斗滾 (銀座38) (Moved) New Location

本人生日, 早了兩個多星期book, 話就話無限時, 佢話好full要求2個半鐘就要交枱, 佢話比佢露台位我, 所以我照book1800-2030, 點知去到佢居然話露台冇位, 求其畀個門口位我, 爭論一輪候, 我見生日無謂再同佢爭拗, 所以照坐低, 估唔到非常失望, 野飮又唔凍, 環境又熱又迫（間張枱細到根本放唔到嘢）,食物首先上雞煲唔辣, 但淨係玩一煲雞煲連食, 已經用咗你20分鐘, 食第二煲雞已經用咗好多時間, 時間緊迫直接上第二道海鮮, 太多蒜蓉非常咸, 所以食淨很多就換養生鍋, 養生鍋一樣非常之咸, 所以飲了一碗湯已經轉最後火鍋, 原來養生鍋是用來打邊爐的湯底, 冇湯底揀, 火鍋真係無乜野好食, 只係牛肉無限叫, 連雪糕都冇, 最後四人共$1200落樓, 無下次了, 好在提醒了朋友立即cut booking

第一式：招牌大亂鬥 (任食雞煲)↪️有五種辣度可以選擇的雞煲，平時食開譚仔三少辣的我都可以食到喱度嘅中辣，自己炒雞煲嘅時間已經爆香，雞肉入哂味，肉質亦不鞋，醬汁超惹味，我地四個人都叫多了一round。第二式：海鮮盛宴↪️已經蒸好的海鮮拼盤，有6款海鮮及讚岐烏冬，根據當天的海鮮入貨而提供不同的海鮮，有機會會有一款重覆。海鮮的質素也不錯，加入了蒜油更香更惹味。第三式：滋補火鍋 (任食火鍋配料及飲品）↪️有兩款普通湯底或加$38三揀一款滋補湯底。我地揀了養生燉湯，雖然唔係啲長時間燉出黎嘅靚湯，個湯亦有少少過鹹，但入面勁足料，有半隻烏雞、蟲草花、桃膠、紅棗等材料。可以先飲咗個湯先再自己拎任食火鍋料打邊爐。火鍋料普通質素，但個墨魚滑幾好食。第四式：手切牛頸脊 (任食)↪️只要全枱每一個人like同comment佢地IG post就有得任食手切牛頸脊，牛頸脊都幾有肉味，肉質軟熟，我地四個人好似都食咗10幾碟😂最後再黎多個甜品，椰汁雪燕，估唔到樣子普通，但又咁好食，椰汁味好適中，非常冰涼，好解渴。全餐食咗3個鐘，飽死我地。😂星期一至四：$268/位星期五、公眾假期及前夕：$298/位

今日朋友帶我嚟食呢間斗滾，成大半個月前book都要坐門口位😢不過佢講到咁好食就照食啦！位置的確坐得唔太舒服，比較迫🥲呢度收費係$268加一，包咗雞煲邊爐仲有一盤蒸海鮮😋加上無限時，又真係幾吸引🤣首先嚟嘅雞煲係可以無限添加，需要等兩分鐘再炒，重複三次先食得～一打開超香，唔算好辣，但係啲雞算幾滑，都多肉，我哋都食咗兩round😆食完雞煲會上海鮮，見到真係嘩一聲，相當豐富🤣有蝦、鮑魚、大蜆、扇貝、蟶子同龍躉，雖然講唔上超級鮮甜，但呢個排場同價位，我覺得都算係咁🤣中間仲有啲烏冬，撈埋啲汁好味☺️之後到最驚喜嘅湯底呀😆呢度有得揀燉湯做湯底，估唔到真係咁足料，係竹絲雞湯，啲雞肉煲到好淋，好易可以撕嚟食，入面亦都有唔少杞子等配料，啖湯真係好鮮甜，講真唔捨得用佢嚟打邊爐，都飲咗兩三碗先開始打🙊Like咗社交平台會送任食牛頸脊，比我想像中好食好多，肉味濃，同時配個燉湯竟然唔怪，反而兩者相輔相成，更加好味😳出面嘅配料就都係以菜類同丸類為主，最鍾意萵荀，好好味😋飲品就都係一般罐裝飲品～最後仲有一個椰汁雪燕，食埋甜品真係超級滿足🤤勁抵食！

