第一郡 (Moved) New Location

Q1 必食之選第一郡係出晒名嘅小店，再經過blogger同埋啲明星推介，長期都有人等位，加上小店只有10幾個座位，所以等候需時不過我發現，如果平日可以喺一點前趕到去，就唔使等位，反而我食完之後出邊就大排長龍，所以揀timing 都好重要講番正題，必食之選-蟹膏蕃茄湯濛,好大碗，湯底蕃茄味非常濃郁，再加上有紫蘇葉，非常香，餸菜方面有豆卜，豬紅，扎肉，同埋一大塊佢自家製嘅蟹膏，所有餸菜都非常入味，吸收晒啲湯汁，唯一挑剔之處，就係啲粉比較碎，夾起上嚟好容易散呢間小店已經成為我encore之選

近日睇左好多youtuber介紹深水埗美食，好多都非常吸引，各式CAFE、兩送飯、燒味飯、車仔麵等等，雲集係深水埗地區。而最吸引我想去試既係第一郡的蟹膏蕃茄湯檬。呢間越南餐廳平日都好多人排隊打卡，所以選擇左openrice外賣自取，輸入特定外賣自取code，仲有優惠添。檬粉同湯底分開裝，保持檬粉的爽口，濃底配料非常豐富，有兩舊豆卜，幾個豬紅，兩片扎肉同埋蟹膏餅，蟹膏餅口感似蜂巢豆腐好索湯。蟹膏湯底味道香濃，海鮮鮮味好出，加埋越南香料，感覺似乎身在越南。將檬粉與湯底混合，超大一碗，好抵食。

今次試咗豬肉撈檬粉同埋班蘭綠豆糕，豬肉好重香茅味好好味，佢嘅檬粉係已經幫你加咗魚露先比你不過我略嫌唔夠酸甜味，分量都幾多。班蘭綠豆糕口感好QQ，甜度剛剛好但如果班蘭味可以再重小小呢個甜品就滿分喇。

.📍Q1第一郡📍#饅頭去深水埗 #饅頭食越南菜 #饅頭食麵包------------------------------1️⃣ 蟹膏蕃茄湯檬 ($60)講真本身喺深水埗地區見到呢個價錢我覺得佢係稍為進取，但食完就覺得都物有所值。首先佢哋嘅湯底做得好有層次，入口就feel到好fresh嘅鮮味😍，我估店家應該係有放蟹去煲呢個湯，同時蕃茄香氣非常濃郁，醬油鹹味同清新酸酸甜甜嘅茄香互相平衡🍅，最後仲有檸檬葉為湯底增添清香，令成碗湯唔會好油膩，就咁飲都覺得好正。而呢度嘅檬粉質感有啲似蛋白麵，非常幼細滑身易咬，唔會過爛，掛湯能力一流，每啖都感受到麵同湯汁嘅唱和😋；至於配料最吸引人嘅莫過於嗰塊密度極高，口感成嚿蜂巢豆腐似嘅蟹膏😚❤️，仲有豆卜，兩者成功鎖住湯汁，特別係蟹膏本身自帶濃郁嘅鹹鮮味，同酸甜湯底又互不遮掩，成陣湯底味道久久散發於口中，仲食到少少蛋香，味道好豐富又唔雜亂🈵！至於豬紅爽口唔會好易夾散，扎肉就係越南出名好食嘅火腿腸，仲有新鮮爽口嘅芽菜同生菜🥗，足料至基本上兩人share再加款小飲都夠飽。◾評分：8.8/10------------------------------2️⃣ 越式法包 ($50

