普羅旺斯餐廳 (Moved) New Location

某天,因工作關係,來到這個為我來說十分陌生的地方 - 新蒲崗於是,事前上openrice做足準備,看看有什麼自己想試的餐廳;然後找到這一間食法國菜的.網上的網評提到漢堡牛扒.這天的午餐共有2款漢堡牛扒作選擇,分別是日式的以及另一款好像澳洲.已記不得起了.最後我選了價錢相對便宜的先一試.而配菜則選了意粉.很欣賞漢堡扒的味道.至於餐廳環境,雖然坐位很濟;附近的人談話時較大聲,高談濶論,所以很嘈.但,我很喜歡這小店的裝修.特別是那些懷舊風扇.整體而言,食物很用心煮;味道方面算唔錯.藉得一試.

星期日新蒲崗靜蠅蠅。不想浪費是次行程,記得呢間笑評都ok,咪入去囉!門口、店內黑板,寫了「假日午餐」。想再睇吓有咩其他野食,店主說沒有餐牌,係黑板既野喇。Even dinner都係你想食咩,打黎訂/是日晚餐。仿法國餐廳性格!?水都唔俾杯、餐具,明明兩個人,俾得一份!食飯又無俾匙羹。店主/員態度,一點也不熱誠,尤其那個落飲品單的阿姐,甚像置身茶記中!!整餐氣氛感覺好怪。o拿o拿聲食埋走人。特餐餐湯:忌廉湯。好稠,不過與平時食的漿/糊狀忌廉湯不同,有很多腍腍的椰菜、大菇扒粒&有點薯蓉感覺,很不求其。意大利雜菜沙律(黑醋汁),生的菜很夠醋汁,好好食!與此同時,一邊菜;一邊肉,與那紐西蘭漢堡扒,非常match!漢堡扒外脆內軟,一點筋也沒有,牛味仲好juicy添!法國芝士汁火腿雞絲飯,上枱時剛從焗爐出,仍是卜卜跳。滾熱辣的法國芝士汁,好與別不同,唔係忌廉扮芝士o個種。淺黃色芝士咸度適中。雞絲亦有醃味。看似簡單的火腿雞肉飯,原來可以咁出色。(可惜唔可以影相,為左尊重別人,影左幾張,都唔post上來喇)此店個廚係得咕喎,但係飲品(我地飲左熱咖啡(港式既!連即蘑都無!?)、奶茶)好唔掂。要「仿法國餐廳

兩個好消息：先是朋友轉職成功，再是小店得以延續，可喜可賀，希望倆皆一帆風順。酒：法蘭西的Hermitage是醇，南非的Leopard's Leap是野，亦反映兩道主菜的性格。前菜依然是Caesar Salad配Parma ham。可惜我不好青口及鵝肝，令朋友亦錯失了試吃師傅的推薦。下次一定多帶其他客人，好讓新菜有幸「出場」。主菜一號是新試的大蝦配蝴蝶粉，是change – 大蝦用芝士包裹著再高溫烘焦，連蝦殼都滋味，見朋友「損」著便知並非謊話。蝴蝶粉用芝士炒過，好香，侍酒一流。配合醇厚的紅酒，平衡了菜色活力，使節奏延長。主菜二號是吃過的野雞仔Risotto，是continuity – 野雞仔燒香，risotto用芝士及橄欖油炒香，絕配。加上帶少許野性aftertaste的紅酒，增強整體感覺。下次再去一定要試新的前菜，希望十二月初有時間。

本來三個人的晚宴，變成兩個，仲好，冇人同我爭酒飲。兩支酒，係元朗買，拎番去天水圍，再去青衣、旺角、九龍塘、新蒲崗，真係前世未拎過嘢......早知佢唔唻我係旺角Market Place即場買算數！紅酒呢，法國及澳洲，前者真係好一Ｄ。前菜係椰菜(?)忌廉湯及凱薩沙律parma ham，清清哋，始終都係parma ham最有肉感。主菜係prime rib eye黑提汁及法國春雞配野菜飯。前者外脆內軟，又有鹹香，肉汁夠且新鮮，真係好難係其他地方食到咁特別嘅味道，當然我喜歡薄一Ｄ及熟一Ｄ，我怕食生牛肉。後者都係好好，春雞胸肶皮脆肉嫩，飯底有雞油及芝士香，配上沙律菜，油而不膩，堪稱一絕。星期五全晚都係得兩檯但知道大地主加租在即，相信好難繼續落去，希望大地主睇到呢度嘅食評，高抬貴手，令大家繼續有個好味嘅聚餐處。

