霸嗎拉麵 (德己立街)

Open Now

Now Closed

怕油，食雞拉麵@霸嗎拉麵中環德己立街22號地舖好耐都無食拉麵，因鹹同油對身體負擔太重，久為之一嚐還可。來到中環聽完講座，完場正值午餐時間，一個人吃碗孤獨拉麵。雞叉燒味玉湯白拉麵$88，雞同雞湯組合，是因為我不想太油過鹹。有流心蛋組合，雞叉燒感覺沒那麼肥，湯頭比豬骨湯小了份油膩，飲下不會有好重油包住口腔，但都是滿濃郁能掛麵帶點張力。麵都幾彈牙幼身，不會很快變腍身，又能掛上湯。流心蛋有醬油香，好味，其實拉麵我愛隻蛋多過吃肉片。小食有炸雞餃子，如食量大也可點份，雞炸香脆也不錯吃。另外加了點甜中和下$28抹茶雪糕，假日食雪糕心情特別好，各位中秋節快樂

聽日講有個廣島拉都好正！又唔洗排隊排到死！入到去好似去左日本咁！裝飾幾靚幾舒服啊！又可以望到師傅整拉麵！第一次食就食下d基本款先！叫左個炙燒豚肉味玉拉麵！即係有齊厚叉燒流心蛋既拉麵！正啊喂！一望舊叉燒真係笑左出黎！勁大勁厚身！而且好好食啊！入口即溶！又夠入味！睇下張紙！原來係慢煮過再燒到佢香噴噴！唔怪得夠入味夠林又夠香啦！一塊唔夠喉所以我就整多一碟！一碟58蚊有四件厚燒叉燒！正啊！個拉麵既流心蛋真係無敵！好香濃！個拉麵湯底都係好濃郁個種！好香豬骨味！另外叫左個枝豆食下吹下水！枝豆都幾好食！上面加左鹽同黑椒！飲埋支信洲蘋果蔬打！個蔬打好有蘋果味！酸酸甜甜又有氣泡！好正！

認識我的人都知道我甚少吃拉麵，不過，身邊總是不乏拉麵迷，所以有時還是會於大大小小的拉麵店作客。今次，就跟其中一個拉麵迷朋友來這家霸氣十足，來自日本的過江龍拉麵店「霸嗎拉麵」吃晚餐。麵店是自助形式運作，那天我們坐在面對著牆的排椅上，桌上已經有水、水杯、碟和各種調味粉和醬。客人需要自己斟水，預備調味碟……下單呢？就可以看餐牌，然後在點單紙上在想吃的東西旁作記號或註明數量，再交給店員下單。 特盛炙燒豚肉拉麵 $118我跟朋友看到招牌豚肉拉麵圖片後，都覺得很吸引，對其可是十分期待。然而，當它出現在我們眼前時，吸引度大減，分數亦驟跌。為什麼？因為熱辣辣拉麵上，竟然是四大片出乎意料地充滿肥肉的厚切五花腩！我們對此十分失望…… 你可能會覺得我們大驚小怪，而五花腩多肥肉是正常不過的事……但是，無論我們參考餐牌，或是其他人上載的食評相片，那一片片豚肉似乎沒我們那塊的肥膩…… 雖然如此，我跟朋友都努力把拉麵完成，不做大嘥鬼。我跟朋友分享，撇除肥肉的部分，豚肉層次分明，即使是瘦肉，也是軟稔可口，散發著炙燒的香味。 麵條選擇了適中（硬度），吃起來不硬也不過軟，是合適的硬度。湯底香濃但不油膩，是較可取的出

半夜食野本來就已經係女人既天敵，但佢地拉麵既香味傳到出街都聞到馬上忍唔到要沖入去啦啦聲醫肚。我同另一個女仔2個人入到去，當然1人1個麵先啦 我地都分別叫左佢地頭一篇既主打， 豚肉加流心蛋拉麵嘩~ 麵既硬度可以因應你既個人喜好而定，咁就唔會食到我最唔鐘意食既軟淋淋麵呢個女人真係勁食得我1個麵都差少少食唔哂，佢仲叫多碟餃子同炸雞黎食，好可惜個炸雞我唔記得影相，但講真真係樣樣都幾大舊同大碟到最後，緊係都係食唔哂需要打包，因為佢地真係大件同足料以上開飯食評，只係本小姐食後感

