斗滾 (銀座38) (Moved) New Location

抵食海鮮雞煲邊爐🦐🐔🥘📍位置：尖沙咀山林道38號銀座38 12樓(另設分店：西環石塘咀山道54-66號適安大廈地下A號舖及1樓AB號舖)🍽特點：高性價比無限時任食雞煲海鮮🐓🦐🥘🌟推薦菜：海鮮拼盤 🐟🦐🥘💰價錢：人均消費$305💯評價：可以一次過滿足哂3️⃣個願望嘅餐廳😋一開始打頭陣嘅係雞煲🐓 職員有教要點煮(煮8️⃣分鐘之後先食得⌛️)可以無限添加，我覺得如果四個人就食一Round已經好夠，如果唔係食唔到之後嘅～ （有朋友多啲人一齊去食，食咗成 4 ROUND，所以好DEPENDS你哋本身自己嘅食量！👬🏻👫🏻👭🏻）之後就到海鮮拼盤！ 呢個海鮮拼盤係包括鮑魚、蟶子、扇貝、海蝦、花蜆、龍躉同烏冬，賣相十分吸引，打卡一流！ 🦐🐟🧑🏻‍🍳不過其實我覺得比想像中冇咁驚艷😂全部海鮮都新鮮，但係無好食到不得了嘅感覺🙊同埋我覺得反而係望落好普通嘅烏冬，就有驚喜，好好食😂烏冬因為吸晒啲海鮮嘅汁，所以好好食！🙈第三輪就係令到佢嘅燉湯打邊爐🥘我哋今次揀咗涼瓜花膠湯，冇咩涼瓜味，反而係唔知點解我覺得有少少胡椒味。幾好飲嘅，不過就真係唔係花膠湯嘅嗰種味道。😔😬同埋可能已經係食到第三輪嘅關係，其實打邊爐上面都食唔到好多，

好耐冇打邊爐啦 聽同事講呢間book枱會送一大盤海鮮 而且仲要勁架勢大大盤超igable❣️斗滾四式火鍋放題 $298/位🥢海鮮拼盤盛宴盤嘅直徑=張枱咁闊🤏🏻扇貝 聖子 帶子 海蝦 花蜆 龍躉 鮑魚 用蒜蓉豉油清蒸加上少許辣椒🌶️吊吊味 keep住海鮮鮮味 墊底嘅讚歧烏冬吸鮮甜豉油十足醬油撈烏冬 唯一係啲蝦有少少霉 整體都唔錯🥢麻辣雞煲任食洋蔥同雞嘅比例1:1 而且爆香吱吱聲勁吸引 唔食得辣嗌小辣都過癮雞件數量頗多 麻香味好開胃 最後encore左兩輪 🥢清湯胡椒牛腩煲胡椒味極濃有少少似肉骨茶 但唔會太刺激一飲就想咳嗰隻肉類吸收之後淡淡胡椒味由內滲到外 唔想食太重口味嘅可以考慮下🥢椰子烏雞湯原來真係有隻烏雞放底熬湯 另外仲有椰子🥥條 清甜湯底烚菜煮麵都好好味🥢小食出邊自助吧有得攞響鈴卷同炸魚皮🐟而且仲要任食 估唔到成晚有咁多嘢食🥢蔬菜粟米 蘿蔔 菜心 生菜 茼蒿 油麥菜 蓮藕 海鮮菇 金針菇 秀珍菇 粉絲 枝竹🥢海鮮鯇魚 魷魚🥢火鍋配料蜂巢豆腐 豆卜 豬皮 鴨血 牛柏葉 牛丸 貢丸 魚餅 年糕丸 墨魚丸 魚蛋 芝士腸 魚皮餃 雲吞 午餐肉 鯪魚滑 墨魚滑

海鮮可以，種類唔係太多，牛肉一般，一分錢一分貨，價錢尚算合理，不過湯底及醬油超級鹹，希望有待改善，服務員態度也很好，人手充足，環境衛生也可以，不過地方太細，隔籬坐着一班好嘈的客人。

