薄餅怪獸

Open Now

Now Closed

QR code落單可自助拎醬同斟水，免加一好抵食！星期一至五日日都有唔同優惠：星期四比現金九五折，星期五啤酒買一送一。當然唔少得堂食批餐，包一個中批、兩個主食、兩杯飲品。堂食中批餐 $239中批都有9寸大大個夠晒飽😍 辣肉腸下超多芝士，批邊鬆軟，芝士焗到焦脆好香海鮮焗闊條麵有超多海鮮，尤其啲八爪魚粒爽口彈牙又多汁，闊條麵忌廉醬汁好香唔會太鹹香濃鮮茄肉丸焗飯肉丸幾彈牙，份量又多，蕃茄汁同芝士撈勻個飯好開胃餐飲揀熱蜂蜜薄荷茶唔使加錢，好香薄荷味好清新，蜂蜜甜甜地另外仲單點左一個芝士煙肉焗薯蓉$42，超級滑好多芝士，仲有少少粟米粒甜甜地呢間餐廳喺大街地點方便，店員有禮貼心，食物價錢又抵食，好值得推薦✔️

土瓜灣附近返工，想搵啲抵食嘅pizza 意粉，發掘左呢間小店，有好多優惠套餐，都幾抵嘅價錢又可以一次過食晒pizza同意粉，味道都幾好，見到都好多學生幫襯！Pizza心形食肉獸 +蕃茄醬呢度嘅Pizza竟然可以揀心形😂，第一次見心形嘅Pizza lol 焗出嚟又真係心形喎，如果好鍾意食肉嘅朋友呢個Pizza就啱晒，入邊有勁多肉粒。薄餅底好紮實同煙靭👍🏻另外再叫左個炒意粉套餐，幾抵食的，揀左蜆肉炒意粉，白汁底，仲有其他配菜例如洋蔥同埋蘑菇，意粉好彈口，個汁調味都適中。而小食就揀左炸雞1件，一啲都唔hea，外皮炸粉厚薄適中，而且非常脆口！！推介！今日嘅是日餐湯係羅宋湯，酸酸地幾開胃。跟餐叫咗個飲品熱泡青桔檸檬百香果(係茶包嚟）味道甜甜地，有啲百香果香味同埋青檸嘅清新。另外叫咗支細嘅藍妹啤酒330 mL，食住熱辣辣嘅Pizza飲就啱啱好了。

今日係土瓜環收工，見到呢間食西餐同pizza，睇落都好岩我胃口就入去試下。睇餐飯都幾多種類既野食可以揀，套餐仲有優惠，我地叫左個中批套餐，有一個中批，兩個主食，仲包兩杯野飲，絕對夠食。主食我地叫左芝士磨菇焗薯蓉同埋肉醬意粉，份量比想像中多薯蓉好滑，仲加左粟米，口感唔錯pizza叫左怪獸多寶批，上面配料都幾多，而且個批有驚喜，批邊夠脆，如果食唔到太多野既都建議可以叫個批食！好抵又好食我地仲叫左個黑松露芝士焗啡菇，上面黑松露都比得好夠，加埋芝士好吸引特飲叫左杯青檸梳打，同埋是日餐湯，呢餐食得岩岩好下次收工會再黎食

🐷秘製燒豬排骨 $106.8當日做緊堂食快閃優惠 6折！原價$178 折完106.8 即叫制作時間大約30分鐘當日實際時間唔洗咁耐秘製醬汁唔會太濃味雖然餐牌有辣椒仔符號 但唔辣的豬排骨唔會燒到太燶大約8條bb size既豬排骨直接放入口咬岩岩好拌碟有薯條同沙律菜 🍕泰式冬蔭公墨魚細批 $736吋細厚批 切開4件可以揀走蘑菇批邊唔會硬 反而係鬆軟酥脆平時唔食批邊既我都食晒全件不過呢個冬蔭公批主要得辣味配左是日餐湯 意式雜菜湯 羅宋湯口味 冇落肉岩晒素食人士 或者唔食牛既朋友 🍕心形千島海鮮細批 $78都係6吋細厚批 切開4件為左睇呢個心形批 加多左5蚊批邊一樣鬆軟酥脆本人同朋友都更鐘意呢個千島醬批海鮮有海量既蜆肉？🍗招牌炸雞  $20/ $22叫左一件標準 一件雞下脾想食指定位置要加2蚊炸雞外脆內嫰

