莆田 (荷里活廣場)

Open Now

Now Closed

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯講到最常食嘅中菜一定唔可以唔提「莆田」，優質嘅新鮮和時令嘅食材直達香港，喺香港都可以食到傳統嘅福建美食。最近莆田推出咗莆田蟶子節，只需$219就食到兩款由蟶子製作而成嘅菜式（八選二）。蒜蓉蒸海蟶我就話最傳統嘅蒜蓉蒸最能夠突出食材本身嘅味道，簡單嘅蒜蓉味可以令到海蟶更加鮮甜。農家蟶溜湯所謂嘅「溜」其實用咗地瓜粉保持滑溜感，同時加咗白醋同埋胡椒做調味，配搭鮮甜嘅海蟶真係想成碗湯都飲埋。經典包菜飯可以根據自己嘅口味加入花生、蝦米、香蔥。飯粒本身都吸收晒荷葉嘅香味。石鍋滑豆腐香脆嘅豆腐外皮，內裏嫩滑又有豆香。熱騰騰嘅石鍋可以更加保持豆腐嘅溫度。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 莆田 (荷里活廣場) (鑽石山)鑽石山龍蟠街3號荷里活廣場2樓214號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

蟶子2 食 $219 呢個價錢嚟講都算幾抵食. 好多隻蟶子！ 好有好多組合嫁～ 有啲係炒蟶子. 酒浸蟶子.我就揀左紅菇聖子湯. 好補好鮮甜！ 鐵板鹽焗蟶子-鐵板扒就食得多. 原來聖子都可以咁樣上枱.幾特別！ 前菜： 蝦苗頭水紫菜 $58好 fresh既口感！ 好開胃！ 白切羊肉 $158-睇落去以為係豬手. 個口感都似嫁！ 好彈牙！ 黃金荷葉包 $76-切開個麵包，夾啲豬肉絲入去！ -麵包上面嘅芝麻令成個麵包好香口！唔會好齋！ 薄荷枇杷凍$48桂花陳皮燉雪梨$48

又到咗我最愛嘅中菜環節，平時出邊食飯都比較油膩。今次就去到鑽石山荷里活廣場「莆田」，享受一下高質福建菜嘅精髓。最近又到咗蟶子節，只需 $219就可以享受兩款由最時令蟶子炮製而成嘅菜式。薑蔥炒蟶子 選用大火加入薑和香蔥連殼爆炒蟶子 ，再作簡單調味。蟶子完全冇沙，然後薑蔥又可以更加突顯蟶子嘅甜味。紅菇蟶湯 紅色有清澈嘅湯底其實就係用咗福建名物紅菇煮省成，湯底感覺上比較清新，亦都唔會蓋過蟶子本身嘅甜味。閩南薑母鴨講到滋補菜式不得不提薑母鴨，選用老姜和鴨肉炮製出薑香又唔辛辣嘅鴨肉。百秒黃花魚廚師對黃花魚火候嘅掌控，造就嫩滑嘅魚肉。

莆田宜家做緊季節蟶霸promotion，HKD219可以叫2款蟶子菜式，咁一定要試試啦。薑蔥炒海蟶，大火爆炒海蟶，加入薑蔥可以去掉蟶子腥味。火候掌握得幾好，蟶子食落鮮甜惹味好有鑊氣。蟶炒金黃蛋，做法有D似海蠣煎蛋，不過係用咗蟶子。宜家蟶子都好肥美，個頭不大，肉質緊實。同蛋一齊炒，蟶子包裹曬雞蛋，口感唔錯。莆田扁肉湯，每次來必叫。扁肉個頭唔算大，一口一個。扁肉食落好鮮甜，加埋紫菜湯一齊，鮮上加鮮。莆田荔枝肉，做法類似咕咾肉，豬肉油炸以後，裹上酸甜醬汁，仲會加入荔枝一齊烹飪。一口肉酸甜惹味，肉質唔柴，真係有少少荔枝味。福州風味紅糟雞，用紅糟醃製雞肉，再用焗蒸烹製。紅糟入到雞肉裡面，食落雞肉鮮甜嫩滑伴有紅糟香味。白果芋泥，芋泥擺得好似花一樣，幾靚。芋泥研磨得好細，入口綿密，再加埋椰漿一起，超好味。薄荷枇杷凍，枇杷汁做成嘅啫喱，真係好特別。食落微酸，伴有少少枇杷味，好清爽。

