斗滾 (銀座38) (Moved) New Location

之前食過一次，對盤海鮮念念不忘趁幫媽媽慶祝生日就帶全家向度慶生間鋪就乾淨企理，但坐得比較迫一開始食雞煲，唔辣一煲先，雞幾嫩，又有洋蔥爆香，份量適中再黎多煲小辣，唔食辣既我只食到兩三舊，小辣得黎係香，唔會麻辣，幾惹味最期待既海鮮拼盤到啦有粉絲蒸扇貝 蒜蓉蝦 鮑魚 粉絲蒸蟶子 魚，連埋烏冬底，睇見都流哂口水，仲好好味，烏冬粉絲索哂蒜蓉味真係一流扇貝 鮑魚 蟶子魚都好淋好入味，唯獨前後兩次食d 蝦都係一般，肉比較霉身，只靠蒜蓉味搭救仲有唔好睇少舊栗米，超甜超好味跟住就上一煲蟲草花烏雞燉雞湯老火湯夠哂滋補 烏雞夠淋肉唔諧，男女飲都夠哂滋補，連我媽都讚不絕口飲埋湯就到火窩放題佢d既手切牛頸脊質素都幾唔錯，另外墨魚滑都好好食，但勁快冇哂🙈最後以椰汁雪燕做甜品作結好味又滋潤，好滿足既一餐實會再encore 多次

一次過可以食雞煲,海鮮拼盤, 燉湯, 打邊爐同甜品🤪兩間分店都食過, 個人覺得尖沙咀店好食D🤣不過尖沙咀店長期好full, 想食要提早book啦! 第一輪雞煲🐓, 可以選擇辣度, 自己炒四次, 每次2分鐘就食得, 唔夠仲可以再添。個人認為幾惹味。第二輪係海鮮拼盤🤪, 有鮑魚、海蝦、聖子、蜆、龍躉,放滿蔥同蒜蓉。兩次食海鮮都好新鮮, 有一件勝瓜同粟米吸晒啲汁, 都好正, 不過海鮮拼盤冇得再添。第三輪係飲燉湯, 兩次我都揀咗養生燉雞湯,鍾意飲湯嘅我就好滿意啦🤣第四輪係打邊爐, 燉湯飲得多就可以加清湯繼續打邊爐。只要like同留言就可以任食牛頸脊, 個人覺得牛頸脊好好味🤤雪櫃仲有其他嘢食攞, 魚皮同響鈴都幾脆!第五樣就係甜品啦！ 椰汁雪燕, 不過個人就認為甜咗少少😶有基本醬料同飲品, 如果飲品可以再凍啲就好啦！推薦美食🍴：海鮮拼盤🦐🐟牛頸脊🐮Info🗒: 地址： 斗滾 （尖沙咀)尖沙咀山林道38號銀座38 12樓斗滾 （西環)香港西環山道54號適安大廈價錢：成人收費$268/另加一小童95cm以下免費，145cm以下半價星期五，六，日/假期及其前夕，每位另加$30 訂位： 6211 192

一班朋友早2個星期book左斗滾尖沙咀店，安排左入房坐，但係有d逼，要肩貼肩坐，後面都有人😅一開始係雞煲，要等一陣先上菜，黎到仲要炒一炒先食得，試左唔辣，小辣同中辣，雞煲比較遜色，小辣同中辣都無咩味，唔辣反而仲好食，雞肉都唔算太多🤦🏼，係扣分位。之後就係上蒸海鮮，海鮮上菜係好睇既，打卡一流，雖然得一份，但每樣野都好食😋然後就到上湯打邊爐，湯底可以飲左先，而且好足料，唔似岀面d濃味火鍋咁👍🏻打邊爐可以岀去拎料打，都算多野試，最正既係任fill既牛肉同豚肉，好食推薦。👍🏻最後仲有一個椰汁甜品，呢個太甜同埋食個陣太飽，唔識欣賞🙈為海鮮打卡既都可以黎，雞煲既話就唔太推薦了。

今日我與同事分別WhatsApp及致電查詢想預訂25/11及9/12的晚市火鍋。首先，同事WhatsApp所得到的回覆是25/11要9:30pm後才有位。但因時間唔啱所以沒有訂位。稍後我們商量好決定改日子，我致電想預訂9/12的晚市火鍋。怎料接線店員說週五、六、日的預訂較多，如我要訂6:30pm便需要8:30pm交枱；否則便8:45pm後入座！我奇怪火鍋店不是寫明無限時任食嗎？？於是我再問一下店員，她又說一遍沒有限時，但週五末日多人訂枱，所以要有交枱時間！！我問有那個星期五是真正沒有限時間的，她說暫時沒有，12月的期已訂滿，下年一月的未能預訂！這究竟什麼制度的「無限時火鍋」，未吃已令我即時火滾+斗滾😡😡😡

