新越越式料理 (Moved) New Location

食越式至愛的是鳳爪，這個酸辣無骨雞爪冇叫錯，食得辣的我好啱我口味，酸酸地好開胃，而辣就係回味時滲出來，鳳爪好入味，而且有酸辣汁點，勁開胃啦叫套餐的炭燒豬扒湯檬，加埋多樣餸都係$8，楝左加豬手，估不到咁大碗，好抵食，湯底好鮮甜，好有骨香，令檬粉吸左味，好有味。檬粉軟而不太林，口感剛剛好，豬扒炸得香脆，肉感豐富，炭燒外面乾而肉汁保持鮮味，正。另外豬手好入味，口感軟林，好有煙靭感，膠質十足，十分好味而椒鹽軟殻蟹也幾好，蟹份量十足，炸得香身，椒鹽味令蟹味更鮮美，風味十足特式飲品好吸引，眼花潦亂，結果椰汁涼粉紅豆冰及椰汁涼粉緑豆冰是我們的選擇。椰味香濃，入囗幼滑，紅豆及綠豆也林林的，好似豆蓉咁，好飲

以前淨係坐Office，依家要做埋行街嗰份，真係行到邊食到邊，今晚就係九龍城開餐啊！天氣悶熱想食啲湯粉，濕濕個口嘅。門口見到餐牌價錢真係好抵食，有見好多人幫襯一於試吓。咖喱牛腩河 $45 真係好耐冇見過咁平。但係湯底超香濃，小小辣啦！大大件牛腩，炆得都算軟腍河粉幼滑，吸晒咖喱湯底嘅精華，好味！同事就叫左一個炭燒香茅豬扒撈檬 $50，望落去就比較清淡所以旁邊嘅傳統越南醬汁 啱晒佢啦！鼻塞塞叫咗個雙檸蜜作餐飲，滋潤得來幾醒神。食完通粉覺得有啲空虛，追加了柚子蝦沙律 $78。柚子清新多汁，仲有好多隻蝦，個汁又小辣夠刺激。仍然未想返屋企，所以食埋個蒜蓉牛油焗大頭蝦 $168, 繼續同同事吹水直落.果然係好戲在後頭，大頭蝦啲膏加埋牛油，充滿鹹香，肉質彈牙。2人 share 都好滿足。小店裝修都算優雅，平日靜靜地可以坐多一陣。

今日同朋友去九龍塘搵食，泰菜食得多，今日試試越南菜見有午市set lunch，決定試試～門面睇唔覺，入面裝修幾精緻，高樓底令空間感覺更開闊。Set Lunch選擇幾多，有飲品跟，價錢合理小食meun 好吸引，忍唔住點左個芝士蝦丸豬頸肉肉質好結實，燒得較乾身但好爽口，而且份量好多！咖哩湯底同想像中有少少唔同，並唔係濃稠嘅感覺，但咖哩愈食愈香，夾埋檬粉食亦唔覺膩。蕃茄湯味道幾濃，牛腩亦都夠入味。店員推薦，牛骨湯底好濃郁，但唔會肥膩。牛肉滑得黎好香牛肉味，而且份量同樣多，好味受唔住誘惑點嘅芝士蝦丸，食到啖啖蝦肉而唔係加好多粉個種，芝士控表示芝士再多少少會更香口～不過夠新鮮夠香脆補番紅豆冰好濃椰奶味，唔會過甜，紅豆再綿滑少少就更好Set lunch 份量夠，價錢亦公道，而且款款質素都唔錯，本人私心最愛生牛肉湯河，味道好好

下雨天，正好到九龍城晚飯，貪其人少車少。果然，一轉入福老村道，就有車位。今晚不想吃泰菜，老婆就提議食越式菜。小店門面很企理，內裡裝修也有格調，椅子是全透明的，很特別。但晚市套餐價錢卻很親民，湯河連飲品，大概五十個大洋有交易，做生意不易呢！我們各點了一款河粉後，也各點了個小食，支持一下小店。她吃的是很大路的生牛肉湯河，看她是很滿意了。我點了一客蕃茄牛腩湯河，想不到有意外驚喜。蕃茄湯底十分濃厚，有濃濃的蕃茄味，但又不會過酸。牛腩份量很多，也煮得很腍。小食方面，店主的慷慨真的沒話說！豬扒竟然有四大件，我們二人也吃不完。蝦餅也是大大塊的，炸粉不厚但炸得表面很香脆，蝦肉很彈牙。點上醬汁，惹味得很。易上火的炸物，配上套餐的椰汁冰很冰涼。