🍲 斗滾 .超豐富嘅一餐！有任食雞煲，再蒸海鮮，到任食打邊爐，真係食到捧住個肚！雞煲熱辣辣，超推薦，另外打邊爐任食果款牛質素都唔錯，好抵食👍🏻.📋Tips: 一定要打電話去book位，因為真係超爆場！.😋Recommend? ✅ 👩🏻‍🍳Food rating: 3/5👩🏻‍⚖️Overall experience rating: 3/5 .📍 斗滾 (Pot of soup )👣尖沙咀山林道38號銀座38 12樓

10點幾喺附近做完嘢，唔知食乜好，同行朋友話帶我食雞煲，話好抵食又好味間鋪喺山林道街尾果座新大廈上到去鋪頭唔算大，一眼望哂，所以要食一定要訂位🫣我朋友預先打電話留左位，一坐低就上咗雞煲，我而家先知原來任飲任食😂😂雞煲唔錯喎，好多雞，又夠味，食完雞煲就上蒸海鮮，嘩，呢盤野好開心喎😍好鮮甜，中間d烏冬吸收哂d精華，勁正食完雞煲再食埋呢盤海鮮都開始有少少飽，之後仲有火鍋同手切牛頸脊😋🤰🏼火鍋配料出面攞，都唔少款，基本上嘅都有得攞，鵝腸，牛柏葉，水魷等等呢啲都有😋埋單每人唔洗300蚊性價比好高👍🏻

想打邊爐同時又想食雞煲⁉️咁位於尖沙咀呢間任食火鍋店「斗滾」絕對係好選擇👍🏻佢仲有大大碟嘅海鮮拼盤添🤤吃完真係飽到唔知講乜好上菜分為四步曲👇🏻👇🏻👇🏻👇🏻📌第一步—— 雞煲🍗第一道食物以雞煲打頭陣，可選辣或者唔辣🌶（四種辣度），落芫茜或者唔落。煮雞時記得要跟返時間翻炒下，唔好搞到黏晒底🤭食完唔夠喉仲可以添㗎！📌第二步—— 海鮮拼盤🦐第二道就係意料之外嘅海鮮拼盤，入面有好多款海鮮，例如開邊蒜泥蝦，扇貝粉絲，鮑魚等，簡直係海鮮盛宴🤩📌第三步—— 火鍋🥘第三道就到打邊爐啦，斗滾主打先飲湯後邊爐，係落食物之前，可以飲咗滋養湯底先🤤之後就可以叫服務員加湯正式開始打邊爐。有四種湯底可揀，我哋就試咗養生燉湯，湯底都好足料，有烏骨雞，蟲草等，夠晒入味😋📌第四步—— 甜品🍮最後一道就以涼浸浸嘅椰汁雪燕結尾，食完咁多野食，最後用清甜嘅椰汁雪燕作解膩就一流啦☺️呢餐盛宴十分之抵食，我哋最後以每人$298埋單😍竟然可以三百蚊都唔洗就食到咁多好野，真係抵到爛！！！⚠️注意：只收現金——————————————————推薦度：⭐️⭐️⭐️⭐️美味度：⭐️⭐️⭐️⭐️環境：⭐️⭐️⭐️📍地址：尖沙咀山林道38號銀座38 12樓📍地址：西環石

