斗滾 (適安大廈)

Open Now

Now Closed

呢間已經係第二次黎，實在太鐘意食一餐可以滿足3個願望：無限雞煲、蒸1轉海鮮宴、任食老火湯底打邊爐同埋like fb+comment就可以無限添食手切薄片牛😍😍😍鋪面完全滿座，樓面工作人員仍然效率超高、脾氣超好咁serve客，值得一讚雞煲雖然要自己落手炒同自己計時間，但如果第一次黎食，店員會耐心溫馨提示個程序係點樣煮（如果屬正常食量既人士，建議食一轉雞煲好了，如果唔係之後既好野好大機會會享受唔到，咁就嘥咗😂😂）然後就黎轉蒸海鮮，樣樣都超新鮮，有滑滑鮮斑塊、生蝦、鮑魚、大蟶子、蜆、帶子粉絲底、同烏冬底，超正！最後，壓軸火鍋，由於我地今次有6個人，店員好好，肯俾多個湯底我地，所以揀左個招牌竹絲雞老火湯底外，就試埋店員推介性價比高既牛腩湯底（但個人都係鍾意竹絲雞湯底多啲），火鍋配料有埋豬皮、水魷、脆鯇魚、牛柏葉、鵝腸、丸、鮮蝦雲吞（呢個好好食）、手打墨汁花枝丸、手打蝦丸、生菜、娃娃菜、萵筍⋯⋯仲有麵、飲品任食任飲😍😍😍真係無得輸！食完仲有靚靚養顏甜品送：凍椰汁海燕窩❤️好味

呢間餐廳係一間好值得推介嘅地方，特別係佢嘅雞煲同海鮮盛宴，真係令人驚艷！雞煲啲湯汁鮮甜，肉質鮮嫩，令人食咗一碗就唔想停口。海鮮盛宴啲新鮮海鮮可以話係一樣都唔少，煮法都好得意，特別係啲蟹腳同啲大蝦，好肥美！如果你係海鮮控，一定要嚟試下呢個海鮮盛宴。除咗呢兩樣，呢間餐廳啲牛頸脊同椰汁雪燕都好出色。牛肉嘅肉質好好，加上佢啲醬汁，好濃郁，入口即化。椰汁雪燕嘅口感都好滑，唔會太甜，啲椰汁味都好濃郁，好開胃。不過，呢間餐廳係一間比較貴嘅餐廳，可能唔適合所有人。不過，如果你想享受高質素嘅餐廳體驗，呢間餐廳係一個好好嘅選擇。餐廳環境亦都好優美，啲服務員都好友善，令人感受到好嘅服務態度。

同事話好難book,等咗一個月終於食到。一開始會先食雞煲，我哋叫咗一個小辣一個BB辣，如果食到辣我建議食小辣以上，因為小辣比BB辣香好多。仲要雞煲係任食可以食到夠。食到差唔多職員會問你食海鮮未，之後會提早幫你蒸定海鮮，食完雞煲啱啱好可以食海鮮。海鮮好好食，全部海鮮好新鮮調味亦都啱啱好唔會蓋過海鮮本身嘅鮮味。有啲平時食得比較清淡嘅同事話雞煲太油膩，都好鍾意食過海鮮。食完海鮮之後打邊爐，我哋八個人有兩個湯底，一個係竹絲雞老火湯另一個係清湯腩煲，竹絲雞湯好似屋企嘅湯好好味，一人一碗好正，清湯腩個湯好適合食肥牛兩個都好味。但因為佢用瓦煲上枱，所以傳熱比較差要比較耐先至可以滾，尤其是加咗湯之後好難滾，我建議可以揀一個老火湯另一個用普通嘅湯底比較快滾。埋單每人三百幾蚊，我覺得好適合同事晚飯聚餐，因為佢有好多款嘢食仲有一樣嘢啱大家食，而且大家鍾意食咩都可以自己揀

香港近幾年嘅港式人氣美食一定包括雞煲、汽鍋蒸海鮮、港式火鍋，但要搵到一間餐廳可以一次過食晒三樣嘢似乎冇乜可能。事實卻往往有驚喜，也反映了香港人識得變通及趕潮流的特性；原來有班後生仔在年半前左右開了間【斗滾】，正正可以一次過滿足三個願望。話明係人氣高企餐廳，提前最少一至兩個星期訂位係必然；如果想要星期五六日嘅話，甚至要提前一個多月訂枱。位於堅尼地城山道，搭地鐵去到大學站，離開出口後還要行一段小斜路上山，位置有點吊腳。餐廳吊詭地有兩個入口：一個往下走，原來係後勤貨倉，另一個才係餐廳大門。見到第一個招牌後，起初還以為刻意做個細招牌，扮低調、搞神秘，原來只係貨倉入口。定價唔止公道，簡直吸引；雞煲任食；任食自助火鍋就有30款以上配料及10款以上飲品。星期一至四每位$268，星期五、六、日、假期及假期前夕每位$298，小童半價；但就只收現金。西環分店下午五時至晚上12時營業，分兩個用餐時段。如果嫌唔夠豐富，可以額外加單，但就要訂位請提出要求。😋😋😋《優惠1》 象拔蚌刺身$438一份；而家為左回饋返客人，$438再做8折😋😋😋《優惠2》 龍蝦🦞刺身$398一份😋😋😋《優惠3》 升級「足料」佛跳牆養生