呢間同朋友食左都有幾個月，依家先的起心肝打返個食評！😂🫠平日價錢$268加一，有點環大讚嘅就係唔限時間，可以慢慢傾住食～第一式係可以任食嘅雞煲，隻辣幾惹味，overall嚟講大家都覺得比起好多雞煲舖優勝。第二式係海鮮盛宴，有六種海鮮，而海鮮數量按人頭比。一大盤咁上人多的話都真係幾震撼。鮑魚彈彈彈牙，不過對龍躉有啲失望，肉質有少少老。第三式就係飲湯，個湯係竹絲雞唔記得左咩湯😂。落左勁大隻竹絲雞同一大堆豬肉嚟煲，好鮮甜嘅味道。第四式就係打邊爐lu，like fb就可以有任食手切牛頸脊同埋黑䐁肉。最後仲有個椰汁雪燕做糖水，攬住個大肚腩走人。😆🤰🏻🤰🏻〰️〰️📍 斗滾 (銀座38) (尖沙咀)尖沙咀山林道38號銀座38 12樓

睇東張西望得知有間咁既野周日約左食友去山林道斗滾試下四式，訂左龍蝦刺身現場環境極之惡劣，座位擠逼，2-3人位差吾多掂到隔離枱既人，隔板邊又黑曬，少少影響食慾。（0/10）先講講五樣東西一： 雞煲叫左bb辣，都幾野味，跟足指引整4次兩分鐘，剛好熟。如果少人食吾建議再要第二煲，會太快飽 （7/10）二：海鮮盤，整體一般，無咩特別（5/10）三：加左錢試雞湯，味道吾錯，比較實在既一式 ，值得一試（8/10）四：龍蝦刺身，吾建議試，貴得黎又無咩味，量少，結果忍吾住放入湯整熟。（1/10）五：火鍋無咩點食野，因為雞煲吃左兩輪，雖然like ig/ fb有牛送，但自選野食選擇吾多，都系丸菜腸等等。（3/10）整體黎講系不回頭分數 （4/10）感覺人多去食野先著數，人少要控制好食量！

呢間餐廳超難訂 可能太超值首先冇限時間已經非常吸引唔係要不停咁食 而且一班朋友傾偈唔使趕住走不過坐嘅環境就真係麻麻地尤其現出𨋢已經有幾檯如果我坐喺嗰度會幾唔開心去到係先食雞煲 無限添完全雞煲就有蒸海鮮（人頭計冇得添）但份量超多 而且好新鮮食完海鮮就飲湯 個湯真心好飲之後再用嗰個湯打邊爐🍲配料飲品自取Like佢個FB/IG仲可以有任食牛肉仲要係高質嘅 不過當時太飽食唔到好多我哋叫埋一支sake 仲有生啤最後都係三百幾一個人 抵食

成餐飯最鍾意個蒸海鮮 海鮮都係common 個幾款 都係蒜蓉開邊蝦🦐 扇貝 蟶子呢啲 特別既地方係下面舖左塊荷葉 雖然啲海鮮都好似都冇點吸到味🤣 但其實最最最好食既係舊勝瓜同烏冬 勝瓜勁鮮甜多汁 仲吸左啲海鮮精華 烏冬就完完全全吸哂啲海鮮精華 勁好食

期待已久😍斗滾4️⃣重奏1️⃣先食雞煲.可以自選辣度🌶雞肉方面🐥肉質唔嚡🐣夠嫩。🤵🏼‍♀️職員會事先溫馨提示.每2分鐘炒一次.共4次2️⃣蒸海鮮🦐🐟每款每人一件海鮮🦐3️⃣飲湯。湯方面 選擇左竹絲雞🐥同蘿蔔牛腩清湯 竹絲雞湯底夠味，夠火候🔥飲完都唔會又口渴情況出現。4️⃣任食火鍋🍲湯底用返飲湯材料繼續

網上近期熱烈推介嘅食店，見星期六午巿可以食足5小時，最啱約埋班姐妹圍爐，呢度地方唔大，坐低之後睇下個menu先，咦…斗滾四式咁搞👻先嚟第1️⃣式 任食雞煲，揀咗小辣🌶，雞嫩有肉汁，個🐔煲幾重花椒八角味，仲食到濃濃嘅孜然味道，都幾特別第2️⃣式 海鮮盛宴，以蒜蓉清蒸，龍躉片較為出色，其他海鮮一般第3️⃣式  燉竹絲雞湯🥣，好足料，但個湯偏咸第4️⃣式 手切牛頸脊，只要同枱人士like佢哋嘅社交平台，就可以任食，牛頸脊幾，冇話嚟兩碟之後就走樣，相對火鍋配料就明顯失色，少選擇之餘，質素亦麻麻，仲有火鍋豉油偏咸🥴，最後每位奉送椰汁雪燕總括來說如能改善火鍋配料呢part，相信cp值會提升不少⬆️ 

