寬巷子 (Closed)

超巨大化月餅，都好多年冇食雙黃蓮蓉傳統月餅，因近幾年都食唔返流油嘅，連好傳統牌子都搵唔到果種味道，今年有人送禮，非常開心，因除咗一份心意外，我本人應該唔會刻意買咁大個月餅食，講返月餅先，論包裝非常精美，係用上一個木盒去裝，好貴氣，月餅亦都好靚，應該有6-7寸咁大，切開感覺係新鮮整，唔係放左好耐果種，食落估唔到呢個有驚喜！旦黃鬆化甘香流油，蓮蓉香軟唔膩！一個價錢$888⋯但一家人賞月一齊分享係好開心。

海港城呢間台式火鍋店，景色一流就不在話下，裝修亦都睇得出花了唔少心思，好有東方色彩，連menu都好別緻，適逢有dining coupon, 一位難求，即刻book位鴛鴦鍋點了紅泥小染 & 東方美人，台式火鍋點可以唔叫麻辣，而豚骨湯就襯打前唔油先飲一碗，清得黎個味道都幾濃郁佢個火堅勁揪，調整完都勁，高溫既程度我以為自己對住個火BBQ緊，熱到可以係鍋邊燒肉🤭手握壽司滑驟眼睇真係以為壽司，但其實飯團部份係以花枝，海蝦等打漿而成，牛肉滑仲加左馬蹄增添口感，而上面既刺身就有鮮蝦、鮑魚、豚肉 & 牛肉，賣相同創意絕對滿分，味道亦都不錯溫體牛叫了約6盎司大份既溫體牛，牛味濃郁，肉質幼滑得黎又有點咬口，好食綜合牛肉盛合美國牛小排、溫體牛 & 牛胸油花牛小排肥瘦比例均勻，肉質軟腍溫體牛太好食了，要再encore牛胸油花砌得好靚，但基本上就係一堆肥膏，雖然口感幾爽口，但真係太肥膩了，食左幾舊已經停左響鈴新鮮鬆脆，無油膱味，我習慣淥兩秒就即刻食，索度湯汁之餘又保留到微脆桂花蚌外形似鵝腸，其實佢都係腸，不過係海參既腸臟，爽口彈牙，帶鮮味白菜豬肉餃每隻都脹卜卜，餡料十足，夠晒飽肚食物係精緻好食的，但也未免貴左d

火鍋店都有三層tea set架屋企人都俾佢吸引左，今次就黎試下啦下午茶火鍋要預早book定湯底可以簡元珠小染(辣)或者東方美人(唔辣)裡面都有鴨血豆腐等等配料因為同屋企人食嘅關係，叫左唔辣不過配合配料，辣湯底應該更加滋味最上層係用肉砌成嘅花係我最鍾意嘅一層牛肉好新鮮2人食份量都算足夠中間果層係5款創意料理有懷舊台式月餅糕、糖葫蘆、墨條牛軋、鳳梨酥同菠菠糖配火鍋食，有d奇怪都係平時嘅火鍋料好d最下層就係普通嘅蔬菜拼盤咁

湯底：水+味精+桂林辣椒油比任食更差！朋友唔講以為美國肥牛 原來係和牛😵‍💫! 又係食裝修嘅餐廳、3個人食左蛋餃子、牛拼盤、羊片、豬腩、一碟豬大腸小食、兩支台灣啤酒、承惠2400 ！仲以為湯底貴！原來免費！咁嘅質素⋯⋯⋯⋯點收800蚊一位😵‍💫😵‍💫😵‍💫😵‍💫😵‍💫😵‍💫😵‍💫

