酥妃皇后 (侯王道)

Open Now

Now Closed

食完飯見到啲撻好靚好吸引，所以就買咗黎試吓，點知……食完表示有外貌都要有內涵先得🥲✨朱古力脆米酥撻個朱古力唔似平時食個啲，同埋都偏甜，冇咩好香濃嘅朱古力味。啲脆米都唔係好脆🥲冧咗！我哋已經係買完即食㗎😭✨抹茶軟心芝士撻作為一個抹茶控，食完表示失望🙍‍♀️唔知係肥米問題定點，食唔出有抹茶味🙁只係食到少少嘅芝士味咋#酥妃皇后📍九龍城侯王道24號地舖

.今次要介紹九龍城都幾出名嘅酥妃皇后👸🏻 今次試左兩隻撻😗 我個人認為整體來講就不過不失啦😆.黑糖麻薯軟心芝士撻 $22👅6/10個人認為無論係黑糖/芝士/麻糬…😂Sorry我唔係好感受到佢地嘅存在🥲🥲口感係ok嘅但味道真係唔太夠🥺不過整體唔油膩 👍🏻味道👅：6/10賣相👀：7.5/10扺食💰：7/10.朱古力百香果酥撻$22 👅7/10呢個撻就好啲啦🤣朱古力味有 唔會太甜/ 太膩而且百香果亦都唔會太甜 岩岩好撻下面似係蛋糕底 如果可以嘅話我希望可以轉成慕絲蛋糕/ 奶凍底 相信會好食啲？😂 （我唔係專業嘅）（所以唔知點擺先perfect）味道👅：7/10賣相👀：7/10扺食💰：7.5/10

琴日經過買咗抹茶撻同鮮奶撻，返到屋企先發現比錯咗蛋撻我，但收錢係收我鮮奶撻嘅價錢，收貴咗我$2😅 本來想影相追返，但諗諗吓都係費時，當豪俾佢啦😵‍💫😵‍💫😵‍💫😵‍💫抹茶撻$16 鮮奶撻$14 蛋撻$12本身唔鍾意食佢哋啲蛋撻，因為冇乜蛋味。抹茶撻又係可以冇抹茶味，唔知啲比例係點分，水同抹茶粉係1:50？😅定色素嚟？唔知係咪轉咗手所以唔同咗，以前就算凍食都好正，而家確實係麻麻哋。冇下次😵‍💫

名就聽得多今次經過就會一會佢啦😉原味酥皮蛋撻蛋黃偏橙色蛋味濃既👌🏻偏甜酥皮夠酥(即係 多碎碎既感覺)未算到好脆口(1-10，有8.5脆)原味軟心芝士撻個酥皮蛋撻相對 呢個就無咁鬆化可能cream cheese水份多D🤔😅要整厚D不過食落滿滿既凍香芝士味既cream➕撻底既乾啦脆啦正👍🏻結: 推薦 原味軟心芝士撻👍🏻#酥皮蛋撻#原味軟心芝士撻#酥妃皇后

位於九龍城酥妃皇后，新派店鋪沿用傳統手法制作蛋撻，因368層酥皮出名。此外亦有很多款不同甜品，均獲好評。原味蛋撻難得買完蛋撻再行埋街返到屋企，先再焗熱食，超厚既蛋撻酥皮依然口感鬆化，層次分明，只是味道較淡，稍差一份牛油香。蛋漿份量多且好滑溜，但味道較淡無咩蛋味。其他補充店鋪有立食區，除蛋撻外、果撻、芝士撻、麻糬包、牛角包等，亦有原個蛋糕、入口外國雪條等，好多選擇。今次以$12一個蛋撻黎講，味道未乎合呢個價錢。

