Pepper Lunch Express (新港中心)

Open Now

Now Closed

星期日同左女友去左呢間店食晚飯,d小二好求其咁張我要既霜降牛肉放上一塊未完全熱曬既鐵板度law,當我攞到埋位時,塊板已經變暖,咁樣都鐵板嗎,都唔夠熱,真係唔會有下次law.

要左雞扒蛋飯 and 漢堡雞扒飯, 叫既時候, 問可唔可以雞扒蛋飯唔要黑椒, 收銀員話ok, 俾完錢, 我再提多次, 因為另一半會對黑椒敏感。到最後, 我仍然收到兩份鋪滿黑椒既飯。咁都算啦, 費事要佢又整過。點知雞扒蛋飯既雞係凍架... 我拎番去同佢講, 個女仔好冇禮貌咁話煮熟先倒汁, 個問題係我都未倒汁, 又等到個鐵板冇哂聲, 我先夾黎食。個女仔好唔耐煩, 反左幾個白眼, 唔願意咁拎左個鐵板去加熱就俾番我。雖然話係快餐, 但咁既服務態度, 真係令人反胃。最慘d野又唔係真係好好食... 都五十幾六十幾蚊個餐... 個女侍應可唔可以俾番少少禮貌呢!! 呢間pepper lunch 既 quality 都好參差, 我食過兩次, 一次就味道超差 (黑椒多到其他野係冇哂味), 今次就service唔好 (食物又冇乜特別), 睇怕唔會有第三次。

我在台灣旅遊時試過台北這店..熱鍋好味道..口感永難忘..價錢平宜.故唔到香港也有分店..便急急腳去了..結果:的確好香..牛肉半熟不老..加上特別醬油..好醒胃.配上白飯無敵.但整體分量偏少.唔多夠候 !!

今日6點幾去到,唔係好多人,所以等左10分鐘就有得食要左黑椒牛肉飯,粟米夠甜,牛肉份量岩岩好,.自己又可以撈下撈下d飯再加蒜容汁簡直好好味冬天食仲可以暖胃tim最好唔好7點幾去, 7點幾個陣好多人..

因為有點事要在尖沙咀辦，完事後就到了新港中心的Pepper Lunch吃late lunch。來自日本的Pepper Lunch，特色是奉餐時肉是未熟的，需要自行利用灼熱的鐵板把肉弄熟，顧客可以自行控制肉的生熟情度(當然這需要一點技術)。由於過了中午時間，所以不算難搵位。今次選了最抵食的黑椒牛肉飯；因為不太多人，買了票後等了一會就有得攞。一般我在埋位後就會立刻翻轉把牛肉弄熟，今次因為拍照所以牛肉已開始有點痴底。急速的把飯和牛肉炒好後，再加上醬汁炒多下就完成。新鮮炒好的生炒牛肉飯加上醬汁味道是不錯的，除了有點油淋淋外也沒什麼可以批評。不過不下多點油的話大慨會好痴底，所以這也是沒有辦法的事吧。最後想說的是在尖沙咀這種遊客區，Pepper Lunch沒有清晰的指示給遊客去購票和取餐。排隊取餐時身後有位韓國小姐在未有購票就排隊；另見有位老外在呆等令本人忍不住手去幫他，希望Pepper Lunch能在這方面有點改進。

Pepper Lunch I always think Pepper Lunch 改錯名.....因為他的黑椒牛肉飯幾時食都超好味！所以他真正既名應該喺 Pepper Breakfast, Lunch and Dinner!!!無得彈！香噴噴，見到都想食！成個飯食完個碗中系熱既！大家要小心呀辣親手！仲有。。五十蚊就食到一餐，好economical!!唯一缺點：分量太少，就算combo size都系剛剛夠飽。。。

黑椒牛肉飯At the risk of sounding overly critical, I’m afraid I found nothing special about this dish. Yes, it had a nice pepper taste, and it was hot… but the beef was of poor quality and rather fat. As such, the whole thing became pretty oily pretty quickly, and made me a bit hesitant to mix everything together. The corn was a major ingredient for me, but there was too little of it. And the overall size of the whole dish was actually quite small… besides, there was no drink to go with the rice

