霸嗎拉麵 (屯門市廣場1期)

Open Now

Now Closed

To match the Halloween theme, they have promoted a new noodle with black garliic soup and charcoal noodles and charcoal fried chicken.The soup was quite fragrant from the garlic.However, I am not sure does the charcoal affect the texture of the noodle or was it simply cooked too long. Despite I chose the noodle to be firm, my noodles actually were quite soft when I had it(not soggy but nowhere close to firm).Moreover, maybe the garlic from the soup was already very strong. There wasn't much garl

臨近哈佬喂，見屯市霸嗎拉麵有黑漆漆拉麵推出，十分吸引一定要試下。店內裝修以木系為主日本風味濃，大部份卡位坐，坐得舒服唔使同人搭枱，又選擇坐室內及室外。我叫咗今期推出極黑蒜油豚肉竹炭拉麵$108，份量好大碗。店員送上都俾佢嚇親有黑木耳、日本京蔥大蒜有冬菇仲有半隻皮蛋有一大塊厚切豚肉，竹炭面面質爽彈不會太軟淋，有皮蛋做配搭都幾有新意，醬油湯底唔會太鹹。湯飲完唔會口乾感覺冇放味精，豚肉燒過好香，油脂分明有焦香味，整體質素唔錯。我朋友叫了一人套餐$108辛辣炙燒豚肉拉麵配沙拉餃子（3件），看似簡單嘅炸餃熱辣辣送上，剛炸好即食的感覺最好。辛辣湯底一流仲有我最鍾意竹筍，塊炙燒豚肉厚切，有口感不油不膩真係好鬼香😬下次可以試埋黑金堂楊炸雞，都係今次黑暗之料理期間限定，全自助自己落單簡單方便！

Happy friday例牌唔煮飯 😅😅同老公喺屯門市廣場 一齊食埋返屋企啦😀😀雖然日本通關，都要等等先去旅行食碗拉麵當去左日本😂😂霸媽拉麵成日都會有唔同嘅期間限定拉麵推出 一於試下 極黑蒜醬油豚肉拉麵 👍全黑好黑 🤪🤪好特別 配料呢個crossover 竟然有個皮蛋 又估唔到 出奇地match 極黑蒜醬油豚肉拉麵，湯底較稠 有點蒜香也帶點醬香味，口感綿滑，拉麵軟硬適中，黑碳嘅顏色，帶點芝蔴香，豚肉香，但有少少柴，不算太厚，口感還可以.湯底比較濃稠每條麵都掛滿湯汁 ，不失香味 豚肉厚切 肥瘦相間！邪惡都要食曬佢呀🤤🤤😏另外叫咗 不怕單一人前😁😁有幾本款麵揀，我喜歡食辣 試咗辛辣炙燒豚肉拉麵🍜豚肉炙燒過後 油香更加香口 湯底都真係幾辣下不過都飲曬哈哈 😆😝配埋兩件唐揚炸雞 呢個出色 雞肉嫩滑 食材配埋嘢飲就一流啦👍👍屯門來講最愛這家霸媽，保持質素！

拉麵🍜應該好多人都食過，但講到黑色的拉麵🍜就好似唔多覺有！今次就試試黑色的感覺！去到屯門市中心商場就有霸嗎拉麵🍜今期推廣期間限定黑暗之料理！我地都好期待佢的味道😋極黑蒜醬油豚肉竹炭拉麵🍜除左個湯係黑色，個麵都係黑色的，選用的蛋都係皮蛋，豚肉都變左黑色，好厚的肉質，入曬個湯的濃味，麵質好奇怪，咬上去有的似咬到沙的聲音，好爽口，原來係蒜的問題，令到佢口感這樣！羽根餃子🥟都好好味😋仲試左原味同照燒醬味，各發揮不同的味道！下次可以再試試其他👍🏿

朋友接收工 行左陣 佢話想食拉麵 錦岩經過 就入去試下 成個場環境都吾算大 不過都舒服 我同朋友都一齊order左炙燒豚肉拉麵 望落好似好好味錦 我地就飲左湯先 都吾錯 麵都正常 不過舊豚肉我個人認為就有浸羶咪 吾咪太鐘意 不過其他都算吾錯 不過不失