好友一年一度送禮，再次來到九龍城，與他一起選購。來來回回多次，最終選擇好心儀的禮品，於是找個落腳地方晚飯。友人與我有時候都不計較吃什麼的人，路經此店，很久沒在晚飯吃越式的味道，也有一段日子未再到過此店。餐牌簡潔，純實，感覺不錯。枱上有著多種調味品可惜選擇，看來也不錯。馬拉盞炒椰菜先上，以一個小鍋送上，頗有特色，馬拉盞也很香，配著椰菜的清香清甜，形成強烈對比。黃咖喱雞，上枱時咖喱香濃，卻沒有辣的香味，咖哩汁入口香滑，帶點點香辣味，非常惹味，配在白飯上，更顯可口。雞吸收了咖哩的味道，令雞也香口起來，配菜也帶著咖哩香，整個咖哩非常突出。小小的兩個菜，令我們品嚐越式的味道，回味無窮。

Finally found some decent Vietnamese food in Kowloon City.When you order, they will give you a basket of fresh Basil and lime.Ordered the crab and tomato noodles, beef and tomato rice and lamb curry noodles.+++++crab and tomato noodles:The soup was really strong but sadly I chose the wrong noodles for it.Ideally the bean noodles would be better as the flat rice noodles are too sweet and overpower the broth.+++++++The beef was juicy and tender.++++++The curry lamb was satisfying because it wasn't

天氣回暖了，行到身水身汗，即叫返杯珍多冰，涼一涼，清涼的椰香入口香滑，亦味道香濃，綠色條條好味好滑嘟嘟沙爹串要左豬，肉外面乾身但內裏有肉汁，肉鮮味香林，也很入味另外驚喜的是椒鹽魷魚桶，魷魚桶整得又香脆，入口又林軟，椒鹽味的香口，有口感也好美味，成隻魷魚上都幾大份，因為香囗，好快食曬咖哩海鮮炒飯都係炒得好香，咖哩味道好入味，都食到幾多海鮮，又幾新鮮，不會淡而無味，反而有陣咸香鮮感不錯，個飯味道真的幾夾

新越越式料理，餐廳寬闊，桌面也清潔整齊，空調足夠。惟服務員如果可以禮貌一點會更好。餐廳各式越菜價錢適中，今日同朋友，order 左個咖喱羊腩煲，小食拼盤，牛肉炒河，大蝦西蘭花。個人感覺羊腩口感可以接受，不會太煙韌，但味道有點似牛腩。另外，如果份量可以調整多些，相信會更好，更令人滿意。小食拼盤，串燒口感爽彈入味，感覺幾開胃。另外，牛肉炒河，火候控制得剛剛好，但份量若可以調整多些就更好。大蝦西蘭花，大蝦肉質鮮甜有新鮮，配搭西蘭花十分之好食，下次再去，一定會再食。

咁岩九龍城做完野同屋企人食飯，諗住食啲開胃野...點知就中伏！我地叫左春卷撈蒙，老闆炒飯同菠蘿炒飯...菠蘿炒飯太濕無味，老闆炒飯太油...最大問題係成間鋪的服務！未食曬野就問你要唔要..因為有人book 台就係你張台來來回回你咁收你啲野！服務生無同你講有人book位..但就係咁企係係台附近！食咩野都覺得唔舒服啦！仲要單都唔俾你check 就叫你俾錢！服務態度勁差，其實講聲唔好意思就得！仲要同佢訂左位既人講我地就埋單！？十分離譜！

