越蘆越南牛肉粉

Open Now

Now Closed

今日做野去到上環放工後搵個地方食飯見到有間食越南粉嘅餐廳叫越蘆越南牛肉粉餐廳內好闊落又有空位而且仲有lunch menu就入去試吓啦✨生牛肉牛展牛丸湯粉🍜🐮上菜時見到仲係鮮紅色嘅生牛肉🥩好快就俾啲熱辣辣嘅湯淥熟證明餐廳真係提供生牛肉最鐘意湯粉面頭有好多䓤🧅🥬美觀之餘又好有青草味啱晒鐘意食䓤嘅我湯粉會伴隨一小碟辣椒🌶️唔食辣嘅就咪搞佢因為食落真係幾辣😂生牛肉有三大塊🥩唔係全部都係肥膏食落似係牛板腱牛展有兩大塊🥩而且每塊又大又厚成隻手掌咁大食落好淋👍🏻牛丸咬落先有驚喜🤟🏻唔係普通牛丸係有好重牛味嘅牛筋丸湯底鮮甜，飲落唔會鹹食完碗麵都唔會口渴😋✨馬拉盞炒通菜🥬🔥 （+$38）上菜就聞到好香蝦醬味炒得好香食落通菜好掛汁菜唔苦亦冇渣少少微辣感好惹味🌶️而且仲好大碟✨熱滴漏咖啡☕️（+12）餐廳好有誠意地真係上一杯慢慢滴嘅咖啡成餐飯都聞到淡淡咖啡香仲可以睇住杯咖啡慢慢滴落去💧💧好得意杯底有煉奶飲之前將佢跟咖啡搞混可以一嘗滴漏咖啡嘅苦澀同埋煉奶嘅甜兩種味道混合喺個口度真係好享受餐廳環境整潔企理枱面同埋櫈都好乾淨通風亦好充足💨💨食碗熱辣辣嘅生牛肉湯麵都冇流過一滴汗侍應態度親切有禮🥳上菜都有提醒要小心熱對客人

我今日約同好友去位於上環皇后大道西2-12號聯發商業中心地下B號舖的越蘆越南牛肉粉食越南菜，環境舒適，坐得舒服。我點左個 French Beef Fillet Red Rice 法式牛柳粒紅飯 $118，好友點左個 Shredded Chicken & Vietnamese Sausage Cold Vermicelli 雞絲扎肉撈檬 $78；追加小食係 Steamed Rice-pancake 清沅粉包$26，Rice Paper Roll Stuffed with Shrimp 河內傳統蝦卷 $26；餐飲係 Plum Salted Orange water 話梅咸桔水（跟餐）及 Young Coconut 鮮椰青 $28（跟餐）。法式牛柳粒紅飯賣相不錯，牛柳粒香口入味，伴碟的蛋餅好味，送紅飯一流；雞絲扎肉撈檬份量不少，清清涼涼，好適合炎炎夏天的開胃食物；清沅粉包熱辣辣，好好食；河內蝦卷材料新鮮豐富；話梅咸桔水好飲，鮮椰青是我的至愛。

平時去上環海味街和電車路附近一帶探索新地方是發現咗呢間街坊式越南小店 😉環境勁寬敞，光猛嘅裝修，更顯得乾淨企理呢個嘅食物種類都比平時越小店多架▫️生牛肉牛𦟌牛肉丸湯粉本身湯底都算清甜，我加左少少青檸🍋‍🟩汁，微酸微酸好開胃～ 呢度嘅河粉係越南直送😉 河粉好滑溜但不失口感，整體都好掛湯汁～好似我甘貪心嘅，一碗生牛肉，牛𦟌同牛丸就可以滿足晒喇～ 生牛肉粉嫩粉嫩甘，牛味香濃而嫩滑，牛丸彈牙爽口🫶🏻▫️牛油果沙冰好少地方有牛油果沙冰😆而且價錢都算抵飲😊牛油果味夠突出，沙冰打得夠綿滑