本來中上環的晚飯，改在新蒲崗的小店。變成普羅旺斯的熟客之一，但再訪的心情依然是期待–我應該截的士，以最閒適的心情入座。可惜途上交通引致汗流浹背，好不掃興。帶了一支從墨爾本帶回來的Cabernet Sauvignon，臨時多買了一支波爾多half bottle，其實兩支也不夠的。頭盤是凱撒沙律配巴馬火腿及意（法？）式雜菜湯：為何小店一間可保持沙律菜每次都那麼新鮮？每次都那麼爽口清新？牛肋條配克提紅酒汁：今次的牛肋條與以往大不相同，表面一點脂肪也沒有，肉中間卻甚有油香，老闆說今次的來貨比從前的更好，價錢卻一樣，配上濃稠的、酸中帶甜的克提汁，使那油份吃多少也不覺膩。法式鴨胸配香橙冧酒汁：餐牌上沒有的主菜，是老闆的強力推薦。兩條鴨胸烤過後放在特製的香橙冧酒汁上，鴨皮膄香，鴨肉結實，配菜是焦糖香橙片加香橙冧酒汁，耳目一新，更見驚喜。甜品依然是薄如紙的蘋果批，亦是獨有之作。席間老闆說續約在即，亦可能是小店的結業，甚感可惜。若然屬實，唯有喜捨，十月尾前再訪，以為道別......

西式早餐來來去去都係嗰幾款, 但這兒就有較特別既早餐選擇今天先試$20餐................. 環境--細細間小店, 座位幾迫, 大個子可能會有壓迫感, 瘦女子若要放手袋於膝上亦會覺得空間太少--牆壁上貼上美麗的風景照片, 好靚呀!!!--有"不准拍照"圖示, 總之一舉起相機就有人來阻止, 好掃興!!! $20 ---- 香茅牛肉纖麥麵 + 煎蛋餐肉 + 牛油方包 + 熱飲--香茅牛肉: 份量少, 牛肉切丁, 像是軟稔的瘦牛腩--香茅味淡淡的, 唔夠越式做得惹味及入味, 再滲上葱花, 少少洋葱粒及西芹粒--纖麥麵: 像幼了一半的公仔麵, 顏色亦接近, 但好吃過公仔麵, 因無經過油炸, 無油膩感, 但就食唔出有"麥"味

第一次光顧是朋友介紹, 食物水準很高, 最記得是那個美國牛肋條伴焗香草蕃茄, 配上那個黑提紅酒汁真無話可說...甜品是法式蘋果批伴雪糕簡真喜出望外, 清香的蘋果薄片放在香脆的薄批皮上, 加上雲呢拿雪糕, 難忘...第二次自攜紅酒, 牛肋條依然出色, 黑毛豬伴大葱及濃醋汁, 又一精點菜式...甜品當然有蘋果批, 再試了藍莓芝士餅, 藍莓是跟芝士打在一起, 跟市面上的的全然不同...今天, 心思思又再, 不過想一試午餐...餐牌有30元及55元的午餐, 我們一行三人選了30元的午餐, 一客是香草蕃茄燒牛肉意粉, 份量不大, 牛肉切成小粒伴蕃茄, 有少許雜菜, 那個汁絕對是自制而非蕃茄醬調出來的, 甚得我心...另外兩客, 一個是芝士白汁石班焗意粉, 一個是芝士白汁雞絲火腿焗飯, 很香的芝士味, 端上來时十分熱, 很快就被掃光尼 ...飲品要了凍咖啡少甜, 濃淡得宜, 值得一讚...閒談時發現餐牌上的甜品有法式燉疍, 不過要四人份及預訂...呵呵... 我又心癢癢想再去呢...