新蒲崗呢區有好多街坊食肆，喺仁愛街新開左間pizza 店。舖頭裝修簡潔明亮，座位唔多但夠寬敞。主食有焗食意粉pizza炸雞，仲有沙律小食唔少選擇，價錢親民，啱晒大班朋友聚會／一家大細黎食。午餐／下午茶仲有套餐，學生lunch／放學黎好抵食。pizza 用手製餅底，即叫即整，上枱熱辣辣。薄批鬆脆唔飽肚，更能突顯材料味道。配料唔花巧，粟米洋蔥蟹柳，就是家的味道，煙三文魚係放上pizza一齊焗而唔係後加，略帶鹹香，味道ok.美式拼盤有炸魚薯條炸洋蔥圈同香草腸。炸物好出色，夠熱夠脆，表面乾身冇乜油。粗薯有薯味，食唔停口。秘燒豬排骨有別於一般既BBQ醬烤，而係用孜然香草醃完再燒，唔錯。人均百零蚊，食物選擇多，絕對收貨。下次試下啲午餐先，60蚊有找。

.【 ✨ 土瓜灣必試！Pizza Monster薄餅小食餐廳 ✨ 】 ▬▬▬▬▬▬▬▬▬ 【 General Info 】 ▬▬▬▬▬▬▬▬▬▎菜式分類：#mayfoodie_美式▎地區分類：#mayfoodie_togwawan▎人均消費：Ard HKD 150▎餐廳名稱及位置：📍 薄餅怪獸 (土瓜灣)土瓜灣馬頭圍道418號樂意居地下2號舖▬▬▬▬▬▬▬▬▬ 【 整體評價 】 ▬▬▬▬▬▬▬▬▬ 你是否正在尋找一家位於土瓜灣的餐廳，提供美味的薄餅和其他小食？沒問題！「Pizza Monster」絕對是你的最佳選擇。這家餐廳以其精湛的薄餅手藝和豐富的小食選擇聞名於地區內。現在，讓我們一起來品嚐這裡的美食吧！首先，讓我們來試試心形煙三文魚薄餅，配上標準的千島醬。這道菜的三文魚鮮嫩多汁，搭配薄脆的薄餅底，口感絕佳。而柚子梳打則為整餐增添了一絲清新的氣息，帶來了意外的驚喜。如果你喜歡海鮮，那麼海鮮焗闊條麵（白汁）絕對是你的不二之選。這道意粉菜式以豐富的海鮮為主角，配上濃郁的白汁，令人垂涎欲滴。每一口都能感受到海鮮的鮮味和意粉的彈牙口感。心形海底奇兵是另一道精心設計的薄餅菜式，搭配香蒜汁。這道

早兩日食完Pizza 打開左麻甩佬食Pizza 之胃😂今日去土瓜灣有嘢做，見到Pizza Monster 就自自然然行左入去🤟咁左二人餐有Pizza 一個、海鮮焗闊條麵一個、兩舊炸雞、兩杯嘢飲，性價比都幾高！辣肉腸Pizza 可以自己選擇配千島醬汁！原來個味道有幾夾，加埋個餅底好鬆脆！真係又靚又好味！同時炸雞有驚喜喎，個脆漿超正，外皮脆卜卜，裏面仲係滑滑嘅雞！雖然個炸雞單售有少少貴，不過我竟然覺得值得！之後同店員傾開偈，原來呢間舖頭有得包場，細細間，約幾廿個朋友一齊聚會應該會幾開心！（首先要有幾廿個朋友）美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #薄餅怪獸 (土瓜灣)土瓜灣馬頭圍道418號樂意居地下2號舖

細個坐車成日經過土瓜灣，印象中係一對灰灰沉沉嘅舊樓，今日誤打誤撞行咗去BMW車廠附近，發現感覺已經唔同晒，好多舊樓都翻新咗，連附近嘅店舖都唔同晒。行行吓見到一個好eye catching 嘅怪獸公仔，價錢亦好相宜，即刻入去食個lunch。入到去感覺好舒服，好闊落，而且食物款式多，好適合約朋友傾計食飯。冬陰功墨魚批🐙🍕呢度d Pizza嘅款式好特別，一見到冬陰功竟然可以配Pizza，二話不說即刻order。d墨魚仔一隻隻喺個Pizza上面，賣相好可愛，食落有冬陰功嘅酸辣味，但又唔會好辣，好開胃，勁好食！檸檬雞翼🐔🍗望落去以為平平無奇，但咬落外脆內軟又多汁，啖啖都有檸檬香，正👍🏼焗肉丸拼香草腸🧆香草味勁吸引，唔會得個咸味，加埋林喺面嘅醬一齊食，好味升級！黑松露芝士焗啡菇🧀🍄 黑松露加cheese喺個面，望落即刻升咗lev，食落個菇好juicy💦又有淡淡嘅黑松露味，唔會好搶，同個大啡菇好夾🤤柚子梳打🍊🍹賣相已經好靚，入口勁香柚子味，唔會太甜，食pizza啱晒🍕

