稻香超級漁港 (南豐廣場) (Closed)

老友相約剛好六人，稻香圍菜唔使煩。金龍豬躉全包宴鴻運乳豬半隻皮脆肉滑唔見骨波士頓龍蝦伊麵底 成隻龍蝦開邊上， 上湯伊麵底成碟厚。醬皇碧綠炒雙蚌甜荳伴底食蔬菜，唔咸口感味清甜。蝦幹雙耳浸菜苗黑白木耳爽夾脆 ，菜心清甜又可口。欖豉蒸龍躉 熱辣辣碟大魚更大，生猛幾乎游出碟邊去。火辣辣成條龍躉，無冷場。臘味糯米飯唔係半碟上，而是係食到一半先醒起，照相留影，唔講已知好味道，色香味都合多年食糯米飯水準。半隻燒雞改為 沙薑雞未及影相已經得番幾件，唯有一於嚟個雞過不留痕喇。所以畀唔到相你睇啦!半打壽桃包 一人一個，食淨兩個，一有對朋友冇得攞走Sorry.

一個悠閒的日子約埋一班好朋友飲過靚茶，唔想行太遠就去左呢間稻香。地方幾大，lunch時間都唔洗等位，好緊要囉！不過人手就唔多夠囉，搵幾次先有人幫你，又甩單落單紙又唔齊😓要讚嘅佢個海鮮蒸飯唔錯，上面淨係條魚買相都好得啦，味道同埋新鮮度都唔錯，好值得試，旁邊仲有鮑魚添不過手指頭甘大粒！OK啦$58蚊你想expect D 咩呢！個個商場去廁所就麻煩喇，好舊好up dap😬成日都話清潔行鬼死甘遠先有，好唔方便

原本沒打算寫食評，畢竟一家人週末在附近飲啖茶食個包，實在沒什麼好寫。沒想到這次飲茶飲到一肚氣，按耐不住來給個劣評。到底什麼是直升機點心？這裡先賣個關子。首先，漏單情況嚴重。平常飲茶漏單一兩樣是完全可以接受的程度。而這次點了十樣點心，結果最後只來了五樣，實在讓人氣結。由於追單以後時間不早了，最後一家人憤而結帳離開，轉到隔壁商場的某連鎖包點，外賣幾份點心回家罷了。此外，食物水準下降。之前週末偶爾也會在稻香飲茶，從未試過如此低劣的水準⋯⋯炸茄子底下全是油，入口還是油。沒看錯，以上的照片是上桌時的模樣。六國大封相？還是八號風球剛過？除了厚皮，右上角那一個粉粿更加爆口了，看起來像是翻蒸而致。一開始以為來錯了黃金豆腐，原來這碟是我們點的XO醬蘿蔔糕，很有趣的是，第一次見這道菜是油炸而不是煎炒而製。最後的兩籠牛肉球水準正常，終於稍微有正常的點心可以食。所以到底什麼是直升機點心？問一問大家，直升機是什麼聲音？就是，伏伏伏伏伏伏......身為大型連鎖店，水準竟然變得如此劣質，相信未來一年也不會再光顧稻香了。

朋友又發現到有抵自助火鍋，原來係稻香。稻香比我感覺係服務一般，因為職員真係少，但係個平字真係好吸引。星期日到四20：30後，任食火鍋每位只需$150左右，有少量海鮮，飲品選擇多，甜品仲有冷熱揀添，質素亦可以嘅，真係好抵呀，另外可以每位加$38任食升级安格斯肥牛，不過我哋覺得本身都幾多嘢食，鐘意食牛嘅朋友可以試吓。除咗火鍋仲有少量餐前小食可以揀。外面自助區有調味料，爆谷，飲品，甜品。除咗基本汽水外仲有樂天飲品，細支裝嘅清熱嘅竹蔗茅根，咸柑桔，豆漿等，另外啤酒都係任飲嘅。甜品冷熱都有，雪糕，芝麻糊，杏仁茶，紅豆沙。海鮮類有廣島蠔，沙白蜆，蝦同我最愛嘅白鱔片。廣島蠔都縮得幾細，蝦無咩鮮味，蜆同鱔片都幾新鮮，鱔片較薄。肉類切得好薄，左邊嗰碟半透明，肉質唔唔算韌，都可以嘅。雞子出過一次就無喇。火鍋我好鐘意點滑雞片，醃過唔會有雪味，又滑又啖啖肉。丸類，餃類，鵝腸仲有火膠仔。魚皮好脆，魚麵就唧唔到出嚟，個袋爆咗。

