第一郡 (Closed)

週末的早午餐又早咗食，有點餓⊙∀⊙！係銅鑼灣多人的週末逃出，行經過維園見到一間越式傳統小店，門口的菜牌都算吸引下午茶唔想食負擔特別大的野，法包好似都OK喔:-O ps：這個蔬菜燉牛筋只有週六日有小店裝修，又有點像台式的檯凳（果然老闆是台灣人）米紙蝦卷算是越南特色小吃，米紙透明，裡面包住大大只蝦仁米飯和豬肉，齋食無乜味，要配個花生麻醬更加好味。飲個椰皇潤一潤蔬菜燉牛筋勁多牛肉，蔬菜濃湯好清甜，食得出煲咗好耐，好多蔬菜的甜味已經融化係湯裡面。法包經過烤焗，皮脆內軟，送蔬菜湯一流

有時口淡淡都好想食啲東南亞菜，為味蕾帶來一點衝擊，朋友話知道炮台山有一間地道嘅越南菜，我二話不說就話要去🤤🤤呢間越南菜地點唔算好易搵，係炮台山過去會近啲，不過為咗食好嘢我都覺得係值得付出🤤入面嘅裝修簡簡單單，以卡位為主，不過前面就是粉麵檔，後面係水吧，所有出品都一目了然。朋友點左一個蟹膏番茄湯檬粉($50), 呢個絕對大推啊！佢個番茄湯底咁濃濃嘅海鮮味，上面配料有香菜芽菜扎肉豬紅，仲有大大塊勁厚身嘅蟹膏，佢嘅蟹膏係成舊磚上，啖啖蟹粉蟹膏食落超滿足！以佢嘅檬粉亦唔會好碎而且非常掛湯，下次我一定要點呢一個！而我就因為病咗所以清清淡淡點左個扎肉湯河($55),入面大概有八，九片厚身扎肉，分別兩款唔同嘅扎肉不同嘅口感，一款較有咬口有肉粒，另一款比較順滑，令普普通通嘅一碗扎肉河粉變得不平凡。湯底清得來味濃，不會淡茂茂。我哋重點左一份米紙蝦卷($35),煙煙韌韌的米紙中間包住米粉鮮蝦青瓜同埋生菜，配上佢特製嘅花生醬，別有一番風味。仲有佢呢度人人必點嘅越式法包($40), 咪類型嘅越式法包我之前響佐敦食過一次，嗰間已經好好食，我覺得呢度整得有過之而無不及！首先佢入面係超足料，用咗好多唔同嘅扎肉，肉鬆

星期天朝早同朋友參加左馬拉松跑，做完運動特別肚餓。之後地膽朋友帶我黎試依間越南菜。 餐廳位置不在繁華的大街，由天后站行過來，大約10 分鐘時間內，有點隱世地道的感覺。 捧場者都多呀，要等一等位呢。等候其間，先睇睇餐牌既菜式選擇。早前看過網上有介紹這裡的特色食物，都幾吸引，而且價錢親民。-其中🌟蟹膏蕃茄湯檬$50 是餐廳的招牌菜材料豐富：蟹膏餅、蕃茄、扎肉、豬紅、香菜、芽菜、生菜、檬粉。配料份量都多而且夠大碗！賣相相當吸引。湯底夠濃酸酸甜甜的很開胃、還有大半個蕃茄。還是第一次吃到蟹膏餅！ 蟹膏餅加了雞蛋去弄製，吃下去的口感很香甜，用少少力按下去會看見蟹膏蟹油，真材實料。輕輕夾散配檬粉吃，味道口感不錯。 除了蟹餅，扎肉亦很出色！厚切兩塊，略帶咸香！碗內的豆卜吸收了湯底的精華，一口咬下勁Juicy ! -我們還點了Q1 麵 $65材料有：魚肚、帶子、冬菇、蘿蔔、生菜、芽菜、蔥、拉麵。湯底用鮮蟹熬製，很清甜非味精的魚肚很爽、白蘿蔔當造季節很甜很多汁拉麵亦很彈牙-之前去越南旅行，每餐都總會點不同款的米紙卷，是地道特式小食。餐廳的米紙蝦卷亦很出色，另外醬汁也是精華呢！ 米紙蝦卷皮晶瑩透薄口感略帶煙