我又嚟一個月食一次canteen呀好！今個月都仲係做緊蟶子節菜品$219/2款😗真係好抵㗎！所以呢我就約咗個好朋友一齊食🤭▫️蒲田荔枝肉 （中） $146呢道菜用鮮嫩嘅豬肉配上鮮甜嘅荔枝煮成豬肉會切成細件先炸過再同荔枝一齊炒有荔枝嘅清甜，好特別嘅味道▫️興化炒米粉 （中） $228呢道係福建省興化地區嘅特色小炒用細米粉加上各種蔬菜、雞蛋同肉類炒成。米粉炒得夠乾爽，加埋充滿香氣嘅配料好有層次嘅口感🤭$219/任點2款▫️老酒豎海蟶 將新鮮嘅海蟶用老酒煮老酒嘅香氣令海蟶更添味道😍海蟶肉嫩滑多汁，再加埋老酒嘅獨特香氣簡直係一絕。▫️蒜蓉蒸海蟶呢道菜用蒜蓉鋪係新鮮嘅海蟶上面，一齊蒸熟。蒜蓉同姜嘅香味滲入海蟶肉，令味道更加濃郁而且蒸製保持咗海蟶嘅鮮甜同嫩滑

弟弟一家來探我，我請佢哋去荷里活廣場食午餐，被譽為“新加坡中餐第一品牌”的莆田餐廳，是一間福建菜餐廳，餐廳地方簡潔，座位舒適，侍應招呼週到。莆田大部份食材，皆從福建莆田市直接入口，以確保其地道風味。近期有莆田「哆頭蟶節」，分別帶來了多款風味烹煮的方式，去突出哆頭蟶獨有的鮮甜味。$219任選兩款。鐵板鹽焗蟶：這是莆田當地的經典食法，保留了哆頭蟶的鮮甜原味，吃的時候將蟶肉蘸點海鹽，帶來更香滋味！蒜蓉蒸海蟶：蒜蓉蒸原汁原味，將蒜蓉均勻地塗在每一片蟶肉上，每一口肥嫩的蟶子都帶著滿滿的蒜香，鮮味十足。莆田荔枝肉：肉質外脆肉爽口，沾滿酸甜的醬汁，開胃之餘又具脂香。莆田扁肉湯：扁肉全粒都係用豬肉做成，手工精細，做成一小顆一小顆的，煮好放在加了白醋的雞清湯中，肉香中帶酸爽，是一道湯品與肉餃並重，卻又吃來清爽不膩的菜式。大白菜燉軟豆腐：湯頭以老母雞、豬大骨、干貝、蝦乾等食材，文火慢燉8小時以上，湯頭醇厚鮮甜，搭配自製豆腐、大白菜甜嫩菜心，炒過的蛤蜊、蝦米、五花肉片、蒜頭等，呈現食材原味鮮甜，令人回味無窮！福建海鮮滷麵，配料豐富，有瘦肉、蝦干，香菇，乾貝，牡蠣，蟶、韭菜，湯底係用豬骨頭裏最好的骨段用文火熬

諗住食蟶子兩味，結果相比第一次食同樣嘅兩味，食材縮咗幾倍水！？無論數量、質量和味道都級比下去！原本是只值二百幾嘅變三百幾蚊！查過茶芥居然係$18位！不如去搶錢啦！仲貴過碗白飯！加上其他不相關費用。找數變三百幾！而最重要不值此價！真的有種被騙入局的感覺！如果食蟶子，其他地方還有更多好的選擇，真的不必要到這裡來食如此性價比低的蟶子！味道也不夠入味，尤其是有湯那系統的更加不值了！我諗這是我最後一次幫襯了！

呢排成日喺地鐵見到莆田嘅廣告$218兩款蟶子，今日終於嚟試吓一開始會有一小疊開胃前菜，呢個幾好食，酸酸甜甜，好似係酸菜。而蟶子共有九種食法我哋今次揀咗經典嘅蒜蓉蒸同埋香口嘅椒鹽蒜蓉嗰款超好食，個汁好惹味。但椒鹽嗰款同我想像中有啲出入，佢唔係好脆身，炸衣薄薄地，我唔太喜歡，有啲後悔叫咗呢一個食法揀其他應該會好味啲。佢另外配咗炸茶樹菇，反而茶樹菇個味道幾得意。莆田荔枝肉，其實個味道同咕嚕肉差唔多。有啲失望係佢嘅荔枝份量好少，只係得兩粒荔枝肉。整體嚟講冇乜特別不過不失。黃金荷葉包，呢一個非常好食，個包好脆熱辣辣，外脆內軟。切開個包之後就可以夾啲肉絲同埋洋蔥入去，甜甜地。我哋怕唔夠飽，仲叫多咗個煮食係經典包菜飯。個飯跟埋一啲配料俾你自己撈，有花生碎蝦米仔蔥同埋菜。個飯有荷葉墊底，本身以為會有淡淡的荷葉香，但係食落好失望係一啲都冇。佢只係一個普通有味嘅係有啲濕濕地有一啲似糯米飯嘅質感，相當普通，應該其他主食會好好多，呢個可以唔使叫。