亞女今日休息？因為生日快樂囉！工作很忙碌，都唔知幾耐無一齊飲茶了！難得今日正日有假放，做媽咪嘅緊係想同佢食個早餐啦！而且飲茶係亞女最中意了，難得後生女都中意㗎！由於常常來呢間飲茶，裏面D侍應生都好熟了，又睇住亞女大，佢地每次見亞女都好開心呢！坐落睇下食咩先，餐排點心又有新意思啊！點心自由孖寶做"推廣"好底啊！價錢大中小都有喎，硬係叫D貴架啦！不過都要亞女中意食嘅！亞女生日叫個原籠馬拉糕慶祝下先，香麻煎堆仔就必叫，香口熱辣辣，亞女最愛❤好味道呢！睇下相你們中意食嗎？

好難得甘有恆心起身飲早茶～笑😊9點左右去到稻香都已經有好多人飲緊茶，不過又吾洗等位，可以直接又去，又吾洗摸枱，因為小枱好多。。星期日要9點前先有早市優惠，9點後已經係正價啦。我地叫左4樣點心野菌包：有4個細細個，但食落好好食，好香，餡料算多，每次都必點。。鮑魚燒賣：好精緻！每糕燒賣上面有好細粒鮑魚，燒賣蒸到脹卜卜，好味馬拉糕：之前吾係甘咖，呢個交貨既，吾好食，得個甜字！又吾香，差！叉燒腸：夠滑既，好食，無一陣米漿味假日泥嘆個早茶，吾錯既選擇

呢個星期六約左中同睇無限之戰早場。咁早起身當然要食番個豐富下午茶補一補。兩點開始下午茶，我地1點10擺飛，好采都係等7張枱就有位(10min度)。優惠下午茶點心紙有十幾款選擇，十拎蚊到廿幾蚊。好似呢兩碟都係十幾蚊碟，幾抵。後面果碟係類似有芝士饀既豆腐丸拎去炸，味道ok，幾新穎。前面果碟係薄罉，煎到少少濃，脆脆地，吾太油，但吾夠熱。呢碟腸粉雖然收廿幾蚊，但真係有鮑魚，每條都有3細粒。腸粉皮算滑但無米香，同埋只係暖既，吾夠熱，應該係多人叫所以整定既。大家食到飽飽，平均每人都係五十幾蚊。如要求吾高，真係幾抵食。

西餐下午茶太多人了，於是飲茶算吧！寶貝鮑魚腸粉嘩嘩嘩!!!鮑魚竟然大過冬菇以為得幾隻鮑魚😋原來每條腸粉都有成3隻架👏👏👏真係好底食😋😋😋蠔皇魚肚扎魚肚不夠淋但大大件好底食算係咁啦…魚茸炸茄子(3件)炸得好香趣，同老公唧刻食番舊🍤🍤唔記得影相添😂正明好食啦👏迷理xo醬炒飯其實都不算迷理架炒飯好乾身有小許菜譜好爽口xo醬就比較小😂魚皮餃西生菜又係唔記得影相😂食晒魚皮餃先影 😅最欣賞呢壺茶係隔渣的👍斟茶時係無茶葉到出嚟☕☕

契姐約我出嚟請我食餐飯，佢問我想食乜，咁我就話食中菜啦，就係咁樣。我哋兩個人就叫咗兩碟餸同埋兩碗白飯，就係咁樣同簡單。我呢個契姐好鍾意食菜，又鍾意食香口嘢，所以就叫咗馬拉盞炒通菜，通菜煮得好好味好入味，好夠味道，好惹味，其實我自己就比較鍾意食腐乳通菜多啲，因為我根本唔知道馬拉盞係乜嘢，亦冇興趣去知，理得佢啦，總之好味就得啦。菠蘿咕嚕肉，我鍾意食咕嚕肉，因為甜甜酸酸香香脆脆，又好送飯又開胃好好味，呢一度個咕嚕肉好似係肥肉多過瘦肉咁樣，食起上嚟好酸，我契姐係唔係好鍾意食不過就好啱我食。

夜嗎嗎搵嘢食，行經過好多間餐廳，又驚好快last order阻住人收工，所以最後都係嚟咗稻香，貪佢茶樓收11：30見好多人係度打任食邊爐，但最近真係食太多，唔想再食太heavy所以兩個人叫咗個海味雜菜煲雜菜煲好大兜，啱哂用嚟清清腸胃有西蘭花，菜心，白菜仔，津白，小棠菜...上面鋪咗粉絲，幾類菇：本菇，秀珍菇...最後有啲花膠仔原本個煲仲有鮮魷魚嘅，不過話火鍋放題個邊點咗好到賣哂所以冇兩碗白飯餸的菜，最後都食唔哂計埋茶芥，兩個人仲平過食茶記，抵諗