斗滾bookmark咗好耐都未食到既餐廳訂座個時知道得翻午市12-5 食足5小時🤩仲話有9折 咁就即刻決定要食👉🏻一至四 $268加一👉🏻五至日及公眾假期 $298加一❗️餐廳只收現金 記得帶夠錢😈 餐廳主打一個價錢無限時任食step 1️⃣ 雞煲 💛8.5/10可以自選辣度上枱之後需要每2分鐘炒一炒 共炒4次莞茜會另上 有需要既可以最後1-2轉加入去雞肉非常嫩滑 肥瘦均勻煲內仲有豆卜同菇菌非常吸味 食到食唔停口👉🏻雞煲可以無限refill架 不過食太飽就食唔到後面架啦食夠就可以叫起海鮮大概需時15分鐘step 2️⃣ 重頭戲 蒸海鮮盆💛7.5/10希望越大失望越大🥺上網見到人人食親都係大大盆放滿曬但黎到份量唔算多 零零丁丁咁有啲款式亦都無咗😮‍💨最好食係龍躉主要以蒜茸調味中間仲鋪咗烏冬 不過食落無味step 3️⃣ 火鍋💛8/10湯底可選鮮茄薯仔花甲湯/莞茜皮蛋湯3人或以上可以免費叫滋補湯底：養生燉湯清湯安格斯牛腩清湯涼瓜花膠雞不過今次唔夠3人 就叫咗鮮茄薯仔花甲湯估唔到湯底配料都幾足入面啲花甲食落鮮味十足👉🏻 如果like fb/ ig comment就免費升級牛頸脊牛頸脊好嫩滑 唔鞋唔老黑豚肉

心思思又想食雞煲又想打邊爐又想食海鮮？小孩才會做選擇，我全都要‼️人氣火鍋店「斗滾」，一次過食哂雞煲🐓、海鮮盤🦐、養生燉湯🥣、火鍋🔥價錢仲非常吸引😆今次提早半個月訂枱終於有位，即刻同大家包膠😙.🌟晚市養生鍋火鍋放題💰$268（閒日）$298（五六日）另加一.🐓任食雞煲煲滾一打開好香花椒味😍雞肉肉質嫩滑多汁，吸收哂雞煲醬汁好惹味🤤揀咗中辣夠哂辣😆雞煲食完可以再叫，建議要再加多輪因為真係好好味💕.🦐巨型海鮮盤招牌打卡菜式📸上到嚟真係嘩咗聲，好大盆😂呢度係四人份，有扇貝、蟶子、鮑魚、蜆、蝦、龍躉❤️部份加入蒜蓉粉絲蒸，夠晒香😋中間仲有烏冬，吸收晒海鮮精華後充滿鮮味，加少少豉油非常好食😚.🥣養生燉湯實行「先飲湯，再火鍋」政策😌先嚟烏雞杞子桂圓瘦肉湯，非常足料💕湯頭清甜滋潤😚.🔥任食火鍋用返燉湯湯底打邊爐，任食手切牛頸脊及黑豚肉❤️牛頸脊肥瘦適中且重肉味☺️其他配料坦白講就一般貨色，但其實食到呢度都飽飽地，就咁掃牛頸脊都好足夠😆.🍧椰汁雪燕臨尾仲有碗糖水送，飽哂😂.加埋一先人頭三百蚊左右，有雞煲有海鮮有邊爐，都冇乜嘢可以挑剔😅性價比超高‼️怪唔之得經常full booking🤣食完冇幾耐已經再約朋友擇日再

