譽小館 (Changed Hand) New Restaurant

特色點心譽小館位於上水火車站後邊嘅商場😋譽小館蝦餃王（$29)三粒大大粒嘅蝦餃，皮薄餡靚，蝦肉彈牙😋藥膳雞腳（$30)潮流興藥膳養生美顏，估唔到佢哋呢度嘅點心都幾跟貼潮流😋鵪鶉蛋燒賣（$27)依家唔係好多地方有得食鵪鶉蛋燒賣，復古點心屋企人都好開心😃係小時候嘅味道！😋黑松露帶子餃（$30)特色點心，巧手製作有創意新派點心🤤黑松路配帶子就食得多大大粒帶子，外面係水晶皮餃子都好好食😋小籠包（$25)一咬落去爆湯汁😆小籠包😋流心奶皇包（$20)真。流心🤤爆奶皇包包鬆軟😋😋😋沙律蝦春卷（$27)外邊炸得脆，入邊係超多沙律醬嘅蝦春卷😋手工拉布腸粉（$23)白白滑滑圓轆轆嘅腸粉😍配埋甜醬同麻醬😋😋😋北菇滑雞飯（$38)份量非常充足！雞件啖啖肉配埋甜豉油☺️😋柱侯牛腩撈麵（$46)用騸牯牛做牛腩麵，味道特別好！牛味濃☺️牛腩汁撈米粉😋😋楊枝金露（$28)細細個飲茶通常都會叫芒果布甸做個甜品總結，而且呢度有楊枝甘露，西柚都好甜，配埋芒果同埋西米🥭😊😋茶介（$4/位）姐姐們加水都好快手，服務唔錯同埋啲位係好闊落！好坐嘅，一家大細嚟飲茶啱晒☺️

我自己其實好中意食中式既點心，但我就越來越唔中意去酒樓飲茶，因為飲茶真係越來越貴，但食物質素真係越來越差。今日經過上水彩園廣場，見到呢間中式點心既餐廳就入左去試下。餐廳企理乾淨，座位舒適，環境舒服唔錯。食物方面，首先係叉燒腸，皮好薄又滑，最緊要係唔會太乾太痴身，叉燒肉好多，好味。金錢肚份量好多，辣辣地好惹味，爽口唔痴牙，食到停唔到口。柱候牛筋腩非常值得推介，首先牛腩炆得好淋而且非常入味，牛筋好爽口，味道一流。至於胡椒咸菜豬肚不嬲都係我去飲茶必叫要，因為我好中意胡椒豬肚湯既味道，辣辣地飲完個胃會有溫暖既感覺，醒胃提神，豬肚辣辣地好爽口，必叫。最後係鵪鶉蛋燒賣，又係我另一個最愛既點心，餐廳點心即叫即蒸，所以熱辣辣好好味。下次想食點心我又有間食堂喇😊

今日約咗班親戚喺上水飲茶，住呢邊嘅親戚就介紹左呢間飲茶嘅地方，其實我都係第一次呢間餐廳，但佢環境乾淨，比起一般茶樓光猛同埋坐得舒服，所以個感覺都幾好，而且佢又唔會要你搭枱，所以可以同啲親戚朋友暢所欲言。呢度有唔少點心喺平日啲酒樓都比較少見嘅，所以呢度嘅侍應姐姐都介紹咗幾款特別嘅點心，叫我地可以試吓。其中我覺得個藥膳雞腳係好好味嘅，加上我本身鍾意食雞腳嘅人，所以都好鍾意。另外有一個黑松露帶子餃，睇落超級勁錦，食落味道亦都好好。另外在叫咗流沙包、蝦餃、小籠包、鵪鶉蛋燒賣、腸粉……仲有一啲飯同埋面。最後叫個楊枝甘露糖水，非常完美。點心嘅質素都有中上。價錢方面亦都好大眾化同合理。

譽小館喺大角咀有一間之外另外就係位於彩園商場的餐廳環境乾淨舒服，枱嘅空間唔逼。有卡位同圓枱選擇😄大家可以同親戚朋友輕輕鬆鬆食點心😀😀點心選擇都吾小嫁！而且下午茶幾抵食蜜汁叉燒腸，皮略嫌厚咗啲😄柱候牛筋腩麵👍🏼用騸牯牛做牛腩麵, 味道幾好.金錢肚好入味一點點辣👍🏼黑松露帶子餃,呢個點心好少地方有。黑松露味好濃而且個皮唔會厚，好食👍🏼燒賣入口蝦肉爽👍🏼養顏紅棗糕，好香甜嘅紅棗味而且好煙銀👍🏼