👩🏻👦🏻二訪呢間任食雞煲海鮮飲湯火鍋，今次係200%戰鬥力，一次過滿足晒四個願望😍real jeng!1️⃣ 招牌大亂斗 (雞煲) ⭐️9/10雞煲可以任食😚我哋叫咗bb辣，加咗一次，啲雞都幾嫩，個汁好入味！2️⃣ 海鮮盛宴 ⭐️9.5/10佢個蒸海鮮拼盤會根據人頭一人一份，有鮑魚、聖子、扇貝、海蝦、花蜆、龍躉，用蒜蓉蒸好好味👸🏻’s favourite3️⃣ 滋補火鍋 (+$38) ⭐️10/10強烈建議一定要加錢轉燉湯，好清甜，👩🏻起碼飲咗四五碗啊🤤👦🏻上次食冇加錢嘅湯，好似清湯咁冇味，今次真係blink一聲4️⃣ 手切牛頸脊 ⭐️8/10牛肉正常，去到呢個位都已經好飽，出邊仲有唔少配菜，不過我哋都只係食到少少😂--Food: 9.5/10Environment: 9/10Service: 9/10Price: 10/10Overall: 9.5/10💸 ~350 pp

呢間火鍋，我由佢係倫哥個陣時開始食。後尾老闆自立門戶開左呢間鋪頭。轉左名之後，食物質素有提升，牛肉好吃，雞煲正常發揮，其他配料都正常。以往，佢只係得雞煲同火鍋。而家，佢有雞煲，蒸海鮮，湯，火鍋。多左好多唔同既野食。如果以$300幾蚊，想食到一個好食的任食火鍋加雞煲，老實講，真係冇咩選擇。難怪佢在小紅書轉左網紅店。推薦食物：1）雞煲：食得辣的，至少要中。正常叫小辣可以。2）牛肉：以前牛肉係必食，但近一兩次去差左。3）蝦滑，墨魚滑：真材實料，有蝦有墨魚。呢間岩一班朋友，同兩口子拍拖都岩。食完仲可以去海濱拍下拖。😎PS. Thomas 哥都幾風趣

<斗滾> 📍香港大學站🔸雞煲、海鮮、火鍋、椰汁雪燕四步曲 😋🔸食過返尋味 指定動作「轟頂」 🚀🗽今次拉大隊一齊去「轟頂」！🚀🚀🚀Recap番之前寫過嘅四步曲($268 + 10%)(1) 雞煲 — 無限Refill，個人推薦大辣 🌶️🌶️🌶️ 雞味濃！辣味夠！惹味！(2) 超巨型荷葉蒸海鮮 — 大癲！個盤有半米(50cm)直徑，裝滿海鮮 🦐🦑🐟🐚 (3) 任食火鍋 — Like and follow 社交平台送免費手切牛頸脊 🥩(4) 椰汁燉雪燕 — 最尾潤番你條食道 ☺️今次同第一次食唔同嘅就係「轟頂」 🚀 叫左龍蝦刺身、象拔蚌刺身同埋佛跳牆湯底。—————————不得了！！！象拔蚌刺身($438) — 爽口、鮮甜 🥴 （推薦！）龍蝦刺身($398) — 人生第一次食龍蝦刺身，唔覺特別好食，食落口感幾Gel口，好鮮味、但唔太甜 🤭 最後拎左黎打邊爐，淥熟爽口食好似更加鮮甜。佛跳牆湯底(另加$198) — 原隻雞連埋花膠鮑魚一齊滾，原煲砂煲上枱，飲完暖笠笠，十分滋補 ☺️由於我係上年年底拉大隊轟頂 😂😂😂 今時今日先出Post，唔知有無加價，所以價錢要以餐廳作為準則。 Overa

