔬菜新鮮又有海鮮香味更有腰果脆口口感。奇味沙拉骨：肉質好，味道一流。配起沙拉醬食落又第二個口感味道。原隻菠蘿脆皮咕嚕肉：成個菠蘿裝著咕嚕肉，菠蘿新鮮鮮甜可口，咕嚕肉脆口肉質好，唔會太肥而脆漿又唔會太厚。啫啫蝦干唐生菜煲：熱辣辣窩侍應再在窩中炒一炒以防燶底。蝦干香口有蝦干味道，肉碎與生菜夠野味生菜新鮮。豉椒炒鵝腸：豆豉洋蔥青椒爆香再爆炒鵝腸。鵝腸爽口彈牙，配起豉椒炒野味可口。仲有紅豆沙送添,紅豆夠淋甜度岩岩好

天氣漸轉寒冷，係時候打邊爐🍲。朋友聚會相約南昌薈半島海港/阿翁火鍋館貪其有無限時任飲任食火鍋，仲贈送海鮮拼盤、鮑汁鮑魚花膠、刺身拼盤、重慶辣雞鍋/澳門豬骨鍋/時令羊腩煲。湯底款式眾多，有冬瓜瑤柱鍋、皮蛋芫荽湯、招牌鴛鴦鍋、滋補藥膳鍋、秘製麻辣鍋、蕃茄薯仔鍋、姬松茸什錦鍋，總有一款啱口味。三選一（重慶辣雞鍋/澳門豬骨鍋/時令羊腩煲）：重慶辣雞煲好惹味，雞件嫩滑，仲有數舊雞髀肉，甜辣醬香，麻而不辣，食完雞件再打邊爐！刺身拼盤：厚切肥美三文魚🍣、嫩滑帶子、彈牙螺頭、軟糯甜蝦，整體新鮮。海鮮拼盤：竟然有花蟹，肉質紮實，鮮嫩多汁、大大粒扇貝，仲有彈牙蟶子！海蝦呈上時仲郁緊！脹卜卜墨魚仔、仲有啖啖肉肥美生蠔，全部都好新鮮。鮑汁鮑魚花膠：花膠可以補充骨膠原、鮑魚夠晒入味，就咁咬都可以食到，炆得夠腍。至尊水餃皇：話明係水餃王，內餡充滿粒粒蝦肉，食得出蝦肉新鮮，保持汁水，仲有雲耳絲增強口感，仲有大地魚粉底味，不錯！食咗咁多嘢之後都飽咗一半，但係而家先至進入火鍋直路，打邊爐配料非常多，太多不能盡錄，但係食個美國雪花肥牛都已經回晒本，仲未計佢色澤均勻送贈嘅阿翁極級牛頸脊，口感肥嫩而具彈性，被譽為牛肉的最高境

今日朋友帶我去南昌薈半島漁港食飯話好抵食，行到門口，見到有人等位，知道應該冇去錯地方。入到酒樓，地方好大，裝修豪華好光猛，店員好有禮貌。坐低見到，有幾個餐牌，有套餐、有散叫，仲有一蚊嘅燒味好抵食，有乳豬、燒鵝、文昌雞。我哋四個人可以叫全隻。文昌雞～皮薄肉質嫩滑，連雞胸都好滑，非常有雞味，超正。石斑兩味～油泡龍躉球，啖啖肉，份量又多。蒜蓉陳皮蒸頭腩，蒸得時間啱啱好，仲連埋厚厚嘅魚皮，充滿骨膠原。最後嚟多個～頭抽皇焗海蝦，店員遞上已經聞到陣陣香味，食落有豉油香，海蝦好彈牙，要嚟送啤酒一流。總括嚟講，呢間酒樓，有好多唔同菜式，有海鮮，燒味，仲有埋火鍋，真係想食咩都有，一於支持流港消費！

最近天氣涼涼，心血來潮想食羊腩煲，剛好經過半島漁港，門口展示的餐牌好吸引，有羊腩煲、特價美食一大堆，一於入去開餐。首先上桌是羊腩煲，搭配唐生菜，羊腩煲煮得恰到好處，湯底濃郁，羊腩軟滑入味，配上新鮮的唐生菜，簡直係完美。接著是菠蘿脆皮咕嚕肉，外脆內嫩，菠蘿的甜味同咕嚕肉的酸甜剛剛好，咬落去口感層次豐富，實在令人回味無窮。$1 特價的文昌雞，雞肉鮮嫩多汁，皮脆肉滑，完全唔會有油膩感，真係好抵食。食咗咁多肉，當然叫返碟菜，来平衡一下，蒜蓉炒菠菜，不錯之選。總括來講，半島漁港的羊腩煲和其他美食絕對值得一試，無論是同朋友聚餐或者家庭聚會，都會食得開心！下次再來試試其他特價菜式！