霸嗎拉麵 (屯門市廣場) (屯門)屯門屯順街1號屯門市廣場1期3樓3233號舖極黑蒜醬油豚肉拉麵期間限定$108最強濃厚湯底，使用大量豬脛骨、豬背骨及雞骨熬煮而成，最鍾意就係蒜香味，聞到都覺得吸引呀，期間限定就一定要食啦，為咗配襯黑色你有冇諗過隻蛋係皮蛋，真係襯到絕一絕。辛辣炙燒豚肉味玉拉麵 $98鍾意食辣嘅我就揀咗「辛辣炙燒豚肉拉麵」。有三種辣味任君選擇，我就揀咗小辣辣，食落就唔覺得太辣嘅。濃厚豚骨湯頭味，配流心蛋都幾好食喎，豚肉好腍，愛好者一食上癮。唐揚炸雞五件$35酥脆外皮、多汁雞肉，炸得外脆內軟，識落索索聲，色香味俱全，沾上檸檬汁 🍋非常好食😋 小食反而好岀色，有驚喜。可樂 $15純粹每日都要有肥仔水支撐我。

霸嗎拉麵剛在屯門開店時來過一次，最近逛街路經見到餐廳推出黑暗料理，覺得好特別，應該不會暗黑料理吧，哈哈，看清楚餐牌原來是竹炭系列，喜歡烘焙的我一向也喜歡利用竹炭做烘焙，今次就試試這個竹炭拉麵啦。餐廳裝潢依舊日本風，分店內店外座位，我們選了店內的卡座，分別點了一碗極黑蒜醬油豚肉竹炭拉麵、一份羽根燒餃子、一碗雞叉燒辛辣雞白湯拉麵配兩件唐揚炸雞和一罐汽水。極黑蒜醬油豚肉竹炭拉麵拉麵一上桌，整碗黑漆漆的其實分不到什麼東西，先喝了一口湯，蒜味極濃，不算太油膩，喜歡吃蒜的絕對適合，我就是其中一個了，味道很好，拉麵加了竹炭製成，所以也呈現黑色，質地軟硬適中，至於那塊黑色豚肉因為泡浸在黑蒜湯內也是呈灰黑色，豚肉肥瘦均勻，肉質滑嫩，還有湯裡撈出半隻黑色的皮蛋，果然有趣，最後這碗湯汁被我喝掉一半，極度推介！一份羽根燒餃子看似冰花式的煎餃子點了試試味道，不過不失。一碗雞叉燒辛辣雞白湯拉麵配兩件唐揚炸雞辛辣雞白湯拉麵味道不算太辣，拉麵點了適中的質地，雞叉燒很美味，沒有油膩的感覺，炸雞大小適中，炸得挺脆口入味。整體而言，我更喜歡那碗黑暗料理，竹炭拉麵，下次可以試試黑金唐揚炸雞。

今晚朋友想吃拉麵，看見OpenRice上食評不錯，就去嘗試一下，結果不似預期。豬肉叉燒拉麵和雞肉叉燒拉麵各叫了一個，豬肉叉燒並不是平常看見的圓形叉燒，是一片長方形叉燒，上面是一層厚厚的脂肪，吃著十分肥膩；雞肉叉燒則是用雞肉捲成圓形，肉質比較‘鞋’。至於拉麵麵質，我們都並不喜歡；而湯底味道還可以。依我用餐時所看見的情況，店員只檢查顧客的針卡顏色，並沒有記錄針卡資料，因為我們也是其中，是不是防疫政策改了？！

屯門市廣場有很多不同的美食，而在頂層有一間日本連鎖拉麵店，我跟老公一起嘗試。餐廳裝修較為日本化，空間感足夠，有不同的日本裝飾配置在午市品嚐拉麵會有不同的優惠，可以有升級滋味，加錢可換購飲品有一個松葉蟹肉蟹膏軟殼蟹拉麵（$128），此為限定的拉麵🍜因為此為限定拉麵，所以老公一見到餐牌那麼吸引，就要叫這個拉麵。果然拉麵不負眾人所望，味道10分吸引，份量也很多有足夠的蟹膏及蟹肉。在遠處已經聞到那陣蟹肉的味道，已入袋裏也有很多軟殼蟹，軟殼蟹10分香口，不會太油膩而湯底也很鮮甜及濃縮，充滿蟹肉味而我也叫了豬骨豚肉紫菜玉子拉麵（$98），豚肉有兩塊，份量較想像中少，大胃王要留意份量。而湯底有很濃郁的豬骨香味，每一啖也很清甜及濃郁，絕對為心機之作拉麵的麵質也很彈牙，而蛋也是流心蛋另外，我們也加錢換了一份炸雞（$18），炸雞很香口惹味，上碟時很熱，溫度良好，不會有太多炸粉的口感整體而言餐廳的水準10分良好，CP值高，下次必定再食😀😀😀

