薄餅怪獸

Open Now

Now Closed

甚少去新蒲崗一帶覓食，最近起飯網見到呢間起新蒲崗新開嘅"Pizza Monster“，愛吃pizza嘅我當然唔會放過一試嘅機會。雖然地點唔算就腳，但一啲都唔難搵。店鋪裝修雅緻，都算舒適。打開餐牌見佢都好多選擇，而且價格也相當實惠。Pizza 是必點之選，有大、中、細size揀，我哋二人當然點了個細批，每人兩件剛剛好，完全解決左我哋擔心食唔晒嘅問題。點左個“食肉獸”pizza，餡料種多，充滿各種口味，有辣肉腸、牛肉、豬肉、雞肉、火腿、煙肉。營造出了豐富的口感和美味。醬汁仲可以自選添，好貼心。除左pizza,仲叫左芝士焗西蘭花和黑松露芝士焗啡菇。濃濃嘅芝士配淡淡嘅西蘭花，令西蘭花更美味，係完美配搭。而黑松露芝士焗啡菇味道香濃，回味無窮。BBQ雞翼外皮烤得香脆，內裡嫩滑，36蚊4隻低食如果是pizza 控者，絕對不能錯過這家店！

今日下午跟同事在公司附近食午餐，這間係新開嘅食店，叫，都幾特別。這店選擇都好多，有抵食嘅午市套餐、意粉、pizza、西式嘅扒類啦……等。 我同事梗係要食下新嘅怪獸pizza啦， 怪獸多寶（ 迷你批）一個心形Pizza , 厚度適中、味道亦都好均勻、好有口感。同事又咗個意粉，肉丸意粉套餐，跟一隻炸雞脾上， 雞脾好鬆脆， 肉丸好大粒、好爽口、都幾彈牙， 意粉軟硬度適中，一個不錯嘅選擇。 田園沙律配蒜蓉包 ，沙律菜好新鮮 ，碟頭都幾大碟 ，加埋啲日式芝麻醬，有種很滿足的感覺 。芝士青口焗薯蓉，青口好新鮮、好鮮甜，配上好濃沃嘅芝士和薯蓉，真是不錯嘅配搭。 蝦兵蟹蝦將，加上泰色酸辣醬，一起食，非常好食。

新蒲崗新開了間薄餅店，經過的時候，門面寫住試業中，還有88折優惠，咁就一於試吓。首先是我們最期待的曼克頓薄餅，我哋order咗個薄批，這道薄餅的口感非常不錯，餅底烤得酥脆，配上辣肉腸、豬肉粒、茄汁和濃濃的芝士，恰到好處，令人回味，絕對是值得推薦。接下來是白汁煙鴨胸意粉，意粉煮得剛好，搭配上濃郁的白汁和煙鴨胸，口感豐富，仲有飲品配送，非常抵食。蝦蟹將，個名好得意，原來係海鮮拼盤，裡面包括有炸蝦、蠔、蟹蚶及洋葱圈。炸蝦外皮炸得酥脆，裡頭的蝦肉也非常鮮嫩；蠔亦鮮味，口感十分可口。最後是炸雞，這道菜色的味道也很不錯，外皮炸得酥脆，裡頭的雞肉也很嫩，非常juicy。如果您喜歡薄餅和炸雞，這是一個不錯的選擇！

新開左唔係幾耐既呢間Pizza小店，行近睇下menu， 發現原來價錢都可以，唔貴，就入去一試。叫左一個堂食中批餐, 2人餐黎既($249), 包括左Pizza, 小食, 主食同埋飲品Pizza - 辣肉腸, 厚批, 千島醬 - 好有驚喜, 厚批其實并唔係好厚, 個底好脆, 而已醬方面係可以自選, 呢個唔係出面大型果d做到既, 很不錯。小食 - 辣炸雞 - 個炸雞好juice, 咬落仲有汁水流出, 熱辣辣, 一睇就知係即整啦, 而且, 辣味唔會話好辣, 唔係甘食到辣又想食辣既人都可以一試主食- 海鮮焗寬條面 - 海鮮都算多既, 但係味道就正正常常, 下次會試下其他款式不過呢度既小食同主食係放埋同一個類別, 可以唔要主食要多個小食都可以, 搭配方面真係比較自由d, 呢個係我最中意既地方最後仲加多個檸檬蜜糖雞翼 - 呢個真係唔錯, 味道岩岩好, 要試

前幾日朋友突然話約食飯，佢知我唔食肉就專登揀左間位於新蒲崗有素食食物叫嘅餐廳"薄餅怪獸"。去到餐廳門口，原來開業無耐，呢段期間惠顧堂食晚市有88折😍一入到餐廳就俾兩隻閃令令嘅多啦A夢擺設吸引左，好靚呀，勁想問店員係邊度買🙈餐廳有個位擺放左幾支水瓶，水杯，芝士粉，勁大支嘅辣椒仔俾客人自助形式享用。每張枱枱面上都貼上QR code供堂食客人落單。呢間餐廳主打手製餅底日日新鮮製造，仲有限量心形pizza，好有新鮮感。我地揀左個千島海鮮pizza, 發現可以自選醬汁唔一定要配千島醬，可以配返蕃茄醬或者其他汁醬。Pizza size 有3款揀（大 ，中，小），無論有幾多個人總有一個size符合到食客要求😁材料豐富有蟹柳，菠蘿，青椒等，餅底厚度適中，拎上手食唔會覺得餅底好油而且焗得好脆好軟熟，外脆內軟😚因為我揀左個風口位坐海鮮闊條面俾冷氣吹凍左，店員好好幫我地翻熱，熱辣辣嘅闊條面勁好食，每條麵條都掛上白汁，味道濃郁，海鮮又多，闊條面好有韌性仲叫左個小食蝦兵蟹將，拼盤有吉列蠔，帶子，蝦，洋蔥圈，即叫即炸，上枱時超熱，蝦好彈牙爽口，蠔唔會有腥味，性價比過😍

薄餅怪獸(新蒲崗)📍新蒲崗仁愛街48號地下新蒲崗好多好嘢食，今日發現左一間食pizza嘅新餐廳👍今晚決定去試下啦😆😆😆餐廳係用Qr 自助落單，試業期間重有全單堂食88折😆，好抵食😆中批餐 $249- 千島海鮮厚批🍕- 海鮮焗長通粉🍝- 葡汁雞皇焗飯🐔🍚包是日餐湯或者熱飲，凍飲同特飲都要加錢。我哋就叫咗熱檸水同一碗是日餐湯，今日就係羅宋湯，湯入面非常足料，好濃郁蕃茄味🍅👍pizza有得簡厚批或者薄批，仲有唔同醬汁做底可以簡，非常適合唔同口味嘅人，pizza上海鮮配料都算幾多，有蟹柳、墨魚、蜆肉、青椒等等……千醬醬汁口味幾適合我哋，好好食🥰👍👍長通粉同焗飯都會用錫紙兜包住，份量都算適中，葡汁雞皇焗飯多汁😋法式焗蒜蓉包（6件）$46蒜蓉包非常香脆，用3塊厚厚嘅方包搽上蒜蓉醬 再切開一半拎去焗，朋友好中意食🍞🤣麻辣惹味烤雞 (1件） $21🐔烤雞都幾惹味，惹味得黎又唔算好辣，肉質鮮嫩雞肉唔會好鞋，好juicy👍👍p.s.店員話依問嘅細批全部都係心形批，可惜我哋落完單先知道，下次有機會一定會再試😍😍