斗滾訂位，等足一個月先食得，究竟值唔值得大家等呢？斗滾打邊爐放題位位$300，出面正正經經都閒閒地$200起錶，所以$300打個放題唔算太貴。首先坐低會黎個雞煲，雞煲有辣有唔辣，唔太食得辣嘅朋友建議BB辣或走辣，雞煲算足料，香料味好重，雞就一般，雖然都係任食，但你唔會食雞煲食飽啦？食完雞煲會上蒸海鮮，有6-7種，包括蝦、鮑魚、龍躉、大蜆、蟶子，扇貝，加上烏冬、大量金銀蒜，粉絲，非常好食，蟶子係最正，其他都可以食完海鮮就係打邊爐時間，有三款湯：1）烏雞煲瘦肉2）消湯牛腩3）花膠湯打邊爐之前飲左湯先，再加雞湯打邊爐，牛肉係手切牛頸脊，有肉味，唔太肥，6個人打食左接近20碟。配料好似丸、餃、魚皮、菜自助區自便。最後食埋燕窩糖水就完美。以$300而言，有海鮮有手切牛仲要位位$300有找，性價比高之餘十分抵食。另加公有象拔蚌食，鐘意食可考慮下。整體黎講，尖沙咀食海鮮打邊爐放題，$300依個價落樓真係好抵食，性格比極高，所以想食就預早訂位啦

見到網友介紹即刻約人食，今次揀左山林道分店斗滾，約3星期前訂位，價錢包無酒精飲品！最緊要不限時間👍先食雞煲 (可refill) > 海鮮盤(每款每人一件，不設 refill) > 養生燉湯 > 打邊爐 > 椰汁雪燕食頭2款已經7-8成飽左！*雞煲可選辣的程度，上台既時候雞係生既，炒4次各2分鐘便可食；*海鮮盤有蟶子、龍躉片、扇貝、蝦仔、鮑魚、花蜆、讚岐烏冬；*燉湯係指定的紅棗圓肉妃子竹絲雞，然後再揀湯底打邊爐；*打邊爐有手切黑毛豬及牛頸脊、丸、餃子、炸魚皮、菜、芝士腸、餐肉、蝦滑、出丁… 牛頸脊帶牛脂的香味、吾洗點醬也好好味，黑毛豬都ok!食海鮮粥底火鍋都要這價錢，仲有雞煲、黑毛豬、牛頸脊任食，性價比都高👍價錢:星期一至四 每位$268+10%星期五至日 假期及假期前夕 每位$298+10%

近日在市區再下一城，以蒸、煮、滾三部曲聞名，分別是雞煲、海鮮、及火鍋，當中以海鮮盛宴最令人目不暇給。(1) 雞煲隨枱有計時器，每兩分鐘將雞件及香料爆炒，最後放上芫茜。除了雞件，還有秀珍菇、豆卜等，充分將醬汁收入囊中。但辣度偏猛，因為有花椒、八角及麻椒令辣度層次更為鮮明。(2) 海鮮盛宴打卡名物：鮑魚、扇貝、花蜆、龍躉，海蝦及讚歧烏冬。是日不見聖子蹤影，而龍躉及烏冬與其他海鮮並不合襯。味道亦被蒜蓉蓋過，掩蓋每款海鮮的鮮味。(3) 養生燉湯原隻烏雞，有杞子、龍眼肉、紅棗及蟲草花。(4) 手切牛頸脊牛頸脊的部位油花細緻而滿佈，口感爽嫰。養生湯底突出牛頸脊的味道及口感，但湯底濃度不夠，略嫌不足。最後還有一道椰汁雪燕。以整體來說，這個放題套餐的確滿足到香港人的博愛，所有的肉食、海鮮、及甜品都考慮到位。奈何每道食法的銜接有點唐突，無法一下子消受。不過，性價比很OK，店員亦大多友善，也有時間顧及食客的情況。

一早知道朋友八月離開香港，預先早一個月前訂位，但都淨返坐𨋢口位，不過都值得。餐廳非常貼心，預先詢問要唔要留刺身，我哋都加$298預訂左一個象拔蚌刺身，新鮮好食。星期五晚每位298另加$30。四個人，一個雞煲但要自己計時炒，雞煲可以選擇辣到亦都可以添食，食完已經有啲小小飽， 但非常期待海鮮。 海鮮除左蟶子有啲煮耐左， 其他都幾好食， 蝦都係新鮮既，中間有烏冬就真係有啲多左。食完海鮮有雞湯飲， 其實係好補身，飲左一碗湯已經急不及待要落牛肉打邊爐， 餐廳裡面有丸，菜可以自己拎，中間有職員問你加唔加牛肉， 但已經好飽, 臨尾仲有椰汁糖水送。 今餐真心性價比高， 仲要高質。