在屯門市廣場的一家特色拉麵店，進門有吧枱也有卡位，格調溫馨，還有餐廳外位置可選。餐單上可根據個人喜好選擇麵軟硬度，配料等，非常方便即叫即做。👍🏻松葉蟹肉蟹膏軟殼蟹拉麵🌟一試特色拉麵，蟹肉拆開一梳梳和蟹膏伴匀，濃郁鮮味蟹膏，咸香味十足，一口湯一啖麵都不會有負擔😋軟殼蟹香脆可口，特色之選。把湯底都飲光後會有完食感謝字樣，有趣發現🤣羽根燒餃子來拉麵店必選餃子🤣燒得外皮脆卜卜，餡料豐富多汁，沾一口餃子汁更惹味。沙拉唐揚炸雞炸雞外皮香脆不過厚，雞肉嫩滑帶油脂，啖啖肉的味道，沙拉汁酸甜開胃。🤗有幾家分店的霸嗎拉麵，主食拉麵和小食同樣保持質素，環境座位舒適，難怪總是人來人往，繼續支持！😋

日式餐廳的炸物真係無得輸，而當中最鍾意一定係軟殼蟹系列！屯門霸嗎拉麵最近推出期間限定軟殼蟹拉麵及飯，仲有甲羅燒，當然要試試！松葉蟹肉蟹膏軟殼蟹拉麵 HKD 128 隔住口罩都聞到蟹肉香味拉麵有一大塊香脆紫菜，底部浸入充滿蟹味的湯底，又係另一種口感炸軟殼蟹幾大隻又香脆、厚肉，不過要快少少食，浸多陣湯會軟身拉麵上仲有蟹肉、蟹膏、香蔥、海帶每樣食材都有獨特香味當中松葉蟹肉及蟹膏幾鮮甜，蟹肉有嚼勁、蟹膏軟綿嫩滑食食下會發覺蟹肉、蟹膏都混入拉麵之中每啖拉麵都可以試埋蟹肉同蟹膏，口感creamy同時香味十足石燒松葉蟹膏軟殼蟹飯 HKD 98同樣香味撲鼻軟殼蟹都幾乎遮蓋整個石燒鍋，要先吃一部份蟹才看到底部的食材而且軟殼蟹外脆內軟、厚肉，香味濃郁好滿足軟殼蟹底部仲有滑蛋、香蒜、香蔥、蟹肉、蟹膏飯裡有醬汁，好開胃拌勻食材再進食，發現飯焦已經慢慢形成熱騰騰的飯又充滿蟹香的飯，正！甲羅燒 HKD 58蟹蓋內有松葉蟹肉、蟹膏和鵪鶉蛋，拌勻之後再塗滿多士，有助減低膩感比起只吃蟹膏，口感層次提升加左蛋令蟹膏更加creamy，蟹肉甜味同時提升

話說這間「霸嗎拉麵」屯門店已經開業了很久，筆者到今日才第一次過來用餐。想不到裝潢都幾靚，中間的開放式廚房更是有點似日本路邊攤的感覺。期間限定的軟殼蟹拉麵，可以見到非常足料，分別有蟹肉、蟹膏、軟殼蟹。本來的豬骨湯底，混合蟹膏後尤如變成海鮮湯，質感濃稠，令拉麵很掛湯。軟殼蟹脆卜卜，內裡還有少許蟹膏，不過因為它浸在湯中，所以很快會淋掉。至於另一款就是辛辣湯底，鹹香帶幾分嗆辣味。碗內最誘人的就要這一塊炙燒豚肉，大塊厚身，肥瘦相間分明，入口充滿著油脂香。拉麵幼身彈牙，據說是店舖自家製的，點餐時亦可因應個人口味選軟硬度。小食點了同樣是期間限定的甲羅燒，蟹蓋內藏蟹膏、松葉蟹肉，以及鵪鶉蛋黃。拌勻後，再把它舖上經香烤的多士片上。蟹膏味超香濃，食完一片已經想encore多一片。

