新越越式料理 (Moved) New Location

天氣酷熱, 完全無意欲煮飯, 我同老公決定去美食天堂-九龍城- 食好東西。九龍城食泰菜好出名, 但我同老公食過好多次, 想食其他菜式, 剛巧經過福佬村道, 有間新越越南料理, 心想好耐都無食越南菜, 係時候回味ㄧ下。入内裝修新頴, 有好特別既吊燈, 舊式吊扇及有兩個充滿花朵既雀籠。員工頗有禮貌, 面帶笑容, 快速安排我倆入座, 並遞上餐牌。、這裡有二人套餐, 不過我吔選擇散叫。我哋選擇咗兩杯凍飲消暑- 椰汁珍多冰($24), 甜度適中, 椰漿香甜, 粉條軟滑, 另外ㄧ杯係青檸梳打($24), 酸酸甜甜, 入口清新。小食-牛油田雞腿配檸檬汁($66), 口感香脆, 田雞肉軟滑, 沾上檸檬汁, 化解咗油膩。菜 - 椒絲腐乳炒通菜($55), 通菜好新鮮, 腐乳唔會過咸, 加上椒絲,好惹味。飯麺 - 蟹肉炒粉絲($79), 好有鑊氣, 真係有好多蟹肉, 粉絲炒得剛剛好, 唔會太濕或太乾。連加ㄧ都只係$265, 又好味又抵食

黎到九城黎 食物餐廳選擇都幾多行過見到呢間門面都幾靚餐牌上食物價錢又合理 餐廳入面都幾多客人 剛好有位 就決定入去試下坐底第一下 感覺冷氣有的凍Set lunch 選擇都幾多最後我揀左 馬拉盞鮮蝦炒飯 而朋友就揀左 炭燒香茅豬扒撈㩚先黎既係撈㩚豬扒熱辣辣 香口 又唔韌 一咬就斷 好味之後上既係炒飯 個碟一放低 已經聞到陣陣飯香味 熱辣辣 飯炒到一粒粒 欣賞

約左朋友在九龍城食飯，原想打消這個約會，因近日總是下著大雨，走一步都濕身及衣服。滂沱大雨下的九龍城比平日靜左小小，但並不減卻我們的約會，朋友有事上大陸工幹，都趕回來應約。可想而知，我們的朋情多麼深厚。相約食越南食物，除左泰菜外，這也是我喜歡的，就是這份味道，當然是與朋友分享啦！地方小小，缺有著一份人情味道，殷切的招呼，暖在心頭！除左散叫，亦設有套餐選擇，我地兩人，也選了二人套餐，份量是足夠的。小食：越式春卷，即叫即炸，非常脆口，皮薄餡鮮，淋上酸甜醬、生菜，入口卜卜脆。咖哩牛腩河粉，湯底香濃，咖哩味濃郁，牛腩炆煮得好稔滑，份量十足，河粉好順滑，湯同河粉溶在一起，美味可口！馬拉盞炒椰苗，夠青脆，鹹香味夠香，越食越開胃。甜品是焦糖燉蛋，清香蛋味，好滑，一點都唔老，蛋面上好香焦糖香味，少甜，好啱我口味。

叫左蘿蔔湯河，點知酸的，我地冇打算換，只係叫佢試下，費事影響其他食客，佢一開始冇理，扮聽唔倒，後來話奈廚師唔何，要我地自己打比老世。。。。。。。。。。。。。。。。。。

一心諗住去九龍城買泰國來的BB榴槤, 不過無貨之餘, Waiting List仲要身頁紙咁多買唔到泰國BB榴槤, 頓時唔想食泰國菜, 好彩九龍城大把野食, 行下行下見到間餐廳裝修幾四正, 原來係越南餐廳, 一於呢間啦生牛肉湯河 - $49 生牛河的湯底原來係從越南名店買來的秘方(最近喺香港開店嗰間), 湯底甜甜地, 重點係飲完無口渴, 生牛肉註明用美國安格斯牛肉咖哩海鮮炒飯 - $73第一次食咖哩炒飯, 最初令我聯想起咖哩海鮮杯麵, 不過就緊係有分別啦! 炒飯炒得乾身, 從而令咖哩味夠香夠刺激, 海鮮有青口、魷魚、蝦咸檸七喜 - $23 / 三色冰 - $8 (跟餐價)咸檸七喜 - $23 / 三色冰 - $8咸檸碎上, 所以好夠味好耐無飲過三色冰 - 紅豆、去衣綠豆、綠色粉條(大菜), 加入椰汁, 最正係勁濃椰汁香味