一次過比你4個驚喜😁。友人訂了一間火鍋店，地方偏遠，本來有啲遲疑不停問點解要去到山旮旯食呀？食乜架？雞煲銅鑼灣大把有得食啦。點知去到，就知道呢間店與眾不同，店員有禮又青春，客人也很青春，好似大部份都係大學生。雞煲一嚟就知道係正嘢，香到呢…雞煲all-u-can-eat, 之餘，D肉又滑，之後跟着上蒸海鮮，正！（只係一盤，但只係收你每人$200 幾，重想點？）跟往後又上咗個烏雞湯，成隻烏雞，飲完湯食完雞再加番啲烏雞湯上去俾你打邊爐, 勁呀，上菜速度快，絕無取巧，絕不欺埸，所有火鍋嘅肉＆餸都係任食😁重有，冇時間限制，食得開心之極不可能唔比多幾個like👍👍👍👍👍👍👍👍👍👏👏👏👏👏👏👏👏👏👏。thank you and I will be back🥳

店名: 斗滾地址: 西環石塘咀山道54-66號適安大廈地下A號舖及1樓AB號舖香港大學站B2出口，行1分鐘環境: 3/5價錢:4/5味道: 4.5/5一至四/五至日及假期$268/$298所有野都任食除左海鮮拼盤🦞首先會食左雞煲，每隔2分鐘炒一次，食完一轉店員會主動問要唔要加揀左bb辣，食落唔算太咸啲雞好入味，肉好嫩，但因為想留肚打邊爐，就無加第2轉🫢之後就係重頭戲蒸海鮮，有跟人頭份量嘅鮑魚，扇貝，蟶子，開邊蝦，龍躉同蜆🥳全部落左蒜蓉係上面蒸，因為好新鮮，就咁食都可以食到海鮮嘅鮮味，中間放左少量烏冬，烏冬索哂海鮮嘅汁，好鮮甜入面🥰😍下一部會揀湯飲，我哋揀左養生燉湯，入面有烏雞，杞子，桂圓等等，飲落好清甜，三個人每人飲左3大碗都仲未飲哂🤩🙈😋之後就轉不銹鋼鐵盆打邊爐，follow ig/fb就送任食手切牛頸脊同黑豚肉牛肉食落比較有肉味，黑豚肉就無咩味，所以之後都係不停encore牛🤨其他火鍋配料就係出面自助區自己拎，無咩特別🤨甜品係椰汁燉雪耳，食落微甜，對女士皮膚好😗#stitchfoodie西環

📍西環斗滾 @potofsouphk 西環石塘咀山道54-66號適安大廈地下A號舖及1樓AB號舖· 養生湯火鍋放題 $268 另收加一 星期一至四 $268星期五至日 $298星期一至日 17：00 - 00：00💡只收現金！！︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸#ewm西環︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜超抵食無限時放題 ゜･* 唔洗$300 就可以食晒雞煲海鮮燉湯打邊爐一大班朋友食飯吹水首推斗滾！由6：30開始食到11：00先捧住個肚走！不過大家就預早要book位啦~．第一食：招牌大亂斗（無限Refill)雞煲可以揀唔同辣！試過BB辣同中辣！中意食辣之人嘅我覺得中辣先至惹味！！我哋11個人Refill咗兩轉～ 佢既辣係會加唔同辣椒粉 而唔係辣醬個啲 所以唔會死鹹！雞煲上碟嘅時候要再計時自己再炒過啲雞件，雞件一！啲！都！唔！鞋！十分之軟冧！數量唔單只比想像中多，再refill都冇減少份量，成個雞煲仲有啲菇菌同豆卜吸味，味道濃郁唔死鹹！覺得成餐最好食其實係個雞煲！！．第二食：海鮮盛宴本日打卡之最！一上枱大家都相機食先！有蟶子鮑魚扇貝龍躉花蜆海

成日見人哋食呢個豪華海鮮拼盤自己又去食下 都幾難book 難得book到西環舖8:30先食雞煲 個辣好惹味 啲雞都幾嫩唔老之後食海鮮 人越多越大盤 呢個價位來講啲海鮮都冇得彈 雖然中間有烏冬有啲搞笑跟住飲老火湯 極力推薦烏雞湯最後打邊爐 牛頸脊任食 真係勁正

之前自己同朋友食過「斗滾」覺得唔錯，所以今日帶屋企人去試試！👭🏻👭🏻入到去檯與檯之前就有啲啲逼，但我地6個人比左8個位嘅檯比我地，坐落都算舒服！🫰🫰坐低後，侍應哥仔就即刻幫我地落雞煲，雞煲要自己炒，每2分鐘翻炒一次，前後4次就可以食啦！雞肉好嫩滑惹味，完全唔比食雞煲專門店差，真係好好味啊，因為係任食，所以我地叫左兩轉，食到大家lamlam 脷😋😋係食緊第二轉雞煲嘅時候，已經幫我地蒸好盤無敵大的海鮮啦！海鮮盤有「聖子、鮑魚、扇貝、海蝦、龍躉、烏冬」海鮮十分新鮮，用簡單嘅蒜蓉蒸，夠鮮甜美味！烏冬吸曬各款海鮮嘅精華，真係一絕😍😋食左海鮮已經感覺少少飽了，再上個蟲草花烏雞湯，個湯夠甜，唔似味精湯！🫕🫕飲湯嘅同時，已經幫我地上埋打邊爐用嘅番茄薯仔花甲湯，哇！好正吖！🍅🥔like 社交平台可以無限送手切牛頸脊，牛頸脊高質，啲肉唔鞋好嫩滑，出面仲有丸，菜，飲品自助！好飽，好飽，真係好飽吖！最後還有甜品每人一客鮮奶雪燕，真係由坐低食到走！滿足😋😋

