麵道 (Closed)

晏晝三點半去食 見到出面已經有四個人排隊好啦 跟住排之後望入間餐廳 空位仲多過啲客 但又冇staff 招呼排隊啲人門面有兩個staff 架 一個執枱一個送餐 但執完枱又唔見佢叫啲客入去坐等左15分鐘咁上下 其中一個門面幫啲人埋單啦 埋完先叫我前面既人入 大佬啊一係你就放左啲人入去坐先 一係你派一個staff 企門口啦終於到我入 坐底左 冇杯 我自己問佢 點知啲水都冇晒冇人refill 真係未見過一間拉面舖啲服務hea 到咁講緊三點半呢啲鐘數又唔係peak hour 都可以做到咁差 我叫完拉面碗野又起碼廿分鐘後先到佢地唯一既service 就係講句日文歡迎你

放工後同男朋友係荃灣行行下街，又傾下去日本旅行既事宜，突然拉麵癮起，之後就走左去食拉麵。去到剛好係旺場，都幾多人排隊，排左大約二十分鐘左右。呢間拉麵主要有三款湯底：濃厚醬油豚骨湯、伊勢海老豚骨湯、濃厚雞白湯。每款限量發售，我地原本打算選擇伊勢海老豚骨湯，可惜排到入去侍應姐姐同我地講伊勢海老已經賣曬唔排都排左咁耐啦，唯有選擇過第二款，但我地對雞湯無咩興趣，即係得返醬油豚骨湯⋯⋯我地坐吧枱位，位置都寬敞，仲可以見到少少師傅煮面既情況。枱上有其他調味料，但就見唔到有前菜。（點解見其他食評會有前菜既，因為本人都幾鍾意食日本既腌製食物㗎）辛口特盛叉燒味玉醬油豚骨湯拉麵好味我點左拉麵麵質係硬身，濃味湯底，走蔥。第一時間緊係嘗啖湯先啦，濃郁既豚骨味滿滿地包圍住舌頭湯濃但不肥膩，口感稠密，可以掛麵。拉麵硬度剛好係我鐘意既，叉燒肥瘦適中，食落有碳燒味男朋友話要飲啤酒，之後就叫左杯冰凍泡沫生啤（蜜桃），平時少飲酒既我都忍唔住俾啲泡泡吸引左試左一啖，飲落真係有淡淡既桃味話咁快就食完碗麵其實湯唔算多，可能因為稠既關係，食拉麵既時候都帶走唔少湯，最後得返幾啖飲。總括而言，呢餐好滿意心思思都係想試埋伊勢海老豚骨湯

黎到荃灣,寶寶想食拉麵~佢對於拉麵有份情意結(哈)見到麵道有好多個LamLam脷,黎到千色𣾀既麵道,店外有好多人排隊,我地都等左大概30分鐘先入到店,坐正嚮廚師前面既吧枱~我地叫左特盛雞叉燒溏心蛋雞白湯拉麵同特盛叉燒溏心蛋伊勢海老豚肉湯拉麵當日全店得3個廚師,出品都耐耐地咖~寶寶食哂碗麵,我嗰碗都未有~而氣氛方面不足: いらっしゃいませ 歡迎光臨ありがとうございました 多謝哂只係得1個靚仔廚師叫歡迎光臨,多謝哂亦都唔係個個講😅氣勢已經爭好遠...特盛雞叉燒溏心蛋雞白湯拉麵,塊雞肉好厚好滑,麵質口感都唔錯,唯一個湯唔夠熱同好杰身.特盛叉燒溏心蛋伊勢海老豚肉湯拉麵寶寶話佢個湯都唔熱,所以飲落唔係好重龍蝦味,(我近聞佢個湯有聞到龍蝦味,都幾香呀~)個賣相都幾靚,叉燒下面仲遮住左幾粒餃~ 食材幾好,個湯再熱會更好~

今次去咗依間餐廳食拉麵。入去時見到有個告示仔話某湯底售罄。一坐埋個位feel倒勁大風。十號風球咁。吹到癲婆咁。跪求佢較弱啲冷氣佢表面幫忙但實際仍然十號風球。見到餐點有出面話售罄嘅湯底博吓order咗到侍應落單一刻都無話無以為實食無痴牙。餐點除咗拉麵就係雞同餃子嘅食物。因為下午瘋狂食雞所以點叫咗芝士餃子。最終。侍應落完單話無嗰個湯底同餃子爐壞咗無餃子供應。剩係食倒依碗拉麵。有得揀軟硬濃淡。叉燒燶燶哋不錯雖然有肥膏但又唔覺油膩。半熟蛋好正豬骨湯頭味道也有水準。總結係不要期望食倒其他嘢。有嘢比你食已經係好幸運。不過咁嘅服務唔使加一就算啦