話說當晚約了女朋友看《魔幻王國3－黎明行者號》電影，因時間不多（晚上7:40開場，她要6:45才到尖沙咀），去了對面新港中心的Food Republic，看了數個美食檔後，她提議食Pepper Lunch，最後我被其賣相吸引「投降」，一口氣了兩個鐵板霜降牛扒。 真的，從賣相，的確很吸引；而食的時候，又很考功夫呢！因為本身牛扒是切成一件件（吃的時候可以一口吃一件），放在燒熱的鐵板上，要自己去弄熟，而且要快手，一手慢，牛肉會老而且會黏著鐵板，就不好吃了。 到牛扒差不多熟的時候，放入白飯和醬汁（有蜜糖燒汁和蒜味燒烤汁），拌勻便可以吃了。 就是這樣弄的牛扒，又好味又軟滑，值得一試！好食的霜降牛扒

好耐無嚟新港的foodcourt. 見到呢個飯之前末見過, 又有芝士, 立即决定試吓.正確名稱: 黑椒芝士雞肉飯.因為次次有黑椒佢哋都落好多, 攪到好棘, 所以今次要走黑椒.碢底一如以往- 好油!!好多飯, 少少雞肉, 啲雞肉好細粒,有啲乾, 唔多新鮮.有一大堆好靚仔嘅芝士鋪滿飯面, 雖然芝士味唔濃, 但係好滿足附送南瓜湯, 無南瓜味, 裹面唔知點解有通粉, 奇怪下次唔order呢個囉!

一個人孤伶伶係尖沙咀呢邊行又返唔到家.......因為冇人係家中所以就係新港中心度食飯,順便打下機叫左個黑椒牛肉飯,當時好多人排隊,所以坐低等叫號碼,時間都幾耐,搵位搵左好耐,個飯攞返來,個窩好熱,燒到牛肉渣渣聲好多水蒸氣蒸上來,牛肉同飯非常之少普通人都唔夠食,點埋個醬油都係唔好味!!除左飯之開,配料有牛肉幾舊,栗米同聰花味道方面偏啖,唔多夠味,而且牛肉好易燒燶而且呢度食野又貴,唔算好抵食,真不明白為何咁多人,來幫襯這間野

平時在APM的food court吃Pepper Lunch, 由於製作需時和很多人食，動輒要等大半個鐘，餓到肚都扁！這次在尖沙咀新港中心吃，可能時間比較早一點，六點幾就去食晚飯，所以只是等了5-10分鐘就有得食了，真好！黑椒雞肉芝士 - 惹味的黑椒配雞肉，淋上些醬汁，已經很好食~ 附送的麵豉湯也不馬虎，有海帶和豆腐絲，不錯~黑椒牛肉飯 + 蛋 + 芝士 - 加$5就可以加只生蛋和芝士，這個最basic的牛肉飯馬上變得豐富！另一款跟餐的湯是南瓜湯，比較麻麻地。

以前到apm 和 langham place 吃的都是$38 的超抵食套餐, 看了幾篇食評對這裡的霜降牛扒的稱讚, 就有一股莫名的衝動要試一下!!!到達時候大概一點, 和以前的不同, 這裡不用排隊太久, 可能附近也有很多吃的選擇... 不過挺好的, 最怕多人的地方... *kee霜降牛扒很快就到手, 附近找個位子坐下, 就開始料理了... 第一次, 有點緊張, 降汁下的太多, 也發現他沒有提供筷子, 所以要很不方便的翻我的霜降牛扒~ 下次一定要留意有沒有筷子提供, 因為那了食物時, 怕熱氣會消失, 所以都不敢再回去那筷子... 有點可惜飯很大碗, 牛肉也挺肥的, 我最愛! 不過吃完之後很飽很飽...$78 的霜降牛扒絕對抵食!!!

