Platform (Closed)

住了沙田大圍多年，很少係沙田大圍覓食；百無聊賴係openrice搜尋all day breakfast就發現呢間評價極高既精緻cafe，適逢平日day off，姑且一試非常驚喜，裝潢骨子，色調舒適，環境坐位亦非常闊落……由於是日下著雨，加上已過了午飯時段，食客三枱而已，非常非常極之愜意我胃口太好關係，點了意粉而並非佢地出名既bagel....碟意粉真係誇啦啦……意粉口感極好，唔會未熟過硬或over cook太淋♡醬汁亦唔會過漏或杰達達仲很足料很多帶子及菇菇....很飽很滿足.....最後嘆埋杯檸檬薑茶合合好.....游游閒閒打躉了近兩小時

All Day Breakfast- Roast duck breast ($92).//cheese bagel/ duck breast/ asparagus/ mashed potatoes/ fried egg/ berries balsamic sauce//.無諗過係村屋之中有間文青cafe😛呢間cafe主打all day breakfast亦有意粉、甜品、手工麵包All day breakfast 有7款可以選擇例如煙三文魚、pulled pork等我地就揀左鴨胸肉，肉質好軟惗又多汁🦆Bagel都好有驚喜！外脆內軟，好”芝”味 🧀 好後悔冇買多個番屋企食添🤧

有驚喜既一間小店。雖然距離大圍站一段時間，但都唔算難搵。入到去比想像中細但人唔多，唔洗等位。間cafe 全日都係同一個menu。brunch唔包飲品。bagel有三隻味揀（cheese,sesame,plain)。老實說食物唔錯但環境比食物出色。 特別推介matcha latte.比出面好多cafe都好飲。茶味好濃！拉花都好靚，好打卡able!!食物方面我覺得pasta幾好味。bagel正常啦，食完比想像中飽！

食物有特色，味道不錯，甜品有心思，有驚喜！是日去了下午茶，點了New Yorker bagel, 百花果蜜桃茶，黑松露帶子扁意粉，vanilla latte，yogurt cup。各樣味道都不錯，看得出心思，值得推介。唯一不足了店子不大，要坐 bar 枱或搭枱。

好耐之前睇到雜誌報導，但一直怕排隊未有機會試，難得星期五放假，決定一試!因店內已預留位置給訂座客人，我們只能坐靠窗單邊位置!來之前已知道這間Platform主打自家製貝果麵包，所以叫左一份素營生活配芝士貝果麵包，有大啡菇，水波蛋，法式薯批，蕃茄仔，沙律菜，份量唔算少，賣相亦很好，但未有太大驚喜，反而貝果麵包值得一讚，熱辣辣，脆卜卜，好軟熟，果然名副其實!除此之外，叫左一份美式手撕豬肉，是以燒烤醬調味配青蘋果絲，份量十足又惹味，  另外沙律配酸酸甜甜既汁都好好味，最喜歡那2塊巴馬臣芝士脆片，鬆脆無比，整體上一半濃味，一半清甜味，好夾!飲品點左Hand Drip(B)及凍經典朱古力，Hand Drip(B)就有點普通，可能平時自己有沖開，有一定期望吧!反而朱古力配有棉花糖，上檯時令人眼前一亮，打卡一流!因飲品和食物都需要單點，加埋都偏貴，但如果想打下卡既都係值得既!

休閒的一個下午，本身約左朋友去試另一間有啲出名既cafe，點知去到個間已經排緊隊，而且餐廳好細，覺得應該等好耐，決定search下附近有咩cafe，誤打誤撞去左呢間覺得都好不錯！• 美式手撕豬 Day BreakfastBBQ味手撕豬配青蘋果撕夾係芝士味包包入面，另外沙律配酸酸甜甜既汁都好好味，整體感覺清新唔會膩。• 黑松露帶子 Pasta 汁都夠creamy，但味道比較單調普通的忌廉味，黑松靈味不太突出，但帶子粒都算多。• 朱古力星球 (5/5)超級好吃！！係有朱古力雪糕，brownies，餅碎等等既朱古力甜品，連cream同焦糖香蕉都好高質，可惜係比較細份食完意猶未盡。• 荔枝玫瑰果茶 (4/5)怕甜既我地叫左少甜覺得岩岩好，杯底好多荔枝。• 香橙西柚果茶 (4.5/5)都係叫左少甜，成杯滿滿橙同西柚粒，味道好真實好正。

經同事介紹 來了田心邨中的這一家Cafe 如果不是同事帶我來 我這些非大圍人真的不容易找到這裡雖然在大圍而言 他的價錢絕對不是便宜 但當真正試過的話 就覺得他的用料絕對是物超所值他的All day breakfast有大幾七到八款的肉可以選擇 每個不同的All day breakfast 也有不同的伴碟及擺位 很特別 而他的意粉類更是出色 最值得推介是他的Gnocchi薯團 有咬口 軟硬剛好 薯和粉的比例剛好 每天更有一種特價果茶 雖然店子不大 但位置寬闊 坐得舒服 絕對值得大推

Sesame Bagel with smoked salmon ($68)Bagel 外脆内鬆軟帶點煙韌，伴碟既Salad 酸酸地好清新。Gnochi ($82)Gnochi煙韌好有咬口，連埋溫泉蛋既蛋汁同creamy既忌廉汁一齊食好好味！Hit Me ($80) 敲碎朱故力脆皮，會流岀白朱古力醬，連埋下面既咖啡蛋糕、雲呢拿雪糕同朱古力brownie一齊食好有層次。

