皇后飯店

Open Now

Now Closed

黃竹坑開咗新嘅商場，雖然有啲餐廳都未開晒，但係見到一個熟悉嘅面孔：皇后飯店，晚市有套餐供應，會有出名嘅羅宋湯，可以配沙律或焗田螺，揀個主菜加埋餐飲，價錢約$260都幾合理！先嚟嘅羅宋湯，色澤紅潤，味道夠晒濃郁，有蔬菜甜味，又有牛嘅肉味，配埋熱焫焫嘅餐包+牛油，回憶即刻返哂嚟！大蝦薯仔沙律，味道幾清新，薯仔唔會太多沙律醬嘅調味，底有少少蔬菜，配埋面頭嘅大蝦，非常不錯！招牌紅酒燉牛尾，鐵板上枱，味道非常濃郁，帶月桂葉及八角香，牛尾非常入味，又唔會太軟糯。另外朋友叫了一個招牌原隻香燒雞，一上枱聞到濃郁嘅香辣味，外皮做得非常香脆，切開雞肉依然粉嫩，用上秘製嘅北非辣粉，帶點大蒜香又有少少孜然香氣，加上墊底嘅青紅椒，洋蔥及薯仔，非常惹味，味道好突出又有特色。另外再叫咗一個焗豬扒飯，飯底炒得夠香，鋪面嘅豬扒厚身，一咬就可以咬開，茄膏調味都非常濃郁，再配上一啲新鮮蕃茄鋪响面，完全食唔停口。之後見到個甜品餐牌，居然有好耐冇見嘅香蕉船，忍唔住口又叫咗一個，傳統嘅做法切開香蕉，中間夾住三個不同味嘅雪糕球，面有一把好精緻嘅紙傘點綴，加埋忌廉，士多啤梨及藍莓點綴，入口依然係香蕉船嘅味道，不過味道就精緻些，有咖啡

這間餐廳有七十幾年歷史，是在英女皇登基年開業而命名，是一間不可多得的懷舊西餐廳，相信是很多港人的集體回憶。有從朋友口中聽聞，可是我從未光顧過。除了北角店外，知道新分店坐落於黃竹坑新商場內，所以特意去試吓。爺爺羅宋湯/ 周大魚湯 （$78）兩款餐湯用料十足而且非常濃郁可口，份量不少。羅宋湯勁多牛肉粒和蔬菜，甜酸度適中不愧是招牌菜之一。周打魚湯creamy 順滑，而且口感十足。兩款餐湯均配埋又軟又鬆的餐包。皇后香草焗田螺（$88）香草味濃，螺肉浸滿牛油和蒜油，一口一啖，滋味可口。蟹肉牛油果青瓜沙律（$148）非常清新的一道前菜。頂級肉眼扒（12安士）配薯菜（$338）好大塊肉眼扒，夠晒份量，牛肉味濃，油脂甘香，生熟度能達客人要求。烤原條時令鮮魚配小茴香薯仔酸瓜柳橄欖蕃茄醬（$288）選材亞洲金目鱸（盲曹），肉味鮮甜，肉質細嫩。配菜豐富，有橄欖、薯仔、番茄、紅椒、青椒、黃椒、洋蔥 等。味道香濃。阿根廷紅蝦辣香蒜意大利粉（$178）一上桌已經聞到陣陣蝦香蒜香，巨型紅蝦好搶眼。蝦肉非常鮮甜，意粉煙韌度適中，微辣醒胃。雜果梳打（$52）/ 黑牛（$52）意大利咖啡（$38）兩杯凍飲都是我兒時喜愛的