📍#尖沙咀 #斗滾打邊爐係唔受季節限制，幾時想食就食💁🏻‍♀️個人認為打邊爐勝在多樣化，要雞要牛、要麵要飯任君選擇🧏🏻‍♀️最正係宜家打邊爐好多花臣，唔止打邊爐仲有其他嘢食✌🏻今次呢間仲有打邊四步曲，搞到好期待😚另外午市時段冇限時，任食足5個鐘😱1️⃣雞煲🐓一嚟就先食雞煲，有得揀辣度，應該一早整好急凍，落order再拎出嚟👐一滴水都可能冇落，醬汁好濃稠，食唔到幾辣，鹹到爆🥵同埋好多雞身位，勁多骨，雞髀骨有、肉消失🍗2️⃣蒸汽海鮮🦐要預7分鐘左右蒸，所以食到咁上下就好落單😛海鮮份量係按人頭分配，海鮮應該係新鮮，不過加咗好多蒜茸蓋哂鮮味，同埋勁油好可惜🥺最正應該係魚塊，大大件，仲要冇骨😛3️⃣打邊爐🍲終於到重頭戲，套餐包咗手切一款牛肉，其他丸類、麵食可以出去拎😄如果like+share fb仲有多款豬肉食😋牛肉好嫩滑，重牛味，仲因為手切會厚身啲🤩豬肉就似機切，但薄得嚟都有味唔會羶🐖湯底係佢哋其中一個賣點，店舖建議打邊爐之前飲湯先😎不過老實講，叫番茄薯仔花甲湯，有啲淡口，唔係真係足料靚湯🤪勝在唔會越煮越鹹，都算優點😉4️⃣甜品🍧最滿意甜品，餐廳係冇雪糕雪條，不過就提供椰汁雪燕糖水🥥好香椰汁味，唔會甜到糖尿，真係

同朋友慶祝生，就滾一滾啦！我哋要兩個星期前book定位，因為真係好爆場！佢哋一個價錢滿足我三個願望！第一度菜係雞煲是任食架，只要食得落，可以無限加，辣度可以要求少辣、中辣同大辣，味道真係吾錯，好野味，又多配菜（芹菜、蒜頭、洋蔥）好鬼正，索哂D汁！😗真係啱D大胃王。之後就係蒸海鮮拼盤，雖然吾係任食，但款式都多架，有鮑魚、魚、蜆、聖子、蝦🦐，仲有烏冬，每樣食材都好新鮮！最後就係打邊爐，記得飲個湯先，烏雞湯，材料十足，好香濃，正，follow 社交平台 仲送一碟牛頸脊！打邊爐嘅食物係任食，雖然吾係什麼貴價食材，但勝在款式夠多選擇，飲品任飲，仲會送雪燕椰汁糖水添，下次一定會回頭食！每位二百幾蚊好抵👍

一大班朋友食飯最好就係打邊爐，揀左尖沙咀嘅斗滾！訂枱訂左7點，但去到都要等一陣。座位係卡位設計，枱貼枱有少少逼，坐裡面嘅攞野飲要拜託朋友幫手🫡斗滾行過三關玩法，一個價錢三種享受，飲品除左啤酒全部任🥤第一關係雞煲🐔，點左BB辣好惹味，雞塊好入味，莞茜貼心地係另上，方便唔食莞茜嘅朋友可以唔落。第二關一上黎全部人即刻哇哇聲！海鮮盛宴實在太震撼！🦀🦐🐚🐟海鮮質素絕對冇因為價錢而將貨就價，鮑魚/蟶子/帶子都好新鮮，仲有中間嘅烏冬簡直係畫龍點睛！實在太好味啦！第三關係任打邊爐，我地叫左胡椒豬𦟌湯，好香胡椒味，不過出奇在食落係冇胡椒味，豬𦟌太多有啲阻住我地打邊爐，所以中段要將佢勺起哂！肥牛片係任點，其他火鍋料可以自己喺雪櫃攞。選擇都幾多，質素亦不錯。值得一提係伙記真係好好，全場滿座都keep到有禮貌仲有條不紊，好快應你又好快幫到你。勁👍

