PizzaExpress (K11購物藝術館) (Closed)

由於最近身體狀況有啲差，不宜食太多肉。只好叫「Good Mood Food」餐牌，主打素食及健康餐。.餐單上菜式嘅材料含有幫助帶來好心情及提升正能量「快樂荷爾蒙」嘅天然成份，令大家擁有更健康、開心又充實嘅good good day 🥳.Wholewheat Leggera Chicken Pizza —— 有雞肉、輕盈馬蘇里拉芝士、辣紅椒粒、洋蔥、奇津香料、蒜蓉油。喺薄餅中間挖空再配上青菜沙律，清新不油膩，但我都只係淺嚐，話晒都係病人😷.Wholewheat Dough Balls —— 全麥麵包球配以黑醋汁，作為開胃菜唔錯。.Power Boost Salad —— 羽衣甘藍、火箭菜、藜麥、烤燈籠椒、意大利扁豆、鷹咀豆、紅石榴、南瓜籽、招牌沙律醬........... 材料咁豐富，多樣性營養，食完考試讀書應該會💯.Dark Chocolate Tart —— 作為壓軸甜品，絕對唔可以馬虎。黑朱古力撻內餡非常濕潤，表面灑滿開心果碎，食完真係會開心啲😃

上星期行行下K11見到有一間PizzaExpress🍕！心血來潮同左我朋友去食意大利Pasta同Pizza！我地揀咗呢個二人精選套餐！👬個頭盤芝士「焗磨菇」🍄真係好味到不得了！蘑菇釀入左幾種醬汁—羅勒香草醬、乾番茄醬、馬蘇里拉芝士上面再加埋巴馬臣芝士！一試難忘既滋味😋我地揀咗呢個「美國辣味薄餅」佢上面有辣肉腸！同埋有我至愛既墨西哥🇲🇽辣椒同埋醃辣甜椒！我本身比較鍾意食又薄又脆既Pizza🍕底！呢個Pizza啱晒我口味👍🏻

Good Food Good Mood❓Lets enjoy this moment🍴 ..相信大家對黎自倫敦🇬🇧既PizzaExpress🍕 一定唔會陌生。以正宗現點現做既手工意大利Pizza🍕聞名，仲會定期以每季最時令既食材設計新菜單添。最近就推出左 ，而我呢排心情都壞壞的，唔知食完呢個Good Mood Menu🍴 係咪即刻有返個好心情呢。1 Starter + 2 Mains + 1 Dessert + 2 drinks前菜：即製鬆軟帶煙韌既波波 配上意式黑醋同吃，減輕油膩感 暖暖的麵包球 趁熱吃超軟的 真不錯。主菜：貴為一家現點現做既手工Pizza店，比薩一定是必選的吧。薄薄既Pizza底 加上豐富配料🐥 同吃，一貫水準之作 不能不吃。沙律有清新藍羽衣&新鮮沙律菜，加上大量紅石榴`藜麥`鷹嘴豆`南瓜籽`醃製黃椒等等，連同開胃醬汁。好fresh又好好味 亦可中和Pizza既飽滯呢。甜品：濃濃既朱古力撻🍫 真係好濃好rich，朱古力迷絕不能錯過呢。面層既綠色碎碎 增添色彩之餘 亦增添口感。飲品：一杯極重蕉味🍌既特飲，加上Nutella &厚厚Cream。呢杯邪惡極致既飲品 就成了

Pizza Express: Good mood food- 牛油果蕃茄沾醬（$68）、Leggera Superfood salad($138)、海鮮薄餅（$163）、黑朱古力撻（$68），+10%-其實平時都成日去pizza express食野，質素不錯而且坐得舒服。今次見到有新的good mood food餐單，平時果d食過好多次，今次梗係試新野。據good mood food餐單介紹，佢上面的菜式材料含有幫助帶來好心情和快樂荷爾蒙的天然成份，能提升正能量🤩-前菜牛油果蕃茄沾醬（$68），配上脆麵包，沾醬特別在加了蛋黃醬和開心果碎，更滑更有口感。平時好少點沙律，覺得唔抵食，但我超超超喜歡呢盤superfood沙律啊！有低脂mozarella、牛油果、烤南瓜、紅菜頭、意大利扁豆、青瓜、菠菜葉、松子仁等等，全部我都鐘意食😂😂五顏六色，營養豐富又清甜！！我可以一個人食哂啊！-新menu既海鮮pizza都好好食!用黃蕃茄醬同銀魚柳醬，加上蒜蓉油，好香；餅底薄，一人食半個都唔會膩！海鮮有豐富蛋白質，有助製造令人幸福快樂的血清素！-最後食點甜最令人開心，食埋個黑朱古力撻，朱古力好柔滑香濃，如

