兄妹越南粉

Open Now

Now Closed

呢間小店真係完全唔起眼啊，佢係位於長沙灣MCL斜對面個小巷入邊嘅一間小店。呢間越南小店係真係由越南人開。嘢食嘅味道相較地道。今次提我第一次喺下午茶時段黎食。下午茶餐由40至$45不等，送一杯熱飲。加兩蚊就可以轉成凍飲。我今次揀咗香茅豬扒撈檬粉，分量基本上同lunch嘅係差唔多，都仍然係咁足料。揀咗熱鹹檸檬水，淡淡嘅鹹檸檬味，一啲都唔過鹹。而且侍應態度非常好。記得之前食牛肉河粉，都係大大碗好好食，仲食過雞扒飯。lunch嚟講$50有咁好質素，真係而家好少見啦。

食完《兄妹越南粉》、終於體會到喺香港經營越南菜嘅人性化之道。以前食越南粉絕大多數係啲連鎖店、一種越南街頭庶民美食嚟到香港可以賣到好貴。但《兄妹》係首次見到越南菜餐廳中最感動嘅價錢、而佢嘅價錢平、並唔係唔好食。小店經營人氣高、一支公嚟應該搭硬抬。佢呢度啲pho好似冇出面咁多花臣又生熟牛或火車頭之類、Lunch Menu比主餐牌優惠又有想食嘅pho 當然係叫lunch。【越南生牛河】上菜時生牛肉浸熟位程度約五成、出面叫碗生牛河、遞嚟都浸熟到七、八成。個湯第一感覺係清淡、所講嘅清淡唔係淡而無味、係清甜唔會好濃厚嗰隻、飲完唔覺頸渴咁就明白係咩一回事喇啩？個青檸比較出味、好明顯帶出酸味（已經冇用手摙）值得一讚啲「青」料好多、啱哂我最鍾意食粉麵多蔥、有香葉、洋蔥、少量芽菜。唔覺意啪到粒辣椒都幾辣嘅。另外河粉極充裕、啱哂上班族唔怕食唔飽、出面真係好多都份量偏少。就算只講Quantity、呢下都拉高咗CP值。【香茅雞扒湯粉】不過不失、個人喜好越南粉一定牛河好食啲、雖然聽聞越南當地雞河正啲、呢碗勝在真係唔油膩、見過其他店成碗湯係雞油。呢個椰菜絲雞絲沙律真係超值、跟餐只+$8一定要加、汁又好開胃、有驚喜。

荔枝角區內其實好多好野食，好似哩一間正宗越南人開既越南🇻🇳餐廳，雖然地方唔大，但食物質素就值得你前來體驗😚。河內燒豬肉撈檬 $58 + 凍鹹柑桔 $7一上台份量都唔少，好怕豬肉🐷會好乾，但佢一啲都唔會，用左腩位部分，一層肉加一層脂肪咁，好香口又唔鞋。個汁好貼近越南食到既味，咸甜酸都好平均，加埋檬粉真係好好食😋。另外，佢仲有薄荷葉、芫茜、金不換🌿伴碟，可以按自己口味加落去。同埋佢係唔辣，唔食辣既朋友都可以試。至於飲品🍹，我覺得比較淡味，但當清清地解熱。

6.30pm在荔枝角MTR交收二手書, 手痕下search“越南菜” - 好, 就你吧.📚👍🏻在G-map 的帶領, 步行十分鐘後便到達毫不起眼, 但燈火光明, 而且一眼看通的小舖 - 半open kitchen, 只有十多座位的兄妹越南粉.💡妹妹笑容可掬, 溫文地說聲“隨便坐”. 兄長穿著黑T-shirt 喺kitchen坐陣, 微微點頭.💁🏻‍♀️👨🏻飛快地叫咗牛肉加牛腩pho. 任何一間越南餐廳, 他們的練門就是湯頭. 不敢抱太大的期望, 只怕換來是是靠味精調出來的有味水, 所以叫埋咸檸七. 🍋🥤五分鐘後, 妹妹輕輕地放下熱辣辣的pho, 跟著提醒一句, “湯是可以加的”.🥣 吓？居然對自己的湯頭咁有信心？？Yup. 掂. Yes. You. 湯清,但濃味. 口腔不苦不澀. 問妹妹攞咗一小碟魚露. 放了兩三粒切碎嘅紅辣椒, 再加幾滴青檸汁, 牛腩輕輕點了這個醬汁放入口. Hmmm...鬆化.😌眼見客人都逐漸落下自己心頭好-撈檬, 雞串. 耳邊聽著哥哥輕輕地亨著越南流行曲, 忙而不亂地逐一為客人準備晚餐. 妹妹兼顧樓面和清潔. 兄妹之間有一定的默契. 有一個家的感覺.十卜.