講起越南餐廳，香港人大多會諗起生牛肉湯河，但天后依間主打正宗越南菜嘅「第一郡」就堅持唔賣生牛肉湯河，相當有性格。係老闆嘅介紹下，就叫左「蟹膏蕃茄湯檬」、「烤豬肉撈檬」，同埋招牌「牛油果沙冰」。三樣野之中，最特別就係「牛油果沙冰」！除左因為香港餐廳好少見到用牛油果做沙冰，仲因為「第一郡」嘅沙冰做得非常順滑，入口唔會食到冰粒。而且沙冰唔會加入太多糖水，可以飲返牛油果本身嘅味道。「蟹膏蕃茄湯檬」亦係「第一郡」嘅主打茶之一，當中嘅蟹膏餅有好香濃嘅蟹膏味。湯底用牛骨煮足一晚，非常香，再加入香茅同其他香料，味道濃鬱。至於「烤豬肉撈檬」，最特別就係豬肉烤到微焦好香口，但又唔會太乾。而且撈檬上面加左越式酸蘿蔔，即使食左好多烤豬肉都唔會覺得太膩。

蟹膏番茄湯檬粉 70湯底好鮮甜，加上蟹膏嘅鮮味，同蕃茄嘅酸甜好夾，好推介大家試下。牛腩燉蔬菜 55配上法包，可以點汁食，但係個汁太甜，而且牛腩唔夠軟腍。越式法包 40 好正宗，有肝醬、扎肉同酸蘿蔔，法包好香脆，味道酸甜開胃。牛油果軟包 33牛油果份量好足，個包比法包軟身，更加啱我口味。凍滴滴咖啡 28好出色，香濃得來完全冇苦澀味，仲有淡淡果香 。牛油果沙冰 30用牛油果同牛奶打成，好足料，唔會太甜。斑斕綠豆糕 13香甜軟滑，要早啲來先有，好快賣哂。

難得可以一個人放工可以四處行，係銅鑼灣行咗一陣，不經已地行到天后，見有啲肚餓，就望吓附近有乜嘢店舖可以医肚，離遠見到有間舖頭個招牌好搶眼，行近啲睇，原來係第一郡，入去座下，睇完餐牌，就叫咗一個帶子海鮮麵 加杯凍飲，麵都可以，帶子好鮮甜，凍飲都好特別，食飽又要趕住回家交人。

今日本來同太座去銅鑼灣維園打網球，撞正落雨，認真掃興，唯有同太座去銅鑼灣行一陣，然後揾吓邊間餐聽食晚飯。因為幾個星期前我地去完越南旅行，好掛住當地嘅美食，所以老婆建議再去食越南菜回味一下。於是就喺天后威菲路道揾到一間個名好特別，叫（Q1 第一郡）嘅越南餐廳我哋入去搵個位坐低，可能太早去到，所以人唔算太多。睇完菜牌後，我點咗個蟹膏番茄湯檬粉，佢嘅蟹膏餅好特別，開頭我以為佢俾錯咗炸豆腐俾我，但食落就感覺到香濃嘅蟹膏味道，豬紅又好嫩滑，扎肉入邊有胡椒辣辣地，一個字正。我又點咗個凍嘀嘀咖啡，咖啡味好香濃，侍應話係正宗嘅越南咖啡粉。我老婆就點咗個招牌菜Q1麵，佢話湯底好鮮甜，魚肚好彈牙，好有口感，帶子鲜味十足，跟住又點咗杯芒果沙冰，芒果加埋牛奶落去打得好滑，芒果味又好香濃。我哋又點咗個米紙蝦卷，加埋啲特別嘅醬汁，味道一流。最後嗌多個甜品斑斕綠豆糕，呢個綠豆糕好好味，我諗每個女士都會鍾意食，大嘅食咗個幾鐘先埋單走人。太太好滿意呢餐。

天后不嬲都係一個隱藏既美食之城，今日我地就發掘左呢間越南野，店舖不大但店外睇落都幾吸引咁！望左個餐牌一陣，我地就叫左蟹膏蕃茄湯河、烤豬肉雞絲撈檬、斑斕綠豆糕、熱鹹檸檬水同埋芒果沙冰。蟹膏蕃茄湯河: 食落口有一種幾特別既感覺，本身跟餐的是檬粉，轉了河粉後河粉更滲入湯既味道，正!不得不大讚的是碗內的蟹膏餅，這個食落後非常香口滋味，如果覺得唔夠仲可以額外再比錢追加，鐘意食蟹膏既朋友一定唔可以錯過!烤豬肉雞絲撈檬: 不錯的主食，烤豬肉好入味，雞絲亦中上水平，拌撈的魚露本身已加入了在碗底，撈好就食得~另一重點是這碗撈檬的份量非常多，一個人食既話一定可以食到飽!斑斕綠豆糕: 重點推介的必叫之選!斑斕味好重，食落口有一種好真材實料既感覺，一試難忘!落單果陣聽到廚房話得返最後一個，所以拿拿聲先叫定一個，果然決定得冇錯!熱鹹檸檬水: 飯後一杯熱飲岩岩好，酸鹹味岩哂消化一堆食物後飲~芒果沙冰: 男朋友話係佢飲過最好飲既芒果沙冰!!飲落口唔係好重甜味，淡淡芒果帶有少少奶味，感覺真材實料製作，唔知用左幾多個芒果整成呢?餐牌內其實仲有其他都幾吸引既野例如越式法包丶軟包，限星期六日供應既蔬菜燉牛腩等，唯有留返下次

