第一郡 (Moved) New Location

👤人數：2💰埋單：192🍽口味：剛好🍽菜份量：標準免加一越南小店Cash Only，好尷尬，唔夠錢要出去便利店取🤣心血來潮想去食越南嘢，最後揀咗呢間性價比好高嘅越南小店。但八點幾去到店，米卷同斑斕綠豆糕都賣嗮😢有啲可惜，唔緊要下次再去試推薦：🦀蟹膏番茄湯檬，食完第一碗encore咗一次，真係性價比高，蟹膏味道好重，真係食到有蟹殼入面，應該係用蟹殼去熬嘅湯底🥖烤豬肉法包，分兩件，夠兩個人食，料算多，豬肉吾會好柴OK，價錢就同市價差唔多，正正常常，都算好味

今次兩個人試咗蟹膏蕃茄湯粉，另叫咗一碗順化牛米，搭蟹杯凍越南滴漏咖啡。一開頭見到蟹膏同蕃茄呢兩個terms痴埋一齊都好懷疑，諗緊兩個味會唔會好唔夾。點知，食落有驚喜！蕃茄湯濃厚，碗粉佢配咗一件蟹膏豆腐（我唔知佢真實嘅名），真係一個好新嘅體驗。佢食落好香蟹嘅味道，索哂d湯，咬落唔會硬，軟得來唔係散同淋爛，有d似打邊爐嘅蜂巢豆腐，係多咗一份風味嘅蜂巢豆腐。順化牛米，叫咗小辣，店家俾咗一小碟辣醬。先試咗一啖原味，非常清新，比起頭先蕃茄湯嘅濃郁，佢真係好解膩。牛展好諗，但唔係霉霉爛爛，係可以夾得起嘅。杯滴漏咖啡開頭都諗住會好似喺越南飲咁，配極多煉奶，會超甜。但佢一上嘅時候，見到杯底只係落咗好少煉奶，真係好薄一層啖杯底。個人覺得好好，飲到咖啡香，唔會苦，唔會太甜，加起上來係甘甜。今次食完，味道好有記憶點，會再encore，下次試下其他野食！

第一郡🇻🇳衛詩雅同都有推介嘅越抵食地道越南菜🇻🇳越南人主理香料調味都好正宗😍完全食過無得返轉頭🤩weekend晏晝去都要等個幾鐘🥺小店簡約但係嘢食越有水準🤤必食!!!期間見keep住有人嗌外賣😉﹎﹎﹎﹎﹎﹎﹎﹎﹎﹎﹎﹎﹎﹎﹎/蟹膏蕃茄湯檬粉🦀️ $60/ (5/5)滿分首選🤩飲第一啖湯已經好驚艷🥳最特別係蟹膏磚🦀濃郁又足料 老闆諗到蟹肉蟹膏同蛋溝埋嘅配方方便懶人可以食到啖啖蟹嘅鮮味🥰配料好多:九層塔🌿滑溜豬紅 索湯豆卜 大舊鮮甜蕃茄🍅同彈牙扎肉🐖檬粉白色望落似米粉 原來係全米造嘅麵🍜最尾成碗清晒🤩/烤豬肉撈檬🐖 $60/ (4.8/5)滿瀉嘅豬肉山🐖烤過所以炭燒味好惹味又有微焦 加上花生🥜口感豐富😍撈檬嘅汁已經預先落咗 魚露青檸酸甜味調較得perfect🫙同一般嘅汁好唔同🤩金不換🌿都好正/越式法包🥖 $50/ (4.4/5)見個個都話必食🥰法包烘到脆身咬到鬆化嘅口感 唔會外皮過硬🥖餡料好清新 醃蘿蔔🥕絲加菜好解膩爽脆🥒扎肉 腩肉同肉鬆🐖足料 唯獨覺得多啲啲肝醬會整體juicy啲🤤/越南滴漏咖啡☕️ $32/ (4/5)一層煉奶🥛放喺杯底 上面有滴漏咖啡☕️烘焙味好濃郁 本身飲會有啲苦 但係撈