Book mark 左幾個月，終於初嘗到！😎嗌左燒豬肉撈檬，生牛肉湯河，越式春卷燒豬肉撈檬真係世一🌟🌟🌟🌟🌟用啲汁浸住既燒豬肉，啲汁又唔會油膩，入面仲加咗啲酸紅白蘿蔔，配埋一齊食，真係一流，麵既份量好多，好抵食！生牛肉湯河🌟🌟🌟🌟正常發揮，麵量驚人，如果芽菜可以再多啲啲會更加開心🙌🏻越式春卷🌟🌟🌟🌟🌟好鬆化，唔油膩，下次去都會再叫！位置於明愛醫院後面，假期去嘅7:00都唔使排隊，反而係8:00成間舖都好多人😂

🏥 探病突然收到電話要回醫院，我們匆匆離開了餐廳。由於食物還未來，店家說讓我們可以晚點回來，也可以重新出餐。感動！真是充滿人情味的服務！🥰👍 說到這家店的湯河，真的是真材實料，每一口都能品嚐到濃郁的香茅味和鮮嫩的豬扒。湯汁清甜，配料豐富，讓人回味無窮。😋💬 總的來說，這碗越南香茅豬扒湯河給我留下了深刻的印象，不僅是因為美味，更是因為店家的貼心服務。下次一定會再來光顧！🌟#越南料理 #湯河 #香茅豬扒 #人情味 #美味食物

嗌左個燒豬肉撈檬，本身睇其他人嘅食評好似都唔錯，但係我嗰碗啲豬肉勁乾勁柴有啲失望 🥲 味道就好正宗，另外嗌左個凍越南滴漏咖啡都算幾濃味，我都會想俾多次機會佢，因為味道係唔錯，希望下次個豬肉會好食🙃

位於長沙灣小街入面，有間由2位越南兄妹打理小店，就同店名一樣。街坊小店裝修簡約整潔，充滿人情味同親切感💕，適合人少前往。店外亦有擺放枱，唔怕熱/有寵物就可以坐外面。店鋪到左關門時間都無趕我哋走。小店賣既係又平又正宗既地道越南菜🇻🇳。無論係法包、撈檬、湯河、米紙卷等等，甚至特飲沙冰都一應俱全，全部都係由佢哋親手製作，份量都十分充足，一定令你好滿足🥰。🐷河內燒豬肉撈檬 ＄62撈檬採用正宗越南檬粉，亦叫越南米粉。配上即燒豬腩肉勻，微微焦香，入口juicy😋。同其他撈檬唔同，上菜個陣已經加埋自家調配的酸甜醬汁，融合係豬腩肉的油香係汁入面，特別惹味，同時解左肉既油膩感。自己按喜好加薄荷同羅勒葉調味，食完都開胃啲啊。整體份量好足夠👍🏽。🐮燒牛肉撈檬＄59燒牛肉燒得啱啱好，唔會過靭，有好多肉汁，每片仲係厚切添啊。再配上青瓜、生菜、醃製紅白蘿蔔、花生碎、薄荷葉，再淋上自家製撈檬汁味道清新惹味。🥭芒果熱情果沙冰 $30即叫即製的鮮果汁，混合新鮮熱情果肉，酸甜味道融合，粒粒口感，十分清新，夏天消暑飲效果一流🤤

