Press Enter (Closed)

感覺上大角咀係舊區，食肆應該係老店居多。帶住個嘴丟既小朋友，想揾個地方坐得舒服d, 又要岩佢胃口， 朋友提議去佢一路都好想試既Press Enter. 就甘聽個名其實唔知食乜，原來係一間有得食咸甜品既cafe. 大門同埋店內裝修都以簡單為主， 有唔少小擺設，感覺上好舒服。跟餐既蕃茄湯係用新鮮蕃茄煲既蕃茄湯，望落湯既顏色好清，味道亦好清甜，一d 都唔咸，飲落有一粒粒切碎既蕃茄，絕對唔係顏色味道都好假既罐頭蕃茄湯。 呢個質素既餐湯係買少見少，好有誠意煙三文魚窩夫pizza甜既窩夫成日食，今次試咸版窩夫。材料好足，鋪滿成個窩夫。除左有煙三文魚外，有紅青椒，芝士， 簡簡單單，唔會搶走煙三文魚既味道。最重要係新鮮做起，加上芝士夠多先會做到拉絲既效果。有紅青椒中和下有點juicy又唔會太"漏". 窩夫底夠厚，但邊同外面脆，內軟，食完好飽好滿足！手工芝心釀菠菜魚卷朋友想試既手工卷餅終於比佢恨到。 原來係將芝士，魚塊，菠菜疊起，再卷成圓條，切成塊狀而成。 最外面既芝士燒香，魚塊好滑唔乾。 我最欣賞個汁係好香芝士同奶油味，仲有好多蟹子。 個汁比我點晒黎食！熱玫瑰Latte外貌吸引，好香玫瑰味，唔使

兩個人叫兩個套餐, share食, 有餐湯,主菜同一杯飲品. $78-$128周打蜆湯材料好少, 味道好淡, 質地好稀,感覺同飲水無乜分別, 只不過係奶白色….主菜 1 – 霜降和牛窩夫Pizza以窩夫代替pizza底, 呢道菜相信係餐廳主打,因為主到menu 上都有成十款窩夫菜式, 有咸有甜.賣相係可以嘅,. 配料唔算多, 所謂霜降和牛,其實食唔出同普通牛肉有乜分別. 味道其實就係至尊批. 個窩夫底甜甜地,唔會整到太淋, 又唔會太硬, 都算係合格.主菜 2 – 什菌元貝意大利飯隻碟係好大, 份量唔多, 每人幾啖就食晒.賣相ok, 都叫有D伴碟. 個人覺得飯粒太淋, 唔係意大利飯半生熟嘅口感, 但食落有濃濃忌廉味,算係幾好. 不過同樣地, 材料極少, 好難先喺碟飯到搵到4-5粒元貝,仲要係得手指尾指甲咁大粒, 什菌同樣地好少, 食完成碟飯,我好似只係食到一條秀珍菇.或者我朋友食晒?!整體嚟講, 唔覺得有咩令人印象深刻,普通西餐, 兩個主菜正常, 係個湯差D, 每人$110-$120,叫做做到$120嘅水準. 

朋友住大角咀， 介紹我去一間新開 嘅餐廳食飯， 成間餐廳個裝修好型， 有中原一點紅的感覺，喺嗰條街嘅位置好型好顯眼。服務員友善地遞咗餐牌畀我哋， 仲介紹咗呢度嘅特色食物- 手工卷物同甜品伊甸園畀我哋， 既然介紹得就試下啦， 另外仲叫咗個黑松露芝士忌廉汁配美國炸薯條食㖭！黑松露芝士忌廉汁美國炸薯條$58, 但係大大碟，薯條又粗又長， 見佢色澤金黃都炸得唔錯， 薯條上洒咗啲調味粉， 仲淋左好多黑松露芝士忌廉汁， 黑松露味香噴噴， 芝士辣辣仲係 融嘅，所以 仲有一條條嘅芝士絲， 黑松露配芝士忌廉汁係絕配， 呢個配搭冇得輸。 最正嘅係有大碟又抵食。手工芝心釀菠菜魚卷$118， 好欣賞呢間小店別出心裁嘅配搭， 外面用咗一層 酥皮包住芝士，菠菜及龍利柳一齊 焗， 見到 外面層皮焗得好像酥酥脆脆， 但淋上了芝士忌廉汁， 口感咬落去一點也不乾，是軟淋淋的，因已吸收了芝士忌廉汁， 本身成個手工物及內裏包著的菠菜及龍利柳是不多調味的， 整個鹹味只靠芝士忌廉汁提供， 被包著的龍脷柳 焗完之後一點也不乾身且很香滑， 而且芝士忌廉汁是混合了蟹子粒， 一啖手工卷物伴著滿滿蟹籽粒的芝士忌廉汁咬落去再逐粒逐粒的爆開，