餐廳：越蘆越南牛肉粉地點：上環皇后大道西菜式：越南牛肉粉餐牌：星期日都有茶餐，主菜有湯粉，撈檬，飯類，街頭法包，配飲品4選1。可以追加地道小食，或者加錢要特飲。生牛肉湯粉 $65 另加一生牛肉湯粉大大碗熱辣辣上枱，牛肉幾片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。另上青檸同辣椒比你。牛肉丸湯粉 $62 另加一牛肉丸湯粉同生牛肉湯粉基本上一樣，牛丸有8件係切半方便食用，好彈牙又有牛味。咖哩牛腩煲配米飯或者法包 $75 另加一咖哩牛腩煲果然係用煲仔上枱，一共7件，伴有淋淋薯仔，滿滿咖哩汁加少少辣汁，面頭加上少少芫荽，味道係甜甜地，我唔覺得辣。白飯一碗好大碗。會安烤豬頸肉 $38 另加一呢個會安烤豬頸肉係跟餐小食。豬頸肉一客8片左右，熱辣辣上枱，燒得外脆內嫩，好食呀。配另上既酸辣汁更好味。面頭加上脆脆，伴有酸甜蘿蔔絲同墊有生菜，可解膩。越式酸辣鳳爪 $28 另加一越式酸辣鳳爪一共5大件，配有蕃茄絲，洋蔥絲，西芹，同脆脆，味道酸酸辣辣，好開胃。跟餐飲品選擇都唔少

今日打越南帽子邊爐🥬🥩🧆🥢非常聰明的設計，好像一頂顛倒過來的大帽子，其實有少少韓國菜style feel，只要洗鍋子不必洗盤子，食材一一推下去就可以🤭真心正正正至於食物味道就正常發揮啦，每樣都切到細細粒，勝在口味款式多但係就份量少咗啲啦。

📍越蘆今日遲咗食lunch見到呢間食越南菜嘅餐廳，鋪面好大下午茶餐都好抵，就當作lunch食咗兩個餐，好好食！🍚咖喱牛腩煲飯 $75咖喱味好濃郁，好香而且味道好正，牛腩整得好啱啱好，唔會鞋，配上咖喱一齊食真係好配飯，簡直係「米飯殺手」。🥖傳統越南法包（胡椒犌） $68係我最鍾意食嘅法包，麵包香脆有嚼勁，入邊有好多餡，合埋一齊果然係正宗嘅越南味道，扎肉很緊實，食落去好香，蔬菜增添咗一份清新同爽口。🥬馬拉盞炒通菜 +$38一個set可以加一份小菜，呢個價錢真係抵，而且份量好大。通菜炒得好入味，唔會好油膩。🐷會安烤豬額肉 +$38呢個豬頸肉真係好經典，片片薄厚適中，肥瘦相間，吃起來不會有膩的感覺，非常香口惹味，蘸上甜辣醬絕配。🥥鮮椰青 +$28成個椰青上，椰青水非常鮮甜又健康，飲完椰青水仲可以食埋入編嘅椰子肉，都好香～🍋‍🟩凍青檸紅茶青檸代替檸檬，增添了一絲清香，味道特別。♡♡♡♡♡♡♡♡♡♡♡♡♡♡♡♡♡🍴餐廳：越蘆越南牛肉粉 (上環)📍地址：上環皇后大道西2-12號聯發商業中心地下B號舖💸消費：272♡♡♡♡♡♡♡♡♡♡♡♡♡♡♡♡♡

唔知大家有冇留意中上環都開咗好多越南菜，前幾日收工就食咗呢間越蘆！餐廳位置都幾多，光猛舒適，下次lunch time都過嚟食吓先👍🏻🍴順化牛肉粉 $88作為河粉愛好者，最鍾意食就係呢種粉啦😛牛肉粉湯底酸酸辣辣，好開胃，而且份量非常足夠，配料方面有扎肉，牛展，牛丸同埋豬手，唔使淨係生牛肉咁齋啦！加上青檸汁同辣椒增加酸味更加好食！🥥鮮椰青 $42椰青冰凍解暑，食酸辣嘢飲真係特別舒服，而且仲可以食果肉添！