記得第一次去之前都係係 openrice search 到見到好惡參半加上去到只見裡面得一檯人心想唔知掂唔掂所以只叫了 d 平野食味道幾好味只是牛扒有彈牙彈多左少少昨天本來想去別緻點知別緻要等到九點所以決定去普羅旺斯這次叫了一個平的意粉 + 一個豬筋骨味道好，只是豬筋骨份量少了一點這樣二個人都只是 $220 左右﹗

Wondering in San Po Kong for a good restaurant, this is recommended by my sis...I remember going with dad, the dinner is over HKD1,000 CASH as we ordered one mussel appetizer and 3 main courses. So the impression is that this restaurant is quite expensive.So going in with my aunt and godma for a lunch, we see HKD28 for a set lunch We go in, it's kinda crowded, only left with one table nearby the entrance, someone is sitting at the 4 ppl table. We think it's too crowded and wishes to leave, Mrs

事隔四個月至再有時間去普羅旺斯食嘢。紅酒(自帶)：義大利嘅，顏色靚，香味夠，越飲越好飲。湯：白菌忌廉湯，夠熱，淡淡地，送即焗法飽，絕配。頭盤：凱撒沙律加巴馬火腿，菜新鮮，乾火腿粒令其更有口感，巴馬火腿夠大塊有特色，灑上大量海鹽及橄欖油，好有西菜feel。竟然冇prime rib……牛肋條：配大蕃茄，蕃茄裡面有汁，係普羅旺斯嘅特色，牛肋條啖啖肉，配黑提汁，開胃醒神，又一絕。鯛魚：啖啖肉，新鮮。最正係魚塊上嘅沙律配菜，加橄欖油，令人興奮。甜品：紙咁薄嘅apple pie a la mode係至愛！師傅照舊一得閑就出唻敬酒，佢竟然記得我同佢細佬係隔離檯傾過偈，仲記得我姓乜同住係天水圍，所以唔係常常唻幫襯，真係好意外，希望聖誕節前後有時間再帶酒去。後記：今次有個新唻嘅「成熟」waitress，俾沙糖你時係飛掟俾你，企係側邊等你食完就即刻搶住收碟，正！

見到Provence係 openrice有3.8甘好既評價，就抱有期望而去試下，但真係比預期差好多！Provence環境好唔起眼，完全唔似係一間食法國菜既餐廳，似茶餐廳多 D。試完菜後，發覺連質素都好唔得！我地要左兩個 set和一個頭盤：餐湯係南瓜三文魚忌兼湯：湯香濃，加埋熱辣辣既蒜蓉包，唔錯！頭盤係法式凱撒沙律伴巴瑪火腿 ($98)：巴瑪火腿好大片，唔夠咸香；菜份量好少，芝士薄片比例卻多；sauce係橄欖油、醋加蒜蓉醬！用蒜蓉醬整凱撒沙律好怪，而且菜少橄欖油多，所以好油淋淋甘！兩個主菜係香煎美國牛肋條伴黑提紅酒汁 ($168) 和法國芝士汁焗魚扒伴意粉 ($68)：牛肋條煎得外皮脆但太乾身，唔juicy！老闆教我地要切細件甘食，因為呢度既牛肋條係 sell 口感，但我食到既口感係又靭又實又乾！黑提紅酒汁就酸微微幾清甜！另外，伴碟既係一個焗既大蕃茄，味道怪怪的！法國芝士汁焗魚扒伴意粉既魚扒都ok，但意粉好唔掂！意粉腍身得黎又唔夠熱，應該係煮定左係度再番焗，好差！老闆充滿熱誠甘來問好唔好食‧‧‧我唯有笑下，唔好意思撥佢冷水‧‧‧我地重買左支紅酒黎唸住食好野，真係浪費左支酒‧‧‧我坐既位置