朋友想食阿拉斯加長腳蟹，最近屋企、最平好似呢間。網上食評對呢個集團評價一般般，不過我打算食蒸蟹，估計唔會太大機會出事。年初五晚上六點左右，冇乜客，唔駛等位。兩個人，order 咗阿拉斯加長腳蟹（清蒸），蒜香豆苗同燒鵝例牌。我覺得太多。職員撈蟹埋枱confirm, 話4斤2，朋友仲話唔算大，可以自己食晒。長腳蟹味道唔錯，新鮮，啖啖肉，正！仲要全隻上，方便相機食。邊食邊自己剪，先食完晒啲腳，打開蓋，裏面仲係熱嘅。價錢比我之前在其他店食平。蒜香豆苗都唔錯。冇渣，但嫩啲更好。燒鵝例牌比想像中大/多。味道都唔錯。兩個人食，好飽！蟹蓋內類似膏嘅只係食咗幾啖。

嚟呢度食節日飯，因為有小朋友，所以首先叫咗個炸物拼盤入面有炸蝦卷，煎堆仔，炸蝦片，炸雲吞，仲有舊好好食嘅芋泥餅芋泥餅圓形嘅，綠色嘅外皮，差啲令我誤以為係綠茶味，好彩只係淡淡嘅班蘭味圓周邊邊位痴滿芝麻，好香，入面嘅芋泥都好甜，大推介仲有個帶子炒西蘭花，帶子炒得啱啱好，熟透又冇縮水，漲卜卜好好食西蘭花都炒得好香唔會油膩最後叫咗條蒸龍躉，好大條新鮮，魚肉都好滑今次食嘅都係新鮮時令菜，好食嘅一餐，下次做節再嚟

過幾日就中秋節，屋企人決定提早慶祝，地點揀咗最近長輩居住嘅將軍澳，訂咗位於南豐廣場嘅稻香。去到等早段食客交枱後入座，嗰度枱比較窄，因為有小朋友亦有Bb，推bb車要麻煩其他食客讓位置經過。可能臨近節日，而呢度價錢亦算抵，但係酒樓人手真係太少，我哋每次叫職員舉手5分鐘都無人理，多次要離座搵職員。飯我哋由上第二個菜已經叫，到上尾二個菜先嚟，重要有啲生，所以無食到叫職員收咗。蒸魚係食完所有嘢再等15分鐘先嚟，全程好無奈。食物方面份量及味道可以，而且價錢相宜，另外每位加$14可以任飲任食自助吧嘅飲品同甜品，選擇都唔少，有汽水，豆漿，清熱茶類，杏仁茶，雪糕等等。稻香燒鵝皇，份量夠，又唔會鞋口，唔錯。熱石脆皮乳豬，都係傳統燒乳豬好味啲。沙薑雞，雞肉算嫩滑亦唔會太鹹。上湯蝦球伊麵，蝦球大大隻夠爽口，不過無咩鮮味，伊麵炆得夠入味，汁夠多。紅燒豆腐同魚滑野菌浸菜苗都兩都普通。西蘭花炒帶子，帶子大大粒夠鮮味。蝦醬鮮魷圈炒通菜，我食到係鹹魚味同有鹹魚嘅骨，鮮魷唔太多但好大件，幾惹味。等咗好耐嘅清蒸龍躉仔肉質鮮嫩。

今晚同一大堆朋友gathering，又想吹水又想食嘢又可以容納一大班人嘅地方都好難揀下， 最後咪揀咗位於南豐嘅稻香打邊爐。佢有八點半後推出嘅打邊爐放題每位＄138加一。意想不到地都幾多野食！美國肥牛我地叫完一碟又一碟，牛肉味好重，同埋肥肉唔太多，岩哂我口味。芝士蝦寶都好正，芝士內餡夠香濃，比岀面賣個啲芝士丸更加好食！仲有其他林林種種嘅菇類蔬菜瓜餃子之類，選擇十分之多！飲品有利賓納，豆漿，夏枯草，沙冰，蘆薈果汁，可口可樂，忌廉，仲有芝麻糊同杏仁茶。叫嘅野食漏單就總有少少，不過都算啦，最後我地都係食淨野，夠哂飽肚！住附近又唔想煩嘅朋友，食呢度都不失為一個好推介

呢間野食左3次，第一次好正常，第二次第三次就無晒信心唔會有第四次，第二次上左湯等左30分鐘都無野食黎！第三次快左15分鐘有啦，但無蝦黎，寫多次加單，又等左10分鐘先有個人走黎講蝦無晒.....遲講都算，叫左2碟黑豚肉黎到，嘩真係黑色既黑豚肉，仲好有味道，上菜姐姐照放上黎😨😨即時成餐飯無晒胃口打邊爐我一定唔會再去呢間野，想有得去廁所排毒就呢間一流，包你當晚去幾次。價錢2位303蚊到，人手不足唔怪樓面，但食物唔好諗會快會正常