想食好耐，由9月開始想訂，今次早一個月訂，終於訂到位，雖然都只係訂到8:45果轉😂雞煲+海鮮+滋補靚湯+火鍋，除左海鮮全部都可以refill雞煲有唔同辣度，我地係咁食雞煲，未食火鍋已經飽飽地然後就係食海鮮，超多蒜超正😍可惜無得refill食完海鮮就飲靚湯，烏雞湯，原汁原味好鮮甜，大讚！最後打邊爐，牛肉可以無限refill，但牛肉黎講唔係好好食，同埋可能接近收工時間，啲肉上得有啲慢但呢個價錢整體黎講放題平靚正，可以再戰

今次係第二次去食，因為真係好抵同好味。第一次去食喺西環，餐廳環境坐位都舒服。而今次坐位比較狹窄，不過啲嘢食都好食。我哋有九個人，要分兩張枱。食完雞煲，上咗個海鮮拼盤，好豐富，海鮮好鮮甜。之後打邊爐，個佛跳牆湯底超級爆勁足料。個湯飲落好滋潤。食到超飽咁走都唔使$500一個人。不過可能尖沙咀分店好多人，職員都好忙，但都唔係等咗好耐先覆你。不過有個職員都幾搞笑，因為我哋book嘅時候冇限時。但可能當晚好多人訂咗位等緊位，我哋瞓咗兩張枱，食到中段，個職員問我哋可唔可以九個人坐埋同一張枱，留返比其他客。但係一張枱根本坐唔晒九個人囉，所以我哋話唔轉。佢就話但係人哋等緊喎！我心諗關我哋咩事🤣，所以我哋冇理佢大雄

先上雞煲任食，份量正常，雞件吾係太雪藏，麻辣底，自己加豆卜、枝竹和菇類，扮晒大廚，都幾惹味。如果風向吹正人臉，噗鼻又醃眼。4個人忍吾住食左3煲，飽左。第二輪上蒸海鮮盤，賣相好，可惜蒸過火，打咭之選。跟住飲湯，烏雞湯有綽頭，咸左少少，只飲一碗算，接著加例湯打邊爐。牛頸肉係任食，吾鞋夠新鮮，肉味算吾錯，好過一般牛乜鍋之類的火鍋連鎖店，可惜之前食得太多麻辣雞，一早飽左，若果仲有空間，個人食5碟都可以。其他火鍋配料都有，自取，因太飽食吾到了。飲品有鴻福堂，清熱氣掛，飲左3支啫！招呼都算熱情，快手。缺點是場地細，餐廳位置略嫌偏及靜，枱細座位逼，老人家硬座吾坐耐連，標榜無限時，邊有客坐到一整晚呢？坐左3個幾鐘，腰骨痛了。滿座連𨋢口空間都攞兩枱？食客進出都貼住身邊經過，好彩吾係被安排這位置，否則走人吾會幫襯啦！整體性價比都算吾錯。如果再覆桌，戰鬥策略會減少食雞煲，留肚食牛肉。

真係要食成三個鐘嘅晚餐，先食鷄煲，然後蒸海鮮，再飲滋補烏雞湯，最後火鍋任食。雞煲既雞肉嫩滑，個汁調教得很好，唔咸。蒸海鮮有蒜蓉蝦、鮑魚、蟶子、扇貝，另外全枱客人在社交平台讚好，就可以任食手切牛頸脊及黑豚肉。

‼️尖沙咀店星期六日同埋公眾假期有午市，目前午市仲有免加一‼️💵 只收現金💵 記住撳錢前一日店家會whatsapp確認訂座，有需要嘅話仲可以額外加龍蝦或者象拔蚌刺身。🔸雞煲原來係自己炒，每兩分鐘炒一次，重複四次。有得唔辣，啱晒小朋友一齊嚟食，醬汁調味剛好，唔會太鹹，雞肉嫩滑，我地都食咗兩煲🤭🔸蒸海鮮總共有六種海鮮，配料有粉絲、烏冬、粟米味道不過不失🔸竹絲雞湯湯清甜，有半隻雞，飲咗幾啖湯之後就可以開始打邊爐。 like 同comment FB/ IG就可以仼食手切牛頸脊，幾有牛味，唔柴。豬肉同牛肉都係叫侍應落order，其他配料同飲品就自助🧃🥤