斗滾 (適安大廈)

Open Now

Now Closed

首先食雞煲，雞肉很滑，雞煲調味料有孜然粉，花椒。第二蒸海鮮，材料新鮮。我們共3人，怕海鮮食不完，只是要了兩人份量。第三是竹絲雞，龍眼肉，鹿茸菇，紅棗雞湯。現在鹿茸菇價錢很貴，難得這家店舖中加在湯中。雞湯不要飲哂，留一半做湯底然後用雞湯做湯底淥新鮮牛肉。牛肉非常好食，我們一共食左6碟（木盤）再加一包香港製造的出前一丁。火鍋材料很多，都未試食哂。炸魚皮好，好，好食最重要吃雞煲，蒸海鮮，加火鍋都不感覺有口渴！

呢間火鍋店都幾難book,提早咗兩星期都book 2位都淨係book到8點半打後既時間。一去到店門已經有十幾個人等緊位，等到8:45先至入得去。店鋪分咗上下兩層，被安排入座下面嗰層。入面大概有3-4張大枱，其餘就係4人枱同2人枱。店舖面積比較細，所以都比較應聲，仲要咁岩遇到大枱既客人比較激動大聲，食咗半餐真係覺得好嘈好唔舒服，好彩有其他吉位可以轉枱，感謝店員既安排。食物方面，一開始會有雞煲，食完唔夠可以要求再加雞。雞都算滑，以任食嚟講絕對唔差，加埋啲豆卜辣度揀咗小辣，覺得下次可以嗌中辣。食完雞煲之後就會有海鮮，一上枱真係誇張到嚇親，冇諗過2個人食都咁大盤😍真係唔食得都影得🤪味道都唔錯，有殻既海鮮仲預先拆咗殻擺返上去，好貼心！粉絲同烏冬索晒啲海鮮汁，正！食完海鮮就上湯底，加咗$38轉咗烏雞湯底，個湯好足料，好好飲🥰like咗社交平台就可以有牛頸脊，好有牛味同好有質感😋至於飲品同埋其他邊材料選擇唔算多，但呢個價錢嚟講絕對收貨😆最後仲有椰汁雪燕，好滿足啊！

今次同同事約咗去食雞煲事前同事已經講話都好full booking我地book咗6點，8:30前交台。6點未到已經見到入面有好幾台人西環分店分兩個鋪位，今次我地食樓上果個鋪位入面環境唔大，三個人其實張台都唔多夠，同隔離台距離都好近不過講真，我係嚟食嘢，夠用就得！最開心係一嚟就有碟茜喺度，如果唔夠仲可以問佢拎，絕對適合食茜人士一嚟梗係食雞煲，今次我地嘗試咗唔辣先其實雞量唔多，不過係任食，唔夠食咪再叫囉佢嚟個煲時會比埋個鐘仔你你任務係要每隔兩分鐘炒一次，total 炒4次第一煲 唔辣雞好滑，而且啲汁好好味，夾埋啲配料好match，係食食下覺得都有啲漏第二煲 BB辣今次我地加咗兩兜茜落去，BB辣其實唔算太辣（聞落以為好辣）但佢可以令個煲更惹味，但又唔會太辣少少辣令成件事冇咁「漏」，同事都好驚訝可以食到第二煲😂😂你食食下果陣佢會問你上唔上海鮮佢會計定時間幫你蒸定上到嚟係咁摸個殼以為係凍，食落係熱辣辣，而且蒸煮時間把握得好好👍食落好滑口，唔靭海鮮都好新鮮，有海水味得嚟又唔會成口沙中間有啲粉，食哂啲海鮮同荷葉香味！好好味！喺社交平台 Like兼comment 就可以獲得無限任食牛肉片再加埋其他放題

成日喺社交平台都見朋友食呢間，啲食物影出嚟好澎湃好吸引，今次終於有機會試吓😋 -🐔雞煲試咗bb辣同小辣，兩者辣度相差唔遠，大概係譚仔10-5小辣嘅程度左右😙 裏面有落花椒，但係唔係太食得倒麻嘅味道啲雞都好滑，同埋都幾掛汁，調味都唔會過鹹，配料仲有啲紫洋蔥同豆卜😝侍應教我地炒第三次嘅時候，可以喺雪櫃攞魷魚同鵪鶉蛋放落去一齊炒，鵪鶉蛋沾滿晒雞煲個汁好惹味👍🏻 不過鵪鶉蛋收埋喺雪櫃比較入嘅地方，可能大家要搵真啲啦😼🦐海鮮食完雞煲大概等咗15分鐘到就會上大大盤海鮮😍 啲海鮮跟種類排好晒好適合打卡！蒸嘅時間啱啱好，扇貝上嘅粉絲好重蒜蓉味，食落好惹味😬 不過呢度嘅扇貝係切開咗一半，咬落比較薄身，如果唔切開口感會好啲～小編最鍾意食鮑魚，爽口彈牙👍🏻 當日嘅海鮮除咗蟶子有少少腥之外都算新鮮🙈 中間仲有啲粟米同埋烏冬，烏冬比較淋身，冇咩咬口，同行嘅朋友話如果可以將烏冬轉做粉絲，咁就一流啦～🍲燉湯+打邊爐食完海鮮之後就上咗個燉湯，個湯超級足料，有隻細嘅烏雞喺入面，仲有好多瘦肉同埋蟲草花👍🏻 每人飲完一碗之後就可以加湯打邊爐啦😼 火鍋嘅配料唔算太多，都係啲基本款，最出色都係手切牛頸脊，唔會太薄同埋有牛味，難