知道呢間餐廳好耐，一路都話想試下個日行街見到有tea time 套餐話不如去試下 食火鍋當然揀鴛鴦鍋呢個set係二人套餐 $5xx 再加一服務費擺盤好有心思，打卡絕配值得一提係佢有幾樣特色配菜係比較獨特：🥮內面係肉餡 & 豬肉丸（個樣好似冰糖葫蘆）我初初以為係甜品，原來所有配菜都係需要煮食～ 等糖漿煮融後會呈現粒被一層火龍果魚漿外殼包裹的豬肉丸，口感好Q彈，肉質緊緻跟住係招牌墨魚片，牛肩肉同牛舌唔挑食嘅我覺得🫑彩椒襯火鍋正唔夾最後甜品幾好味，係冰凍鳳梨酥，單食餡會有D甜，要同鬆餅一齊食先好味😋Anyway台式火鍋一向麻麻既我只因過於鍾情潮汕火鍋和四川麻辣火鍋，不過學我媽咪話「打卡唔錯，嘢食麻麻」下午茶價錢都算OK，如果夜晚食應該

寬巷子又是一海港城用券之選，每一次經過問有沒有得Walk in 都是失望而回，所以又是提早3天去電話預約，預約時跟餐廳職員說明要海景位，最後成功預約到靚位，當晚天清氣朗，夜景一流！
🌞🌞🌞🌞🌞🌞🌞🌞🌞🌞🌞🌞🌞🌞🌞🌞🌞🌞🌞【貢布豬肚湯】$298湯底一上，就覺得好暖，因為本身上的湯底就已經是煮好，湯是暖暖地，加熱一會兒就有暖湯可以飲。盛湯的大鍋，造型也很吸引，第一次去打邊爐，是留意景及餐廳設計多於食物本身。湯的料有雞及豬肚，好奇一粒粒圓型浮面的東西，最後問餐廳職員才知道是完整一粒的龍眼，哈，未見過，料不到！🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸【溫體牛】$288 （基本款）這個大推，真的是煮久也不韌，然後牛味很濃，食下去很幸福，可惜只叫了半份，有點意猶未盡。
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸【美國牛小排】$328（彩虹款）正常質素，沒有溫體牛高質，不差也不算很高質。🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸【黑毛肚】$58正常爽，一盤份量不太多，很快就可以食完。
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸【蝦肉壽司滑】$148（3件）外觀不錯，有創意，下面的蝦滑也很配。🌸🌸🌸🌸🌸🌸🌸🌸🌸🌸🌸

香港都有寬巷子？！尖沙咀美食多❤️一向注重身形嘅我都比佢吸引過去難得做一次foodie就同大家介紹一下海港城嘅寬巷子台式火鍋其中壽司滑真心不錯加上維港海境打卡一流有機會大家都要試試佢🥘

這店一直都想試吓但價錢比較貴，剛好見到Klook做下午茶優惠當然要嚟試吓啦百艶茶宴～湯底選擇咗東方美人，沒有味精材料十足，湯底啲豆腐好滑😍仲有鴨血😋玫瑰高山清茶🫖好香茶味又可消滯超正個餐包含咗三朵牛舌花🌺墨魚花🌼松板支香🌸我哋仲叫個鮮蝦壽司滑好特別得嚟啲蝦好爽😄餐前牛肚就麻麻地啦甜品係朱古力紫薯撻唔算太😍😍不過就小小不快，就是點餐前問咗可唔可以用海港城消費劵，侍應回覆可以但可惜到結賬時又說用咗Klook就唔可以用😵‍💫如果佢哋溝通清楚我係唔需要額外再散叫，因為一份下午茶餐都好飽足夠兩人食😙

提前了15日預訂下午茶套餐窗口位。食物外型好靚，啱晒我們打卡😁😁，搞笑嘅係我以為冰糖葫蘆就咁食，原來入面係生嘅肉🤣🤣🤣味道就不過不失，不過雙拼湯底要加100蚊，而且麻辣湯底一啲都唔辣。