其實呢間鋪頭我已經幫襯左幾年，一路都想推介比大家，而且咁耐以黎都keep到個水準，一樣咁好味😋😋雖然佢Openrice評分已經好高，但係我發現身邊好多朋友都未試過，所以啦啦聲開翻個post!1.蟹膏蕃茄湯檬粉🦀🍅 ($60)呢個麵不得了！第一個好就係個湯底係好香濃嘅蟹膏味，配合埋蕃茄少少酸味，令到食落去好開胃🤤🤤 第二個好係最重要嘅蟹膏磚簡直係呢個麵嘅靈魂所在🔥本身已經好香，加上好似海綿咁素曬個湯，每啖都有好濃嘅蟹膏味，好中意食蟹嘅朋友不容錯過🦀第三好就係配菜同份量都好夠，而且都係同個湯底好夾，越南風味十足💥評分：9.5/102.牛油果沙冰🥑🥑（$35）第一次聽到呢個飲品老實講真係覺得有D伏，但係呢個鋪頭嘅牛油果沙冰做得好好飲，入口好似奶昔咁幼滑😋😋💥評分：8.5/103.椰汁紅豆糕（$7）味道麻麻哋😢不過價錢幾平💥評分：5/10總性價比：8.5/10👍🏻每次去深水埗都會食😍👍🏻

星期六午飯時間去要等位蟹膏蕃茄湯濛粉 $60 最驚喜係個蟹膏，好濃既蟹味&豬紅好入味越式麵包 $50 整體好好味😋 酸菜同啲青菜我最鐘意紅毛榴連沙冰 $50 酸酸甜甜，好岩夏天飲雖然叫沙冰，但冇咩冰粒碎

這家位於深水埗的越南菜小店，平常經過真的不是太顯眼，但原來到吃飯時間，就會出現人龍等位了。餐廳內位置不多，只有十多個，不過上菜很快，所以轉流都不會很慢。是晚二人點了：越式法包（$50）、紙米蝦卷（$40）、豬肉撈檬（$60）、蕃茄蟹膏湯檬（$60）、牛油果沙冰（$35）及紅毛榴連沙冰（$50）。🟡法包雖然沒有烘熱感，但十分香脆，餡料十分豐富。🟡 紙米蝦卷，絕對有驚喜，兩條份量不少，而內裡包著米飯，第一次見呢，配上不可缺少的自家醬汁，十分惹味，不自覺地就會吃完了🫠🟡 豬肉撈檬，份量不少，魚露已放入碗內，豬肉味道十足，清新之選👍🏻🟡 蕃茄蟹膏湯檬，絕對是必吃之選，檬粉完全吸收了香濃蕃茄湯，配料充足，特別一試難忘是厚厚的蟹膏磚，吃過就會懂呢🤤🟡牛油果沙冰不會是碎碎冰哪款口感，而是香滑，喝下去只嚐到清淡的牛油果味道，相信，是沒有額外加糖呢。🟡 紅毛榴連沙冰，紅毛榴槤還是第一次聽，超級市場亦難見到，原來是維他命豐富的健康水果，味道酸酸甜甜的，未試過可以一試。整體來說，小店真的做得很不錯，而且價錢合理，CP值高😌值得推介的呢👍🏻👍🏻👍🏻

期待咗食好耐，終於搵到星期日去食，本身諗住排堂食，但係多人到呢……最後決定叫外賣拎返屋企食！紅毛榴連沙冰：好奶昔既沙冰，係好味嘅但係嗰種味道….唔係人人都鍾意蟹膏蕃茄湯檬：最期待但最失望嘅食物個湯咸到d味精多到食完個喉嚨超級唔舒服…烤豬肉法飽：超級好食，好食過渡船閣70蚊果間米紙蝦卷：齋食果醬…一般般…班蘭綠豆糕：班蘭味好香，口感煙韌，唔會太甜，食完唔會膩，正！總結：絕對值得去再食個法飽同班蘭綠豆糕…

慕名而去因好多網紅講到好好食，下午接近1:40左右去食，都要輪侯大約10分鐘左右有枱，叫咗最出名的蟹膏蕃茄湯檬粉，蟹膏味道麻麻，冇鮮味和蟹味好淡，蕃茄和其他配料都係一般，上湯及檬粉唔錯，凍奶茶茶味濃，好飲、而熱咖啡用紙杯裝有點失望，飲品有跟餐價都算抵飲，但餐廳環境擠迫，最慘係坐喺面壁位置，背脊不停被侍應撞到，而且座位有啲迫，同隔離食客手部都撞了幾次，仲有衛生真係麻麻，天花有滴水，所以想快快食完盡快走，唔想再試其他嘢，侍應招呼兩極化，年長侍應都有禮貌及耐性，年青侍應木無表情兼無招呼，而性價比只屬一般，如果路經附近一試無妨，絕對不值得專程去幫襯的需要。