一入到去都聞到有啲攻鼻嘅香料味，但整體覺得抽風都已經算唔錯，而枱面地下都算乾淨，無油淋淋，我哋6個人坐卡位都舒服，但見店中間嘅位可能就背脊貼背脊，迫夾少少，仲有啲4人枱擺𨋢口😂😂 坐𨋢口嘅話都幾慘🙊坐低後店員有介紹用餐嘅次序，先任食雞煲，然後上一盆海鮮，最後就上燉湯，再用返個湯食任食手切牛火鍋！•🥢 $268/person📸 招牌大亂斗(雞煲)一開始上雞煲，任食嘅，食完可以再refill，我哋叫咗2煲！上枱係一煲醃好嘅生雞肉同配料(洋蔥、辣椒、豆卜、秀珍菇)，雞煲要每2分鐘炒1次，總共炒4次，都要啲耐性等同炒，不過炒第一煲嘅時候店員無提我哋電磁爐嘅火力，開大咗嚟炒就燶燶地lu😂 第一煲都幾多肉，但refill之後就多咗少少骨，但都可以接受。個雞煲其實都幾好食，因為有唔太食得辣嘅屋企人，所以叫咗bb辣，麻辣味好淺，而係比較重孜然味；有啲花椒粒，味道稍濃，但食得雞煲都預咗~ 📸海鮮盛宴海鮮拼盤係喺廚房蒸好再上枱，有6款海鮮: 鮑魚、扇貝、蟶子、半隻開邊蝦、魚片同蜆，海鮮按人頭份量，上枱果下都幾澎湃！質素正常，不過比較細隻，但呢個價錢包咁多野食喎，算很不錯😌 海鮮主要配粉絲、大量生蒜同蔥蒸，

第一次同朋友去食 大大力推薦海鮮拼盤1. 雞煲 叫左個bb辣都惹味唔算辣 食得辣既可以叫大辣🤣2.海鮮拼盤 呢個真係主要既重點 有好多海鮮🦞啲海鮮好新鮮 岩一大班人去食3. 胡椒牛楠湯加雞濃湯先講左胡椒牛楠湯 個湯好飲 飲完一碗都唔口渴雞濃湯都好岩小朋友老人家喜歡 很好啊😆4.火鍋就用返胡椒牛腩湯同雞濃湯做火鍋 自己可以出去野食區都拎野食👍🏻至於環境方面，就覺得位置有啲逼，一出到lift口就見到幾張枱 但整體野食質素真係好 服務都好好👍🏻

環境: 山林道分店地方略為淺窄 由於客人眾多， 就連𨋢口附近位置都放咗幾張枱， 當等待下一輪之人客的越多的時候， 在咫尺之間的情況下， 𨋢口附近食客就頗為尷尬質素: 用多式種類食法招來而非新鮮事，最緊要味道和材料質素;首輪雞煲味道尚可但不算太凸出(本人嘗過更美味的X品雞煲 但今非昔比) 辣度可以選擇亦比較細心， 但三人份量亦不見太多 當然你可以選擇添加， 講到重點，雞的質素認真麻麻， 我們三人都認同 根據啲骨骼隻雞應該不算太大 但最重要成都七成都係骨頭， 其餘三成嘅都係啲比較靭嘅雞胸雞背， 我們還打趣地說是否其他客人的廚餘， 當然這個純粹講笑， 我們估計廚房將一大鑊雞 隨意分配每一煲去準備， 當中每一煲雞的質素真係靠你個人運氣， 當晚我們食的呢一煲 真係有七成骨頭....蒸海鮮質素非常新鮮調味也是恰到好處， 賣相算是打咭位當晚我們嘗到烏雞滋補湯，每人先來一碗， 老實講味道不過不失， 味道幾有藥材味 半隻烏雞完整都算大隻 ，可能飲完湯就要用湯底嚟打邊爐 所以公司亦冇太著重火喉控制打邊爐部分 主要係任食牛肩脊肉和大量自取任食配料， 飲品種類之多是數一數二， 自助火鍋配料食品也分配得井井有條