星期六日翻大陸玩，夜左翻香港，又好肚餓喎。就同左朋友係上水食野先。餐廳好近地鐵站，岀左經天橋入商場就係。係大陸食得太多重口味野，要食翻啲清清地既野。🦐蝦餃 - $29皮薄餡多，鮮蝦彈牙爽口。🥟黑松露帶子餃 - $30好特別既餃，吾係到到都有得食。而且又吾貴。黑松露額外地香，帶子鮮甜。🐷胡椒咸菜豬肚 - $38咸菜豬肚既份量都吾細。豬肚吾韌又大件，瞬間清曬個湯。🍝北菰豬手撈麵 - $53豬手冬菇入味。麵係幼絲，易咬，又易入口。🥬灼生菜 - $25整體黎講，餐廳既環境乾淨整潔且舒適。手工點心有心機，款式新穎。

下午茶時間有時都會想下點心,有鹹有甜,雖然款項種類不算很多,但下午茶都很足夠。當然,你可以選擇正價點心,因為款式更多,可以試其他款食物。另外,食店內環境及坐位間隔都ok, 服務都有禮貌1.腸粉皮算薄有少許黏口及滑溜2.炸醬撈麵麵質很彈牙,沒有太大鹼水味,炸醬肉絲味道都ok3.鹹水角外皮不油膩,香脆煙韌,咸甜適中4.紅棗糕很煙韌,甜道適中,食到有紅棗咪5.燒賣,鮮竹卷,牛肉球都ok之後再有去食過,但撈麵底好似轉了另一種款,所以很重鹼水味,而其他食物都正常

之前見彩園廣場開左譽小館一直都好想試，朋友介紹過介話唔錯，今次特登走過黎試一試龍與鳳！環境都幾光猛，有好多卡位！地方乾淨整潔！坐得都幾舒服！呢度啲職員服務唔錯！好好客！介紹你有咩好野食！呢度有好多點心選擇，花多眼亂！皮蛋瘦肉粥都幾大碗，又多料幾好食！仲叫左金錢肚，超級大碟，大大舊，份量好多又有菜放底！仲叫咗鹹菜豬肚食，好入味好夠辣，不過如果再多啲豬肚就更好啦！仲叫咗沙律鮮蝦卷，好脆口，又唔會太油膩，幾好！當然仲有必食嘅蝦餃同埋燒賣啦！下次一定要捉埋一大班朋友一齊再食過！

彩園廣場越來越多新食肆進駐，令附近居民有好多選擇，今次帶父母黎試吓呢間港式餐廳，但其實呢度同普通酒樓冇乜分別。雖然呢度鋪頭唔算大，但坐位一啲都唔逼，仲有好多卡位添！環境仲好舒服添！一坐低，有職員會介紹你有咩好推介，可以令有選擇困難症嘅你鍾意揀出自己想食嘅嘢！呢度有好多點心選擇，黎飲茶梗係要食蝦餃燒賣同鳳爪啦！不鳳爪好味都食咗一半先記得影相！仲叫咗碗鮮牛肉魚腩粥，即叫即煲，好鮮甜好好食！仲叫左菜芯食，唔苦又鮮甜，份量仲幾多添！仲有鮮蝦雲吞麵，麵身爽彈，有咬口！值得一試！呢度啲員工仲好勤力，收碟加水好落力！值得一讚！

呢道平日晚飯都幾旺場 應該無揀錯😂😂1️⃣整番碗老火湯先 $25足料 夠味 老王瓜好好味😍😍2️⃣魚腩鮮牛粥 $50鮮牛好滑 魚腩好多重點系個粥好綿😍😍好食!!!!!3️⃣水餃麵 $38呢個認真抵食 $38 有4粒水餃!!!!!水餃仲要大大粒 足料嫁wo 一定要叫 重點推介😍😍😍😍4️⃣燒賣 $29好爽口 呢道有蝦嘅菜式都唔錯勁想encore 😂😂5️⃣鮮蝦菜苗餃 $27菜多蝦大 幾好 個皮都幾薄 呢個combination 唔錯

飲茶？唔一定要weekend 先可以飲唔一定要一朝早先可以飲今日放工心血來朝想飲個茶 行行下行左去彩園村 雖則剛剛就遇正食飯時間但係樓面姐姐好好 好快就帶我地入座 坐低無論餐具 枱面都幾企理 唔錯望望點心紙 選擇又幾多喎 重點係 俾我發現到有牛腩麵 作為牛腩愛好者 真係唔叫唔得丫聽講呢度牛腩係用騸牯牛黎做 其實比較少見 成本高一點 但我地食到既味道都好一點 牛腩入味鬆軟 牛筋亦有咬口 配合湯底 真係一流丫點心方面叫左好幾款喇當然蝦腸想講講個腸粉皮 可以用薄薄的同棉棉的黎形容蝦肉更加係大大粒 高質丫木魚燒茄子 配合醬汁 有小食點風味拎黎時係熱辣辣 新鮮整起鵪鶉蛋燒賣其實食普通燒賣的確食到悶悶地留面姐姐推介 建議我地食食呢隻燒賣包夠蝦肉 頂頂加粒鵪鶉蛋 有特色得黎幾好味蔬菜係每餐必需既 所以另外再叫左碟菜芯食另外食到尾再order 多個順德雙皮奶薑汁味濃 即叫即整 送上黎時連埋個蒸籠一齊上頗有特色 如果冬天食應該更岩丫埋單唔洗200 夜茶黎講都算叫幾抵以後夜晚飯又多一個選擇丫

