斗滾 (銀座38) (Moved) New Location

20230211 - 斗滾無限時任食雞煲火鍋＄298 加一服務費雞煲我食唔到太辣，所以雞煲叫左少辣，味道剛剛好上煲時的雞係生的，要根據店家教導每隔2分鐘炒一炒，共炒4次雞煲可以無限refill，我哋加左一次，因為怕食唔晒，叫店員加少少雞，多啲菇可能因為少雞唔夠油，炒唔起唔係咁好食蒸海鮮盆每款海鮮的份量係每人一件中間鋪咗烏冬，唔吸引，冇咩味火鍋店員自動幫我地選了養生燉湯只要like fb/ ig comment就可以任叫牛頸脊及黑豚肉牛頸脊好食夠嫩滑黑豚肉就比較硬自助區配料比較少選擇，冇咩特色椰汁燉雪燕味道濃好味～原來下午都多人食火鍋，呢間店有露台，不過當日比較凍，所以都係在室內食安全啲

朋友生日食飯，選擇到尖沙咀山林道食放題，超抵食加左佢地社交平台牛肉任食🤩，但建議大夥人聚餐book位時講明要近露台位置，會空氣流通坐得舒服啲🤪~先食雞煲❤️可自選辣度🔥🔥，食完可以再➕😘~再上海鮮拼盤🦐🦀🦑🦪每人一件👍🏻~瑤柱竹絲雞雞腳湯😋~蕃茄芹菜湯打邊爐🍲~其他食物自取，牛肉任食🥰~飲品任飲🤪~糖水❤️雪糕🍦抵食之選適合朋友聚會，欣賞佢哋冇限時間👍🏻

已經係第二次食，忍唔住要讚! 雖然我都係食得兩個鐘，係有少少趕嘅。首先講下個雞煲，比生雞你自己炒🫣唔會太老又好快熟, 比個計時器教埋你點炒，個雞煲醬好香，唔會太油👍🏻今次叫小辣，有啲料到🫣加上我唔太食得辣。個雞煲仼食完，跟住上海鮮，起得都幾快!海鮮就唔係仼食，不過份量好足，按人頭比👍🏻咁多樣入面最鍾意鮑魚同聖子，佢哋好簡單淨係落蒜蓉調味都好夠，值得一讚嘅係 海鮮洗得好乾淨!!!🥰好多餐廳為左要大份d 同埋貪快，通常唔會整走內臟，呢度一個內臟都冇，鮑魚都係大大隻🤤配埋烏冬粉絲真係搞唔掂😂開始飽了😂再黎先上個藥膳雞湯，係用烏雞，紅棗，蟲草花，龍眼肉同杞子豬肉去煲🥰好甜，啱曬咁虛嘅我！飲完兩碗，正式進入打邊爐，配料最令我驚喜嘅係有餡嘅豬肉丸同貢丸🫢同埋仼食嘅牛肉係超高質😍佢仲要用韓國麵，好正!!!

book了中午的位，任食五小時很吸引。雞煲：調味不錯，雞是普通飼料雞，我們沒有添事；海鮮：味道OK；燉湯：偏鹹；火鍋：牛肉有牛味，不錯👍，可惜order得不多；服務：滿意；環境：不夠通風，但是中午算是好很多。品種選擇不多，沒有水果，最後的甜品水汪汪也太甜。吃完非常口渴，應該頗多味精。這次因為同行人吃兩下就飽了，所有食物添食次數不多，吃完沒有很飽的感覺。

非一般放題，有齊🐥雞煲♨️＋🦐🐚🐟🐟海鮮拼盤＋養生鍋＋🔪手切牛🐮一坐低整返個「招牌大亂斗」任食🐥雞煲♨️！🐥雞煲♨️有🖐🏻種辣度可選， 朋友仔唔食得辣🌶，所以揀咗小辣 🌶餐廳還細心💗附上煮法，每2分鐘揭蓋炒炒炒炒後，熄爐就可起筷🥢， 把最後一次加埋牛柏葉/腐皮！🐥雞煲♨️可以無限添加， 不過擔心食唔到之後嘅嘢所以雞煲 ，只係食咗一round， 掛住食冇影相😅訂枱前訂咗象拔蚌刺身🥰嘩! chill 大海鮮拼盤包括鮑魚、蟶子、扇貝、海蝦、花蜆、龍躉和讚岐烏冬，看見賣相就十分吸引，打卡一流養生湯底打邊爐未打邊爐之前必飲先開始~正手切🔪牛脊肉🥰最後仲我糖水~椰汁雪燕作結👍🏻