每年呢個時候莆田蟶子節，都會大推出多種蟶子😍一年只賣一季，仲有八隻口味選擇，真係要食幾次先可以食得灑✅老酒竪海蟶福建老酒烹調蟶子帶酒香，非常Juicy👍🏻老酒嘅味道更加帶出蟶子鮮甜係咁多款做法入面我最喜歡嘅😋✅農家蟶溜湯特色農家做法，有蕃茄同椰菜花配搭一齊烹調，湯帶微酸，非常開胃✅莆田扁肉湯傳統福建手工菜，每次都必食😙✅九轉小腸小腸爽口彈牙，呢種口感一試就愛上✅興化炒米粉朋友介紹必點米粉，加咗大量配料炒出嚟嘅米粉特別好食🤤另外仲有特色辣醬可以配搭一齊食💛好味指數:4.8/5 💜回頭指數:4.8/5📍莆田 (荷里活廣場) (鑽石山)鑽石山龍蟠街3號荷里活廣場2樓214號舖

每次 莆田 有 哆頭蟶 都會嚟食$219/2個餸，其他餸的份量可選細份價錢又抵食，味道不錯之餘坐得又舒服椒鹽同湯齊晒再加菜，肉，麵，甜品，每人$300最後都食唔晒個樣唔係好靚仔，但香度一流而且唔會感覺好油， 椒鹽哆頭蟶 ，椒鹽感重但不會好咸，配新鮮海鮮仲好食不少，配菜的菇這樣做法原來都幾好食農家蟶溜湯 叫這個又可以食到蔬菜之餘當仲有哆頭蟶令整個湯鮮甜不少再加上蕃茄微酸度幾清新，湯有點似羹的口感但冇咁杰身不錯喜歡 苦瓜控 都要叫嚟試，風味燜苦瓜，有苦瓜的甘苦味但好易入口，燘得幾淋身芋泥香酥鴨 芋泥口感綿滑，鴨肉香，增加口感，不會太油身感褔建海鮮滷麵 這個一定要配這裡的辣椒醬，增加不少香辣感，麵質幾滑身，配料不少新鮮建蓮雪耳湯 差不多每次來都會叫，清潤之餘又唔會太甜

我又食莆田啦！！莆田由4月15日起已經推出蟶子節🤭你哋食咗未呢？？8種食法，$219/2款🤘🏻今次我都試咗一啲新嘅菜式😬✨整體評分:8/10✨味道:7/10✨服務:8/10✨環境:8/10✨人均消費:～$300▫️鐵板鹽焗蟶 呢款菜式係莆田連到七年都係攞冠軍🥇一直都好鍾意食嗰啲鹽焗味入咗落個蟶子度好正🩷▫️蔥姜炒海蟶上個月我係食用酒浸嗰隻蟶子 真係覺得好好食今次就轉咗另外一款薑蔥炒我覺得呢個有少少落差佢唔算係炒上碟之後好濕下🥹冇想像中咁好食個汁都唔係話好食得出咩味▫️興化炒米粉 對於我呢啲咁鍾意食澱粉嘅人一定要嗌返啲澱粉嚟親呢度一定要食嘅😍超級多餸 好似我咁 如果你唔食芹菜記得要同佢講話走芹菜🙂‍↔️▫️芋泥香酥鴨次次去親呢度啲friend都問我有冇食佢我就唔係好鍾意芋頭煮到溶曬嘅🍠今次試新嘢 所以叫咗佢用酥炸芋泥夾著厚切既滷鴨肉但我自己就唔特別好鍾意鴨肉嗰度打到碎曬但其實佢個皮好好食我鍾意佢個皮比較多🤭🤭食落酥糯鹹香👍🏻▫️酥炸冰心榴蓮識我嘅人都知我唔食榴槤食過嘅但係唔鍾意佢口感🤭冇乜特別都唔會食🤘🏻咁啱睇睇下menu😉見到好似幾正喎👀唔食榴槤嘅我都要嗌一個佢勁有特色，中西合璧咁外面係炸咗一個皮

