Video
Telephone
23119118
Opening Hours
Today
11:00 - 21:00
Mon - Sat
11:00 - 21:00
Sun
Closed
Above information is for reference only. Please check details with the restaurant.
#搞串個pantry之前講過，每一個地區，幾乎大家屋企🏙️樓下都會有一間港式粉麵店🍜。今次就係#香港仔 🛥️嘅街頭見到間唔顯眼嘅粉麵店，就入咗去試下啦💕。舖頭4、5張枱，裝修普通，都坐得舒服😄。今次係嗌咗牛脷河粉($38)、牛筋河粉($33)。非常特別見到平時喺粉麵舖少見嘅牛脷👅，所以就試下。牛脷河粉🌟🌟🌟有3大塊牛脷🐮，每一塊厚度適中。湯底加咗腩汁，河粉就軟硬適中份量都幾多🤩，食落口有咬口😬，唔會溶溶爛爛咁。牛脷口感一般，唔太爽脆，不過就好重牛味。牛筋河粉🌟🌟🌟🌟有大約4、5嚿牛筋，每一嚿望上去都晶瑩剔透🔮，湯底同樣加咗腩汁😜。牛筋食落口軟腍之外，都有啲彈牙，而且有濃濃嘅腩汁味道🤤，唔會淡而無味。兩碗河粉嘅味道都正正常常，口感都唔差。如果係住附近嘅街坊🕺🏻，想食粉面嘅話，食呢一間都幾好😚，而且仲有牛脷，都幾特別💕。
continue reading
好推薦佢既小食, 雞紅+蘿蔔+豬皮, 佢既雞紅好滑, 好食過咩乜乜乜鴨血,其他麵食都幾好, 油菜都好食, 平日我只接觸大集團既麵食,呢d小店對我黎講, 實在太好食啦
continue reading
講到炳記，好多人都話佢啲牛腩好食。我就反而推介其他嘢。最主要係想推介佢嘅衛生！幫襯時間，剛好係疫情。枱枱櫈櫈，全部都好乾淨。中午時間食飯，又唔會話好多人，好逼夾。由於老闆娘坐鎮，成間舖頭都管理得井井有條。一般麵店，一般情況，最怕就係嗰張抹枱布。好多阿姐，揸住張千年抹枱布，仲要喺你食緊麵嘅時間，同你抹枱，真係好嘔心。臭到想即刻起身。老老實實，炳記就唔係咁！！每一張枱，頂盡三個人。好多情況都係一至兩個人。出嚟食麵，我第一次見到，啲阿姐係用紙巾抹枱！可想而知，就算佢幫你抹，你都真係感受得到嗰種乾淨！👍🏻👍🏻👍🏻👍🏻👍🏻當我等麵食嘅時間，亦見到，呢度啲阿姐好努力咁樣，用乾淨嘅毛巾抹玻璃。全店，一啲味道都冇！佢哋嘅乾淨程度，好俾屋企！講一講嘢食。。。想推介雲吞！真係新鮮㗎！蝦有蝦味，肉有豬味！啲湯亦都好香甜！成碗飲晒。仲要提一提嘅係，炳記出名嘅唔淨只係牛腩，而係份量！如果你叫嘅係一碟撈伊麵，食完真係飽足24小時！
continue reading
今日我去咗炳記麵家都食牛腩河粉（家底）再加碟炸魚皮同一支雪碧，不過不失！牛腩都算幾入味同林，但係河粉執你就同平時啲麵檔好似有少少唔同，有口感！魚皮好脆同份量都幾多！
continue reading
老公同我提過呢間炳記嘅牛腩好正，今日朝早同老公嚟食，一入到門口覺得第一感覺就係超級乾淨整齊，而且座位唔迫好舒服，同埋啲醬汁嘅樽身好乾淨仲寫明係啲乜醬。啲冷氣出風口會用塊板隔住，唔會話啲冷風係咁吹住個頭～之後馬上order左牛腩蘿蔔河，仲試埋呢度嘅煉奶水，果然啲牛腩好淋好好食，而且個湯底都好有味道，再連埋啲蔥一齊食真係好正！而且仲大大碗～職員只有一個女仔，服務態度好好。整體黎講係食得舒服同埋好味嘅～
continue reading