自從由越南旅行回來後，一直念念不忘越南菜的味道，晚上難得有朋友提議吃飯，立即推介了位於天后的第一郡！晚餐極之抵食，$60左右就有粉麵或法包選擇。蟹膏番茄湯檬十分特別，蟹膏以餅形式上菜，不會混和到麵裡令味道變淡，蟹膏餅有海鮮香甜味；麵內的札肉亦不錯，混入了炸豬皮令口感更豐富，做法地道，讚！炸豬肉法包除豬肉外，還加入了酸菜，生菜，青瓜等，令入口感覺完全不膩，而且豬肉及麵包都烤得香口，高水準！飲品點了牛油果沙冰，極之驚喜！飲落充滿牛油果香味，而且不太甜；質地幼滑，應該加了牛奶，口感就像在喝smoothies一樣，必點之選！第一郡的性價比十分高，絕對值得推薦！

之前同朋友報了個進修班，所以今天放假也要出來返學。 冇得放假休息，只好吃多一些來補充體力。 上星期一連吃了兩餐居酒屋，今趟真的想吃些經濟實惠又好味餐。 在炮台山地鐵站附近見到間越南餐廳，門口寫著＂越式傳統烹飪＂做賣點。 既然寫得咁pro ，當然要去吃吃。同其他越南餐有少少分別，味道夠特色價錢又唔貴。椰皇好新鮮，椰青水滿滿，味道又清甜。熱滴滴咖啡，咖啡夠香醇濃郁。 真的是越南皇牌飲品，吃越南菜，一定唔少得呢。蟹羔蕃茄湯檬，加了大量生菜丶芽菜及香葉，更有蟹羔餅丶豬紅丶扎肉及蕃茄。 湯底香濃，蟹羔餅質感軟軟好鮮味。Q1麵，有帶子丶魚肚丶菇及芽菜等，材料滿滿鋪在麵上。 湯底清甜，魚肚超級大塊，看見也有點震撼感。 班蘭綠豆糕，上下兩層班蘭糕中間是綠豆茸。 班蘭味香濃，十分美味。 餐廳員工說，餐廳每天用2kg班蘭葉打成汁，所以不用加入色素及香精，顏色夠綠味道夠香，真材實料好好味。 原本只柯打1個，但真的太好味，忍不住即時再加單要多兩個。

星期六的黃昏係維園做完運動之後，就同朋友係天后搵好野食，就黎到這間位於天后內街的第一群Q1，這店是一間越式餐廳，餐牌前後兩頁，清晰簡單，而且價錢都幾平幾街坊價錢。烤豬肉撈檬 ($50)，大大碗好足料的撈檬，豬肉烤得好軟熟，帶點甜味，除了主角之烤豬肉外，還有芽菜、生菜、香蔥、花生碎、酸菜、蘿蔔絲等配料舖在撈檬上，廚師已經混合好酸汁的份量倒入撈檬，食落去也不會感覺好酸也不會好乾身，恰到好處。順化牛腱米線 ($65)，由店員送上枱上來時，已聞到好濃烈湯底的味道，飲了一啖帶有好重牛湯味，這碗米線有牛展、牛筋、豬蹄、札肉，都幾豐富，米線浸在湯裡都好入味，可見米線都沾上了淺啡色，雖然只叫了少辣，越食越會有火辣辣的感覺，整體都幾美味!香茅豬肉法包 ($45)，每一口的法包都焗得熱辣辣香脆可口，香茅豬肉好鬆軟，而且有生菜、青瓜、酸菜、香蔥、莞茜作為配料，非常豐富。沙甸魚軟包 ($29)，軟包的外型原來是平時在茶餐廳食豬扒包的皮，經焗熱後，包的質感好軟熟，沙甸魚味道香濃，有少少惹味，和香茅豬肉法包一樣都加入了生菜、青瓜、酸菜、香蔥、莞茜作為配料，以這個價錢而言是非常抵食。凍檸水 (+ $6) 跟米線加配