店名好特別，「Press Enter」，好有意思！Menu 好有特色，「㩒入去」點左什菌元貝意大利燴飯，霜降和牛窩夫比薩，手工芝心釀菠菜魚卷同香芒大蝦沙津！個飯係白汗底，好香，有少少白酒味，好juicy，好多料，好好食！個霜降和牛窩夫比薩有手掌咁大，最特別係用窩夫取代麵粉皮做pizza底。好特別而又好成功既構思！因為佢地既窩夫比較軟身，食落去冇咁熱氣！個pizza好足料，d和牛好淋，好好食！估唔到個手工芝心釀菠菜魚卷裏面有三文魚，龍鯏柳好淋，煎得啱啱好！咁多魚一d腥味都冇。點埋個秘製明太子汁，又一個估唔到佢地咁夾味！正！e個香芒大蝦沙津當佢甜品重好！個芒果超級甜，d蝦好爽囗！一個貌似好簡單既菜色就睇到佢地既用心同努力！

Press enter會令你諗起d咩呢💭？小妹1見到呢間餐廳個名，即刻諗起以前1位教computer💻既老師📚，因為佢會將禁enter呢個action講左做拍enter，小妹覺得好有趣、好深刻😂。餐廳裝潢時尚💡，走歐美路線，座位仲有cushion，令整體感覺更舒適😊。牆上亦有掛畫，好有藝術感🖌。小妹甚少影menu，但餐廳既menu十分特別，用左電腦既keyboard⌨️做藍本，鍵盤上E、N、J、O、Y呢5個字母就特別顯示左出黎。的確，呢餐飯小妹又真系幾enjoy架😌！打開入面，原來用左Facebook既template，又幾創新喎🌟！小妹首先order左個手工芝心釀菠菜魚卷($118)、霜降和牛窩夫比薩($128)同香蕉乳酪特飲($39)。店員話跟餐加$30就可以有特飲同是日餐湯(番茄湯)，好抵啊👏🏻！個湯比較杰身，除左番茄🍅之外仲有洋蔥，真材實料～不過味道較酸，同行既妹妹👧🏻就吾系幾中意，但小妹就覺得ok，幾開胃既。手工芝心釀菠菜魚卷賣相好精緻✨。魚卷外皮系龍利魚🐟，比較滑身同細嫩；裡面就包左三文魚、菠菜同爽口既蘑菇🍄。配搭埋有蟹子既芝士汁🧀，連平時吾系特別中意食魚同菠菜既小妹都覺得好

我最中意食甜食大家都知，要揀甜品窩夫實係三甲之選。諗起嗰件外面脆入面軟嘅窩夫，甜到漏嘅朱古力醬，新鮮嘅生果，冰凍的雪糕。。曄，神物丫！今次一入到餐廳，我已經選左個窩夫甜品。點知。。比人拒絕左，話成日食窩夫好厭喎。即時我就唔發表任何意見，哼！方向面對住拒，拒都唔理我喎，仲叫左個咸味嘅和牛窩夫pizza，乜嘢嚟架，激死我甘制！點知食完之後，我竟然愛上左，你千其唔好諗住我講嘢係好誇，自己試下就知我無講錯。一嚟到有種松露的香氣，再加小小窩夫的香，已經好吸引。配料有紅，青，黃三種椒，洋蔥，霜降和牛，好多好多嘅芝士，香草。味道得超好食可以形容，窩夫嘅口感軟熟彌補左pizza口感乾身的缺陷。甜味增加左嚐味的層次，先咸後甜，比起食芝心批來得更好。和牛看落有小小乾身，但食落唔會。有牛肉香味，而且足料。一個pizza 可分8件，一定一定係必食嘅推薦！香芒蝦沙津--芒味切成片狀與蝦疊成花塔，樣子漂亮。用上千島沙律醬做調味。另加沙津菜，香醋為醬汁。手工芝士豬肉卷--睇個名初頭以為係類似墨西哥卷，出面係包，入面係豬肉。原來唔係，係豬肉做外層，芝士同露荀做餡料。外層豬肉為薄片，咬落有口感，入面再加露荀，口味清新。