燒鵝醬汁香濃，又唔會蓋過鵝肉香味鵝肉味香煙韌， 瀨粉爽滑彈牙燒鵝瀨，簡直完美配搭週日10:30前早市點心優惠11:00後，燒鵝套餐先有得落單家庭飲茶聚會，食燒鵝得體又好食每次飲茶地點首選10點後人多，預早攞位真係太多客人，搭枱即有位坐唔好預期待應，會招呼周全到位#香港必食

國慶日約左一家大細出黎吃個飯聚一下舊，今日揀左黎南昌既半島漁港吃飯。本身已經book 左檯，點知黎到都仲要得大約20分鐘，而且人山人海等位，可見人氣真係高。佢既一盅兩件唔算超級高質，特別好食既可能係流心奶黃包，岩上菜熱辣辣流心好正！黑金既包望落幾高級。但本人對佢既腸粉真係失望，粉漿厚得黎太重米味，唔好食。。。燒鰻魚都幾唔錯，會附上一細碗燒汁比你。鰻魚黎講肉質好厚實，入口係彈牙既，幾特別，仲有佢層皮好糯，充滿油脂，邪惡，正！最後當然要講下佢最出名既燒鵝，成隻上好療癒！皮係燒到香脆充滿鵝香，表皮下既油脂令你食落更加滿足！淨係食佢既皮加梅子醬都已經好正！特別要講既一家係佢既肉質，好嫩滑之餘都好有肉汁，燒鵝黎講真係無得輸，必點！

成個屋邨祇得一間酒樓，所以每逢週末、假期例多人排隊等飲茶😑鳳爪排骨飯飲茶必食咸水角蒸腸粉煎釀茄子沙律卷流心奶皇包真係要好流心食👍👍黃金糕唔係好多酒樓有售👍潮州粉果豆苗餃蟹籽燒賣臘味糯米飯臘味太肥無油香總括半島點心係有水準，燒味都唔錯👍

起7/9嘅時候，香港同我嫲就走左去南昌試下佢嘅半島酒樓食下午茶。環境算係同灣仔嗰間都係唔錯下，食物同價錢就有啲區別。當時就叫左燒鵝瀨粉，炸两，野菌千層竹，薄撐，同芝麻馬啼糕。當時，我地叫左2個薄撐，2個都唔錯。芋頭粒薄嘅話，餅皮幾鬆脆，而且芋頭口感粉粉地幾香芋頭味下。外加上通常薄橕係用蔥或者雜豆，好少用芋頭粒整落去。另外個就係花生碎味，味道就比較甜口，可以食到除左花生碎外，仲會加椰絲同糖，會似甜品。另外，黑芝麻馬啼糕都係推薦。糕點食落去會有香濃嘅芝麻香味，外加馬啼嘅清脆同糕點本身軟諗嘅口感互相做陪襯，令到風味幾和諧下。瀨粉嘅話可以見到應該係佢招牌，大部分人都叫，外加價錢去合理，23個幾一份，都唔錯。整體來講就下午茶而言其實唔錯，價錢經濟實惠，都多人食