去保險公司傾完保單肚仔都餓了~諗起附近有間之前深水埗食過既人氣越南餐廳~天后呢間唔洗等就可以入坐，一坐低當然先點一份蝦肉米紙卷，仲記得上次用一片蕉葉包住賣相靚之餘，仲帶點芳香。點知，賣哂了...只好試其他吧!沙甸魚軟包，麵粉味香香軟軟的~入面有甘筍絲、洋蔥、香蔥、芹菜，沙甸魚味道幾香又唔腥！蟹膏蕃茄湯檬($50) ，我覺得呢碗稱得上雜錦～湯底蕃茄香甜味濃，材料仲好多～有扎肉、豬紅，蕃茄仲係原個添！豆卜同平時食既唔同，豆味香比較厚身有質感蟹膏餅唔好以為好似炸蝦餅炸蟹餅咁實心既~ 而係似海棉軟棉棉，可以吸埋d湯，咬落去鮮茄同埋蟹既鮮味相當突出～順化牛腱米線落單時店員問要唔要加辣，老公就點小辣，其實都幾辣，不過令豬手，薄切既牛腱更入味。　份量都好多！　飲品方面，牛油果沙冰我覺得係必點既~沙冰感覺唔強烈，其實似加左少少冰既奶昔。入口非常smooth，好香好滑~ 飲一杯其實有d唔夠喉，但又怕肥..唯有留待下次多個藉口黎食越南嘢當然唔少得滴滴咖啡睇住佢一滴一滴落入杯中，就好似小時候玩沙漏咁，想佢快d滴又想佢滴多d~先拌勻杯底既煉奶，入口帶點90%既黑朱古力味道，甘香！

今日行過鰂魚涌去咗食一間好平民嘅越南餐廳第一君佢嘅餐廳嘅大廚係正宗越南人嚟嘅所以佢所有嘅食物都係好友越南嘅風味第一我哋叫咗個最好食嘅蟹膏番茄湯夢粉佢嘅蟹膏係非常之夜魅非常之有蟹味依個係咁多款食物之中最好食嘅另外我哋亦都叫咗牛腩燉蔬菜牛腩反而覺得係太甜如果可以清少少唔好落咁多堂冇咁龍尾嘅話會好食小食另外就係牛油果軟包牛油果軟包味道非常之好略嫌牛油果嘅份量唔係太多然後就係凍滴滴咖啡東的的咖啡係非常之好飲大家可以試下然後再叫埋牛油果沙冰啦味道尚算可以嘅牛油果嘅味道係好龍嘅最後食咗一個斑斕綠豆糕係非常之好食嘅好重綠豆味亦都係好容易賣晒嘅去嘅話記住要叫

朋友介紹的平民飯堂，位於天后的第一郡，可以食到價廉物美的越式料理。店內光猛，走廊和座位都非常闊落。餐牌簡潔，清一色都是越式的食物！牛油果沙冰 $30牛油果的含量極高，而且打到極為幼細，奶味和牛油果味平衡得很好，又香又滑，正！凍檸茶 +$6檸檬新鮮，茶不苦澀。順化牛腱米線 $65叫了小辣，除了牛腱外，還有扎肉和豬腳。牛腱厚切，夠腍而且幾入味。豬腳都一樣又腍又入味，而且膠質都幾重。扎肉爽口，帶豬肉和魚露的味道。米線很滑，湯底味道不算濃，整體感覺不錯！烤豬肉撈檬 $50湯汁早已加入了在碗底，一撈就食得。烤豬肉軟身又入味，juicy 很黎仲幾惹味。拌勻後的檬粉很fresh，花生的味道亦十分突出，很不錯的一碗！可樂 +$5都幾抵飲。兩個人埋單百零蚊，都幾抵食啊。

第二次黎食「第一郡」😍😍對上一次已經係上年係深水埗食，好回味呀所以又去食多次。而今次就去左天后既分店。米紙蝦卷（一條）蝦卷除左用薄薄既米紙包住，仲有用葉子🍃包住蝦卷，可以俾我地用手拎住黎食。侍應仲教落，食到邊、撕到邊，記住要順住塊葉既紋路，打橫咁撕開，就唔怕整污糟隻手。仲有蝦卷有秘制醬汁，好好食，沾完蝦卷未沾曬d汁，仲可以就咁食都唔會咸！😉蟹膏番茄湯檬粉中意食蟹既寶寶，今次又係揀番哩個檬粉。塊蟹膏餅好大塊，唔會一舊舊好硬，反而一咬就好鬆，感覺到似係食緊蟹膏而唔係一舊粉團。仲有原味扎肉同黑椒味扎肉，配埋入曬味既豬紅同埋豆卜，加上新鮮大蕃茄。真係又鮮又甜😋越式軟包上次試過脆脆既越式法包，今次一於試下軟包啦越式軟包有腩肉、扎肉、肉鬆等等名符其實，個包好軟熟，好冧，又好足料料，食落啖啖都有料。飲品牛油果沙冰完全唔應該叫做沙冰啊😂牛油果打得好滑，質地似smoothie飲落涼涼地，唔算太凍成杯沙冰都好足味，唔會話飲到最後溶曬冰就變得淡而無味，搞到我好想知佢用左幾多個牛油果去榨成。芒果沙冰同牛油果沙冰一樣，好smoothie好香芒果味，似係加左D奶入攪拌機去一齊打成沙冰。感覺同牛油果沙冰一樣咁正。斑