尖沙咀副店長 態度好好,用心介紹，食物有質素！ Recommend !!😆😆 由於同行有老人家，亦刻意安排一個比較闊落的位置~ 湯底正 野食掂！🙌🏻💕 真心性價比之選！

今次又係朋友介紹先去呢間餐廳食好野🤣🤣我哋total八個人食呢間餐廳，我想講真係好好食又平靚正，完全滿足到我想打邊爐又想食海鮮仲有雞煲嘅餐廳！！我完全冇諗到二百幾蚊就可以食到一餐咁好食嘅放題！🤣🤣一入到嚟就直接開始食雞煲，職員會俾個Timer計時器我哋，每隔2分鐘就開蓋炒一次雞，每次都要炒幾次先好食！我哋八個人就有兩個煲，可以揀大家心儀既辣度🤣🤣啲雞係份量又多又入味，仲可以俾我哋加芫荽落去炒！不過，真係唔好食咁多轉雞煲，因為要留肚食後面嗰兩款菜式！！第二款係海鮮拼盤，啲職員就一路係咁幫我哋移開啲碗碟，一路叫我哋讓位讓多少少，嗰陣碟拼盤仲未上黎個陣，其實我仲心諗點解要咁煩，到底要移開幾多野先上得菜😂😂但係大家可以望吓張圖，碟海鮮拼盤嚟咗嗰陣，我個嘴就mark到好似個盤咁大😂因為實在太驚訝，點解可以咁多款嘅海鮮仲要有粉絲同埋烏冬做伴菜！！！之前睇OpenRice其他食評都無呢碟拼盤咁大碟，應該係因為我哋有八個人，然後就每人都可以每款都食一隻，所以加加埋埋就有咁大個碟😂😂海鮮嘅味道都幾唔錯，又鮮美☺️☺️同埋重點係，平時好易肚痾嘅我都平安無事，絕對要推介呢間餐廳🥰第三款，都係冇咁出色既養生火鍋湯

難得齊腳～大家都鍾意食雞煲打邊爐，朋友又book到呢間任食無限時嘅雞煲打邊爐，唔係唔去呀嘛😆。可能我地比較遲book枱，所以得出面嘅位可以坐。我地張枱一出lift就會見到，好似去飲咁，一出lift見到張簽名reception desk，有趣有趣😌雖然係坐出面比較open，拎野食飲品都要入返去，但我地覺得又幾好呀，夠晒涼（因為個吹風機就係我地隔離😂），如果坐裏面就會迫同埋好嘈😂..一開始就先黎雞煲..我地6個人有兩個，服務員有教我地點食。個雞煲勁香又夠麻辣💯。食完個雞煲，陸續有黎..雞煲之後，我地加左錢要兩個刺身,分別係龍蝦同象拔蚌😍兩款刺身一d都唔Hea ，大大份勁抵食🤩再黎一大籮蒸海鮮🥳🥳，食落去感覺ok，應該幾新鮮😋再黎兩煲燉湯： 烏雞燉湯同蘿蔔清湯腩湯，呢兩個湯算系真材實料，烏雞湯夠晒藥材味，蘿蔔清湯腩清清地得黎又有胡椒香味😋飲完呢2個湯，人都滾晒😂跟住就開始打邊爐喇…不過我地已經飽得七七八八😂。所以都係hea hea地烚下菜，響鈴同埋d牛肉😂…聽聞係手切牛頸脊到最後服務員就送埋糖水比我地埋尾（有小小失望因為唔係雪糕🤣）仲叫我地慢慢食，唔趕我地走🥰總結：任食黎講真係幾抵食，除咗係