個人來講，我較小食西餐。但今日決定近近就食下pizza ，意粉啦估吾到又幾好味我地見有午餐，就決定點3個套餐再share一齊食。頭盤（焗麵包球）推薦新鮮出爐，熱烘烘的。麵包球，軟質而有一點煙韌，口感似麻薯波波。一碟有6粒，而且配有牛油+羅勒香草醬。配上牛油更加香滑，不過個人更加喜歡搽羅勒香草醬，因為口感更特別，香草醬非常香濃。意粉 （蟹肉白酒汁意粉）推薦朋友說，帶藥都要食！因為她對海鮮敏感。食過你一定會鐘意。見佢講到甘誇張，我緊係一點要試下啦。果然好好好味真係舔舔脷。廚師用新鮮的蟹肉煮成，加上用左蒜蓉油、檸檬油、銀魚柳醬，我地更用了新鮮檸檬吊味，食落真係非常清新鮮味。意粉（羅勒香草醬意粉）推薦羅勒香草醬意粉固然用上該醬炒，但廚師再加上松子仁，芝士及小蕃茄，令到口感更豐富，但個人認為這個比較油膩，但如果是share一起食，這是意粉也是值得一試！Pizza (阿爾巴薄餅）推薦有我喜歡的辣肉腸及巴馬臣芝士配薄餅底，一出爐，個個都話好味！餐飲（檸檬薑茶）推薦可能熱飲關係，杯子是咖啡杯，水的容量比較小。但有2片檸檬+加1個茶包！所以不能瘋狂吉檸檬，否則太酸。

約咗2個好朋友食lunch, 3個bb初次見面，梗係約返呢間pizza express la~ 响正地鐵上面，方便晒我地推車仔，仲有bb櫈，又有kids menu1點去到直入唔駛等～叫咗個野菌蝴蝶粉同米豬食咗先～ 食到唔停口呀～ 差幾乎每次必點～ 因為個汁勁好味等到好朋友們嚟到就叫咗個2人餐，有1個前菜，2個main course 再加2杯飲品，我地另外再叫咗個大chicken caesar salad好大碟，不過都ko咗～ 媽媽們太肚餓～好鐘意佢地啲dressing, 唔會一味酸～ 正～～跟餐upgrade咗焗蘑菇～ 勁juicy~ 米豬都食咗2粒～ 我鐘意芝士味多啲～ 超正主菜要返我地至愛嘅parma pizza 咸香parma ham加埋酸酸茄醬 撥開件pam又比米豬食～ 又追住食唔停另外跟餐叫咗個蟹肉意粉，呢個有啲辣啊～ 不過朋友們食到就話好正～我自己就另外叫咗杯lemonade~ 唔怕食到滯晒餐廳waitress都好好人，見我地多小朋友，特登安排近窗嘅位～ 有車睇就冇咁扭計啦～下次再約bbbs一齊食飯，應該都嚟返呢度㗎喇

今日下午茶時間、係尖沙咀行街、行咗個幾兩個鐘、行到5回到見有d攰、想飲下野、食少少野等食dinner、咁啱係K11、見到有Pizza Express、難得唔洗等位、就入去坐坐!入到去、坐底就叫咗個無限添飲既Ice lemon tea 同 Parmesan and Mushroom Dip (dough balls) 嚟過下口引！個dough balls嚟到睇落個樣好似好ok、但一拎上手就知出事同中伏個dough balls真係大不如前、輕飄飄、一摵開空心既同以前完全內裏濕潤、有聚手既感覺完全係兩回事食落似係一早係工場整定嚟到再翻熱真係好失望！個檸茶似用cheap茶葉沖、完全冇茶味so sad