位於九龍城侯王道既酥妃皇后係始祖店👸🏼，雖然佢細細間但佢既黑色裝潢型格風都幾搶眼🪟，加上佢門口有一大個櫥窗🪩show晒十幾種唔同撻類出黎✨，行過又勁香既牛油味飄過🤤，行過路過都一定會停一停望一望👀。食飯前咁岩又路過🍽️，大約7點幾仲做緊買3送一既offer😳，雖然賣剩既撻款已所剩無幾，但的確好抵😮，而且最classic 果幾款都仲有😝。🍫「朱古力脆米酥撻」$19呢個朱古力脆米酥撻主要係用黑朱古力而成😋，翻焗左食一咬開中間佢係會即有流心效果🤩，要小心比流出果D朱古力漿辣到🤭，上面D脆米好脆，個撻底翻焗左係會有少少油油地但係同樣都係仲係好酥脆，會食到成台都係酥皮果隻🫣，酥皮牛油味超重好香濃🧈，但食落去又唔會好油膩既感覺🤫，黑朱古力味香醇唔會太甜，成個好match 好好食💯。🍎「蘋果金寶酥撻」$19蘋果金寶🥧個賣相非常吸引，有六大粒Cube形📦既金寶係面頭再灑上糖霜，翻焗左食D金寶好脆好似食緊好酥脆既曲奇餅🍪，中間有蘋果粒，好似蘋果批咁🫔。

呢一間甜品店嘅甜品🍮賣相真係超級吸引！上次就食咗個蘋果金寶酥撻🥰面頭鋪滿清甜爽口嘅蘋果肉🍎下面嘅酥皮好酥脆 仲好香濃嘅牛油味🧈食落甜而不漏 口感味道層次豐富！

酥皮雙層芝士蛋糕媽媽生日，慕名黎到位於九龍城既酥妃皇后買左個酥皮雙層芝士蛋糕做生日蛋糕。佢個酥皮餅底做得唔錯，食落鬆化唔會實督督。肉眼睇得到一層又一層既酥皮。蛋糕主體由兩層唔同顏色既芝士構成，唔太食得出兩層個味道有咩唔同。蛋糕表面撒滿餅碎，但食落已經變琳咗，口感一般。整體黎講蛋糕甜度適中，味道亦確實唔錯。可惜既係酥皮部分並冇傳聞中做得咁出色，有少少失望。

#胃在九龍城 #甜品在胃 🥧酥妃皇后🥧九龍城呢間蛋撻鋪都開咗好耐了，店舖嘅燈光打落啲撻上面勁吸引😎如果鐘意食酥皮蛋撻嘅必試🤤❤️鮮奶撻 （$13/1）第一啖係超酥脆酥皮，食到chokchok聲鮮奶餡超軟滑，奶香味撲鼻🤤🫶🏻❤️葡撻 （$16）聞落去已經有好香，個餡好滑，有較甜嘅蛋香味，葡撻上燒焦嘅效果好吸引，略嫌撻底少厚， 整體都滿意❣️❤️‍🔥整體佢一個撻都超大，食一個已經有啲濟，趁熱食會好食好多！❤️‍🔥IG Follow @stomach.bb 睇更多食玩打卡攻略😎💦

九龍城依加有埋地鐵站真係好方便去覓食仲要多左好多特色café 外賣小店今次去九龍城係做按摩 按完之後行左去福佬村道個邊諗住搭車走 點知聞到好香 之後見到有好大塊玻璃有個熱爐㷫住各色各樣既酥撻 好多口味揀就已經決定要買返去試試啦 當然你都可以即場食 舖頭裏面都有一張靠牆長吧枱可以比你企係到食 而且仲好貼心會有水同紙巾比顧客因為當下有新鮮出爐 所以忍唔住都係要即刻試一件蘋果金寶酥撻$18原味蛋撻$10鮮奶撻$12原味軟心芝士撻$15整體黎講 價位係可以 同埋比起一般芝士撻唔細件 外層既酥皮好厚好鬆脆 368層既酥皮果然係唔同啲蛋撻係重蛋味不過唔甜 鮮奶撻都重奶味唔會食到一粒粒沉澱物芝士撻咬落去 中間啲芝士就有啦 好香蘋果金寶真係不得了 唔好睇佢細細舊 上面好幾舊蘋果 出面可能係用蘋果粒 但酥紀皇后唔係