熱辣辣最岩食越南嘢🇻🇳👫🏻開咗半年嘅小店🍽️食物方面：🐷河內燒豬肉撈檬💲58見到人地啲麵多到成座🗻我張相係少咗麵🫢豬肉跟汁另上💯豬肉燒得好 個汁好食 仲🉑多香菜🐖香茅豬扒飯💲48豬扒碎上好貼心💖唔駛成塊咬 仲可以多蔥油😍🥑牛油果沙冰🥭芒果熱情果沙冰 💲30唔濃味但消暑一流🥵排隊嘅時候落單俾我哋飲住先 好細心用紙巾包好👍🏼📷打卡方面：用碟裝方便啲影晒所有嘢食 鋪頭有啲越南特色嘅相🎑🔈環境方面：門口有2張枱可以食煙🚬排隊等入就焗住食2手煙😞lunch time都多人食要等位💬其他資訊：兄妹越南粉📍長沙灣集輝街2-8號耀輝大廈地下4號舖

一試新開張越南粉🍜，非常驚喜😍鋪仔細細，本身沒抱太大期望，但越南牛肉粉一上枱雙眼發光了😍牛肉是手切牛，份量絕不吝嗇，啖啖牛香；湯頭有用心熬製，比連鎖越食店清甜得多；但到有一陣🐟湯base味道，唔知係當日special定老闆的secret recipe 😂overall 是越南的味道啊😋😋😋😋😋前菜青木瓜沙律份量亦十分滿足，新鮮但調味較清淡，健康之選。相信呢間越食會成區內新寵，老闆對越食的用心值得大讚👍🏻希望水準日上菜單還有越式法包，下次來會試試😋

放假去搵食，天氣熱想食越南野清清地，上OpenRice 搵到呢個小店當日下午客人唔太多，小靜靜地好舒服。兩個人叫左以下食飯1） 生牛肉湯河-牛肉分開上，放落湯可以自行決定生熟程度2） 香茅豬扒湯河3）越式蝦餅-足料好食，比好多大餐廳做得還要好4）鮮蝦粉卷-份量好大，粉卷內包有粉條及鮮蝦，好fresh 既感覺5）咖啡及青檸檬茶-咖啡好濃，唔甜。青檸檬茶亦好fresh 食物好正宗，我見店員都是越南人。食物好好味。就連店員比的一杯水都係用生果泡浸過的，非常用心，支持小店 🤗

香港地好難食到咁正宗嘅生牛肉粉！個湯底絕對唔係加糖加味精嗰啲，好鬼好食仲要好鬼死平！所以值得一讚係D生牛肉，並唔係坊間用用啲美國肥牛片，而佢哋係用新鮮牛肉，揼到去林晒，正宗北越南棗牛肉pho嘅做法👍老闆同老闆娘對答係用越南話，信得過！杯越南滴漏冰咖啡都可以，不過就滴得快得滯，冇調校好流量，咖啡味冇咁濃。值得一讚係個練奶比例，啱啱好，唔會好甜！就返香港人口味！下午茶套餐$47，轉越南滴漏冰咖啡加$10

話說去開Mini Tattoo紋身但因為要排隊等紋身師所以就趁空檔鼠咗出去食野填一填肚行去長沙灣發現到有一間越南粉於是就膽粗粗入咗去試冇諗過食撈檬係用碟上但係份量，超級滿足我向老闆表示你哋比好多香菜我很是很滿意嘅時候老闆話如果鍾意❤️絕對可以開口問佢再攞多啲香菜我即刻表示瞬間又返咗越南嘅感覺細問之下先知原來呢間小店僅僅開張四個月原來老闆佢哋二人兄妹來自海防市我向佢表示我好鍾意食Pho 佢話你一定要去河內食但我今日嗌嗰個係河內燒豬肉撈檬因為天氣實在太熱 我仲加多左杯越南滴漏咖啡我暗自喃喃細語話天氣好熱，不過滴漏咖啡始終都係熱飲最正宗 結果老闆表示可以幫我加冰底，實在超級好人佢地連自助既斟既水都係用左香菜薄荷檸檬岩岩炎炎夏日 消暑氣最後 我忍唔住加左份海防豬肝醫小法包🥖做外賣 老闆提示我要加辣醬會更好食😋呢個係午市套餐河內燒豬肉撈檬加越南滴漏咖啡再加個太陽蛋 $75海防豬肝醬小法包🥖$38 三條一份………………………………………………………餐牌在此