一大班人約食飯，最啱就係食雞煲或者打邊爐，斗滾就滿足到我哋啦！😆 首先係雞煲，因為我哋多人，所以嗌咗兩煲，一煲小辣，一煲唔辣。雞肉斬得細細件，好入味，相對地要夾得好密。😂食得辣嘅可以試中辣或者大辣，應該會好正😋 跟住就係跟人頭嘅海鮮盛宴，有鮑魚、聖子、扇貝、海蝦、花蜆、龍躉、讚岐烏冬。呢盤海鮮令到我哋嘩嘩聲，絕對打卡able！😂味道方面好鮮甜，勁香蒜味，粉絲同烏冬都入晒味👍🏻 食完海鮮就係打邊爐啦！我哋揀咗滋補火鍋湯底，嘢食係自己出去拎。其中好欣賞佢個黑/白墨魚滑，好鮮甜，又彈牙，encore咗好幾轉😂然後就係手切牛頸脊，呢個部位嘅牛唔肥，牛味重，好有咬口👍🏻重點係可以問佢添加，啱晒牛魔王！

用whatsapp訂座，原本諗住訂6點，通知我8:30要還枱，叫我可以5點到，3個半鐘可以慢慢食。店有2層，當天樓上嗰層有人包場，我們坐下面嗰層。枱放得好密，大家要保持忍讓哦!因為你和後面那位客人會沒有距離。如要去洗手間，要預早小小行出去，因女廁只得一格。店員全部都好有禮貌。跟上菜跟得好足，不過如果唔係5點開始食，上菜會慢些。首先任食雞煲，雞煲要炒4次，每2分鐘炒1次，自己炒呀!我們order唔辣，但店員主動同我們講可另上辣醬，超好服務。雞肉好滑，豆卜入味，麻辣醬好香。海鮮用蒜蒸，上面加蔥。有扇貝、鮑魚、龍、聖子、蚌、蝦、烏冬。店員主動幫我們影相。農曆新年能夠食到咁新鮮的海鮮實在太正。火鍋我們選了清湯腩湯底，店員會叫我們先喝湯，之後幫我們加湯打邊爐。湯清甜、重胡椒味。當時吃了件蘿蔔，唔好味，但打邊爐尾聲時再吃，超甜呢!在FB或lG留言可任食手切肥牛，肥牛唔肥，好岩我。出面有其他火鍋配料、醬料和飲品。配料算多，一碟碟分好放雪櫃，幾整潔。飲品唔算好多選擇。甜品係椰汁血燕。整體來說，食物好食，環境比較逼，店員有禮。

過年屋企人唔想煮飯想出去，特登揀左間冇限時任食雞煲打邊爐放題，可以坐足成個晏晝，成家人聚埋一齊傾偈～原來佢哋午市有9折，連紅日都有架(*╹▽╹*)🍽食物收費係成人每位$298加一，首先會上雞煲，食完可以再嗌，之後會上蒸海鮮，如果想encore就要加錢最追加，之後就係打邊爐，當中牛肉豬肉同火鍋配料都係任食✨雞煲可以揀辣度，我哋揀左BB辣，雖然唔係好食得辣，但雞煲點都要有少少辣先夠惹味！雞煲係要自己炒嘅，店員會教每2分鐘翻炒一下，8分鐘之後就食得。一打開蓋香氣撲鼻，雞件都算大舊，唔會得啲骨或者碎濕濕，肉味都預左欠奉，不過食得雞煲都係食醬爆個種惹味～ 之後encore左一次，依然keep到水準唔會hea你✨食完雞煲就食蒸海鮮，海鮮有6款每人一件，分別有元貝、蜆、鮑魚、蟶子、魚同蝦，簡單用蒜蓉蒸已經可以帶出海鮮本身嘅鮮甜味，食到款款都好新鮮，其中我最中意蟶子，夠大隻肉質又爽同好甜！中間仲有啲烏冬，不過就比較淡左啲✨之後就到打邊爐，湯底有竹絲雞湯同蘿蔔牛腩湯，2個湯底都可以直接飲品嘗吓先，之後先加料落去打邊爐～蘿蔔好清甜，牛腩燉到啲味出晒嚟，成個湯底好清甜，而且胡椒味比較重，我更中意另一個烏雞湯