午餐約了朋友去吃拉麵，順道去商場逛逛。這間拉麵常常推出限定拉麵，比一般拉麵更吸引。松葉蟹肉蟹膏軟殻蟹拉麵($128)是期間限定拉麵。完整的大軟殻蟹脆中帶點稔。配料豐富，有海帶和蔥等。麵條硬度適中，能完全掛上湯汁。友人說拉麵實物比想像中多，而且很容易便飽肚。石鍋燒豚肉海老飯($78)，炙熱的石鍋盛着香熱的飯，店員把石鍋端到桌上，也有提醒我們注意石鍋的熱度，上桌後待五分鐘才吃便不會燙口。飯底在石鍋的高温下變成飯焦。食材和飯粒幾乎是一比一的比例，吃每一口飯都能嚐到各種食材。看到餐牌上寫拉麵+$18就可買唐揚炸雞兩件，我們也點了這個嚐嚐。在幾款醬汁中選了沙拉醬，個人覺得這款醬比照燒醬和辛口醬更能帶出雞肉的鮮味。炸雞能保持一貫水準，依舊是外香脆內軟嫩多汁，實在難得。煎餃子和炸雞兩款主打小食中，我更喜歡炸雞，雞的肉汁是餃子無法比擬的。

屯門霸嗎拉麵🍜開咗都一段時間，我老公好鍾意食拉麵，成日經過都話要試。好，就今晚試啦！今日盂蘭節，喺屋企附近快啲食完，早啲返屋企都好。身為一個蟹粉🦀，當然要試吓佢哋嘅期間限定—松葉蟹肉蟹膏軟殼蟹拉麵啦，而我老公就揀咗辛辣炙燒豚肉拉麵。我哋另加$12要多三大塊紫菜同$20粒粒橙汁。1️⃣ 松葉蟹肉蟹膏軟殼蟹拉麵 $128蟹粉一定要試！湯底蟹味超濃郁，最初都有啲擔心同拉麵唔夾，點知出到嚟嘅效果唔錯，味道好好。拉麵軟硬適中，偏幼身，係我鍾意嘅口感同質感。蟹肉同蟹膏都好新鮮香甜，軟殼蟹炸得酥脆可口，正🤩！2️⃣ 辛辣炙燒豚肉拉麵 $93我哋叫咗小辣少油，我哋都好鍾意個湯底，味道十分香濃開胃，淡淡嘅香辣提昇咗成個味道，隔離枱仲將成碗湯入晒，真誇張🤤。豚肉厚身，肥美香口，肉質鮮嫩，好食😋！杯橙汁就頹咗少少，用咗美x達，細細杯但要$20，大杯少少會好啲，唔夠喉。

今晚去左屯門市中心行街，呢度出名多野食多野行。今晚黎食霸嗎拉麵，之前都係去尖沙咀食多，今次見到屯市有分店，而且一直都幾鍾意呢間既湯底，所以今晚再黎encore….閒日晚，食客都唔少，餐廳內都坐得滿滿，安排坐於吧檯位置，但都坐得好舒服，唔太迫。眼見餐廳仲有一部份位置係商場空間。好幸運見到有期間限定menu,仲要係我至愛的軟殼蟹，本身自己都好鍾意食軟殼蟹，所以既然見到有新野，當然要試試。是晚同朋友一人點了一碗拉麵，一份餃子，一枝soda…首先講一講美好既餃子。呢度既餃子都有多種口味。有原味、照燒口味、辛辣口味、沙律味，好多唔同選擇。朋友話想食返原汁原味，所以食返羽根燒餃子。賣相好靚，好大片脆卜卜，香脆又薄切，好好口感。餃子好多餡料，香而不膩，沾埋餃子汁，惹味。好好味既餃子。另外點了一份皇牌既雞白湯雞叉燒味玉拉麵。湯底濃濃，白色既雞湯，又香又甜，雞味又鮮又甜。湯底不但出色，拉麵都爽口彈牙，份量不少另外仲有兩件大大又厚厚的雞叉燒，雞肉又白又香，啖啖肉，咬起來好嫩身，而且又厚，所以口感都十分好，好有咬口。成碗拉麵都好滋味，令人大滿足。仲有一隻溏心蛋。到介紹期間限定的松葉蟹肉蟹膏軟殼蟹拉麵。賣相相