食Tea 就食得多，真正嘆下午茶真係好少，多謝外邊事故多，所以今日變相 “被得閒”，可以陪屋企人嘆下午茶。話明係下午茶，當然有特價抵食嘢推出，”下午茶自由配” $32乍，可選兩款點心，唔使問阿桂，緊係揀我至愛的 “鮮蝦炸雲吞” 和 “椰汁紅豆糕”。其他的點心選擇就交俾阿媽去揀。炸雲吞: 一碟竟然有4隻，好少見。好脆口，又多蝦肉。椰汁紅豆糕: 椰汁味好出，仲有超多紅豆，又唔太甜，好味道。譽小館蝦餃皇: 細細粒，皮薄餡靚，一啖一粒，不知幾滋味。鵪鶉蛋燒賣: 熱辣辣，鵪鶉蛋的味道果然較雞蛋香。山竹牛肉球: 好大粒，又係熱辣辣，調味唔錯。阿媽始終都係要啲米氣落肚，但又唔想食飯，所以叫咗 “荔灣艇仔粥”，粥底綿綿滑滑，料又足。最後仲有柱侯牛筋腩麵，牛腩炆得好熟，麵底爽口。食得好飽，今晚餐飯可以唔使咁早食。

早餐時段有抵食既點心孖寶，有一個點心，加粥/飯都有幾款選擇約三十幾蚊， 視乎菜式選擇而定。味道合格，環境幾好，坐得舒服。都係多人食既一間，都要等一陣位。有茶錢同要加一2個人食，叫左2份孖寶大約90蚊。

向醫院餓左一日，唔理咁多，要食野啦！去左伊間餐廳食野，本來想剩係食件點心，點知個下午茶好似好正，所以一試。柱候牛腩河好濃郁！香港好興清湯腩，其實柱候腩咪仲好食。牛腩好腍身，一層肉一層筋，好正！柱候味濃，食完又唔覺口渴。韭黃好多好香。兩盎點心又有特價，特別欣賞佢嘅叉燒腸粉，非常之滑。叉燒都好多，鼓油甜咸適中。燒賣熱辣辣，新鮮出爐。我覺得向度食野另外一個好處係環境較清靜，好小可有飲茶嘅地方可以安安靜靜咁飲啖茶，姐姐服務又熱心之餘唔會煩住你，可以舒舒服服咁過一個下午。

前幾天我和阿公阿婆去飲茶，我看食評不錯就一試，點知。。。非常失望和生氣😡叫了數碟點心和一碟炸醬水餃麵。燒賣ok,味道不錯👍金錢肚：份量足夠，但好咸蝦餃：皮薄料多，但內送蝦殻，食既時候要小心木魚茄子：醬汁有陣酸味，魚肉有陣味，肉質帶’霉 ‘最過分是這碟水餃炸醬麵，唔好彩比我阿公食水餃內有兩粒有重量既唔知咩野，一隻有兩粒，幸好無事，即刻無胃口，就搵經理查問點知個經理唔係好想理，只係話唔計，轉身收走，當時如果我屋企人話算數，如果唔係call 食環署，其實錢是少，整到老人家點算，我再問經理係咩野黎，佢話木耳，點會係硬同有重量。之後我就埋單，加上呢區老人家咁多總結：衛生水平差，而且唔係繁忙時間，都可以做到咁，食到一肚氣，唔會再光顧。奉勸食呢間要小心，咩野事都會發生。

參加完活動後翻到上水都已經夜晚9點幾，成日無食過嘢真係好鬼餓，去譽小館嘆吓茶，食d點心，旨在消除一下一日嘅疲累。職員態度友善，逐一介紹點心紙上面嘅受歡迎食物。我哋就叫咗燒賣皇、雲南野箘餃、白灼通菜、金錢肚，再加個炸醬魚蛋撈麵。燒賣皇一上枱時真係有嚇親，估唔到咁鬼大粒，成粒迷你煎堆咁。有時好怕食燒賣，因為肥豬肉太多，一來唔健康，二來好漏，但呢個燒賣皇入面嘅豬肉肥瘦恰到好處，都唔錯。雲南野箘餃，係招牌點心之一，味道又真係幾好wo。雖然外皮蒸到有少少過火，所以好易散，但係入面嘅餡料係好香好濃嘅什箘，數得出有至少4種菇類。炸醬魚蛋撈麵味道未算突出，值得欣賞嘅係肉絲真係一條條粗條，可以品嚐到肉味同質感。白灼通菜我又真係無預期佢係咁靚，嫩口翠綠，唔會太油。配埋特濃嘅腐乳醤，呢碟菜堪稱完美！最後必須要講嘅就係碟金錢肚，少少辣，幾惹味，炆得夠淋滑，而且估佢唔到咁大碟！本身真係以為係點心份量，每人兩三件，點知佢有成二十件，搞到我哋失預算，食到overload ，飽到捧住個肚走！