酥皮撻專門店各種撻類也很吸引，水果撻、蛋撻、芝士撻等等也貌相精美。芝士撻和水果撻之前吃過了，見到曲奇麻糬也很特別，於是點了兩個。《曲奇麻糬》$19/一件抹茶味和朱古力味的麻薯曲奇各一，外脆內軟，又夠煙韌，很好吃！《368層酥皮葡撻》$16/一個比普通葡撻較巨大的，酥皮的確很有層次感，非常有口感，葡撻的蛋味亦很香，稍為較甜。總結：酥皮的確是專家。

🇭🇰 酥妃皇后·我哋喺九龍城買外賣嘅時候經過呢間 記得之前instagram有人推介過 就決定買一個嚟試吓啦keke😎·朱古力軟心芝士撻$16因為我哋去到已經比較夜啦 所以佢淨係剩返芝士撻🥲我自己覺得佢個朱古力芝士餡調味有少少唔係好夾 佢係朱古力味還朱古力味 芝士味還芝士味咁 而且佢個酥皮都無想像中咁酥🤭🤭·📍九龍城侯王道24號地舖·#rbyeat #rby好去處#rby甜品飲品 #rby港式#rby九龍城

今日黎九龍城返工，食lunch個陣經過呢間酥妃皇后見好多人排隊就諗住試下啦🤤記得之前有同事請我食過都唔錯，所以今次試下其他味🤣今次買左6隻唔同嘅味👍🏻我就試左下面呢幾隻：⭐️⭐️⭐️⭐️⭐️黑糖麻薯軟心芝士撻：芝士味濃，麻薯夠晒軟熟 而且唔太甜⭐️⭐️⭐️朱古力軟心芝士撻：朱古力味夠濃，芝士味亦都突出，整體唔錯，唔會搶左大家嘅味⭐️⭐️⭐️⭐️榴連軟心芝士撻：勁中意食榴連嘅我梗係要買返個啦，一拎出黎就聞到好香榴連味，咬第一啖就即刻感受到芝士同榴連嘅香味，中意食榴連一定唔可以錯過⭐️⭐️⭐️草莓酥撻：吉士醬雖然有好多，但唔會太甜，個撻底仲有啲朱古力同士多啤梨醬，食晒成個都唔會覺得漏總結：芝士撻嘅味道都ok夠，而且唔太甜，食晒成個都唔會太漏🤣但唔知係咪雪過落雪櫃，個撻底略嫌有啲硬🤔不過整體黎講，呢個價錢都可以一試👍🏻

酥妃皇后除咗酥皮蛋撻 仲有賣好多唔同口味嘅撻 望落去五顏六色🌈 非常吸引 $20唔使就有一大舊 性價比唔錯✅ 個個撻都好重好聚手蘋果金寶酥撻🍎 - 面頭粒粒嗰啲crumble 好酥脆😍 下面仲有酸酸甜甜蘋果蓉 同香香嘅肉桂味 平時甜品舖食個apple crumble閑閑哋都幾廿蚊 呢個tart平得黎 又完全還原到隻味 抵玩喎🥳朱古力百香果酥撻🍫 - 百香果同朱古力呢個組合平時少見 估唔到又OK栗子凍撻🌰 - 栗子蓉略嫌唔夠多 唔夠rich草莓凍撻🍓 - 正正常常 無乜特別😐🍽 餐廳: 酥妃皇后🏠 地址: 九龍城侯王道24號地舖

唔知大家食蛋撻 鍾意食酥皮定曲奇皮呢我就鍾意一層層嘅酥皮多d😆呢日特登去左試酥妃皇后嘅招牌酥皮蛋撻見佢都有d名氣 又叫得做皇后👸🏻而且單價要$10對佢期望都幾高架但試完就有少少失望🙍🏻酥皮雖然夠鬆化 睇到都好多層但略嫌蛋香唔夠🥺睇落去蛋漿都唔係脹卜卜酥皮牛油味都重 所以一定會油膩少少🤏🏻相比之下 性價比唔算高～但係可能唔係新鮮出爐嗰陣買 點都差少少另外鋪頭撻嘅款式都好多 而且賣相都好吸引 可以搵日再試下