位於上環既高質越南菜餐廳店內裝修明亮 座位寬敞環境乾淨舒服💯店員服務態度好好餐牌上選擇都多 每款都好吸引🌟生牛肉牛肉丸湯河湯底濃郁鮮甜清澈帶清甜牛骨同九層塔既香氣半熟既生牛肉好嫩滑 而牛丸亦好爽彈🌟會安蕃茄蟹檬濃郁嘅蕃茄味湯底🍅加上鮮味既蟹肉 令湯底層次更昇華而檬粉吸收晒湯底嘅精華 夠晒入味加上爽彈既蝦丸 帶胡椒粒兼肉質紮實既扎肉同豬肉口感層次好豐富食落好開胃💯🌟會安烤豬頸肉豬頸肉好爽脆 仲燒到好香口醃得夠入味👍🏻

喺上環想食越南菜，可以去越蘆。呢度燈光火猛，坐得又濶落，坐得好舒適。今次嚟食下午餐，呢度都有幾多款式嘅茶餐，除了有典型嘅越南湯、粉、麵和飯外，仲有越南法包套餐。想食得豐足d，仲可以以特優價追加小食。今次嗌左兩個 Set :✨️招牌手切牛柳湯粉 (限量) $78呢個湯粉係限量，想食就要快d下單，賣哂就冇。我另追加生牛肉 $30。兩款牛都重牛味，湯粉細滑，好味。✨️咖哩牛腩煲 $75可選 配 米飯或法包，我選法包。法包上面已塗滿香濃嘅蒜蓉醬，點埋牛腩煲內嘅香口咖哩食，好味到飛起。另追加了兩款小食 ：✨️西貢牙車快 $28呢度嘅即雞絲沙律，沙律有青瓜絲、菠蘿粒和桃件，味道清新。✨️馬拉戔炒通菜 $38見到菜中夾有好多紅椒吾使驚，食落吾辣。用蒜蓉炒到好香好惹味，十分滋味。飲品：牛油果沙冰 $22香芧鮮橙茶消暑解喝

媽咪打牌，近近地喺屋企附近呢一間越南嘢度食個晚餐，成日路過都見到好多街坊幫襯，搞到我都有啲期待。餐廳成個場地正正方方咁，幾大幾新淨。睇完餐牌之後，叫咗一個撈檬，一碗湯粉同埋一個法包，兩個人一齊share。整體食物嘅size都幾大，性價比不錯。傳統越南法包$78包面非常酥脆，裡面餡料有肝醬、扎肉、扎蹄、胡椒豬肉、酸菜和青瓜等等。全部配料味道都唔會過濃，夾埋一齊好好食，但係又唔可以搶咗對方嘅味道。肝醬濃郁，扎蹄帶少許豬皮，好彈牙，整個味道酸甜開胃。保寧雞絲扎肉湯粉$82佢哋有唔同嘅雞湯牛湯湯粉，同埋蕃茄蟹肉湯湯粉，我哋牛肉過敏，就揀咗呢一份雞湯。湯頭清甜清甜的，河粉亦滑溜，裏面加入咗只紫洋蔥、芽菜和九層塔等，令湯底更顯清新，鍾意食辣嘅可以將佢地附送嘅小辣椒加埋入去個湯，辣椒味出得好快，辣得好爽。香茅豬扒撈檬 $82豬扒質地緊實，而且都幾大塊，香口中帶點鹹香，加上爽滑檬粉，同埋自家製酸甜魚路醬汁，冰凍開胃，幾啱呢個天氣食。