我很喜歡吃拉麵，在日本曾試過一日三餐都去吃不同的拉麵店，要知道在物價騰飛的香港，就算撇除價錢不提😧，要遇上合自己口味的拉麵都是一店難求!「霸嗎拉麵」是我的口袋名單其中一間拉麵店，從被開飯網評為「最優秀新餐廳開飯熱店」我就留意，由九龍的尖沙咀店開至港島，最近甚至進軍新界開店，分店足足有五間之多，沒有一番實力相信很難做到😏由於店內位子不多，等候需時，拉麵店屬街鋪，客人即使有渴望食碗拉麵的心，但仍難敵酷熱的天氣，幸好店家亦明白，準備茶給在外面等待的客人，讓人們暫時解解渴🍵單邊位置的牆壁用上紅黑兩隻對比鮮明的顏色，寫上大大隻的日文壁畫，相當吸引眼球👀枱上齊備不同的調味料如蒜蓉，一味粉，黑胡椒，餃子汁等，還有一壺凍檸檬水供客人自斟霸嗎主打兩個系列的拉麵，分別是濃厚豚骨湯拉麵及雞白湯拉麵，而我點的則是前者的炙燒豚肉味玉拉麵，雞白湯拉麵以雞叉燒作主打，沒有半點豬肉成份，此系列對不愛豬肉的拉麵迷簡直是一大喜訊😍拉麵的配料可以自由搭配，我簡這款拉麵其中一個主要原因是「味玉」，以原隻的溏心蛋端上，只要輕輕一篤，半凝固的蛋汁即流出，好吸引呢，加上那塊豐盛油脂的腩肉，放上拉麵前再以炙燒技術使豚肉邊位變得焦脆，

外籍舞友好多都對蘭桂坊特別感興趣，碰巧九月最後一個週日晚喺該區有新探戈舞會開幕，朝早去完教堂就約咗幾位好飲之徒落老蘭逛一逛，順便指出當晚舞會o既所在地。因深明空肚飲酒極之傷身，四個大男人就走咗入去街口間「霸嗎拉麵」度每人食咗個拉麵打定底。中午時份，小店已九成滿座，中央開放式廚房內o既師傅都忙得團團轉。由於食拉麵真係好快搞掂，AA制又可以各自填寫點菜紙，分開坐都完全冇問題。可能南美國家唔多拉麵店，舞友見到桌上o既自助式餐具、醬油、紙巾、開水都大感新奇。XO仔因有意飯後飲返幾輪，午餐就決定要碗「特盛炙燒豚肉拉麵」，再加多客「羽根燒餃子」。羽根燒餃子（$35/五件）：餃子皮層好夠薄，且一啲都唔油膩，燒咗嗰一邊就好香脆，另一邊則較為柔軟，餡心芳香帶甜，食落又有少少脆脆地，勁啱細佬口味。特盛炙燒豚肉拉麵（$118）：熱辣辣o既拉麵有四大片厚切五花腩，當真開正食肉獸嗰範。五花腩層次分明，軟熟惹味，個人只係略嫌腩片厚咗少少，如果可以每片再開二，相信可更易入口。拉麵幼身o既麵條軟硬適中，湯底香濃甜美，就連配菜o既荀片及青蔥都爽脆可口。吃畢剛好為飯後o既歡樂時光打底，「Kampai, Kampai」！

今天去了睇醫生，睇完醫生才去吃飯。尖沙咀的那間分店長期都很多人，但是中環這一間可能是下午茶時間，所以沒有人排隊。叫了一個蜜瓜梳打、餃子、及兩個拉麵，一辣，一不辣。麵的軟硬度適中，叉燒不會太肥，湯底很濃郁。所以尖沙咀店長期排隊都是值得的。