平日甚少去大角咀，因為朋友在奧海城附近上班，這次決定在他公司附近吃晚餐聊聊近況！他說大角咀開了一間cafe不錯的，所以帶我去試試！很有趣的名字，叫Press Enter，不知道還以為是電腦舖！Cafe座位不算好多，不過我們早過7點來到，還好不用等位！這裡也有售賣自家製的蛋糕，很漂亮啊！看到餐牌有一款菜式叫手工卷物，好像挺特別的呢！我不想吃得太膩，吃魚好像健康一點，罪惡感低點，所以點了手工芝心釀菠菜魚卷，有魚有菠菜，幾健康！很精緻的菜式啊！真的好考手工，包得很好，完全沒有散出來！外層是煎香的魚柳，裡面還有煙三文魚，當然還有菠菜，香濃的芝士汁伴著蟹籽，很有層次的口感，味道很搭！伴碟還有焗小薯仔粒香蕃茄乾！另外，這晚最令我驚喜的是這裡的窩夫！我們點了玫瑰園，來到時真的雙眼發光，這麼漂亮，誰捨得吃呢！碟上的乾花碎是可以吃的，我吃到有薰衣草！很多士多啤梨，吃起來很清新！窩夫有兩點都做得很好，一是外脆內鬆軟，另外還有香濃的蛋味，推薦！紐西蘭綠茶雪糕，奶味會比較重。不過也不會很甜，適合女生！這個就是法國玫瑰醬，沾上窩夫，酸酸甜甜，帶著香噴噴的玫塊味，真的好像進入了玫瑰花園！一直走，原來大角咀都有不少

今日大角咀做完野係周圍行，本來諗搭車走，跟住突然見到呢間餐廳.之前係網上邊睇到，今日咁岩見到就走左入去試下。一入去可能我地都比較早，所以唔洗等都已經有位。黑松露芝士忌廉汁配美國炸薯條炸薯條係岩岩炸起嘅，夠晒熱又一啲都唔會乾，黑松露芝士忌廉汁夠晒香濃，而且果陣黑松露香味一上枱已聞到，入口外皮得夠晒脆，餐廳果然係即叫即整，一啲都無花假。手工野菌墨汁意大利燴飯釀魷魚筒呢碟墨汁意大利燴飯釀魷魚筒真係比較小見，魷魚筒入口夠晒陣牙，而且釀在魷魚筒的意大利飯口感依然保持到一定嘅口感，份量亦都好足唔會太小。德國脆皮燒豬手肘燒薯及酸野菜豬手最緊要係做到外脆內軟，廚師真心整得唔錯，份量十足嘅同時做到夠外脆內軟，個人係德國脆皮燒豬手嘅粉絲，平時最怕啲整到成隻豬手乾晒又咸果啲豬手，餐廳絕對值得一讚因為味唔會太咸，夠平均同時保持肉質嫩滑。二個人食三個餸野食都可以食到飽晒，真係又平又滿足，仲要唔洗加一，真係絕對值得下次再黎食