D人成人話去九龍城食泰菜，九龍城同泰菜好似有關係咁，不過我就唔信九龍城無其他好野食，比我係福佬村道，見到間新越🌜，聽個名就知食越南野啦，望入去，見佢個裝修都好新穎簡潔，樓底又夠高，就去試試佢！本身我想食海南雞飯，點知賣晒，就叫左佢個生牛肉湯河，佢寫明係用美國安格斯牛肉，但價錢唔貴，都只係46蚊，而老公就叫左個越式扎肉炒金邊粉51蚊。由於無食早餐我地仲叫左兩個小食，越式豬頸肉56蚊，仲有芝士蝦丸62蚊。跟餐叫青檸梳打都係加8蚊，抵呀！生牛肉湯河湯底清甜，睇翻先知原來佢個湯係用牛骨，牛肉，牛尾慢火熬出黎，完全無味精味，另外用左美國安格斯牛，所以牛味好濃又一d都唔肥，正呀！越式扎肉炒金邊粉老公話油左d，不過加左d青檸汁，又幾fresh喎越式豬頸肉分量適中，而且個邊燒得好香口，食落甜甜地，好味！芝士蝦丸係我最期待嫁，一碟6粒，外層香脆，蝦丸彈牙，一咬開就有溶梗出黎既芝士，感覺好豐富！坐坐下見到職員轉下午茶menu，原來又平幾蚊，下次我都可以等多陣。

周不時係九龍城食晚飯，泰菜食得多，越菜第一次兩個食，叫得唔多，但是味道頗佳！嘿嘿泰菜成日都會叫的一道菜，越菜店都叫分別就不大的，菜新鮮，炒得岩岩好的話，味道都不會差，馬拉盞通菜真係惹味！嘿嘿串燒，雞串，有ｄ香茅味，個汁就酸酸辣郊，都不錯的，嘿嘿椒鹽軟殼蟹！好鍾意食呢道菜，香口之餘又外脆內軟！嘿嘿蟹肉炒粉絲，呢個很有驚喜，真的很不錯每條粉絲都入味，有蟹鮮味得黎仲有蛋香味，嘿嘿晚市都有越式河既套餐，　下次可以一個人食果陣試下，呢到一道菜既分量都唔小，價錢唔係特別貴，嘿嘿

九龍城確實是一個美食大集中之地。西餐、泰國菜、越南菜, 什麼也有。今次, 我到了這間越南餐廳吃晚飯, 本來很想吃越南的米紙卷, 但這間越南餐廳竟然沒有這道菜式, 所以我們最後點了一碗湯河粉、撈檬粉、 炭燒香茅豬扒、椒絲腐乳炒通菜吃。到越南餐廳, Pho是必叫的食物。我很喜歡這兒的湯河, 味精不重, 吃完不會即刻感到口渴。牛筋牛湯河粉的牛湯味頗濃，牛筋炆得不夠淋，是屬於爽口的那種。炭燒香茅豬扒的份量也頗多的, 我喜歡香茅的味道, 豬扒較為乾身。椒絲腐乳炒通菜是我至愛的炒菜方法，我很喜歡腐乳的味道，這碟菜的腐乳很突出和惹味。

一般到九龍城都是試泰國菜，今天路經一家越南菜看見菜牌那麼經濟，決定試試是龍是鳳啦~晚餐有多款粉麵選擇，價錢由$45~50不等，還包括熱飲一杯，實在非常經濟呢。我點了炭燒香茅雞翼湯河，湯粉一上來有給那個份量嚇到咧~好大碗啊~而且那個湯好香啊~店舖有註明是用牛骨、牛肉、牛尾慢火熬出的，所以很期待~嚐了一口，真的很好口喝耶~! 很香很爽口而且不知道為什麼我還喝到有些蝦乾的味道。非常誘人，按不住一口一口的喝。雞翼也炸的很香，而且不會乾啊~仍是嫩嫩的。至於朋友的炭燒香茅豬扒撈蒙。我猜也不錯吧!因為他就默默的吃，一口也沒有分我耶! 他說那個豬扒也是JUICY的，很好吃!而且那個撈蒙的汁也是自己下的，喜歡下多少就多少，不像一般的店是下好給你，有時間就覺得店員下太多了吧，像湯河一樣，他很欣賞這邊的方式。至於併盤的部分，分別有越式春卷、越式沙律、越式扎肉及沙嗲雞串。非常喜歡那個越式春卷，他們有下五香粉，好香好香的，而且有加木耳在裡面，好脆口好好吃，只有三支不夠吃的啦~下次再來一定會單點這個的~! 越式沙律就是酸辣酸辣的耶菜紅蘿蔔雞柳絲，耶菜超爽口的大加分~~~再來就是扎肉，就一般的扎肉了，這個沒什麼特別