係；無限時大部份人都係差不多時間入座，即係大家都食雞煲先；空會又唔流通，非常YIM眼，不停打乞chi.....唔理想；係；無限時座位非常迫，基本上都係背對背，張枱又細，食得非常唔舒服；係；無限時得一個廁所，仲要非常污穢，排隊又耐；係；無限時但其實無乜嘢食，食完雞煲，跟住蒸海鮮，再之後打邊爐，全部都要出去攞食物，位又迫，通道又污穢；雞煲係任食.....但你比左3舊幾水，唔會諗住淨係食雞；蒸海鮮，每樣一舊......打邊爐，我自己覺得只有牛和魚蛋係會encore......其他....算吧﹗我認我係好麻煩，所以唔會再去﹗完。

✨斗滾 ✨ 一次過滿足你3個願望🤩呢間又係好多人食好難book位 呢日閒日咁岩wtsapp book到5個人食(⁎⁍̴̛ᴗ⁍̴̛⁎)🌶️麻辣雞煲🐓首先打響頭炮嘅係麻辣雞煲 我哋叫咗BB辣有個timer係隔離 每2分鐘要炒一炒 total要炒4次 仲可以加埋芫荽一齊炒 好香好入味 我地忍唔住encore٩(˃̶͈̀௰˂̶͈́)و 雞煲係無限refill㗎! 🐟海鮮盛宴 🦐雞煲食到咁上下記得要同伙記講可以上蒸海鮮 (要等15分鐘左右)一見到海鮮盛宴真係忍唔住嘩咗聲 因為真係好震撼非常打卡able 蒸海鮮係斷人頭計 所以越多人食打卡就越有氣派(*≧ω≦)蒸海鮮主要係用蒜蓉蒸 有鮑魚、扇貝、蟶孑、花蜆、龍躉、海蝦 仲有蒜蓉粉絲同烏冬 海鮮好新鮮不過部份海鮮有少少沙(˶‾᷄ ⁻̫ ‾᷅˵)🥩打邊爐🍲然後到湯底 我哋叫咗養生蟲草烏雞湯 可以就咁飲 好足料 應該無落味精 仲可以解解雞煲嘅膩再上路(*☻v☻*)飲完之後就可以叫佢加湯開始打邊爐 like fb/ig送手切牛頸脊同黑豚肉 可以任叫同任食出面嘅火鍋配料飲品同甜品 不過可以揀嘅肉唔多(˶‾᷄ ⁻̫ ‾᷅˵)總括嚟講食得非常開心又滿足 簡直係味覺同視覺嘅享受 食完不斷推介朋友食

雞煲味道不輸專業吃雞煲的店。香，雞肉有嚼勁，可以無限任續，不過吃太飽就吃不了後面的了，所以我們一行三人沒有加，留著肚子吃海鮮和打邊爐。海鮮是按人頭算的，每人一個粉絲蒜蓉蒸扇貝，一隻鮑魚一隻大蝦一隻基圍蝦和一隻叫不出名的貝類還有烏冬麵。海鮮份量不算多但剛剛好，重在質量很好很新鮮！吃完海鮮基本就已經飽了，後面打邊爐先是烏雞湯，湯非常鮮美營養，裏面很多湯料。建議先喝完湯再煮其他的牛肉和蔬菜！牛肉也很好，入口即化。還有很多其他火鍋食材任拿，飲料任喝，我喝了三罐

海鮮非常新鮮，用返最基本嘅蒜蓉粉絲蒸已經夠晒鮮味🤤🐔煲有辣有唔辣，兩款都好惹味，7個人叫兩煲啱啱好，唔夠食仲可以添加，不過我哋要留肚打邊爐🤭湯底有燉烏雞湯同胡椒牛腩蘿蔔湯，兩款都可以當湯就咁飲，啱晒而家咁凍嘅天氣，飲一碗即刻暖笠笠😙😙，相比之下其他配料變得次要🤭最後仲每人送一碗椰汁燕窩糖水，畫上完美句號🫶🏻🫶🏻