Keyboard 按鍵@Press Enter大角咀 大全街6號地下大角咀是我畢業後第一份工的地方，2年的苦樂仍歷歷在目，沉淫得一身好武功打滾職場。當年沒什麼食肆，多數時間只在員工canteen解決。十年間變遷隨著多了住宅，本是老舊橫街旁都湧現了很多小食店，press enter是其中用心的一間。Keyboard上找到的press enter,在見到menu就知道其關聯。肉卷是人氣菜式，mr square對殼類海鮮敏感，點份魚肉就萬全又窩心。芝心釀菠菜魚卷$118魚肉因肉質紋理容易散開，幸好魚肉厚端上來還是很工整。釀了健康的菠菜,加入了芝士燒焗的關係，切開會見到一絲絲溶化的芝士，放了魚子，食入口令菠菜增添了股鹹芝香。而醬汁是芝士白汁，魚則是三文魚加龍利柳，夾雜兩種魚味層次更分明，吃上來滋味整體搭配更顯相得益彰。有dinner set供應價錢都合理，種類有意粉飯只是百來元，扒類也是二百元左右。$78 煙三文魚蟹肉什菜沙律，什菌元貝意大利燴飯。白汁均勻依附在米粒上，有三色椒，小帶子粒同菌，與白汁水乳交融，想不到食物質素比想像中好，高手在民間。沙律開胃，有煙三文魚蟹肉調節一下，不會得菜單調，

Came here for coffee but a bit disappointed by its quality. Ordered flat white but it didn't come with the glass. All day breakfast looks nice and taste good.

位於大角咀的Press Enter，是一間窩夫岀店的餐廳我和好友都是窩夫控，已相識多年又點會不知道對方喜歡什麼呢。今晩一於入大角咀，試試吧挪威煙三文魚沙律$98每天都外岀進食，所以點選沙律清爽一下共三片的煙三文魚，雖不太厚肉但甚為大塊，只是魚味不太濃沙律伴以蘋果醋汁，微酸醒胃，加上切條青椒，味道不錯哦蕃茄辣汁水牛雞翼$32價錢不貴的雞翼一客四隻，雞翼上台酸味攻鼻入囗辣味搶先蕃茄攻入囗腔，雞翼大隻厚肉，但有點過重囗味手工嘢菌墨汁燴飯釀魷魚筒$148餐廳主打四款手工卷物，在魚和魷魚中，選了較飽肚的燴飯想不到沒有選錯哦，魷魚筒軟腍帶點彈牙，不像方間硬巴巴的魷魚黑燴飯滿佈墨汁，墨汁味特岀旁邊的薯仔調味後煮熟，外皮微微脫落，味著不可忽視哦霜降和牛窩夫Wafzza $120在咸窩夫和甜窩夫中，和好友一致決定選咸食Waf zza是窩夫加比薩，把霜降和牛，彩椒，芝士，大量洋蔥於上窩夫上，就如一個Pizza 比薩焗製時香氣撲鼻令我們囗水直流，香甜氣味令人陶醉窩薩切成8件，一拉芝士拉起窩夫入囗香甜焦脆，上層配料豐富內裡的蜂蜜醬極為特岀，我和好友一人一半吃光也不滿足，非常推介哦布朗尼配雪糕$58是日蛋糕為布

近日加入了Facebook 的大角咀街坊群組，在心中也有幾間想試試，因為好評如潮。這一間是其中一間。說實在的，或者帶著期望過去，所以才有點失望。然而，說到食物的水準是有的，所謂「有點食物水準」的意思是，不難食但亦稱不上美味。我們點了2份午餐。第一份是All day breakfast ，另一份是雞扒沙律。首先，奉上枱的是兩碗餐湯-周打蜆不得不讚一樣很窩心的事，就是餐具都是暖的。至於湯就ok，料也很足。接下來就是我的餐了我點了All the breakfast ，老實說有點失望，第一眼望下去就好像港式的全日早餐。有牛角包，薯餅，英式烤腸，煙三文魚，少量的磨菇，香草炒蛋，沙律。但遺憾的是配撘上同餐牌寫的英式早餐好像有點差距。少了香草前蕃茄，多士變了croissant , 沒有了bacon ，還有茄汁豆😞⋯⋯整體上的感覺是，一個懶洋洋的Sunday brunch ，配了港式的風味。餐飲點了咖啡，咖啡酸味較重烤雞扒沙律很豐富，而且份量也算是很大。但雞扒不夠熱，量大於質。總括而言，食物質素一般。或者正如文章開頭表達的，我們抱著太大的期望過去了吧😅但對於我們這些街坊來說，也是一個假日搵地方hea的