海景、裝修同擺碟比硬200分，僅限於此，食物質素應該係我食過最垃圾的火鍋。本人自己都係做飲食行業，但呢間我敢講比自己落街市買返屋企的食物質素垃圾到無得再垃圾！幾年前去台灣食過，比較香港呢間真係天堂與地獄。首先湯底有一半都係無嘅，離譜到醬油都話無，得碟清鼓油，都要收$15/碟，過份！食物得個樣，係擺得好靚，但一食，應該係我食過最垃圾的火鍋，牛白葉，又鞋又無味，1d都唔爽，就知一定不是新鮮貨，$1xx/碟，收呢個價錢比碟垃圾你，過份！牛肉，砌左朵花係好靚，一食，無味，求其街市買磅肉都一定好味，收$3xx，差！埋單$13xx，用盡商場5張優惠價，最後$8xx埋單，賣得起貴價錢唔緊要，一樣吃得落肚嘅野都無，真係強烈強烈建議大家諗清楚，千祈唔好有期望。

最近想揀一個靜靜地的地方同朋友打邊爐聚舊，於是決定食寬巷子。 一坐底就欣賞下個無敵海景先，個海景同餐廳真係好近下，情侶黎撐枱腳應該會覺得好浪漫。朋友唔係好食得辣，但我就無辣不歡，咁最好就係叫雙拼，最後決家食貢布豬肚加紅泥小染。侍應建議我地放食物之前先飲下個貢布豬肚湯，湯底有種胡椒的獨有的辛辣，但又唔會搶左整體的鮮甜味，飲左2碗後仲有股暖意湧上黎，而豬肚質素都唔錯。紅泥小染對我黎講辣度比較溫和，但麻同辣都結合得好好，本身個湯已有豆腐同鴨血，我就特別中意後者，鮮甜的味道值得另外再叫。朋友話寬巷子玫瑰花豬好出名，咁就要試下啦。由於同時叫左溫體牛，所以叫左1朵玫瑰松板試試先。一黎到，擺盤果然好靚，朋友話之前睇過人地叫3朵，宜家即使1朵影相都唔會輸蝕，造型十足。我就唔係好睇樣的，味道上有少少似軟滑版的豬頸肉，有香口的油脂，幾好味。溫體牛好多人都推介，入口果真牛香十足，肉質細滑香軟，出面好少食到，所以黎到真係必叫！平日打邊爐我都會叫鵝腸，呢到的入口爽彈不腥，有質素！本身想叫個「壽司」拼盤，但已叫左溫體牛同玫瑰松板，咁就叫個鮑魚滑試試，估計鮑魚事前有炆過，所以上面舊鮑魚鮮軟香滑，而下面的鮑魚滑就彈牙

呢間寬巷子一早已在bookmark list之中，最近完成大Project，決定要犒賞一下自己。話犒賞自己係因為餐廳價位屬中上，平時比較少食呢個價位的火鍋，當然，價錢都係包埋海景view嘅，所以今次順便獻出食評第1次XD事前對食物的質量都好有期待，做足功課睇定想食d咩。湯底方面揀左鴛鴦鍋，一邊要紅泥小染，一邊要貢布豬肚，兩個都係餐廳出名的湯底。鍋底中間放左辣椒同醬料，有小洞連接著辣湯底，辣味會慢慢沁過去，紅泥小染本身有鴨血同豆腐，煮一陣已經好入味，唔會話係十分辣而係辣中帶麻，同時食到少少豆瓣醬的味，幾有層次。至於貢布豬肚就辛香暖胃，豬肚爽口，雞件都唔錯。肉類方面必點溫體牛！入口係有種細膩幼滑的感覺，最重要係牛味好重，推介！之前睇過其他網友話「壽司」造型好得意，所以都叫左鮮蝦滑同鮑魚滑黎食。上到黎果然好靚，似飯的部份其實分別係蝦滑同鮑魚滑，如果要比較的話，我鍾意蝦滑多d，食到蝦滑o個種彈牙爽勁，其實鮑魚滑都唔差，影相呃like兩者都係滿分嘅。另外一樣創意item就係鳳梨酥，如果唔係事先睇左介紹，食落口真係可能會以為係鳳梨酥。因為佢係有菠蘿肉o係入面，同時有豆腐、蝦、豬肉同花枝，整體清新開