以連鎖店嚟講 佢都算高質！同男朋友兩個人嚟食 叫左個二人套餐 再加多一份意粉頭盤揀左Caesar salad 最值得一讚既係佢身材既比例做得好好 唔會太多菜冇肉 基本上每啖都會食到哂佢有既材料 最鐘意係佢個法包 無論係軟熟度定係麵包香味都十分出色！之後揀左肉丸 但覺得啲肉丸無咩特別 重點都依然係啲包到😂😂Pasta就揀左蟹肉意粉 加埋檸檬汁突出到蟹既鮮甜味 意粉軟硬適中 但都係冇咩特別最出色既都係包類...pizza!!😘😘 pizza餅底係即拉既 toping揀左四重芝士 但餅底冇因為咁而淋哂 保持到口感 芝士味都好香濃 好食！

有BB同行食飯，食飯嘅餐廳最好夠闊落，可以坐得耐。今次就揀左係Pizza Express食午餐🥣。唔覺意叫左兩樣外形好相似嘅焗麵包球，但好彩味道截然不同姐。整體而言，Pizza Express嘅麵包類做得真係相當出色，有齊香、脆、軟👍🏻下面呢個麵包球點中間的蘑菇醬好正😋下面呢個芝士麵包球配牛油好香好好味啊，上檯熱辣辣食💯💯💯唔記得呢個Pasta叫咩名😅裡面有燉牛肉粒同埋菇。北京烤鴨Pizza看似配搭好奇怪，但估唔到整出黎又幾好，其實食得傳統Pizza多，偶爾食下啲新穎Pizza都唔錯㗎！

因為朋友仔今個聖誕會外遊慶祝，所以今日就約左o係尖少咀行下街食個飯，預祝一下。逛左一整日，諗住平平地咁食個 Christmas Set 。估唔到咁有酒店級水準，而且服務亦好周全。首先，先講講「意式凍肉拼盤」，佢由巴拿馬火腿、辣肉腸、煙三文魚、青瓜片、醃車厘茄、橄欖、火箭菜以及意式麵包棒既組合面成，其實份量係適合2-4人的，所以我哋兩個人食其實都得幾飽下。咸香既巴拿馬火腿、惹味既辣肉腸配火箭菜食，送紅酒一流。意式麵包棒，焗得脆卜卜，薄薄地咁逐啖食，好鬼滋味。佢既車厘茄係由黑椒、蒜蓉及秘製醬汁醃製而成的，酸甜之中帶有黑椒既香辣刺激感，非常開胃。第二道菜「利古里亞海鮮薄餅」，佢係由蝦肉、青口、魷魚、蜆肉、酸豆、橄欖、銀魚柳醬、焗麵包碎、蒜蓉、蕃茜、檸檬配白汁焗製而成，份量足料既Pizza不再話下，不得不提佢既餅底焗得好薄又脆(即使餅底凍左都係甩脆的，唔好淋晒)，就好似食緊薯片一樣，而且咸香味適中，真係真心讚。第三道菜「菠菜芝士意大利雲吞」，意大利雲吞釀入菠菜蓉及軟芝士，配以紅洋蔥、白酒、忌廉、巴馬臣芝士、羅勒、合桃作餡料。整道菜色製作得很精緻，雲吞既面層都鋪滿經炸過的龍蝦鬚，每一條炸至都脆卜

《Pizza Express》 #食在尖沙咀📍尖沙咀河內道18號K11購物藝術館1樓107號舖🔹蜆肉白酒汁意粉$138今次試咗佢哋新出嘅蜆肉白酒汁意粉，但比我想像中有啲唔同，分量普普通通唔算太多，但係味道比較酸，因為真係有好多一粒粒嘅細蕃茄，意粉嘅口感係唔錯，但如果可以再爛少少交返少少蒜味會好啲，整體覺得成個意粉都係好酸嘅蕃茄味🔹卡邦尼忌廉意粉$123呢個意粉就普普通通唔算太特別，但係都唔錯，唔會覺得食到好滯，份量都啱啱好🔹帕爾馬火腿配蜜瓜$73呢個就係火腿配哈蜜瓜，呢個都係佢哋新出嘅菜式，大概有四件哈密瓜左右，但係個火腿就唔係太夠味，我覺得如果再鹹少少會好啲整體來講價錢比較貴，分量亦唔算多，如果中午散叫就真係有啲貴啦🍴6.5/10