嚟九龍城除左泰國野仲有好多其他選擇既！今次就揀左呢間越南鋪，估唔到細細間但都好有驚喜！一入到去被安排坐，但d冷氣好勁吹到好凍，怕凍既朋友記得帶件外套！之後睇餐牌叫左招牌既生牛河，佢標榜自己用安格斯牛肉，果然真係食得出係靚牛，牛肉味濃又唔鞋唔un。湯底都好清好好味，芽菜數量都多，略嫌河粉數量唔夠喉，再大碗少少就正！生牛河係餐，跟餐加$13要左凍既越式滴漏咖啡，杯底已經有奶，慢慢等咖啡滴哂去杯，侍應就會幫你收左個杯，然後就可以倒去冰杯到。咖啡好濃既咖啡味，就算飲到尾d冰溶左一大半，都仲係好濃，冇被溝淡，鍾意飲咖啡嘅人一定要試吓！除左湯河都叫左個札肉炒金邊粉，炒既都有驚喜喎！好夠鑊氣又唔會太油，仲好足料，有好多札肉，紅蘿蔔絲，椰菜絲同芽菜，啖啖都有餸，好味！另外都叫左一碟兩隻炭燒香茅雞翼，雞翼係全翼切半上，燒得好香脆，但香茅味唔夠濃，得d皮有味，入面既雞肉唔夠入味。仲叫多左碟馬拉盞炒通菜，好大碟都好有獲氣，係好味但只係似普通蒜蓉炒菜，唔夠馬拉盞味，如果多少少馬拉盞就滿分。整體來講，都好值得一試嘅小店！

今次同朋友一行兩人, 去九龍城覓食,行下行下發現咗呢一間門面幾光猛,同好多人喺餐廳門口外面停低睇佢嘅餐牌嘅越式餐廳, 見咁多人停低睇下呢間嘢個餐牌, 咁我同我朋友都唔執輸走埋去睇下, 一睇發覺佢啲嘢幾抵食下, 咁我同埋我朋友就決定入去試下啦!餐廳室內環境一入門口嘅時候就留意到呢間餐廳嘅室內設計簡單但係好舒適, 餐堂裏面用咗四至五盞LED射燈向住高樓底嘅天花板射上去, 配合埋天花吊扇, 好有空間感!晚市套餐餐牌入咗去餐廳之後就好自然坐低然後就睇下佢個餐牌,發覺呢間餐廳嘅嘢食都唔係太貴而且性價比都甚高, 到咗呢個時候我同我朋友都進入咗一個好肚餓嘅狀態啦,就喺呢個時候畀我哋見到除咗普通餐牌之外佢哋仲有晚市套餐, 呢個晚市二人套餐份量都幾多下, 有一個小食,可以揀春捲或者雞翼, 正餐可以揀生熟牛肉河或者香茅豬扒飯, 仲有跟個炒時菜, 而今次用餐嘅時候就有得畀我哋揀通菜,芥蘭或者椰菜. 而呢個餐仲有跟甜品㖭, 甜品有得揀荔枝凍奶或焦糖燉蛋, 同埋熱飲兩杯, 而我哋就揀咗加$8要椰汁涼粉紅豆冰! 春卷即叫即炸夠新鮮，油份唔多炸到金黄色，皮薄多料，有豬肉，蝦，木耳，粉絲點一點魚露之後再用生菜包住黎食

上星期在越南胡志明市吃過生牛肉湯河後，對生牛肉湯河念念不忘，今晚就吃越菜。生牛肉湯河我要走蔥走芽菜，雖然小藍子有金不換提供，我仍要先嚐嚐生牛肉湯河的湯底......薄切鮮牛肉其實都熟咗，啱我！湯底真係好啱味道，嘗到在越南胡志明市吃過生牛肉湯河的味道，河粉全靠靚湯底才美味可口！豬扒湯河，剪開的豬扒挺方便，試一小片，味道和肉質頗好。札肉粉皮，粉皮是暖暖的，混和幾款清新切幼絲蔬菜，清清地就咁吃都爽口，喜歡重口味都可加些桌面上的調味，我榨了鮮青檸汁，已經好夠味道！熱騰騰又脆卜卜的芝士蝦丸，很爽甜的蝦肉包裹少許芝士醬，非常上火又可口.......又是魔鬼和天使的混合體！椒鹽魷魚桶，是我近期吃到最美味的，肉鮮嫩夠彈牙，椒鹽份量又啱啱好，而且不會太鹹！勁掂呀！海底椰冰&椰汁珍多冰是兩客河粉餐飲，每杯加$8，我喜歡海底椰冰，切薄片的海底椰有咀嚼口感和健康感！很滿足的晚餐，因為要調整一下過重的體重，不敢吃太多，期待下次才試埋大頭蝦！