今日去鑽石山荷里活廣場光顧呢新加坡餐廳，店內環境寬敞，裝修華麗😄阿元香草鷄 $118雞件嫩滑，有淡淡香草味，十分美味😋黃金荷葉包 $38/件饅頭炸得非常香脆，中間開空加上惹味洋蔥肉絲興化炒米粉 $118有豐當的配料如蜆肉，蝦，蝦米仔，菜，配上米粉，口感一流😚莆田荔枝肉荔枝肉酸酸甜甜，而且仲有荔枝添，十分開胃🤗蒜蓉蒸海蟶 $219/2道海蟶好有鲜味，配上蒜蓉蒸，味道鮮甜🤤椒鹽多頭蟶蟶子炸至甘黃香脆，加上椒鹽調味，十分惹味😜🎇莆田 (荷里活廣場)🎈鑽石山龍蟠街3號荷里活廣場2樓214舖@hkputien

每年呢個時候又係莆田蟶霸季節，適逢就到母親節就決定過黎同屋企人來個蟶宴莆田哆頭蟶共8種食法$219/2道，比單點更划算！蒜蓉蒸海蟶 永遠不敗港式蒜蓉蒜，香口惹味蟶子鮮味十足！紅菇蟶湯一隻隻脹卜卜肥嘟嘟蟶子於湯頭內，食落鮮甜肥美。莆田扁肉湯$32/位 2碗 每次必點的扁肉湯，外皮Q彈肉餡惹味！蒜香雞 半隻 $168 超脆皮蒜味十足芋泥香酥鴨 $98一絲絲鴨肉融入酥烤芋泥莆田荔枝肉 $98用荔枝替代傳統菠蘿做的咕嚕肉更清爽，調味唔會過酸！石鍋滑豆腐 $98 醬香微辣，豆腐沾上香滑雞蛋煎香，上面仲有蝦仁，配主食一流！蝦苗頭水紫菜$58酸酸甜甜涼菜、配埋蝦皮增鮮味興化炒米粉 $118有海鮮、乾紫乾炒米粉勁香配埋辣椒醬好滋味

講到飲茶好去處，最常去嘅地方就係莆田。因為佢定期都會推出新嘅菜式，所以定期去食都會有新鮮感。最近莆田推出左海蟶節，多達數款食材都係用時令海蟶煮食，等我哋即刻試吓啦。海蟶節$219 兩款薑蔥炒海蟶呢款係傳統煮海鮮嘅方式，講求食物本身嘅鮮味。薑蔥可以減少海鮮嘅腥味，從而令到食材更加鮮甜。莆田農家蟶溜湯所謂嘅溜其實係地瓜粉，所以會帶出滑溜嘅感覺。加上用咗白醋、胡椒和蛋花，湯底鮮中帶酸。石鍋滑豆腐煮到熱辣嘅石鍋，上面放上外脆內軟嘅滑豆腐，餸飯一流啊。鹹香黃花魚黃花魚外皮煎到香脆，內裏嫩滑又唔多骨。薄荷枇杷凍次次嚟到都會食埋呢個甜品，冰冰凍凍特別開胃呀。

來自新加坡的福建菜餐廳「莆田」自創立以來橫掃各大美食獎項，之前跟家人到訪過無論食物質素及服務皆滿意；最近再次推出大熱海蟶節菜品，於是相約家人再訪到訪鑽石山分店，店員親切友善；奉上菊花杞子茶，清香解膩----------🔹蒜蓉蒸海蟶 $129 ($219/2道)海蟶上鋪滿濃郁蒜香的蒜蓉，灑上適量蔥花；海蟶飽滿厚肉，鮮味十足美味指數：8.5/10----------🔹蔥姜炒海蟶 $129 ($219/2道)海蟶新鮮肉嫩又多汁，薑蔥比例平衡，香氣洋溢美味指數：8.5/10----------🔹石鍋滑豆腐 $98以石鍋呈上能保持熱度，豆腐以外加入原隻鮮爽大蝦，誠意十足；豆腐外香脆內嫩滑，充滿豆香，惹味而富鹹香美味指數：8/10----------🔹黃金荷葉包 (例) $38荷葉包炸得乾身不油膩，包體外脆內綿，包面灑上香口芝麻；加入青菜、洋蔥及肉絲，口感及味道俱佳美味指數：8.5/10----------🔹馬來風光 (例) $88以鮮香三巴醬炒成的通菜，加入適量的鮮肉碎，通菜翠綠鮮嫩，鹹香適中，惹味無窮美味指數：8.5/10----------🔹桂花陳皮燉雪梨 $48以原個雪梨呈上，非常得體雪耳