自從出黎做野之後平時好少去pizza express 食野可能以前讀書食得太密😂😂印象中🤔🤔....某幾間pizzaexpress 好多人幫襯同埋要等好耐位先有得食去到K11 唔知食咩好見冇食咁耐就try try laaa叫左晚餐set hk$29x 有前菜沙律同主菜仲有飲品價錢適中不過我以前讀書係黎食lunch 😂蒜蓉包雞肉凱撒沙律蟹肉白酒煮意粉(小辣)佢嘅檸檬茶你係可以無限添飲另外我覺得呢間餐廳好嘅地方係佢唔會係咁有人過嚟收走你啲嘢某啲餐廳係佢一見你食完一碟就即刻要過嚟收走一樣同埋唔會趕你走佢又唔會係冇服務員去招呼你但係啲服務員唔會係咁騷擾你囉

同朋友係尖東唱完k，再去食晚飯，近近地去左k11搵野食，於是就去左pizza express。貪佢地舖頭大，幾好坐，而且唔洗等位，食物份量算大。前菜叫左個意式凍肉拼盤，裡面有d烤過既包/餅，同埋火腿，辣肉腸，芝士，蕃茄。算係有幾多款野食，味道方面，就岩曬我地幾個重口味，鹹鹹香香，好味~ 賣相吸引~我地叫左豬肉乾pizza，見個配搭幾新又幾得意，諗住試下睇下有無驚喜~賣相同一般d pizza好似，仔細睇見到豬肉乾切成1條條，同埋有d肉鬆捲。味道真係幾好，豬肉乾甜甜地+脆脆地既肉鬆捲，其實幾夾，又幾有趣~下次去仲有既話係會再叫來食既~都叫左個意大利飯，味道偏淡，質地多汁，有d水，相比起其他食物，佢比較一般。甜品叫左心太軟配雪糕，焗得岩岩好，唔會有焦苦味，朱古力味濃郁，雪糕比較普通，份量一般。食物水準不過不失，pizza有驚喜，份量三人share食差唔多，價錢唔算好抵但都合理，環境nice，大，唔會迫，氣氛好~服務唔錯，侍應有禮貌，態度好~

鬈毛家有五姐妹，感情非常要好，我們久不久就會來個女孩子的約會，今天我們決定到PizzaExpress吃薄餅，叫了個四人餐，五個人都差點吃不完，好抵食！現在餐廳還趁著世界杯足球狂熱，乘勢推出了一系列優惠，粉絲們不要錯過！ 我們本來想到海港城分店的，靚景呀，可惜半個月前訂座都已經滿座，那就K11吧，一樣好就腳！ 四人餐包括：兩款頭盤＋一款沙律＋兩款薄餅＋一款意粉＋汽水四杯，嘩，好豐富呢，姐姐打趣說，要四個大肥佬才能吃得完！ Dry Ginger Ale 飲品我們見到有「乾薑水」，以為是甚麼特飲，原來是Dry Ginger Ale😅，杯裡放了半片檸檬，喝起來都好清新。 布斯加達焗麵包 意式焗肉丸 我們都好喜歡吃PizzaExpress的麵包，所以前菜都點了有麵包的。「布斯加達焗麵包」非常推薦，熱辣辣、脆卜卜，上面有番茄、紅洋蔥、蒜蓉、香草汁，超級惹味；「意式焗肉丸」是焗豬肉丸配以番茄牛肉醬，伴碟的是招牌麵包球，感覺清新。 主廚精選沙律 這個沙律材料好豐富：雞肉、豬肘肉、芝士、雞蛋、橄欖、酸豆、車厘茄、青菜沙律、烘麵包，特別喜歡雞肉，都是雞胸肉，煮得軟嫰，配上微酸的招牌沙律醬，

呢日上午要出老尖辦D事，下午偷得浮生半日閒，雖然落雨濕濕，但難得有時間，梗要揾個舒適嘅地方歎一歎！於是走到K11 Pizza Express，貪呢度人少少，坐得自在。本來已經係下午茶時間，不過真係有D肚餓，最後決定都係叫個 Lunch Set😜頭盤揀咗布斯加達麵包，再加個烤焗鷄翼，主菜選蟹肉白酒汁意粉再加個咖啡，咁嘅份量啱啱好。😋先上個熱烘烘嘅布斯加達麵包，口感鬆軟，配上番茄、紅洋葱同羅勒葉香草醬，非常美味。咖啡維持一貫水準，不過不失。跟住嚟呢個烤焗鷄翼，味道不俗，配呢個芥末醬，更加惹味。主菜蟹肉白酒汁意粉終於上枱，份量比想像中少😅。蟹肉少到無影，亦無乜白酒味，前2道小食出色，主菜大打折扣。加加埋埋，百二蚊埋單，呢個數目，應該有更好選擇。