一間好享受既拉麵餐廳，貓貓今日好開心。今日貓貓食左個好滿足既晚餐。呢間拉麵餐廳好靚，連座位都係日本拉麵餐廳風格。貓貓order左個叉燒海苔玉子拉麵。好大既海苔，仲有好多件。貓貓將海苔浸入湯底再食，湯底勁濃，同海苔一齊食特別鮮味。仲有好靚既流心蛋。咬開一半，流心既蛋黃流左出黎。食左一啖蛋黃再飲湯，貓貓濕左個嘴啦。呢個拉麵係貓貓食過味道最足既拉麵，好食唷。唐揚炸雞。炸雞加左檸檬汁之後特別開胃。爽口。炸雞唔會好油，好正宗既日本炸雞。炸雞同麒麟啤酒一齊食，係貓貓既最愛。500ml既凍啤，即刻幫貓貓降溫。啤酒上邊既泡沫係貓貓鍾意飲日本啤酒既原因，口感夠曬滑，又凍，麥香濃。貓貓醉啦，醉得好開心。

我在6月中經過中環蘭桂芳，見到 <霸嗎拉麵> 圍板！以「最強濃厚豚骨湯底」作招徠！令我好期待呢！8月份的週末，我放工後跟好姊妹來到 <霸嗎拉麵> 食拉麵午餐！ 她聽見其招牌菜講到那麼巴閉！非試不可！ 我們先到先等，並向店員取籌等候入座！天時暑熱，店家實在細心體貼！門口位置預備了茶，好讓在門外排隊的食客解渴降溫！相當週到！值得一讚！由於中環地段貴，舖位亦比預期細！ 以紅色作主色調的和風風格，拉麵店總是離不開木餐桌椅及吧枱！我們被安排到開放式廚房旁的吧枱！ 地方淺窄的關係，裝修設計方面要花多點心思！木椅下可擺放私人物品，方便進食！想得週到！相信全店亮點正是印有日本字標題的 Feature wall 嘞！印刷精美的餐牌，供應：拉麵、飯類、小食、甜品及飲品，主要以兩款招牌湯底拉麵為主：濃厚豚骨湯及雞白湯，選擇貴精不貴多！桌上備有調味料、紙巾、餐具，為了衛生關係，建議食客拿第二隻碟子用！食客可直接在點餐紙上落單，亦可因應個人口味選取拉麵的軟硬度、少油、少蔥、走蔥、走木耳...等！雞湯與豚骨湯的決擇？！第一次來到，我的首選是雞湯！ 下次再來的時候，才點豚骨湯吧！雞叉

去蘭桂坊威前，食點野打底，免得宿醉街頭一轉身就見到一個光光的招牌，是您啦！一碗拉麵唔太飽，但頂肚，還有個樣好似好吸引，全部調味品都放好在枱上，牆上畫滿壁畫介紹美食菜單圖文並茂，還有點菜單都是以兩種語言，方便外國食客左睇右睇，最後點了炙燒豚肉海苔味玉拉麵 ($98)、沙拉野菜炸餃子($38)及元祖彈珠汽水($20)碗麵一上枱，我心裡立即“嘩”左一聲，好大碗，好大塊紫菜， 再夾起哪塊豚肉，再“嘩!嘩!”， 有1寸闊呀！， 肉質很腍滑，滿滿濃湯味， 拉麵份量同軟硬度都合到好處，湯味濃郁，配埋波子水，perfect match流心蛋，好似在流口水沙拉野菜炸餃子：勁多沙拉醬同蔥花配上脆卜卜的餃子，蔥香味濃

又到午餐時間，本身想自己隨便食d野，但見到一間好日式間格拉麵店之後，又忍唔住入左去！店內座位除吧枱外，其餘座位面前都有板遮住對面，個人空間感覺更好，岩晒今日一個人既我。餐牌好豐富，點餐時都有d難度，因為太多野想食啦！炙燒豚肉味玉拉麵加海苔，豚肉以厚切上陣，稍微經燒後肉香更出，帶少少香烤味之外，面頭有一點蒜香辣醬，濃濃蒜味配上微辣，非常好！而且湯底肉味非常濃郁，但食落又唔會有油膩感覺，只會令人更想食！配料有爽口味荀同軟軟糖心蛋，口感上亦得到補完！最後外加的海苔，個人認為必加的，濃郁而美味湯底被海苔吸收後一齊食，十分配合！羽根燒餃子，最大特色係有一塊比餃子更大的脆片，令鬆脆口感更外，同薄薄餃皮對比強烈，包裹住比例平均的菜肉餡料，美味！