又係時間我們 吃貨四人幫 總動員出動了, 今次我們去了西環吃雞煲, 地點好近大學站 B2, 出 MTR 真係轉個右邊就到.因之前姪女去吃過話幾好, 所以今天來試試. 這間是無限時的, 飲品不算多, 但我OK的因為我都係只喝解茶. 坐低了就有個靚仔問要不要先上個雞煲, 我說未齊人禾, 他就說 食住先 囉…哈..好..我們就叫了中辣的. 嘩...超上來時超多椒囉, 心想死得...雖然都吃得下辣, 但望到這麼多辣椒即刻有點慫. 這個雞煲原來吃起來有學問的, 不是一般雞煲店一上便吃得的, 上了先要自己炒一炒, 待兩分鐘後又要炒一炒, 翻一翻, 來回來回四次, 待雞肉完全熟透才可吃的呀, 不要心急. 不孰吃懷肚子不要賴人呀. 好了好了, 等不切了,  味道都 OK, 沒有看到的辣 (我本人嫌不夠麻, 不過他沒說是麻辣的) , 味道就不是太野味, 一般啦還可還可, 不是太咸, 雞肉都算嫩滑的, 可以收貨的.吃得差不多, 就要叫靚仔準備上海鮮盤喇...嘩嘩嘩...不得了,  好豐盛禾...有蟶子/扇貝/蒜蓉蝦/鮑魚等等等等, 還有我第一次見是用荷葉薦底蒸的. 但吃落有點失望全部都過了火, 不知是否蒸

真係不論價錢，無限時，食物質素或者服務態度都好到冇嘢可以挑剔。推介：雞煲，牛，墨魚滑，黑毛豬都唔好唔記得叫燉湯偏咸，下次黎我會唔叫，同埋食法國菜咁，太多款式，大家要留肚😂😂😂但第一次可以試下。非常值得零負評

斗滾係我暫時喺香港食過最抵食，又好食嘅任食雞煲火鍋。因為大家都知道任食唔可以要求咁高，而且只需二三百一位，志在係過吓癮，同一時間可以滿足雞煲同火鍋嘅願望。但係斗滾真係令我改變對任食嘅睇法。首先坐低店員亦都有介紹用餐順序，先食雞煲，然後蒸海鮮，接着飲燉湯，最後打邊爐。雞煲一上枱已經好香，店員話要每2分鐘再炒一次，一共四次就食得啦。加埋芫荽蔥，真係好惹味😋最欣賞係有豆腐卜，紫洋蔥🧅，兩樣都入晒味，正👍🏻我哋一行10個人，先叫兩個雞煲，都唔使20分鐘已經要再order多兩個。我哋唔敢食咁多🤣因為驚之後食唔到，所以最後四個就收手啦。食完雞煲之後等10分鐘左右就上海鮮。一個大圓盤裝晒10個人嘅份量，好壯觀😛真係唔食得都睇得。海鮮包括有鮑魚，魚，聖子，扇貝，蝦，沙白，煮法都係豉油蒜蓉加少少辣椒🌶️。蒸嘅時間啱啱好，唔會老，食到鮮味。而且有殼嘅海鮮都會先脫殼，咁就更加方便食啦。跟住就係燉湯時間，我哋揀咗涼瓜花膠雞湯，仲有竹絲雞湯。兩款湯滾咗之後每人飲一碗就可以打邊爐。兩款湯都係勁足料，尤其是竹絲雞湯，真係原隻雞上，加埋紅棗桂圓桃膠，即刻覺得飲完好養生。打邊爐嘅主角就梗係手切牛頸脊！非常非常有肉味，而且