《第一郡 》深水埗真係越嚟越多好嘢食🤩一直聽人介紹話呢間好好食，系附近做完嘢就過去試下🤪地方唔算大，大概夜晚六點過去等咗半個鐘左右🫣嘢食又真唔錯喎🤩‼️但地方較細，坐得吾系好舒服下次會外賣翻去🤣---🦀蟹膏蕃茄湯檬粉($60)滿滿的一碗🤩配料有：豬紅，扎肉，頭卜，同埋佢哋最出名呢蟹膏蛋餅😍‼️呢舊蟹膏蛋餅，超香濃蟹味🤪勁鮮甜，蟹既所有精華係曬呢個蛋餅到🤪口感似蜂巢豆腐好索湯🤣好好食 個蕃茄湯好濃，偏酸的一個湯底，好開胃好好飮，檬粉岩岩好煮到，好掛湯😆豬紅系我細個食嘅豬紅味道(有無人明我講咩🤣)爽口吾會夾散果隻，份量都幾多幾大碗🤩唯一吾好食完好頸渴 🌱斑斕葉綠豆糕($15)好煙韌😍😍吾會太甜，淡淡斑斕香 吾算濃綠豆蓉好綿，好夾 好好食🤪 🌯烤豬肉麵包($58)想試埋佢個烤豬肉，所有叫埋🤣👧🏻本時好怕食越南法包，因為每次都會食到個口損曬‼️今次呢個竟然無‼️ 個法包焗到真係外皮脆內軟😍吾系平時出面果啲成個包好脆咬都咬吾郁食吾到麵包果隻‼️ 烤豬肉吾鞋吾乾濃味，加上佢啲配菜食，幾好食幾香口，份量都大，兩個人share食岩岩好🤪---(5🧸為滿分)賣相：🧸🧸🧸味道：🧸🧸🧸🧸環境：🧸🧸價錢：🧸🧸

最近人氣急升嘅小店，今日終於可以食到，唔想排隊記得11：30前去到，因為店鋪座位唔多，不過上菜都算快，店鋪以家庭式經營，老闆好有禮貌。蟹膏🦀番茄🍅湯檬，湯底夠濃，有淡淡的蟹糕味，不過青檸同番茄的酸味比較重，唔喜歡酸的朋友就會覺得酸味太重，飲完唔會口渴，有一塊應該係蟹糕蟹肉蛋餅，吸曬湯嘅味道，好好味，檬粉比較特別，唔係一般嘅檬粉，比較軟滑，喜歡這個口感。烤豬肉法包🥖餡料夠足，配搭少少酸菜，刺激食慾，麵包烘到少少脆，比較厚身，吃完一個好夠飽。斑斕綠豆糕都幾特別，甜度適中，好煙韌，下次可以試埋其它甜品。

唔係朋友帶路，我應該唔會搵到呢間小店。以為深水埗平日應該唔洗等位，原來好多人去食，好彩拎飛等左陣就到我地，鋪頭細細，唔好預坐得舒服，但都可以慢慢食，無人趕既。小店既食品唔多，但勝在都出色。🥑首先一定要講既係牛油果沙冰，雖然叫沙冰但我就覺得似奶昔多d，入口好滑溜，有濃厚既牛油果香，香而唔會好甜，口感較厚，鍾意食牛油果既人實like！🥪主食就叫左-烤豬肉軟包，個軟包暖暖地夠軟熟，肉質juicy，但有配菜隔返係軟包同烤豬肉中間，所以包身同保持到，唔會濕pet pet。但有芫荽呢樣配菜，我自己就飛走晒😆🍲重有-扎肉湯河粉，湯河有大量配料，包括🌱新鮮薄荷、羅勒、紅椒、青檬、洋蔥🧅，味道突出，而扎肉好食😋又足料！🦐小食就叫左-米紙蝦卷，先要拆開堅挺既葉，之後就係越南米紙包住超多餡料，但主要都係檬粉為主加少少香料，蝦既比例好少，唔細心食都唔覺有😂有改善空間。但小店就配左一個自家醬汁，有花生碎有炸蝦仔，食落變得惹味。重有其他野食都想試，例如招牌蕃茄蝦膏湯檬、牛油果軟包，唯有下次。