在黃竹坑這個新商場內偶見這西餐廳，經理告知原來是以前在又一城曾營業二十五年的經典餐廳從新開業，正好探店👏簡約而典雅的佈置，開揚舒適，餐牌上有多款套餐供選， 最後決定來幾款這食店經典菜式😉爺爺羅宋湯，跟廚房餐包，必食的餐前菜， 用料到位，味濃夠肉味，微微帶點辣，配上暖暖廚房餐包，好經典😋蟹肉牛油果青瓜沙律，醒胃頭盤， 蟹肉牛油果青瓜混合成鲜味香滑爽脆的口感😋頂級肉眼扒12安士伴炸薯條及沙律菜，牛扒食五成熟， 入口嫩滑，肉汁充滿，沾上黃介末，更惹口味😋1952招牌焗豬扒飯，菜牌中之標杆，大塊豬扒先切件再放在鐵盤連汁液炒飯焗至燙熱， 蕃茄汁味香而不烈，混豬扒炒飯入口濃香😋胃纳已滿， 唯有放棄甜品了😉

屋企附近開咗個新商場😍 梗係要睇吓裏面有咩好嘢食啦🥰 我就揀咗皇后飯店😎蟹肉牛油果青瓜沙律🥗（$148）賣相超精緻🥰 超多蟹肉絲🦀 再配埋香滑嘅牛油果蓉🥑 底下再煎咗青瓜更加清新🌿食落仲有d wasabi 味😍 啱晒我口味❤️焗田螺 （$88）田螺上枱仲熱辣辣👍🏻 下邊墊左口感香滑嘅薯蓉😍 仲食到有薯粒口感🥰 田螺粒裏面仲讓咗啲香草醬😎 Mix埋一齊食口感豐富❤️皇后招牌惹味香燒雞 🐥 （$228）佢哋呢個friend係用咗北非做法😍 仲跟左烤薯🥔 三色椒水同埋洋蔥🧅 面頭仲有Sour cream🥰 雞肉肉質都算嫩滑🥰 上枱嘅時候香噴噴🫶🏻西班牙黑毛豬扒烤菠蘿石榴沙律 🐖（$268）豬扒好厚身👍🏻 切開顏色好粉嫩😍 咬落去肉質好軟熟🥰 仲配咗個蒜蓉汁😎 側邊仲跟左香脆嘅薯條同埋菠蘿沙律🥗 正正🫶🏻

黃竹坑的新商場THE SOUTHSIDE現處於半開放狀態，有一些樓層已經有店舖在營業。皇后飯店 便是其中一間，是吃西餐的經典餐廳。午市時間有Set Menu，價錢HKD119起。樓面人手不夠的關係，導致上餐速度很慢，需要追單。餐湯選了羅宋湯，夠熱也有很多料。不過好酸！配埋個軟熟的餐包一起吃才剛剛好。🍝雞肉蘑菇香草醬意粉 (HKD 142)份量都幾多，意粉沾滿香草醬，好Creamy。不過都愈食愈膩，吃剩幾啖沒吃到。🐟海鱸魚、菠菜薯仔、椰香咖喱汁 (HKD 156)這個貌相看起來有點驚喜，吃落都幾香。是菠菜有種澀味不是太喜歡就是囉。餐飲就咖啡或茶，建議大家吃到一半左右就叫店員上餐飲。

黃竹坑站southside大型商場終於開幕了。今晚專程去逛下，仍然有好多商舖未開，但有幾間食肆就開咗，橫掂去到就食埋晚飯才回家。呢間餐廳歷史悠久，一於懷舊一下。羅宋湯人氣之選，材料十足，湯底濃稠，好味至極！😋煙三文魚薯仔沙律份量剛剛好。薯仔沙律不膩喉，配三文魚不錯。紅酒杯牛尾配意粉牛尾夠入味，肉質軟腍。配菜西芹，紅蘿蔔….. 非常惹味！頂級肉眼扒配薯菜牛扒肉質軟熟，肉汁滿溢，有肉香。薯條外脆內軟，食到停不了口。蘋果撻配雪糕蘋果撻跟雪糕永遠都係最佳拍檔。👍