One of my favourite dish is the cold abalone X spinich （凍南非鮑伴spinich）(pre-order required)Other one: chicken risotto with truffle sauce, great strong smell of truffle, light sauce (not too creamy at all) and good rice texture (not hard or chewy).Lamb Chop: hand-picked lamb chop X special grilling method that locks the juice, sauce and taste of the lamp chop without losing any of its freshness.Tender, great texture and extremely juicy inside.Beef rib sticks (牛肋條）chewy, not the kind of tenderloin

昨晚同兩位朋友一齊去試吓，其中一位係好少見面嘅同學，好珍惜見佢。全晚只得我哋一檯及另一位小朋友一檯，後者離去後我哋好似包咗間餐廳咁。紅酒：唔收corkage，帶咗支06年澳洲Shairz去，$110仲有九折，超抵，食幾貴都唔肉赤。頭盤：豬頸肉墨西哥薄餅，上次師傅個細佬介紹，豬頸肉好腍有肉汁唔乾，個汁好正宗好Thai。鱸魚：三大塊，一人一件，沙律菜及菠菜好新鮮，個魚亦好新鮮，有魚香味。黑毛豬：正！肉質嫩，最正都係墊底大葱，吸咗Ｄ豬油汁，好香。牛肋條：完全無骨，更正–原來唔係士多啤梨汁，而係黑提紅酒汁，嗰位唔係咁鍾意食西餐嘅舊同學食足四件（out of 6），已證明幾好食。甜品都係最鍾意嘅紙咁薄嘅Apple Pie a al Mode，今次仲有連餅身都好有藍莓味嘅芝士餅，完美終結。好開心嘅係師傅放低工作出唻同我哋邊飲邊傾偈，天南地北，傾得好開心。應承師傅下次帶支靚法國紅酒同佢試吓，等我去我床底個cellar搵番Ｄ珍藏先！

同事叫我去那間法國餐廳吃午餐, 去看看, 1點15分, 全場爆滿, 心想以為是好野, 點知, 未食都想走.............環境: 座下來發覺座位非常狹窄, 食客座背互相緊貼, 很不舒服。味道: 吃了個味道和大家樂一樣的西冷牛扒午餐, 不難吃, 但沒驚喜。服務: 得兩個WAITER 做野, 收餐送餐都做唔切, 門口成村人等位無人理, 極之混亂,總結: 味道一般,環境狹窄,無人做野, 食 $38 蚊一個 LUNCH 都唔係太值 (不會再去), 一定唔會試去食晚餐。

上星期六晚六月二十一日再訪普羅旺斯，諗住唔寫食評，點知翻開呢頁睇到Ｄ好唔同嘅意見，不妨又交流吓。酒就一定要自己帶去。中午時我係中環一間專賣法國紅酒嘅酒鋪買咗支$109嘅紅酒，鋪頭伙計問我食乜，我話食扒，佢推薦呢支，平平哋，又唔錯喎。去到普羅旺斯時仲係六點幾，我兩個人，霸張四人枱，師傅仲係度寫緊黑板Today's Special，不過佢警告我唔影得相。（所以我唔知呢頁Ｄ相係咪偷影嘅呢......？）我同師傅講要食牛扒，佢已經即介紹牛肋骨，又話黑豚肉好正，講吓講吓，竟然俾佢游說到食新嘢。照舊預咗佢耐，飲住酒食住頭盤先。三文魚南瓜湯？喂！我食南瓜但唔食三文魚喎！落大量胡椒粉，驚佢腥。咦？又冇事喎，仲幾好味添。沙律：菜新鮮，最正係莎樂美腸，送酒一流。就係呢個時候，竟然俾人叫起身換枱！由一張大嘅換去一張對決式嘅二人枱。唔開心，但奇遇唻嘞。坐隔離二人枱嗰兩位竟然係師傅嘅細佬及弟婦（？）。佢兩位幫手招呼我哋，當然佢哋食乜都唔使叫唔使俾錢，但佢哋講咗好多師傅嘅理念俾我哋聽，好有趣。主菜牛肋骨真係好掂，無骨嘅長條肉配以士多啤梨汁，有肉味之餘仲幫助消化，好特色。黑豚肉細細塊但放係大大片嘅大葱上，肉質美，又