自從知道大角咀多嘢食後, 間中也會去覓食, 今次便與友人去了一間叫Press Enter的食店食飯. 餐牌設計幾特別, 好似個Keyboard. 愛食青口的我, 點了一個芝士焗青口. 青口都幾大隻, 入口帶有淡淡的芝士味. 但食食下發現唔夠分, 原本一碟有六隻, 但佢地俾少了一隻得五隻, 我是極少遇上這個情況. 我地點了一個晚餐, 包一個餐湯, 一個主菜和一杯飲品. 餐湯是南瓜湯, 這裡的湯是沒有加入忌廉煮成, 所以無咁cream和滑身, 但就充滿南瓜味, 兩款整法我也鍾意. 飲品就是朋友飲, 味道尚可以. 主菜點了紅酒燴霜降和牛牛尾配意粉. 牛尾煮得唔夠腍身, 比較硬, 而且食落唔太覺有紅酒味道. 而意粉又煮得偏向硬, 整個主菜好一般. 芝士控的我, 單點了手工芝心釀風乾火腿有機雞扒. 上枱時賣相都算精緻. 切開雞扒後, 發現與菜式名不符實. 我完全不見到有芝士和風乾火腿在雞扒裡, 和我想像中有出入. 根本只是雞扒, 究竟佢俾錯定是本身是咁樣, 好失望. 幸好雞扒的肉質尚算嫩滑. 最後是甜品時間, 點了伊甸園. 賣相幾靚, 而且份量

好耐無番黎大角咀, 一個我曾經每日疲於奔命既地方。過左一年既時間, 呢到既新餐廳愈黎愈多元化, 亦愈黎愈有質素。今次番黎係同舊同事聚舊, 揀選既係呢間位於角位既咖啡室。周二既晚上, 食客疏落, 寧靜既環境, 特別適合傾計。叫做PRESS ENTER, 意思係如果有夢想就唔好再唸甘多, PRESS ENTER, 去馬喇!CAFE就係甘樣, 永遠飄住一種味道, 叫夢想, 令人特別嚮往。叫左兩個套餐, 跟餐送上兩碗暖暖既甘筍湯, 味道清甜, 有好多甘筍蓉。香芒大蝦沙律 $108砌得好靚既香芒大蝦, 芒果完熟, 十分甜。大蝦爽彈, 同芒果一齊食好清新, 開胃。霜降和牛窩夫比薩 $128甜既窩夫成日食, 咸既真係好新奇, 而且個份量仲要比想像中要大得多。厚而不實既窩夫上面有彩椒、洋蔥、芝士。最緊要係每一塊窩夫上都有大大粒霜降和牛。口感軟熟無筋, 不過味道不算好突出。反而蜂蜜沙律醬既甜味好濃郁,  令人一啖接一啖停唔到口。手工野菌墨汁意大利燴飯釀魷魚筒 $148呢到有幾款特色手工卷物, 而我一見到呢個意大利燴飯釀魷魚筒 就立即鎖定。同頭先既窩夫比, 呢個份量較少, 不過手工心思就繁複得多。魷魚筒內

好耐無黎依區食飯，以前黎親依區都係同大班朋友打邊爐，今次同個住附近既朋友聚舊食飯，佢話依度既甜品我肯定會鍾意，所以聽佢講黎試下才都無防<<火山石燒澳洲牛柳拼美國春雞半隻>>雞肉肉質嫩滑，食落幾香口，牛柳叫左五成熟，肉汁多同入口唔覺韌，配菜中有細薯仔，連皮食腍得黎幾好味<<手工芝心釀丹麥豬梅扒>>豬扒入面捲住露荀，食落有少許芝士，但唔算好濃味，整體食落唔會感到膩濟<<玫瑰園>>甜品係女生既原動力，食甜品當然要食得有份量啦，一般所食到既waffle都比較少有玫瑰味，估唔到依度有，滿滿既玫瑰花瓣碎玫瑰醬好香，將醬淋上窩夫，個陣花香味飄到鼻中，甜度適中，食落唔會感到有膩濟感。士多啤梨份量多，夾埋一齊食味道幾fresh，綠茶雪糕球配玫瑰味窩夫，意想不到既夾<<餐飲-水蜜桃茶>>