去到九龍城，打算今晚同某人食泰國嘢，但某人收工收得夜，唯有自己行住先，睇吓有咩好食。行到去差唔多九龍城尾，見到有間裝修得幾骨子的越南嘢食，索性入去食住等啦！叫住個炭燒香茅雞翼頂頂肚先，雞翼塊皮燒到又脆又甘香，咬落肉質又幾滑，不錯。食咗一隻雞翼之後，某人終於出場了，我哋叫咗個炒飯，粒粒飯都炒得幾爽身，中間啲炸蒜令到個飯更加香口。個番茄蟹肉沙律，原來係將啲沙律放入原個番茄，賣相幾有特色，蟹肉十分之多。沙律汁好甜膩，fusion 菜可能未必個個得好欣賞佢個龍眼冰，夠清甜冰凍不在話下，龍眼肉有成三分之一杯咁多，食極都有，又爽甜。

平時少去九龍城，一去發現原來有好多特色餐廳。呢間越南餐廳環境寬闊，光線充足，令餐廳充滿生氣，使人精神。首先前菜，就係特色拼盤，有些冷盤，有串燒配沙嗲醬汁，有春卷皮薄多馅，馅料包滿豐厚。之後主菜，蟹肉湯檬，蟹湯鮮甜充滿蟹嘅香味，而且味道濃郁，蟹肉配上檬粉，口感唔錯，檬粉爽口微彈，加上扎肉浸過湯汁，唔錯之後還有咖哩羊腩煲，咖哩味甜而太辣。因為咖哩味，覆蓋了羊肉的膻味，口感相似牛肉，肉質濃厚。食到口乾，就飲杯龍眼冰。龍眼肉肉質通透，果肉分量充足，龍眼汁味道鮮甜，可以一試。

前日下午去食lunch，懷疑自己是否漏了藍牙耳機在該店。兩天後打去問店員有沒有看到，店員回應沒執到，有也可能掉了進垃圾筒。我深感不解，這是顧客財物，有沒有撿到是另一回事，但不可能會丢掉吧？店員稱是健康問題，不會有旁人拿去用，所以可能丟掉。然後聲稱忙著做生意就收了線。因為不明白為何店員會說「可能丟掉」，也覺得這是十分不當的處理顧客財物的方法，此後多次致電該店尋求解釋，唯店員（應該是同一名）態度惡劣，不肯回應，不肯讓本人與該店經理傾談，指示本人去找該店網站（但我找了 google, 此店並無網站），不肯告知該店負責人或辦公室電話，及後更恐嚇本人，再致電該店就會報警。過程中，店員亦指責本人是否沒事做太得閒太無聊等。我只是想你解釋清楚你的待客之道，作為開門做生意的舖頭，我請你認真看待你的待客之道，是太無聊嗎？！本人會正式發投訴信致該店。然而，此店對待客人的投訴，以及客人的失物的態度，實在證明此店（或個別店員）無資格及能力待人以禮，亦無能力處理。很希望該店員能反省道歉，即使她能做到，我以後也不會再光顧。

同朋友係公司附近lunch，都係聽佢介紹呢間蕃茄湯底好正！去到真係幾多人下，哥可能lunch hour ，都等左一陣先有野食！睇個賣相好似差差地咁，但其實個湯好濃！好似似汁咁！正！ 一個飯都係$51 ，加左野飲，算叫做ok架！

避開lunch的繁忙時間，點了簡單而可以好講究的生牛肉金邊粉。第一啖一定試湯底--牛骨味不夠濃，但尚算可以👌🏻(不過與加拿大的越南粉湯底比就差得遠了）牛肉是用上肥牛，牛味甚濃👍🏻有位疑似女經理，有笑容，有禮貌👍🏻期間都不斷有人來電訂位(午餐及晚餐都有), 相信其他食物也不錯😌會再來的🙌🏼

食物一如以往，質素可以接受，價錢合理。但是不知道是否老闆換了，員工就是換了。晚上10:30到逹，一入門口已經黑面，講明11點收工，唔緊要。一坐低即吹落單，食物一到即要求埋單。最程企喺隔離，一放低筷子即刻收，問都冇問！10:45熄冷氣！10:50走哂，只留低一個等我離開。我一出門口即刻熄燈！最後時間只係10:55。以後唔會再黎！祝新老闆好運，請到啲咁嘅員工！