土瓜灣薄餅怪獸係一間非常值得一試嘅餐廳。首先，呢度嘅環境真係好優閒舒適，餐具都擺放整齊，令人感到放鬆。而且佢嘅裝修非常有風格，有種酒吧嘅感覺，令人感到舒適自在。最令人滿意嘅係佢地嘅地理位置好方便，近土瓜灣站A出口，步行咪唔使5分鐘，真係好方便去到。  食物方面，我地揀咗中批2人餐，可以點一個薄餅同兩個副食。我地揀咗千島海鮮厚批嚟食，真係好正！薄餅上面有好多新鮮海鮮，有蟹柳、蜆肉、蝦同魷魚，用料十分豐富。而且餅底鬆脆，口感非常好，真係令人回味無窮。另外，我地都試咗佢地嘅海鮮焗寬條面同檸檬烤雞。焗寬條面同海鮮厚批一樣用料豐富，令人滿足。至於檸檬烤雞，檸檬味道香濃，燒得香口，肉質鮮嫩，真係好好味。如果你鍾意芝士，一定要試下佢地嘅芝士焗西蘭花。佢個芝士味道濃郁，好濃味，又軟滑，好好味。 總括而言，土瓜灣薄餅怪獸係一間環境舒適，地理位置方便嘅餐廳，食物豐富好味。如果你鍾意薄餅同海鮮，呢度絕對係一個唔錯嘅選擇。特別係佢地嘅千島海鮮厚批，真係令人讚賞。唔好錯過佢地嘅芝士焗西蘭花，味道超級濃郁，好好味！

這間薄餅店的價錢平價，吸引了很多人光顧，我們入場時不太多人，之後陸續人群湧現，竟然要大排長龍😱😱外賣的人也有.最抵食莫過於這個中批餐，$239包pizza 可選厚或薄批，可自選意粉或炸雞類2份，還包飲品，加錢可以轉特飲. 是日餐湯是雜菜蕃茄湯，香濃的番茄味，開胃好食😙堂食中批餐 $239💠怪默多寶厚批再自選千島醬，入面有洋蔥，青椒、辣肉腸、火腿、蘑菇、菠蘿、牛肉、豬肉，非常豐富👏🏻😋薄餅皮夠厚身，咬落像食鬆脆的麵包皮，味道也很惹味很高質.💠肉醬長通粉最正可以多粉或少粉，大食人士可以叫🤩通粉空心設計使得醬汁可以滲透，每一口能品嚐到肉醬的美味🤤麵的彈牙和肉醬的濃郁風味！💠炸雞2件酥脆的口感，雞肉肉質多，不會炸得厚粉👍🏻👍🏻

上網見到佢整心形pizza ，俾佢吸引咗，所以嚟試吓🤣一入到去見到餐廳好多霓虹燈裝飾，幾有外國Pizza店嘅feel 🍕 心形食肉獸pizza估唔到真係可以整到心形🤣🤣焗完都冇走樣 叫得食肉獸pizza裏面真係好多材料同肉。辣肉腸牛肉豬肉雞肉火腿煙肉❤️ 除此之外食得出佢個麵包好新鮮，好軟熟。後來先發現原來餐牌有講佢哋啲粉團每日新鮮整唔會隔夜👍🏻啲材料調味都唔錯，芝士仲有拉絲蒜香大蝦意粉淡淡嘅蒜頭味加少少牛油香味，應該用咗牛油爆炒。 大蝦都好多隻，仲有好多蕃茄三色椒同埋粟米粒。 所以食落去中間都有啲酸味中和返牛油嘅味道。 整體都唔係好膩，仲有啲蒜香！檸檬蜜糖雞翼擺盤擺得幾靚， 食落去檸檬蜜糖味都有。 但係唔知係咪因為佢嘅檸檬味係用一啲泰國嘅香料醃製，所以除咗檸檬同蜜糖味都有少少泰式香茅味 🤣🤣🤣唔知我有冇食錯，不過整體來講調味真係唔錯羅宋湯酸酸尾尾幾開胃，而且我個碗好多材料😍紅蘿蔔西芹咩都有藍妹啤酒（$28) 見到佢有做推廣，買三支送一支都幾抵。不過晏晝真係飲唔到咁多。可能留返下次夜晚嚟食先叫!! 呢間餐廳價錢比較平民化，Pizza嘅麵包驚艷到我❤️環境都舒適，適合同朋友嚟啤一啤