上星期食屋企人生日飯🎂，好多朋友仔都介紹斗滾，所以特登book位試下。座位位置比較狹窄，同後面枱都幾近，店員又經常出入，坐得唔太舒服。1️⃣首先嚟嘅係雞煲 (可任食)，一共食咗三煲，第一次叫小辣，因為未掌握烹調時間，所以肉質比較硬，但味道可以；第二次叫咗BB辣，煮得啱啱好，味道不錯；第三次同樣叫BB辣，完全沒有辣味，沒有雞煲醬的味，完全不似雞煲。2️⃣之後嚟係蒸海鮮，全部海鮮上都放咗蒜蓉。除了魚同鮑魚都算ok之外，其他都麻麻地，無鮮味，肉質好鞋。之前睇相見到有蟶子，但係無，覺得幾失望🙀。3️⃣再嚟嘅係蟲草烏雞湯，非常足料，而且好夠味道，應該冇味精，好好飲。🌟同時間，上咗象拔蚌刺身 (額外加錢)。咁多食物之中最好，好有鮮味，而且好爽口。4️⃣飲剩嘅湯會加雞湯用嚟打邊爐，手切牛頸脊+出面拎到嘅配料都可以任食，牛肉嫩滑，而且很重牛肉味，值得重複再叫，但其他配料一般，而且選擇唔多。😼小熊私心評分：60/100價錢只係$328，仲有部份可以任食，但係只有湯同牛肉係OK，其他只係一般，坐得唔舒服，所以CP價唔高。

今次我地一行四人黎到位於山林道嘅樓上舖— 斗滾！斗滾都係一間好難book位嘅食肆🤧我地為左食呢餐，提前個幾星期book位，都只係啱啱好book到，可想而知係幾受歡迎…😍去到餐廳，佢同我地講室內冇曬位，得番露台位，不過都凍凍地，就冇所謂啦，但如果夏天就。。。🫣🫣🫣開始食野啦！首先係食雞煲，有唔同嘅辣度選擇，啱曬食得唔同程度辣嘅你！雞煲可以無限refill 食完可以再order我地total食左兩轉 (兩轉當然唔夠喉啦，但為左留肚，無計啦🫡）食完雞煲就叫職員上「海鮮盛宴」但提提大家！真係食夠雞煲先好上海鮮，因為生命冇take two,冇得番轉頭食番雞煲咖啦！😬至於個「海鮮盛宴」有我最中意嘅蒜蓉扇貝蒸粉絲，十分出色，夠曬入味，食落會覺得好夾，唔會扇貝買扇貝，粉絲還粉絲，總之好夠蒜蓉味🥰仲有鮑魚仔、開邊蝦同蟶子都十分惹味👍🏻👍🏻但唯一美中不足係個烏冬，個人認為過於乾身，吃落有一餅餅嘅感覺，而且冇乜味，所以我地都冇乜點食烏冬🫢食完海鮮，開始打邊爐！雪櫃有好多火鍋食材可以拎，自助形式，環境都算衛生，唔洗拎個盤出去夾，一碟碟拎番黎就得！火鍋配料就自己再去調配，基本配料都有齊🤨打邊爐最重要係咩？係牛！

相信尼間餐廳大家都唔陌生🤣🤣長期爆滿，有得任食雞煲火鍋，仲有蒸海鮮，一坐低就係忙住食🤣🤣，一開始要自己炒咗個雞煲先，佢都會有鬧鐘提示，個雞煲嗌咗小辣，都可以接受🤣🤣雞件都幾滑，之後有海鮮拼盤登場，咩海鮮都有，好似係鮑魚扇貝等等，個質素都唔算差🤩🤩，海鮮嘅精華攞晒烏冬度！！連個烏冬都好正！！食完之後就打邊爐，我哋就冇揀到燉湯，直接揀咗蕃茄薯仔🤣🤣，like 社交平台就送埋牛頸脊同黑豚肉，不過我覺得黑豚肉好似好食啲😋😋😋最後仲有椰汁雪燕做甜品！超級圓滿，真係有坐低開始就冇停手係咁食😂😂出邊嘅自助雪櫃仲有唔同嘅打邊爐材料，仲有好多唔同款式嘅飲品😍😍😍價錢來講都叫幾抵食，平時星期一至四就$268，星期五至日就$298，又收加一服務費，同埋只係收現金！！！