有兩間分店 分別係西環同尖沙咀🫶🏻因為尖沙咀太難book位 所以小妹今次去左西環果間環境算乾淨 不過枱與枱之間既距離比較近部分凳係冇得挨 冷氣亦都好足夠🌀講番正題先🤭小妹其實係俾呢間既海鮮吸引咗原來佢仲有雞煲同打邊爐 當日星期五每位$298加一平日食既話係$268加一 性價比極極極高🔥🔥🔥首先一開始係食雞煲 有四個辣度 食完可以再添😝因為友人唔食得辣嗌左bb辣 有少少高估左佢😂嗌小辣應該會再惹味啲 配料有雞髀菇同豆卜🤍🤍登登登登～‼️最期待既海鮮拼盤登場‼️每樣海鮮係按人頭既🤓分別有元貝、蟶子、鮑魚、蜆、基圍蝦、龍躉🫶🏻中間仲有蒜蓉撈烏冬同粟米勝瓜🌽佢唔單止係for打卡 其實都好新鮮☺️唔係講笑 食到呢到已經開始六七成飽🙃跟住黎既係滋補火鍋🍲揀左清湯涼瓜花膠雞湯底🥰飲落去有啲會胡椒味 秋冬飲完會暖笠笠😂宜家呢個天氣真係飲到出晒汗💦任食火鍋配料唔算太多但基本款都有齊（肉、菜、雜丸）其中牛頸脊、墨魚滑、鵪鶉蛋（已經剝左殼）好正🤗最後最後！真係最後啦以一碗椰汁雪燕作結🤓🤓癲架🙈其實會唔會蝕本架🫣超級推薦為食既你地去試下🤍🤍🤍包你地捧住個肚走😌超級大滿足

你有冇聽過 。。。出奇蛋一次過滿足晒3個願望 ... 最近常嚟到呢一間餐廳， 一次過點只，可以滿足三個願望， 係可以滿足🖐🏻個願望，🐥雞煲、海鮮拼盤、養生鍋和手切🐮牛頸脊， 當然唔少得打卡，是非一般的放題！除了無限時外仲有「斗滾四式」第一式「招牌大亂斗」，任食雞煲，有5種辣度可選， 因為同事仔唔係咁食得啦我哋叫咗小辣， 雞煲好正👍🏻之前好鍾意食一品嘅雞煲，但係呢一個雞煲唔差過一品🥰🤤斗滾第二式是「海鮮拼盤」！海鮮拼盤包括鮑魚、蟶子、扇貝、海蝦、花蜆、龍躉和讚岐烏冬， 蒸海鮮上面，仲有粉絲 ，睇見一盤滿滿嘅海鮮賣相就十分吸引👀！個個即刻忍唔住要同海鮮一齊合照打卡先🤣第三式是滋補火鍋！我哋揀咗養生花膠雞燉湯， 個雞湯真係好正未打邊爐之前一人最少飲咗一碗第四式是任食手切牛頸脊和黑豚肉打邊爐期間不停加牛肉，個湯更加鮮甜美味，掛住飲湯！最後都冇飲其他飲品🤣🤣最後最後，仲有第五式每人都有一碗椰汁雪燕，作為完美一餐，畫上句號！

屋企人生日 當然要食餐勁嘅黎番個招牌四式第一式招牌大亂斗有五種辣度選擇嘅雞煲唔夠食可以再任叫雞煲嚟到之後 8分鐘內 要每2分鐘炒一次就可以開餐了叫咗BB辣都唔算好辣啲雞好滑 好夠味 令人食完想再食不過因為要留肚食之後嗰三式所以我哋冇再加雞煲第二式海鮮盛宴最吸睛就係呢個海鮮 大大碟可以呃like 🤣鮑魚 扇貝 海蝦 龍躉 蟶子 花蜆 讚岐烏冬仲有勝瓜同粟米海鮮好新鮮 加埋啲蒜蓉 已經好夠味 追加左一隻龍蝦刺身 $398 （要預訂）大大碟好新鮮第三式滋補火鍋有唔同嘅湯底可以揀我哋叫咗個涼瓜花膠雞好有驚喜 啲雞超級滑 涼瓜食落唔會好苦個湯底好甜忍唔住飲咗幾碗湯 之後叫職員加番啲水就開始打邊爐啦佢出邊個雪櫃嗰度任攞 覺得啲蝦滑好出色 不過美中不足嘅係職員加配料加得唔夠快 食到後期 啲配料都冇乜選擇 只係剩返啲菜同丸不過講返 佢啲菜都好新鮮第四式手切牛頸脊只要全台有一半人like 社交平台就可以任食牛頸脊同埋黑豚肉都係好新鮮 牛頸脊同黑豚肉 都好爽口 好好味食到超級飽職員再送上一碗冰凍嘅椰汁雪燕都好足料星期六日公眾假期去食係$298 +10%一至四去食就抵啲$268 +10%飽到捧住個肚走 好滿