難得連放三日假，今日瞓到好晏，然後去大圍既Platform食brunch店舖位置有d隱蔽，本身唔熟田心村，大概搵咗10分鐘至搵到裝修風格簡約，比人感覺簡單舒服 飲品同食物既選擇都唔少，仲有素食餐可以揀點咗new yorker 同辣茄醬焗蛋，兩個都係配cheese bagel份量唔算少，自家製既bagel值得一讚，果然名副其實，不枉我地為咗佢專程而嚟雖然叫辣茄醬焗蛋，但一d都唔覺得辣。另外裏面勁多蘑菇，啱哂蘑菇控既朋友配埋杯matcha latte，滿足~

飲品和食物都需要單點，合起來可能比一般小店來得貴，但是以質素來說是值得的。Go green包括沙律、番茄沙沙、大啡菇、水波蛋、法式薯批，味道出乎意料地好而Bagel的芝麻很香口

聽説這間Cafe很久了，難得不在中上環也有主打bagel的cafe，一於找天來試試。環境佈置得很別緻，感覺很不錯似的。職員安排入座時，有詢問我和朋友會否介意搭枱，或是坐靠窗單邊位，但靠窗座位再坐兩人便會很擠迫了，心裡冷不防覺得有點奇怪。其後職員更幾次錯誤上菜，有點太莫名奇妙了！我跟朋友不約而同地點了The New Yorker及latte（竟然沒有skim milk），一年前的我正身處於New York，每天都在吃bagel，就讓現在的我懷緬一下當時吧Salad的醬汁很入味，夾bagel的醬汁帶有芝士及麻醬的風味，很配襯其他的餡料，美中不足的竟然是bagel本身，小店主打bagel，好像還聲稱bagel是自家出品，但這次的bagel，卻好像不太新鮮，口感雖然煙韌，卻是麵包放太久的那種煙韌，不是會享受的那種咀嚼勁道。不過光是看環境及食物賣相，真的一流。

今日試新野，一入去有一張空的二人枱，因為我一個，帶位男仔叫我同另一個兩人枱搭枱，我問點解唔坐得空的二人枱，佢話想俾兩個的客人，我話有人我可以調枱，所以坐到。這點令我覺得佢地只想做生意，完全fulfill唔到客人來cafe而非茶餐廳。幾分鐘後左手邊兩人枱埋單，變相我好似坐在四人枱。我我食物來到，職員在沒有通知下帶了三個人坐在我那裡，再次證明佢地真係唔知點run cafe. 跟著惡夢啦，個三個人係一家成人，講野大聲同似嗌交，我忍到全餐廳有三張空枱終於叫職員調枱，調去四人枱。嗰刻我覺得還好。後來食食下，佢哋叫我坐bar枱高椅，其實我左邊共四位，如果有四位客人進來可以叫佢地其中一人坐隔離（3cm 之隔），以佢叫我搭枱的logic係有需要坐bar枱。所以我拒絕，佢先問我介唔介意搭枱，我當然唔介意（好奇怪，呢刻又識問下我）入座禮儀，佢哋唔識。首先你定位自己係 a nice little cafe (breathing area within public residential area),但你啲客係expect有私人空間，所以有空枱唔俾客係唔得嫁，一係話reserved. 另外，我一個人坐四人枱

< B a g e l 小 店 / P l a t f o r m > 單點芝麻bagel $15這裡主打自家製bagel 有幾種味道選擇 包括原味 芝士 和芝麻 如果想吃點更飽肚的 可以選擇各種肉類和沙律配撘 Bagel夠熱夠鬆軟 外面脆脆地 呢個價錢有咁既質素 真係有驚喜 😍雖然佢唔係出邊嗰啲好出名嘅Cafe 交通仲要幾唔方便 未必人人會特登走入黎大圍食呢間 但係我覺得水準分分鐘好過出面出名而價錢又貴嘅餐廳 住呢度附近嘅人一定要食多啲!#• 推介: 🍄🍄🍄🍄🍄 •

大圍有好幾間很受歡迎的cafe，這間platform是其中一間，主打bagel，聽說週末人超多，又有用餐時間限制。剛好這次閒日去大圍，就一於來這裡一睹bagel的風采來的時候過了午飯時間，又未到tea time，所以店內人不多。而我就挑了個窗邊位，可以邊吃邊看街坊的日常這𥚃的bagel選擇還真多，有甜、有鹹，任君選擇可惜的是沒有配餐的優惠，飲品要另點。希臘炒蛋配原味bagel ($72)：未吃過希臘炒蛋，所以點來試試。果然bagel配雞蛋是不會出錯的組合，炒蛋很多，內有青椒、車厘茄等增加口感因為餡料豐富，我不想讓味道變得複雜便點了原味bagel~ bage外脆內有點靭度，不錯不錯花生咖啡($45)：咖啡和花生口味並重，味道層次雖然不及我之前在台灣喝到的豐富，但也不錯重口味的人不妨一試～

朋友大力推介呢一間，距離地鐵站雖然有dd距離，但有朋友帶路都唔難搵，仲比我想像中快到。叫左個鴨胸，原本係 expect同其他餐廳叫開食開既鴨胸一樣，點知食落口非常 Juicy!外皮也煎得香脆，肉也不是全熟，非常嫩口。個 bagel 又好好食，又有味道簡，之前我係唔多鍾意食 bagel, 食左呢個之後對 bagel 完全改觀，仲想外賣比屋企人食，不過之後仲有下場所以都係下次先啦。個咖啡都ok, 拉花又幾靚。環境唔算好大，但好彩平日兩點後來，店內也不算太多人。是傾計的好地方。