今天去中環見客後，經過德己立街見到霸嗎拉麵，近期沒有時間去旅行，好懷念去日本食拉麵，真的好美味！香港的霸嗎拉麵媲美在日本的拉麵店，忍不住入去食返碗！霸嗎拉麵有多間分店，每間門口都有人排隊等位，證明霸嗎真的好好味！調味品齊全，尤其是有開水任飲，還加了數片檸檬，店家真的好貼心！炙燒豚肉味玉拉麵：湯底濃郁鮮甜，豚肉林滑入味，肥瘦適中，拉麵有得選硬度，我選了軟身的，雖然是軟身，但不會太林，滑滑的有口感，味玉熟度剛剛好，可以見到流心。十分美味，真的是回味無窮，百食不厭！羽根燒餃子：底部煎到卜卜脆，皮薄餡料好味！不錯的小食！

一直都聽人講話依度既拉麵好食，今日終於有機會試下。羽根燒餃子個外觀真係好吸引，有一層又薄又脆既脆底，下層就係餃子。食起來有兩種口感，一種係來自脆底既香脆，另一方面係來先餃子，餃子入面都有好多汁，內餡既肉都好好食。辛辣灸燒豚肉味玉拉麵拉麵係味道較重個種，濃厚的豚骨湯底，味道好好，好香，加埋辣味就好刺激啦。叉燒係經過火灸的厚燒叉燒，係層層分明的五花肉，充滿油脂和火灸的美味，同時又食到豬肉同香料既味道。一件火灸叉燒份量都唔少，女孩子食一件就夠了。糖心蛋非常之嫩滑，蛋本身自己既調味微咸，好好食，一切開就有黃澄澄的蛋黃流出。完熟梅酒依個梅酒好好飲，酸之中帶有甜味，梅子的酸正好去一去拉麵的油膩。抺茶雪糕抺茶雪糕質素唔錯，抺茶味夠香醇，甜度適中。不過配角紅豆都好高質，口感唔會太軟，甜度足。

《霸嗎拉麵 BARI UMA》霸嗎愈開愈多間 襯中環唔洗點等就試下啦-🔹辛辣炙燒豚肉味玉拉麵 $93 中辛麵質麻麻 選擇適中都偏硬身豚肉夠淋 但太肥 有3/4都係肥肉選擇少油都係好油 份量明明唔多 因為個湯底好飽中辛都唔覺辣 個辣係ok 可能要叫大辛先夠溫泉蛋加少少分-🔹雞叉燒辛辣雞白湯拉麵 $88 小辛食落辣味唔錯 但麵質比較差 好似係緊屋企煮既麵咁 雞叉燒都幾好味 好似雞脾肉既質感 但唔會再食多次-總括黎講我地兩個都覺得麵質麻麻但都唔會再試🤷🏻‍♀️🤷🏻‍♀️ 好彩叫做係中環食唔洗點排隊如果係尖沙咀食真係食到反枱-ByT+M: 3.5/10

今晚食左碗超好味既拉麵。覺得呢間其實味道仲好過一蘭。有自己既特色。餐廳環境好日系，播住日文歌。叫左個特盛叉燒拉麵。四舊厚切叉燒，好正。份量已經驚人，唔似其他拉麵店既叉燒咁少。叉燒食入口，因為脂肪個部位都燒得夠，所以個脂肪入口好香。成舊叉燒入口，三層肉配合得很好。食第一塊已經忍唔住食曬全部叉燒。湯底都甜，夠濃味。鍾意個湯底夠熱，同硬身既拉麵一齊食入口，個口感彈牙，味道豐富。叫左支啤酒。梗係要叫枝豆，呢兩樣野簡直係絕配。枝豆上邊有少少胡椒粉，味道更甜，殘留係口度既啤酒香加埋枝豆既甜味，飲完一啖又keep住食枝豆，感覺好正。既然有啤酒，就一定要炸雞止一止口痕。照燒汁炸雞啱啱炸出黎，熱辣辣，加埋照燒甜醬，味道好。炸雞出邊特別脆，入邊又好滑，而且份量都算多。幾抵食既小食。不知不覺叫左好多野，因為間野野食好味既，環境都唔錯。下次會再黎食下其他特色既拉麵。