事隔大半年，朋友們終於夾到時間，再去幫襯。一個價，$268，另收加一，只收現金。雞煲，食咗兩煲，惹味，最好係雞件並不是雞脾肉。蒸海鮮，有六款（聖子、鮑魚、海蝦、龍躉、帶子、花甲），樣樣都新鮮，但有少少蒸過火。燉湯，清得嚟又夠味，烏雞健康又唔肥膩。打邊爐，主要都係食手切牛頸脊同黑豚肉。甜品，椰汁雪燕，味道正常。質素唔差（但整體感覺對上一次好食啲），收費合理，最重要係冇限時（5點食到9點），慢慢食，吹吓水，開開心心咁又一餐。

斗滾@尖沙咀山林道生意好到不得了嘅一間打邊爐約都要一個月仲要坐𨋢口😂貪新鮮係要付出下代價🤷🏻‍♀️一開波任食雞煲之後食到咁上下就轉海鮮盤完食再打邊爐✴️雞煲味道okay雞煲賣相同平時見到嘅一模一樣所以冇特別影相但成間店抽風好唔掂一路熱雞煲啲辣味同花椒味一路好攻鼻攻喉嚨最慘係其他新入既客人一入座又係先食雞煲或者每次人地一追加食多轉你就會跌入攻喉嚨攻鼻無限輪迴🤣刺激到打乞嗤打到我暈✴️海鮮盤人多先有咁大碟(⁎⁍̴̛ᴗ⁍̴̛⁎)其實每款海鮮每人食一嚿😝有數得計我哋五個人所以就大份啲影相出嚟會好睇啲海鮮都okay👌✴️打邊爐🍲湯底第一次去店家會自動幫你用滋補烏雞湯底😅但係我朋友唔係個個都想用依個湯底打邊爐味道太淡可能大部分客想用健康湯底包裝下食打邊爐唔健康依一樣嘢😂😂但係唔係個個客想用依個湯架嘛。。。無得揀既情況下只好用依個湯～其他食物有丸/水餃/鵝腸/鯇魚片/腸仔/牛柏葉/蔬菜…….等等同飲品一樣自己出去攞味道可以嘅但坐得好唔舒服又好焗空氣無流通過😂店員因客太多亦難避免做野會有啲甩漏如果對服務同環境要求唔係太高依間係絕對合格🤣💰每位$298加一星期五六日另加$30

今時今日吃火鍋🍲可以吃得普通又可以吃得好招積，如果吃火鍋同時又想吃雞煲又想喝滋補靚湯仲要貪心吃埋海鮮，那麼這裡就可以一次過滿足你們。***斗滾四式***「第一式」～～～ 招牌大亂斗 任食雞煲🐔煮法每兩分鐘揭蓋炒炒，共炒四次即係八分鐘，炒完熄爐就可以起筷食得架啦！有朋友不吃辣那就吃原味啦！鮮雞件很嫩滑醬汁很惹味配菜也很多，有秀珍菇豆卜紫洋蔥等。「第二式」 ～～～ 海鮮盛宴🦐鮑魚、蟶子、扇貝、海蝦、花蜆、龍躉和讚岐烏冬，超大海鮮盤最啱打卡。蒜蓉蒸海鮮很醒胃，好像吃緊海鮮放題一樣，而烏冬吸收了海鮮精華很好吃。「第三式」 ～～～ 滋補火鍋🍲蟲草花紅棗煲烏雞湯烏雞湯非常滋潤又潤喉，喝下非常舒服又暖胃。「第四式」～～～ 手切牛頸脊🥩之後還可以任吃牛頸脊，薄薄一片牛肉味濃，肉質嫩油脂分布平均，其他火鍋配料可以在雪櫃內任取。最後還有甜品椰汁雪燕，今次個個都吃到好滿足捧住個肚走。哈哈