夜晚要去睇學校既concert, 放左工要即刻食個快飯, 我同友人二話不說就衝著pepper lunch而來諗完一大輪, 最後都係揀返上次過既黑椒牛肉飯+蛋+芝士. 經過上次麻麻地南瓜湯之後, 今次醒目就揀左麵豉湯. 友人則選擇三文魚飯, 並跟我+蛋+芝士(強烈推介!!!)黑椒牛肉飯+蛋+芝士keep到水準! 黑椒香而不辣, 非常配合肉類既濃味. 牛肉新鮮嫩滑唔會有渣, 十分惹味. 撈蛋撈芝士真係好正! 蛋香同芝士絲令成個飯多左一份味覺既協調 鐵板雖然比較多油, 但係咁樣先唔會痴底, 最緊要既係個鐵板好夠熱, 撈哂d飯之後食落就唔會覺得太油膩麵豉湯海帶好滑, 豆卜好入味. 不過麵豉味其實好少唔夠濃郁, 同埋最慘係唔夠熱, 不過都好過南瓜湯啦a_a三文魚飯+蛋+芝士友人點既我食左幾啖, 我一向都唔鍾意食熟既三文魚, 覺得佢地好rough好乾. 但係咁樣鐵板燒又ok喎, 可能因為撈飯已經碎左, 所以唔覺得好rough, 仲有d鮮味添作為晚餐鐵板燒真係抵到爛! 一定會再黎, 或者去其他分店, 下次真係要試下唔係牛肉既啦

放工即興約友人去尖沙咀食晚餐, 行左好多個round都唔知兩個人可以食咩, 最後就黎左新港foodcourt. 呢度真係大把選擇, 我地兩個最後都被香噴噴既鐵板燒吸引住友人推介下, 我叫左黑椒牛肉飯. 原來做緊promotion, 有埋湯都係$38. 有季節湯同麵豉湯揀, 我揀左季節湯, 姐係南瓜湯. 我仲+$5有埋芝士同蛋, 要試食梗係試全套由於我同友人拎完個飯之後掛住影相未撈飯, 影到發覺冇哂果d鐵板咋咋聲 嚇死我地啦即刻係咁撈係咁撈個飯, 好彩d野食仲撈得熟, 證明個鐵板夠哂熱黑椒牛肉飯由於第一次食, 都係揀個最basic既黎食啦. 出乎我意料之外既係個黑椒一d都唔辣, 但係就好香! 黑椒同牛肉真係幾時都係絕配, 好惹味 鐵板牛好juicy又唔會太熟同埋韌, 就算唔係咩貴格牛都好好食 最驚喜都係另加既芝士同蛋, 蛋汁撈飯, 芝士熱左可以拉出好多條絲, 加埋牛肉飯一齊食超級正 呢$5加得過!!!南瓜湯呢個湯就真係幾恐怖, 其實一d南瓜味都冇-_- 友人形容得好好, 呢個好似係濕左水既麵包蓉湯... 佢入面仲有d通粉, 但係太林, 好核突香辣黑椒牛肉飯係友人試下新野之下叫既, 我都食

昨天要到tst, 係op搵下有咩食時, 見呢間comments都唔錯wor, 於是去食啦, 自從無左薯餅賣之後, 幾年無係呢個food court食野啦, 昨天再黎先知呢度都有好多野食 大約7點, food court唔算太多人, 一半坐位有人坐啦, 一落電梯已見到目標啦, 走埋去睇下食咩時, 已有好香既胡椒味傳出, 都唔洗諗啦, 就叫個招牌黑椒牛肉飯啦 , 38蚊一碟飯同埋湯, 有麵豉湯同南瓜湯揀, 我一向都麻麻地like 麵豉湯, 就揀南瓜湯啦 好快呀, 唔洗半分鐘, 已可以羅啦, 好香呀, 仲有三款汁可以加入飯度, 問佢地, 佢地話加蜜糖啦, 不過撈好飯同牛肉, 最好先試試味先再加汁, 服務唔錯呀, 細心 , 坐埋位就撈下d牛肉, 之後再撈飯, 試味, 都好好味啦, 但都有加蜜糖, 唔太食得出有蜜糖, 但好好食呀 , 夠熱, 唔油, 牛肉又唔un, good呀, 好香胡椒味又唔太辣, 個湯都唔錯呢