黃竹坑新商場 Southside✴️商場內商店暫時不多，餐廳就幾間已經營業中，@皇后飯店 ，面積寬躺坐得舒服些，價錢合理，亦有晚餐提供。Since 1952 比我阿媽年紀仲大，絕對是經典中的經典。卡位闊落，全店以灰色為主調，帶點懷舊的感覺。因為想試signature dishes 所以揀咗 A la carte 爺爺羅宋湯$78前者果然是餐廳的靈魂，羅宋湯用料十足，有蔬菜的甜、牛肉的鮮，酸甜度恰到好處，十分醒胃，必飲周打魚湯$78有比較有傷害「周打魚湯」味道略淡，麵粉感重，喝幾口已經感到飽濟。甜餐包軟綿綿，暖暖地超好味前菜必點坊間也不易找到的皇后香草焗田螺$88入口牛油香味已衝入味蕾，估唔到田螺細細粒但鮮味十足，彈牙好食，是回憶嘅味道。還選了另一前菜是健康人首選蟹肉牛油果，青瓜沙律$148最讚是完全沒有加入醬汁，每口也突出鮮甜蟹肉，它和油潤牛油果產生協同效應，超refresh 又夠飽肚。主菜我地share 咗西班牙黑毛豬扒配菠蘿石榴沙律$268首先好surprise 超多脆卜卜薯條，加埋茄汁，令我地都食唔停手。西班牙黑毛豬扒以香煎方法處理，因為有咁上下厚度，相信令佢熟都有點難度，火喉要控

這間位於黃竹坑新開的商場The Southside的【皇后飯店】，主打懷舊西餐扒房，晚市除了有單點外，還有套餐供應，價錢合理。周打魚湯配餐包魚湯濃稠，入口有粒粒魚肉，忌廉味香滑，配上微暖餐包。炸蝦餅蝦餅炸至金黃香脆，蝦膠新鮮彈牙，旁邊配上沙律菜。皇后招牌我個薯仔沙律配意大利火腿薯仔煮至夠腍，拌入青瓜及雞蛋等，旁邊是黑醋沙律，健康又開胃。西班牙黑毛豬扒配烤菠蘿石榴沙律黑毛豬扒厚身，煎至表面焦脆，肉質保持嫩腍及肉汁，炸粗薯份量十足又香脆。忌廉蘑菇意大利貓耳朵粉貓耳朵煙韌有咬口，忌廉汁濃稠，醬汁掛在每粒貓耳朵上，還有陣陣雜菌香味。最後一定要讚一下經理及店員，服務周到及體貼。

Queen's Café was first established in Hong Kong in 1952, it opened the same year Queen Elizabeth IlI was proclaimed. definitely one of my childhood memories Love their prawn toast, borscht and escargot!Although the branch in Kowloon tong closed down earlier this year , a new and more modern version can now be found in Wong chuk hang!-Fish chowder soupsuch a great fish recipe that's outrageously delicious! A creamy white fish soup with potatoes, carrots, sweet corn and peas-Grilled lamb T-bonetas

經典老字號俄菜餐廳於黃竹坑的新商場開了新分店，特意前往一試已有70年歷史的西餐店以全新裝潢及菜單回歸跟隨時代的步伐繼續向前，但味道始終如一始創於1952年的香港，適逢英女皇的冊封而命名皇后經典羅宋湯以牛肉和牛骨熬製，特別濃郁焗田螺以薯蓉墊底，加上香草，焗得香口，熱辣辣招牌紅酒燴牛尾肉質軟嫩，內有大量紅蘿蔔，非常入味主菜頂級肉眼扒配薯菜肉汁滿滿，份量十足特色甜品雪糕球香滑無比，圓滿了整個晚餐法國的Chateau Bonhoste Merlot Cabernet Bordeaux 果香宜人三道菜晚市套餐附送咖啡或茶！黑咖啡香甘醇酸苦

呢間分店嘅牆上掛滿舊相，超級有氣氛羅宋湯好多料，仲有最重要嘅餐包仔！周打魚湯湯口感厚身，有好多蜆及魚肉焗田螺好多年冇食過田螺，下面唔係薯蓉蟹肉牛油果沙律打碎嘅牛油果入面加咗少少wasabi，不過食落又唔會好辣；蟹肉份量好多，好清新招牌皇后芝士焗豬扒飯豬扒肉厚，芝士超級多，而且份量都好多，2個人都只係食到一半就要拎走經典俄國牛柳絲新鮮闊蛋麵 ($248)好耐冇食過俄國牛柳絲！牛柳絲份量多，醬汁香滑濃郁蘋果撻 ($88)Pastry酥脆，蘋果肉多又厚