斗滾🇭🇰堂食終於放寬咗終於係時候約返班friend出嚟食好西🥰﹎﹎﹎﹎﹎﹎﹎﹎﹎﹎﹎﹎﹎﹎﹎/養生湯火鍋放題🍲 $268+10%/雞煲🐣有得自選辣度🌶店員會比個timer你自己計時⌛️隔兩分鐘炒雞🐥最尾可以加芫荽更加香口🤤紫洋蔥🧅加上嫩滑嘅雞 雞件算多肉唔會得啲🦴骨位同皮 雞煲醬好濃郁啱晒重口味人士😚可以任添雞 但係建議一兩round好🤩因為要留肚!!!海鮮盛宴🦐 荷葉蒸嘅豐富海鮮餐款式多到擺滿個盤🌊龍躉🐟蟶子 𠝹花鮑魚 扇貝🐚海蝦🦐花甲 都好大隻同新鮮😍當中最驚喜係彈牙juicy龍躉同蒜蓉🧄粉絲蒸嘅蟶子🤍鳥冬 粟米🌽同翠肉瓜🥒墊底清甜得嚟好索海鮮精華 好入味😚養生燉湯火鍋放題🍲頭一輪有得飲老火燉雞湯🐣蟲草花 烏雞肉都算滑 稔到好易散肉🍗湯底好甜🥰邊爐🫕料可以自己去攞 墨魚🦑滑超推介🤩真材實料又有墨魚粒🥰like 社交平台仲食有牛肩脊🥩好重牛味🐄椰汁雪燕🥥呢個價錢仲要包埋甜品真係完全無得挑剔🤤一人一細碗 椰汁清甜得嚟雪燕份量都唔少🥰係個perfect ending﹎﹎﹎﹎﹎﹎﹎﹎﹎﹎﹎﹎﹎﹎﹎﹎

🍳斗滾有幾多朋友都試過去斗滾食嘢, 個個都係超級去推薦, 所以今日就約埋一大班朋友足足成十六個人一齊去試下啦。All you can eat dinner ($268)⭐雞煲咁首先餐廳會提供任食雞煲, 建議雞煲揀小辣, 個味好食到我哋order左足足3 round雞煲🤣⭐老火烏雞燉湯食完雞煲跟住要打邊爐湯底。湯底一共有2款可以揀, 一個係老火燉湯, 一個就係清湯腩鍋。咁因為我哋人都比較多, 所以就每款湯底都要咗兩煲。首先就講個老火烏雞燉湯啦, waaaa, 真係唔係講笑呀, 我覺得呢個真係餐廳招牌中嘅招牌, 超級濃郁嘅燉湯, 又清甜又有雞味, 我忍唔住一飲就飲左2碗先開始食其他嘢😂😆⭐清湯腩鍋底跟住就到佢個清湯腩鍋底, 呢個都超級正, 清湯腩好鮮甜, 而且食得出佢嘅牛肉係靚材料, 同埋呀佢又唔會煲到老曬。因為兩個湯底都非常之高質嘅關係, 我會推薦大家約埋多d 朋友一齊去, 咁你就可以食哂兩個湯底啦。⭐任食手切牛肩胛餐廳另一個招牌就係任食手切牛肉, 呢個嘅肉質都好靚, 淨係呢樣嘢我諗我嗰日同成班朋友真係起碼食order咗三十幾四十碟⭐椰汁雪燕最後就係甜品椰汁雪燕, 打完邊爐之後食碗雪燕啱

聽朋友介紹話好食, 所以來試下, 不過佢地好 full, 我即刻訂定一個月後再約朋友book 了8名, 估唔到餐廳比一個無冷氣位置我, 雖然上面有風扇, 但你點樣可以接受打邊爐無冷氣? 仲要係餐廳, 唔係大排檔, 我覺得如果要坐露台位置, 餐廳一定有責任 book 時同客人講聲座位位置都好迫, 有D仲係膠櫈, 可能因為空間細, 所以放唔到舒適一點嘅椅子雞煲叫大辣但唔算辣, 味道都入味!海鮮蒸好放枱, 都擺得好靚, 但蒸烏冬有點太乾侍應推介象拔蚌刺身, 正常要訂, 但佢話有兩條多出, 價錢都抵, 所以要了, 都算新鮮到打邊爐時間, like 社交平台 牛頸脊可任添, 雖然係咁講, 但上得好慢, 原本 sell 象拔蚌刺身時笑容滿面嘅姐姐, 又話好多單, 又話廚房切唔切, 好多理由推搪我就覺得可以不來試, 受歡迎只係最近廣告賣得恆!