朋友住喺南昌站樓上，放工約埋帶我去品嚐環球美食，阿翁火鍋館 位於南昌薈，地點非常方便，最緊要係無限時任飲任食，可以慢慢嘆海鮮火鍋，同朋友傾吓偈，又唔會趕時間。無限時任飲任食 $298/位7:30pm 已經滿座，門口排隊等咗一陣有位，下次最好訂位就唔使等啦！啤酒汽水任飲天氣熱辣辣，坐低飲返罐凍汽水或者冰凍啤酒，超級爽！重慶辣雞煲新玩法～可以無限添食！CP值很高，重慶麻辣非常惹味，雞件肉質嫩滑，可口多汁，食過翻尋味。環球海鮮盤天天新鮮，款款不同，經理話今日有六款精選食材，每位一份！海鮮沒有劃一的，有驚喜！竟然有生蠔。海鮮拼盤非常豐富，新鮮鮮甜，海蝦、蟶子、元貝、墨魚仔、生猛海蟹。全部海鮮都肥大肉厚，海蝦彈牙，海蟹多蟹膏，蚝肉肥大，環球滋味一次過品嚐，滿滿的海洋鮮甜味。刺身拼盤刺身質素很高級，鮮甜冇腥味。有我喜歡的甜蝦、帶子，赤背和三文魚也不錯。阿翁極級牛頸脊我哋兩個都係牛肉控，食到碟咁高級嘅牛肉真係賺咗！賣相漂亮，雪花分布平均，脂肪比例適中。放落湯底滾幾秒已經食得，牛肉嫩滑，味道濃郁，原汁原味最好吃。至尊水餃皇超級大隻的水餃，大個一個乒乓波，入邊嘅大蝦非常鮮甜好味，每位一隻，少食多滋味。蠔

半島漁港推出咗超抵嘅晚市優惠，一蚊雞就可以換購招牌至尊燒鵝皇/海南文昌雞或者極品BB乳豬，相當抵食！🥰🥰🥰😉😀😀😀🪿至尊燒鵝皇🪿 $1$1嘅至尊燒鵝皇有1/4隻，招牌燒鵝人人都鍾意，燒鵝皮香脆，唔會好厚脂肪，燒鵝肉嫩鮮美，自帶香濃嘅鵝味，果然係招牌之選，大部分客人都係選呢個$1燒鵝優惠呢⭐晚飯優惠套餐⭐ $488🐥川味口水雞🐥：口水汁醬夠香微辣，為鮮嫩嘅雞肉，提鮮提香，好開胃嘅前菜🫕粉葛赤小豆瘦肉老火湯🫕：好足料嘅老火湯，一煲份量兩人飲就剛剛好，呢個湯可以清熱去濕，夏天飲就啱曬🐷海蜇燻蹄拼燒腩仔🐷：海蜇同燻蹄夠曬爽脆Q彈，燒腩仔肉質鮮嫩，肥瘦相間，皮脆肉嫩🦐半島小炒王🦐：腰果同炸過嘅銀魚仔香脆可口，韭菜鮮嫩無渣，配上蝦乾，魷魚，鮮蝦，菜脯等等，炒得好有鑊氣，口感層次亦見豐富🐟湘味酸菜脆肉鯇🐟：脆肉鯇爽脆彈牙，一定係新鮮魚肉，爽嫩酸菜份量畀得好大方，配上芽菜等配料，份量十足嘅一煲，味道大概係小辣程度🍮綠豆沙🍮：甜度剛剛好，香甜幼滑半島漁港/阿翁火鍋館(南昌薈)九龍南昌站西邨路19號南昌薈1樓F102號舖 #半島漁港#晚市優惠#晚市套餐#中菜套餐#南昌#南昌薈#1蚊雞#1蚊燒鵝#1蚊乳豬#

Fafafoodblog為食花太郎 半島漁港 / 阿翁火鍋館 🍴二人餐 488 蚊1.小食沙薑豬手沙薑豬手好彈牙 入味 點d沙薑汁就好正2.燒味蜜汁叉燒燒腩仔🐖叉燒肥瘦適中 燒腩仔好香脆 正3.燒汁野菌牛仔骨🐂牛仔骨好足料軟林 近骨位好彈牙 醬汁好入味 仲有好爽口既野菌 4.金銀蛋浸時蔬好多咸豆皮蛋 白菜仔新鮮爽口 個菜汁吸哂蛋味撈飯都正5.豆腐海皇跟 勁足料 好多豆腐同蝦 濃度適中 正🍴一蚊乳豬 整得一d都唔hea好夠香脆#燒肉 #叉燒 #乳豬 #金銀蛋 #白菜仔 #豬手Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#半島漁港深水埗西邨路19 號南昌薈1 樓f102 鋪~~~~~~~~~