上環融匯現代與古式建築風格～餐廳位於其中特有異國風情～甫踏入已見座位闊落～裝潢清新明亮☺️樓底高且裝有多把吊扇～一啲都唔局促～啱哂悠閑地歎番個晚～餐🥢.✨手切牛柳湯河 $88限量供應款🤗🤗手切嘅牛柳食落肉質更有口感～仲帶有淡淡胡椒香氣～湯底濃淡得宜～比平時普通嘅生牛河多一份特色👏🏻.✨生牛肉湯河 $75浸於湯底之中嘅半生熟生牛肉～呈粉嫩顔色非常誘人🫰🏻🫰🏻牛肉鮮味又肉質軟嫩～越南直送嘅河粉入口滑溜😋係一碗有質素嘅正宗越式湯河！！.✨馬拉盞炒通菜 $78份量多👍🏻鑊氣夠👍🏻加入咗馬拉盞、辣椒、蒜蓉等炒成！青翠嘅通菜好嫩口！越食越惹味😝😝讚！.✨牛油果沙冰 $38🥑🥑果味香濃～口感奶滑！冰爽又香甜😘.✨加一服務費

去開上環個邊做野，隨意搵左間越南野食個便飯星期日唔算多人，兩個人都坐到卡位，叫左三樣食物，算得上幾精緻清遠粉包$72粉包外層粉醬順滑Q彈，內餡有香料豬肉碎加雲耳香菜等配料，好清爽傳統越南法包$78越南法包一向系大食妹最愛材料非常豐富，肝醬、扎肉、扎蹄、胡椒豬肉、酸菜、青瓜的配搭味道有層次會安蕃茄蟹檬$88蕃茄湯底濃郁可口，飲到用勁量蕃茄製成的湯底蟹肉、豬肉、蝦肉、扎肉材料唔少，蝦肉丸幾好食話梅鹹桔水$28叫左個滋潤之選，咸咸地幾暖胃

今次黎到上環食越南粉，裝修好有越南情調， 還有大水吧，餐枱寬闊，都好適合傾計生牛肉牛展牛肉丸湯河上枱嘅時候啲湯夠滾，可以把生牛肉淥熟，生牛肉好軟熟，牛展有牛肉有D軟根， 軟熟得黎有口感，牛丸打得好QQ彈，重牛味，啲湯都好清，唔會肥膩順化湯檬順化檬嘅餸有牛展，扎蒂，牛丸和扎肉，扎蒂好特別會有黑椒喺裏面增添口味，扎肉有少少似午餐肉，好軟淋淋，湯底小辣越南素春捲撈檬素春捲有配素醬汁，適合食齋嘅人士，春捲裏面有好多唔同嘅餡料，春卷新鮮炸，好香脆， 最抵仲有生菜，成碗檬粉份量都好多

<越蘆越南牛肉粉> 📍上環🔸越南粉就成日食，越南火鍋又幾過癮🔸咖喱牛腩炆得幾腍 😋越南帽子火鍋 ($228) — 最近減肥決定食少啲醣，食越南野唔想叫一碗粉 🍲 但又想過下癮，所以就轟頂直上越南火鍋 😂😂😂 用牛肉湯底打邊爐又幾過癮喎～ 火鍋配料嘅牛肉、牛丸、扎肉、牛腱足料對得住個價錢，感覺係二人份量，仲會附上生菜同小束嘅越南河粉。咖哩牛腩煲配法包 ($148) — 本身預計一個法包嘅份量，上枱得四片蒜蓉包有啲少 😌 不過減醣的我就覺得唔打緊。牛腩炆得好腍，咖喱熱辣辣食法包都好送口。唔貴又抵食，唔怪得知平日咁多街坊幫襯啦～

呢晚去開上環買野，天氣咁熱好想坐低食啲野、飲杯梳打。即時諗起呢間越蘆，因為都成日嚟，貪佢地方比大，坐得舒服啲，野食又唔錯，價錢仲要唔貴～ 職員又幾好禮貌，每每有客人進店都會主動歡迎，有時又會聽到佢地講byebye。 《 清遠粉包 $72 》 佢每個粉包都幾大個，皮薄餡料飽滿，有豬肉碎、炸蒜片、木耳絲、甘筍絲等等，再加啲越南酸汁仲正～《 生牛肉牛肉丸湯粉 $82 》好大碗，湯底清甜，飲咗都唔渴。 生牛肉有肉味，牛肉丸好彈牙仲好有肉汁！《 薄荷青檸梳打 $28 》 夠晒湖暑，爽呀～