呢間pizza 小店係區內名氣都唔錯，今日終於來到試下薄餅怪獸了。餐廳環境唔錯，卡座闊落。我地自助落單，一掃QR code，餐牌一目了然。仲有自助斟水區，方便食客。怪獸多寶pizza係心形pizza呀, 一見即刻心心眼。pizza 可以自選醬汁，材料豐富，辣肉腸，菠蘿樣樣有。pizza餅底好出色，鬆脆得黎有咬口，唔似平時食開嘅咁死實，就算放涼左，都唔會變硬。真係睇得又食得。白汁海鮮闊條麵闊條麵麵質較厚身，掛汁效果一般。2個主食可以跟餐湯，羅宋湯味道濃，雜菜多，唔錯。仲試左幾件唔同味嘅炸雞。招牌炸雞炸粉唔厚，雞肉嫰滑。台式辣味炸雞呢個係雞上髀，雞肉估唔到咁滑，肉汁頗多，表面灑滿了台式辣粉，唔會太辣，比較似鹽酥雞嘅味道。檸檬惹味烤雞烤雞更能鎖住肉汁，比炸雞更jucy.檸檬蜜糖味酸酸甜甜，好惹味。美式拼盤有齊薯條，腸，洋蔥圈同炸魚柳，味道不錯。小店食物選擇多，價錢親民貼地，還見到好多客人過來買外賣，果然係性價比高嘅pizza店呀！！

Vivian又hungry la☺️☺️去探親途中，忍唔住要搵野食，餓親🥲👉🏻👉🏻👉🏻Menu（用QR code落單的）泰式冬陰功墨魚Pizza 同埋芝士焗西蘭花泰式冬陰功墨魚Pizza 好大大隻墨魚🦑，要讚下佢個薄餅批底整得唔錯，平時食薄餅，最怕食薄餅邊，通常都係好硬&勁實，而呢個批底唔單止軟熟夠厚，個薄餅邊都好好咬，唔會焗到好硬芝士焗西蘭花又係焗得好好食，完全唔乾，每隻西蘭花都好juicy，仲要有芝士拉絲😍😍跟pizza有2款小食揀，焗肉丸拼香草腸肉丸可以同ikxa比，好食😋炸雞加4蚊轉左檸檬烤雞2件Juicy多汁，個汁又唔會太甜，雞肉是滑嫩的，Vivian表示很喜歡喔💕最後，薄餅/燒/炸雞配可樂是常識吧🫶🏻🫶🏻

除了連鎖pizza店，更值得探索一下唔同既pizza小店😏😏今次就黎試下土瓜灣既pizza，舖頭外表一般，但內里別有洞天。我地一行兩人，星期六六點左右到訪，食到一半已經滿座，而且仲有好多人買外賣，真係人氣滿滿～店內水係自助既～今次叫左二人餐﹕中pizza，意粉x1，炸雞x2，餐湯/飲品x2Pizza﹕叫左怪獸多寶，即係咩都有啲，有得揀厚或薄批，我他揀左厚批。上枱熱辣辣，厚批鬆厚，既有厚度，又唔會死實，個底仲有少少一層薄脆口感，好好味🤤重點係要咩醬都可以自由選揀，我地就揀左蕃茄汁底，唔會太酸，好match👍🏻炸雞﹕叫左最基本既炸氣，上枱唔會油，個皮夠脆，厚薄適中，重點係仲有肉汁，肉嫩👍🏻一啲都冇雪藏味，真係好正😊最後因為好味，再叫左麻辣烤雞同檸檬烤雞。烤雞比炸雞肉汁更飽滿，而且唔係事先整好，上枱熱辣辣，應該係即叫即整。麻辣口味比較重，檸檬烤雞有檸檬同蜂蜜味互相配搭，更多元化，更清新。烤雞炸雞必試 意粉﹕多汁，多餸，可以自由揀要面底，可以滿足你既所需Btw，呢間唔水收加一👍🏻👍🏻

好友住在土瓜灣， 經常經過這里總是高朋滿座，食客多是年青人和小朋友 ，可見這是受歡迎的薄餅店。今天我們也來探探這怪獸， 為免向隅一早訂好位，坐在窗邊的位置，環顧餐廳的環境，真是很可愛的裝修，牆上裝了薄餅等食物的燈飾，還有各種形狀做薄餅的工具，可見店主是一心一意做好這生意。聞到香噴噴的薄餅味道，我們趕快掃碼點餐，看看餐牌，一眼相中一個心形薄餅 ，是我們喜歡的厚批，芝麻醬沙律加蒜蓉包也是我們的囊中物。又想試各款小食，於是又點了小食拼盤，有四款小食 ，金黃色脹卜卜蜜糖雞翼四隻，香脆春卷四條，小小三角型咖哩角四個，香軟洋蔥圈四個，揀完主食當然還要飲品，兩個需要叉電的人都點了 即磨咖啡。本想食完再點，誰知道送上來的都是超大份的餐點，薄餅用料新鮮，熱辣辣香噴噴送上枱，吸睛誘人，令人忍不住大口吃。蒜蓉包沙律伴芝麻醬新鮮又開胃，四款小食伴有酸甜辣醬，令人吃不停口。難怪這怪獸餐廳顧客不絕，特別受青年人小朋友歡迎，食完怪獸薄餅，心境都變年青了。🥳🥳👻👻