⭐️⭐️⭐️⭐️⭐️📍斗滾 (香港大學)💁🏻‍♀️朋友仔好鐘意打邊爐所以就揀咗呢間有得任食嘅邊爐嚟試試佢🍲，嚟到先知原來除咗火鍋，仲有無限添食雞煲、蒸海鮮拼盤同燉湯，一個價錢4種享受，性價比高到痴晒線🤩~ 任食牛頸脊火鍋 ($298)• 招牌雞煲🍴打頭陣有招牌雞煲🍗，店員會放低計時器提示我哋要喺指定時間開蓋拌勻幾次再食，雞件幾嫩滑又多肉，帶少少麻辣好惹味😛，雞件仲要係無限添加，不過為食妹唔想咁快食飽哂所以唯有忍口啦🤣• 海鮮盛宴 (鮑魚、蟶子、花蜆、龍躉、扇貝、海蝦、讚岐烏冬)🍴第二道菜就係超吸睛嘅蒸海鮮拼盤，海鮮種類多，又大隻又好新鮮，全部只係簡單蒜蓉豉油粉絲蒸帶岀海鮮嘅鮮甜味😍，海鮮蒸到啱啱好爽口彈牙，超級正👍🏻，食哂之後再食中間嘅烏冬先係呢個拼盤嘅精髓⭐️，烏冬本身好彈牙，吸哂海鮮嘅鮮甜味再加上荷葉香，配以少少蒜蓉一齊食真係一大享受😋😋• 養生燉湯🍴接著店員就送嚟超大煲養生燉湯，今日嘅材料係蟲草花無花果桂圓瘦肉煲烏雞，湯頭非常清甜😙，一啲味精味都無，完全唔會口渴，食到呢度為食妹已經飽咗七成😂• 牛頸脊火鍋🍴飲過燉湯之後撈起湯渣就可以以湯底打邊爐喇😎，除咗有任食新鮮牛頸脊之外，餐廳仲提供咗二十

雞煲好食 就算你叫我BB辣 都好香 好嘢味 要叫兩次 （私心推介 在火鍋配料 拎啲雜菇 在雞煲到時就加落去一齊抄）海鮮一般 打邊爐 like fb後轉牛頸脊 好正 豬肉都好食 其他配料 正常發揮

📍斗滾今次介紹呢間雞煲邊爐真係好抵平日$268 (再加一)就食到以下咁多野食$300有找！仲要牛肉質素唔錯唔係冰鮮肥牛 係手切牛頸脊海鮮方面 蟶子大大條仲有鮑魚同帶子另外烏雞燉湯好好食其實未食到最後打邊爐已經好飽建議雞煲食一round都夠留肚之後飲湯同打邊爐晚市5點鐘就可以入座我地食足3個鐘 滿足！最後員工們服務態度好好值得一選🤍任食雞煲🤍蒸海鮮🤍烏雞燉湯🤍任食邊爐，手切牛頸脊🤍椰汁雪燕斗滾 (適安大廈) (西環)西環石塘咀山道54-66號適安大廈地下A號舖及1樓AB號舖

朋友成日話呢間蒸海鮮好抵食，今次終於約齊人去試到❤️我地今次就book左位於香港大學站附近果間，聽聞尖沙咀果間環提早一個月前book定先有得食，相當受歡迎。餐廳周未每位$298，價錢包左四部曲，分別係雞煲、蒸海鮮、 燉湯同邊爐，其中雞煲同邊爐都係任食，真係一次過滿足晒多個願望✨。✨第一部曲 - 雞煲呢道嘅雞煲咪道都幾濃，食到微微嘅孜然香同花椒嘅麻香，雞肉唔算話好姣滑，但勝在夠入味，味道唔錯。✨第二部曲 - 蒸海鮮之後就到重頭戲嘅蒸海鮮，成個盤嘅size比我想像中大，望落都幾壯觀，打咭一流📸每人包左一隻鮑魚、蟶子、蝦、扇貝同蜆，呢part就唔係任食嘅，想追加就逐樣計錢。味道方面都唔錯，上面落左大量蒜蓉去蒸，香味十足❤️✨第三部曲 - 燉湯第三部曲就係係打邊爐前飲一碗烏雞湯🥣老實講呢part有少少令人失望，個湯嘅味道唔算話好入咪，似咪精湯多少少；用黎打邊爐都ok, 但就咁飲就差啲。✨第四部曲 - 打邊爐最後就係用岩岩個烏雞燉湯打邊爐，餐廳有唔少嘅火鍋材料可以任拎，重點係有新鮮嘅手切牛肉，可以食到飽為止😋整體黎講成餐飯味道唔係話超級好味，但每樣平均而言都唔錯，勝在夠抵食。值得一提嘅係餐廳係冇時間

this is the best Resturant in Hong KongThe price is affordable with higher quality food Definitely will come back again