朋友約飯聚，第一次來南昌薈的半島漁港，有點驚訝平日晚上也有不少人來，質素應該不錯。$1 超值優惠，有文昌雞、燒鵝皇、BB豬選擇，份量按人數比例。還有晚飯套餐，怪不得平日也全場滿座。至尊燒鵝皇 $1只是$1 但幸運有個髀位燒鵝皮帶點香脆，肉質嫩滑少肥肉，旁邊是醃蘿蔔酸甜開胃。特大蟶子皇 $88/隻蟶子彈牙，以蒜蓉粉絲蒸，炒絲吸收蟶子、蒜蓉精華，入味又惹味。細富貴斑（約一斤）$218賣相很不錯，侍應姐姐以熟練手法分魚，相當專業。富貴斑較少骨，蒸得時間剛好，魚肉保持嫩滑，啖啖肉相當滿足。送綠豆沙糖水，足料煲到起沙，甜度適中。另外楊枝甘露凍糕，黃色是楊枝甘露味，白色是椰汁，兩者味道好夾又平衡。整體的食物味道及侍應服務也是十分高質，下次想想來試試點心質素。

呢間阿羽海鮮火鍋真係唔錯！佢哋主打無限時任飲任食，食到你扶牆出！嗰個海鮮盤有蝦、有蟹、有青口，真係超新鮮，食到啲海味好足。而且佢哋有得揀2選1鍋底，好似龍蝦雞鍋同澳門豬骨鍋，個湯底超濃，好啱啲鐘意重口味嘅人。除咗海鮮，佢啲肉類都好正，例如有美國雪花肥牛、鮮魚片，仲有好多丸同餃子類嘅配菜，夠你揀到眼花撩亂。總括嚟講，呢度嘅服務都唔錯，當中d 服務員成日幫我哋換碟，食物質素有保證，啱晒鍾意打邊爐同海鮮嘅你嚟試下！

難得對仔得閒陪我食飯，唔諗咁多任食火鍋，呢間最正是無限時而且是任飲任食，卡位又坐得好舒服，呢度有9款湯底可選，另外仲有重慶辣雞鍋/澳門豬骨鍋2選1，亞仔唔食得辣就點粟米同豬骨，份量都幾足，湯底都好夠味。一坐底就送上三文魚、帶子、甜蝦及赤貝刺身， 都幾新鮮。每位仲送上蠔皇鮑魚扣玉掌、炆得好腍又入味，無限時任飲任食都有咁質素，相當唔錯。鮑魚大大隻，柔韌扣得好入味。澳門豬骨鍋好足料，幾大件連肉的豬骨，仲有粟米紅蘿蔔，未打邊爐飲啖湯都覺得清甜。每枱人頭計送上環球海鮮盤，當中有6-8 款時令海鮮括海蝦、蟶子、元貝、巨蠔、大龍蝦及墨魚仔；蟶子王，大大隻爽口又彈牙的鮮蝦。每人一粒水餃皇，足餡料又好食。任食的肥牛都有質素，肉質鮮嫩有牛味。阿翁極級牛頸脊超正，雪花紋好平均，牛頸脊厚度適中，肉質柔軟，入口即溶，牛肉味超濃。任食青口都是大大隻，吸收了豬骨湯精華後更正。蝦滑及墨魚滑都好爽口又足料。竹笙本身無乜味，當吸收了湯底的精華，爽口得來又好味。羊肉肉質都好鮮嫩， 不錯。呢度是任食無限時，唔駛趕頭趕命咁，仲有呢度侍應及經理招呼超好，換碟又加湯，全部自動波。啤酒、汽水及紙包飲品都有齊，任飲。鍾意食乜自己點，都

8月9日大仔仔生日，母多愛兒，靚媽知佢今晚有節目，唔可以同佢食晚飯慶祝，就特登請一日假，並在呢間在佢，公司附近嘅酒楼，聯同揾食肥華及細仔仔，一齊飲中午茶慶祝佢嘅生日，雖然今日喺閒日，肥華和靚媽都要在此酒楼門外，等咗近3O分鍾，才獲安排入座，雖然肥華等到，有啲火到嚟埋但食過今餐此酒楼出品就，怒氣全消，因今餐全是，B+級評語起標質素食物，而碗义燒飯嘅义燒更喺A++食品，再加上，蘿蔔牛雜，雞絲粉卷，煎蠔餅，薯角牛柳粒，豉汁排骨及蟹籽燒賣，都有A+水評令到肥華一家四口，都食得開心滿意，今餐靚媽出錢，慶祝大仔仔嘅，生日午宴喺有完美嘅👍👍👍👍👍👍⭐️⭐️⭐️⭐️⭐️