今次已經係我第二次幫襯斗滾,book位要提前好多先有位,可能舖頭偏細😅呢度特色係海鮮拼盤專俾人打卡吸引之處係可以一次品嚐三種款式😋雞煲+海鮮+火鍋 雞煲及火鍋都可以任食,而且唔限時.....♨️ 雞煲第一步先吃雞煲,可選擇辣度,芫荽會分開上;需要食客每2 分鐘攪拌一次,重複4次就可以開吃!而且有個可愛嘅雞仔計時器畀你計時我們要咗小辣,雞煲醬都十分入味,雞件都嫩口惹味😋♨️招牌海鮮拼盤為咗海鮮拼盤專程嚟打卡嘅人多的是😅海鮮的分量係睇人數計,種類大概有6款, 包括鮑魚、蟶子、扇貝、蒜蓉開邊蝦等中間有烏冬及萵筍,粟米等配菜,...海鮮基本上都尚算新鮮鮑魚爽口彈牙,中間嘅烏冬吸收咗海鮮嘅湯汁好好味,只係口感偏軟咗啲.♨️養生火鍋揀咗烏雞湯底,雞湯滋補營養,鮮味,配料十足,夠濃烈記得要喝了頭啖湯先再吃火鍋,對於我哋係牛魔王當然要叫手切牛頸脊啦,我哋都叫咗好多round😋好鍾意牛頸脊嘅口感,脂肪不多,油花適中,有牛味👍黑豚肉口感爽嫩軟滑亦不錯,仲有好多其他火鍋配料及飲品是自助,同其他餐廳火鍋差不多！♨️甜品椰汁燕窩,呢個我就覺得麻麻,太甜同埋有啲稀！總括嚟講ok嘅,真係飽到捧住個肚走😅

唔係建議 係一定無論如何都要打電話book位因為啲人多到真係打爆成個場好彩預早一個星期book位 但都要到9點半先有不過餐廳好好 如果早啲有檯都會打比你所以比原定9點半早左半個鐘有檯雖然多客 但座位都唔會坐得好迫狹 又會比籃你放野 通風都唔會好局促一坐低 店員會放低餐牌再講解流程點食第一式 招牌大亂斗 既然雞煲係無限添加 我地決定慢慢將辣度升級 一開始揀BB辣雞煲黎到都唔係即刻食 要起碼翻4次先入味一開蓋 嘩 雖然雞份量一般 但加上有豆卜同雞髀菇索味 成件事好吸引但BB辣度就唔夠痳 好快就散 維持得唔夠耐所以第二次 我地揀左小辣 打開蓋 浸辣味撲入鼻腔 急不及待要試試果然辣味係口更加持久 同埋有痳痺感但食完2煲其實時間同飽肚感都差唔多所以要試第二式啦第二式 海鮮盛宴海鮮盆係計人頭 一共有六款海鮮烹調方式選用清蒸 只係加蒜茸入饡其實只係用簡單嘅蒜茸入饡的話 真係要好有信心海鮮係好生猛 而當晚我地食嘅每款都的確好有鮮味 唔需要加任何調味料 好出色第三式 滋補火鍋我地見到餐牌下面有4款不同口味湯頭 以為可以自己揀 點知原來2個人先有得揀 如果4個人就佢地會比招牌湯頭你 開頭有啲失望 但捧到上

第一次嚟食 一早訂咗位1830 中午問一次 1810問一次 不停提兩小時要埋單 無問題 上到嚟 雞煲 無特別 跟住食叫海鮮 驚唔夠時間食 點知一等等咗成20幾分鐘 走埋嚟 問 你哋重等緊海鮮 之後再等 又走埋嚟 不如同你上打邊爐先 於是問 咁兩個鐘係咪會比番少少時間 答 無架 你哋一早要叫上海鮮啦 無言。。。轉身離開。。。無再理我哋 終於海鮮到 坦白 好一般 無乜特別。係啲牛還可以 食完無任何印象。跟住打邊爐 同樣 好一般 唔明點解啲要成日訂枱訂 可能我食運唔好