九龍城除了有最愛嘅泰式選擇外，今次比我發現了另一個喜愛選擇越式檬。首先價錢合理，分量亦十足，餐牌有粉有飯，任你選擇，當然套餐就好最抵吃啦，$50已經有唔同嘅選擇。今次就點了炭燒香茅豬扒撈檬$50。本身喜歡食檬粉個汁，凍食，酸辣開胃，加埋爽口嘅檬粉，夠晒味道，而塊香茅豬扒嘅肉質亦好軟熟嫩滑，最緊要係入晒味而套餐嘅飲品可以加錢升級，多加$8變成三色冰，真材實料，杯嘅底部就充滿了綠豆仁，入口又唔會太甜！平時食開泰式口味，又試試越式特色拼盤$108內有豬肉串燒，越式春卷，扎肉，同雞肉絲沙律雖然沒有太香口嘅炸蝦餅同炸魚餅，但個豬肉串燒燒得都好香口，而札肉亦好彈牙爽口，加埋個醒胃沙律，咁又完成了一個開心晚餐！

再次來九龍城食午餐，今次唔食泰國菜，轉食尼間都貼地的越南菜。餐廳不算大，大概有20多個座位，新越的裝修以白色為主，佈置簡約幾舒服帶點現代感，挑高的樓梯顯得空間感不錯，裝潢算不錯餐牌選擇多，而其中一個餐牌介紹，才知道餐廳是越南胡志明市的特許經營店，對餐廳的食物又多一份理解。店內的一個推薦，就是生牛肉粉，因為牛肉粉是越南的一大特式。4個人分別點了：生牛肉粉、咖喱豬扒檬、豬頸肉飯、鮮茄牛腩湯河首先來了友人點的青檸梳打。不錯不錯。友人話整體味道不錯，豬扒有切開，但略嫌咖哩味不夠濃，不過椰奶香也是有的大家的餐都上齊啦，不忘影張合照紅豆冰算中規中矩，有點偏越南的味道，紅豆夠紅够濃。友人忍不住叫了芝士球，出乎意料的好吃，香脆外皮加上芝士夹心最後在枱上有2支醬一種有點似蠔油醬油味，另一種似辣椒醬，無論是邊一種醬，都有特色之處下次路經可以再試晚餐

本身朋友想去九龍城食泰國菜，但大家都想試下其他野，最後就揀左呢間越南菜。經過時候見白色外牆同餐廳內既燈光，以為係西餐最後睇多次個招牌先確定佢係越南餐。係晚餐七八點果啲時間，店內坐滿人，所以都要等下，好彩岩岩有人走所以只係等左幾分鐘。裝潢幾靚但價格都幾平民喎!!一碗粉麵餐四五十蚊連飲品，見大部份人都係咁叫，再加多一兩碟菜或者小食，每人都唔洗一百蚊。無論食越南野定泰國野，都中意一開頭跟過沙律，因為相比起西式既沙律，佢地唔係就咁用菜，用木瓜絲等等加埋酸酸辣辣既汁，開胃也！！呢個木瓜絲份量多，而佢個酸辣度比較低，反而偏甜，所以我呢個唔太食得辣既人幾滿意！花生好碎唔係粗粒～鮮蝦米紙捲 米紙捲係我必點架！喜歡越式春捲皮既黏韌度，呢到一碟切左6小件，幾岩一齊分享！入面有常見既檬粉，蔬菜絲，算新鮮。配料較普通，蝦肉幾爽，反而覺得最特別係個醬，濃味得黎帶甜，係街無食過呢種味道，問返店員先知呢到既醬都係自家製。香茅豬扒配湯河其實我係撈檬既fans，但因為見到呢個餐牌介紹所以好難得咁叫左湯河黎試佢個味道！香茅豬扒烤得香就梗係唔想比湯浸住，所以要求左另上。香茅豬扒表面烤得香，有少量脆邊，相比起有啲重口味啲既赿