今晚係朋友生日，決定食好啲！上網搵過香港出名嘅火鍋店嚟嚟去去都係嗰啲排哂長龍嘅放題店，排幾個鐘但係食物質素又滿足唔到我哋，咁梗係搵間嘢食靚、環境正嘅坐低慢慢嘆喇。今次呢間寬巷子係台灣正宗嘅過江龍，未入店舖已經感受到濃濃嘅寶島氣氛，原來門口係將台灣嘅古老大宅整個移遷過嚟，佩服啊！入正題，講吓大家最關心嘅食物。先來一份賣相精緻的墨條牛軋。主體由墨汁、花枝丸及雞軟骨組成，入口層次分明，質感豐富，實是特別！👍🏻第二度菜進場 — 手握壽司滑，如果創意度滿分為十分，我絕對會為其打上二十分。壽司？火鍋？無錯！係由各種火鍋配料砌成的「藝術食品」，當中包括有鮮蝦、鮑魚、豚肉及牛肉。食材新鮮，誠意萬分！嚟到全晚嘅主角，溫體牛！真係好好食！因為我地鍾意食比較生，所以淥咗8秒到就放入口，肉質非常幼嫩可口，牛香亦很出眾。我哋總共encore了三次這份牛，我誠意推介！👍🏻總括而言，寬巷子絕對係一間性價比極高嘅餐廳。見到好多人話好貴，但我覺得絕對係貴得好有價值，除咗食材係食得出嚟嘅新鮮，仲有超額分數嘅「網紅賣相」，真係令我隻手影唔開粒快門制！掂啊！

溫體牛食過番唔到轉頭，好食過和牛，牛味十足，口感一流，乜都唔食，依個一定要食!! 好食到仲要encore囉，果然一分錢一貨！唔小心發現左原來碌完之後，涼佢十幾秒再食，牛味緊加突出！個湯底又係冇得輸，麻辣湯底，佢個鍋仲要好貼心有個隔，隔走曬d花椒辣椒，食咩都唔會食到花椒！ 另外仲有枝仔冰同墨條牛軋，幾得意，以為得個樣，估佢唔到咁好味，幾特別，再配個無敵大海景，佢望到成個維港，海邊打邊爐可能全香港只有依間做到得!👍👍👍👍👍

提早1個月Book先有得食的下午茶火煱打卡就一流的地方，景同食物都靚，味道我覺得都好好食，一個set有3層 $580 兩位第一層三朵玫瑰花分別係澳洲和牛牛舌、墨魚同黑毛豬牛舌很爽，墨魚很鮮，黑毛豬我覺得最好食，雪花均勻唔會好肥，好腍好味😋第二層- 創意料理糖葫蘆-外型是一串冰糖葫爐，有兩串，每串兩粒。由海蝦豬肉丁組成，外層由QQ的東西著，都幾厚，個餡好細粒，味道好特別😅菠菠糖-豆皮、白芝麻、菠菜組成。好有芝麻香👍🏽墨條牛軋-墨魚汁、花枝、雞軟骨組成。煙煙韌韌幾好味😋傳統台式月餅糕-干貝、蘿蔔、豬肉組成。味道似蘿蔔糕👍🏽鳳梨酥- 豬肉咬開中間有個流心菠蘿餡。。見仁見智第四層是蔬菜好食既，但份量較少，粟米係半邊再劈開一半。。加左個細份的牛小排$298湯底選了唔辣-美人鍋好清甜好好味😋最後甜品鳳梨酥𥚃面很多的鳳梨，外層鬆化好食😋還有個玫瑰高山清茶很清香😌