話說尋日大暑真係熱到傻咗，但係我仍然沒有放棄覓食，今次帶大家嚟到西九龍區🤪🤪🍅🦀蟹膏蕃茄湯檬粉話說依家餐廳真係多人到傻🙊我地1點半去到都大概已經要等10張枱，尋日又35度，都真係熱到差啲中暑😂 不過為左好食嘅野我地係永不放棄架！落單到有野食都唔洗3分鐘，望落每一枱都必叫呢樣野。佢本身每碗都有豬紅，扎肉，豆卜，重點蟹膏餅‼️果舊望落好似豆腐嘅就係呢碗粉嘅主角😍佢咬落話好似食緊濃濃嘅蟹膏，完全唔會腥，簡直係齒頰留香🤤湯底配上蕃茄甜甜地，令到成碗粉味道都好平均，非常之match🥑牛油味法包 作為牛油果頭號粉絲，一切有牛油果嘅食物我都一定會叫🙊🙊今次叫咗個牛油果法包，好似都係越南幾出名嘅一種食物。包入面有生菜，青瓜 ，牛油果紅蘿蔔，芫荽。雖然聽落好素食嘅感覺，但係我起上嚟又會有淡淡的滿足感，唔會因為話無肉而覺得好單調‼️識落成件事都好配合🥭芒果糕 榴槤糕炎炎夏日，一個完美嘅午餐係要有甜品作為結尾😋我地叫埋佢哋啲糕點試吓。而家正值係芒果嘅季節，所以佢嘅芒果糕香並清甜，絕對唔係死甜。榴槤濃得來唔會好假，難怪我見佢啲榴槤糕係賣得最好🙊-🍹飲品方面，講起越南就梗係牛油果牛油果牛油果啦🙊重要嘅嘢要講三次🤣今

今晚去買外賣，買咗兩係米紙蝦卷，係為咗食佢個花生醬，佢個花生醬點蝦卷真心係好食嘅，買嗰時冇講冇花生醬，攞走時都冇講，返到屋企打開，見唔到咪打比佢話冇囉，佢叫我去攞番，點知落到去，佢話比咗魚露我，花生醬賣晒，喂呀，你冇出句聲吖，我叫嗰時你唔講，我打比你你叫我返去攞，去到又話冇，你冇就響電話講吖，大熱天時要人走兩轉，真心嬲架😡

蟹膏番茄湯檬粉烤豬肉麵包菠蘿沙冰檬粉個蟹膏番茄湯真喺好夠味，就連個豆腐泡都索晒味，真喺無可挑剔👍👍，用嘅粉同一般檬粉唔同，比較似米粉，所以更加有咬口。個烤豬肉包，同平時食嘅都有小小唔同，夾嘅菜會比較多d，味道就同出面差不多。早幾年無咁多人知，都唔洗點排隊，而家多咗飲食post嘅報導，就成日都要排隊🤦🏻‍♂️🤦🏻‍♂️

最近在YouTube 不同的Channel也介紹深水埗區美食當然也包括此間越南菜今日完咗崇拜專登在OpenRice order定外賣駕車去取去到見到門口好多人，除咗有人排隊堂食，亦有不少在等外賣今次先要試受到不同推介的：1/ 牛腩燉蔬菜（只在星期六日供應）牛腩炆得好淋的，內還有薯仔紅蘿蔔，味道較甜2/越式法包內有扎肉，腩肉，酸菜，青瓜和芫荽蔥，包身外脆3/越式軟包餡料和法包一樣，外表看來好似硬包，但軟身的4/蟹膏蕃茄湯檬半個大蕃茄，有扎肉和豬紅，蟹膏餅檬粉外形和口感好似米粉一樣，和平時吃的檬粉有點分別，那兩舊蟹膏餅，可能不是自己預期吃的蟹膏湯底，外型和味道也一般，湯底也相對較甜只可以說價錢比較經濟，堂食環境就真係麻麻，法包不錯，其他一試也無妨

大熱天時32度，打算準時11點到買完外賣快快回家，點知11:15 分先有人回來開舖，有老有嫩排隊等你開門，大家都差啲熱死🥵唔優做都唔使這樣吧，入去叫外賣，老闆娘態度惡劣，說了兩次俾辣椒青檸，臨拎走前也問一問在場男仕有沒有比，男仕職員還說你有叫就會俾，最後當然是沒有比吧😡😡尼的服務態度，食物有幾好食都算吧！平日態度已經不好，都算了，今次令我實在太嬲了，以後也不再來，大家想受氣的就幫襯吧⋯⋯😡😡😡

每次行過都見大排長龍，所以好少會直接坐喺入面食😅多數喺深水埗行到熱辣辣，想買啲嘢飲解渴，就會去佢度😂呢度嘅牛油果奶昔勁足料，真係將牛油果加牛奶攪拌，飲落非常滑身👍🏻