港鐵黃竹坑站上蓋一個新落成的飲食購物中心，因為方便我所以都常常去行下，星期五試咗皇后餐廳，以前會去又一城分店但已結業。晚上 6:00 入去當時得幾枱客，服務員都按我要求比卡位我哋 (三位) 落單爽快，食物上枱速度正常，真心喜歡羅宋湯，百飲不厭，外甥仔飲周打魚湯都話好飲，配合熱騰騰嘅餐包真係好有滿足感。主菜分別係牛扒，黑毛豬，蟹蓋意粉係套餐，配上蝦沙律，最後上埋飲品，當時已經係七點幾，望一望全場已有八成客，如果假期就訂位比較穩陣。總結侍應服務滿意，食物質素滿意，環境就冇又一城咁濶落舒適，三人用餐 $1250 左右。

相約舊朋友聚舊團年, 佢帶我黎左呢間重開新店既皇后飯店, 地點位於黃竹坑港鐵商場.先要個蟹肉牛油果沙律, 綠悠悠好健康. 蟹肉夠鮮甜, 加埋牛油果既香味, 好開胃.主食要忌廉蘑菇意大利貓耳朵粉, 一睇個菜名覺得好得意, 所以叫黎試下. 貓耳朵粉其實都係意大利粉既一種, 圓圓地口感煙韌, 每粒耳朵粉都掛上creamy既忌廉汁, 十分好味.仲有招牌皇后芝士焗豬扒飯, 豬扒肉質軟嫩, 配上拉絲既芝士, 芝士味濃郁且香, 兩樣加埋係絕配. 飯底唔會焗到好乾, 一粒粒仲好軟綿, 菜式雖然簡單但又係好好味.

具有多年歷史的皇后飯店最近在黃竹坑地鐵站商場重開。當然不能錯過這家經典的俄國菜餐廳。餐廳環境光亮，結合了港式和俄式風格，座位尚算寬躺，整體設計介乎於冰室和西餐廳之間，非常特別。周打魚湯海鮮湯的湯身濃厚，口感十足，層次複雜，用料均真，有不少的蜆肉，把忌廉和海鮮配搭，味道清新，令人回味。魚湯很大份。蟹肉牛油果青瓜沙律充滿鮮味的蟹肉配上牛油果醬和青瓜，鹹味和甜味同時衝擊味蕾。作為我的開胃菜，這個沙律實在好吃。黑松露薯條經典西餐小食，薯條脆身，黑松露味濃郁。忌廉蘑菇意大利貓耳朵粉俄式白汁配上蘑菇和貓耳朵粉，層次分明，用料十足。西班牙黑毛豬扒配烤菠蘿石榴沙律黑毛豬扒肉汁鮮美，配上新鮮的烤菠蘿和石榴沙律，油而不膩，非常美味清新，黑毛豬扒份量不少。

皇后飯店一間歷史悠久既西餐廳, 今年響the southside商場開分店, 地鐵站商場位置非常方便. Menu款式好多, 睇落樣樣都好吸引, 令人有選擇困難症.朋友唔食牛肉, 所以要個西班牙黑毛豬扒配烤菠蘿石榴沙律, 份量非常十足. 西班牙黑毛豬外面煎得微脆, 食落好香口. 油脂唔算太多, 無油膩感.旁邊既烤菠蘿石榴沙律都好清新, 烤菠蘿好甜好味.仲有一款主菜係三文魚扒椰香咖哩汁, 三文魚煎得好香口, 魚肉軟嫩夠新鮮.個咖哩汁好濃椰香味, 反而咖哩味唔算好濃, 有點東南亞口味.最後要個蘋果批雲呢拿雪糕作結, 蘋果批既批底脆卜卜, 蘋果甜而不漏, 呢餐非常滿足.