🇻🇳近期超人氣越南餐廳，之前去完越南旅行，一直都好掛住個法包同杯牛油果沙冰，見到尼間舖頭滿足晒就去試下1️⃣🥖烤豬肉法包成個包越多料，有生菜，青瓜，酸蘿蔔，芫茜，蔥，烤豬肉醃得好香，酸蘿蔔太酸有少少搶左味同整淋左個包，個包烘得唔夠得個面脆，啲蔥可能放得太多，有少少韌同難咬🙈🙈2️⃣🥑牛油包沙冰個沙冰好滑，完全飲唔到有碎冰，牛油果味好濃亦唔會太甜，有少少似奶昔，超飽肚3️⃣🦀蟹膏蕃茄湯檬濃底好鮮甜，第一啖好濃蟹膏味，有豆卜，豬紅，扎肉，蟹膏餅，蟹膏餅好索湯，有少少似蜂巢豆腐，檬粉唔係平時食個種，有少少似米粉，入口好滑身，但略嫌有少少斷🌟假日等位大概30分鐘🫶🏻想睇更多既食評，可以留意IG post : _imfoodb_

自從Openrice出左呢個外賣自取服務覺得非常方便，試過多次預訂第一郡食物都好滿意😸而且外賣賣相都整理得唔錯！返屋企前在車上order定，落車就拎得😺今次叫左雞絲撈檬！雞絲嫩滑有淡淡胡椒香調味！加埋佢豐富既配料真係食落都好滿足！有花生碎，蔥，酸紅白蘿蔔，生菜，青瓜絲，香葉配埋魚露汁，感覺呢一餐好fresh唔會好heavy! 夏天食涼涼地咁都幾好！大推啊😺😺外賣返屋企食既話記得走餐具支持環保呀

食越南嘢當然唔少得食檬粉 呢度嘅蟹膏蕃茄湯檬真係超足料 好好食😋湯底好鮮甜 勁濃嘅蟹味之餘 仲有蕃茄嘅酸味🍅蟹膏餅蟹味真係超濃 好似食緊舊蟹膏咁！配料勁豐富 食晒成碗都幾飽

見到呢間小店好多人推介 嗰日就同朋友嚟左食lunch😋價錢真係好親民 仲要好好食😋勁鍾意️佢個越式法包❤烘到外脆內軟 扎肉好爽口彈牙 腩肉肥瘦適中 再加埋個肝醬 食落超級惹味 內餡仲包住好多蔬菜 好清新！

平時行過，都有一大堆人在門口拿著飛仔等位和等外賣，11点多D等佢啱啱開門入去試他的越南美食。其實入到去，都差多爆滿了😄，第一時間就order了。🌟蕃茄蟹膏湯檬$60個碗都有8到10吋直徑，算大碗了，第一時間試下D湯底先，酸酸地有微微鮮味，超夠熱，好味道，不濃不烈。隻蕃茄肉厚，甜美，蟹膏和蛋凝成一件小但厚的多士，索滿酸酸的湯底，入口很有質感👍，豆腐卜有三粒，有些少偏硬，兩塊越南扎肉，脆口肉質新鮮，湯底也墊地生菜和香葉，檬底淋滑而有口感，煮得剛剛好👍🌟班蘭綠豆糕$15上下是由班蘭葉和木薯粉做成一層煙煙韌韌的糕點，中間是綠豆蓉，甜度控制得非常好，入口清新，是餐後必食的甜品👍整體來說，第一郡坐就MMD, 食品味道就一流，下次必定會再來試下他其他越南美食😊😊😊

呢間越南野真係要無限encore!!!價錢真係好抵食 而且仲要好好味😋最鍾意係個越式法包 有超多款口味提供 包身烘到脆卜卜 入面爆多料 一啖真係唔會食得晒😂見好多人都推介綠豆糕 下次都去試吓先💕