想試好耐嘅越南餐廳，之前聽朋友講佢個米紙蝦卷好好食，今日終於黎左食，排左半個鐘左右先食到。入到黎店舖好細，已經聞到陣陣嘅蟹膏味，我地叫左2碗呢度必點嘅蟹膏蕃茄湯檬，一碗另外再加左炸豬肉（+$10）。再叫左2卷米紙蝦卷，最後嘅2卷都俾我地叫左好好彩😋米紙蝦卷正常發揮，同平時越南餐廳嘅米紙蝦卷差唔多，個花生醬汁幾好味。蝦卷都好大卷，入面餡料都多！蟹膏蕃茄湯檬一黎到見到首先係十分足料、大碗。佢面頭鋪滿左餸，有半隻大蕃茄、豆卜、扎肉、豬紅、好似蜂巢豆腐嘅蟹膏蛋餅! 啲配料好出色，豬紅好軟滑，好少食越南檬會有豬紅，而且佢個蟹膏蛋餅都超好食，因為佢吸晒湯嘅精華，呢舊野好似會食上癮甘，好好味。同埋要讚下佢個湯底，好香濃嘅蟹膏味，反而蕃茄味唔係好濃，個湯雖然濃味，但一啲都唔會太咸，好好飲🤤大家黎一定要試呢個蟹膏蕃茄湯檬，雖然好大碗，但好味道我成碗清晒!!!

好食指數:🌕🌕🌕🌕🌑Cp值:🌕🌕🌕🌗🌑•蟹膏蕃茄湯檬粉• $60第一次食呢種蟹膏🦀mix蕃茄湯🍅佢啲蟹膏係一磚磚咁嘅要整碎曬先好食！！！蕃茄湯就係有原舊蕃茄🍅湯底就酸酸甜甜咁！幾開胃！！！檬粉同出面啲大牌子唔同有小小似米粉🤣🤣🤣咁除左有蟹膏同原舊蕃茄之外都有豆卜、生菜、扎肉、豬紅…佢啲扎肉我又幾鍾意食🤭🤭🤭之後就要留肚食佢嘅法包🌯•越式法包• $50呢個大推✨😛😛如果唔食芫茜、紅蘿蔔🥕、酸甜青瓜🥒呢款一定唔啱你地食😂😂但我完全無問題！呢個又係酸酸甜甜除左有芫茜、紅蘿蔔🥕、酸甜青瓜🥒佢都有腩肉同埋扎肉！不過我就鍾意扎肉口感多啲始終腩肉都會有啲肥豬肉係到(個人口味啫,鍾意嘅 應該覺得好正🤣🤣🤣)重點！！！！！佢個法包好鬆軟！又脆卜卜！個口感好好食🤓🤓🤓🤓•🥑牛油果沙冰• $35會有啲杰撻撻 但都幾易接受！唔係加糖個啲甜！純牛油果嘅味道！飲埋呢杯已經好飽🤣P.s夜晚去食都多人排隊架 所以要預返啲時間環境絕對唔係靚架喇 但係可以試下佢地嘅風味😎

☺️ 小編依日醒起有一間越南店舖一路都未有機會試，趁早咗出門就順便去試一試第一郡。［ 亂闖試飲試食 ］🍽 蟹膏蕃茄湯檬粉 😋😋😋😋廚師專登將蟹膏整成一塊「磚」狀，可以避免蟹膏太散而溶喺湯度食唔到。另外，依碗粉有豬血 (小編唔食嘅……🙈)、扎肉、豆卜、生菜、蕃茄之類，食材豐富，而且幾大碗！佢哋選用嘅檬粉偏向似幼河粉，大概係因為南北越嘅飲食唔同，用嘅食材都唔同。🍅 雖然大大舊蕃茄放落去好有睇頭，但因為依半個蕃茄太大舊同太生嘅關係，難以咀嚼，一向都會食蕃茄嘅小編，最後都係放棄咗。😅 🍹 牛油果沙冰 😋😋😋😋😋牛油果沙冰好creamy，唔會好稀，有滿滿嘅牛油果蓉，飲完都幾有飽足感！☺️ 午餐 💵💵 約港幣$100/人💁🏻‍♀️ 小編嚟食嘅依一日係星期日，喺正佢哋開舖前十分鐘排第一個，冇幾耐後面已經排長龍，而店入面座位目測大概十幾個，稍為遲少少嚟就要排第二、三輪喇！🙆🏻‍♀️ 最後，喜歡嘅話，歡迎follow @foodirectory.hk ！