話說早前得知城市中心有一間京都風味既拉麵店，聞說拉麵幾好，今日經過餐廳門口又唔洗等位，所以決定下午茶時間一試真偽。一望餐牌，見到海老豚骨湯底比較特別，至少唔會獨沽一味得豚骨湯，所以揀左「叉燒糖心蛋伊勢海老豚骨湯拉麵」。拉麵一到，就聞到濃濃既蝦油香味，湯底濃郁到以至有漿口既感覺，雖然鮮味，但略嫌湯份量少，不能與拉麵同吃到尾；拉麵另外配有糖心蛋﹑簿片叉燒﹑迷你餃子﹑木耳同蔥花。題外話，落單後等待期間，枱面既餐筷﹑調味料都缺乏，應該係午市過後仍未補給，員工又貌似遊魂狀態，叫好幾聲先至緩緩回應一聲，再施施然補給物資，如此既工作態度真係有點兒那個…所以總括黎講，食物質素都還好，不過試一次都已經足夠，但員工態度方面真係有待改善！

最近常常光顧日本餐廳其實J先生也愛吃日本菜 ；只是不太喜歡吃拉麵！所以每逢J先生提議去食拉麵，我都不會拒絕的！今次J先生挑選了荃灣區的麵道餐廳的外貌餐廳的門面餐廳主打三種湯底 每日限量供應伊勢海老豚骨（辛）- 先烤香龍蝦頭丶蝦殼丶蝦膏和蝦籽再加入豚骨熬成蝦湯，兩者完美融合，最後加入甘膄的蝦油，入口鮮香味濃，口感層次豐富，令人齒頰留香！濃厚雞白湯（期間限定）- 湯頭超濃郁，用上大量鮮雞熬製而成，配以直身的拉麵，彈牙之餘能充分黏着湯汁，每一口也是稠稠的濃厚雞白湯！濃厚醬油豚骨 - 以大量豚骨熬製的湯口感又黏又滑，再把甜口的秘製醬油倒入濃稠的豚骨湯內調味，味道濃郁深奧！餐單餐牌胡麻露筍露筍與我們預期不同原來以為會爽口的；竟然是煮到軟身，配上蝦籽口感，醬汁融合一起，不錯！胡麻醬及沙律醬於碟旁！芝士餃子（4隻）J先生加了芝麻餃子煎得帶香脆丶外層融化了芝士；不覺油膩叉燒伊勢海老豚骨湯拉麵我是吃不到辛辣的人丶但這次也想嘗試伊勢海老豚骨湯；雖然湯底帶少許辣以我個人也接受到這種微微的辣…香濃蝦味湯底叉燒軟淋適中；唯獨太薄身…似火腿！那一點辣醬另上；只因我寫了走辣！特盛叉燒味玉伊勢海老豚骨湯拉麵J先生邊吃

上openrice搵lunch食咩就搵到黎呢間唔知係咪因為今日係星期六加上中午時段嘅關係我同朋友去到果陣要等位不過等左大約兩個字就有位了入到去坐低服務員都好有禮貌拎張點餐紙同我地講乜野轉左乜野暫停供應然後我同朋友都叫個左最平嘅拉麵味道幾好又有得揀湯底係濃定淡服務員仲比左張紙我地寫低對麵道嘅意見我仲記得我寫左拉麵太少選擇張枱有啲細音樂有點悶同太易撞到餃子醋😂事關我朋友因為餃子醋個樽口嘅設計而唔小心手肋撞到倒瀉了仲整濕自己衫如果可以改善下以上果幾點就會更好🙆

食左個濃湯豬骨湯底,湯底夠濃。麵可自選軟,適中,硬 - 效果出黎都ok有水可自助斟,唔洗下下叫職員斟水,都very nice~另叫左個芝士餃子,等左好耐個麵食晒都未黎,最後忍唔住問個姐姐點解咁耐,佢話個餃子好特別,所以要啲時間,so far食完無驚喜囉⋯⋯失望。可以唔叫

香港既拉麵店我都食唔少質素當然係好參差啦今次特登揀間有朋友介紹既日式拉麵屋試下先! 我叫左既係雞叉燒溏心雞白湯拉麵再加多左個日式煎餃子 先講一講個拉麵我通常食第一啖都係飲下個湯底係點湯底係濃濃的, 味道好清新唔似係有味精係入面 再試一下個雞叉燒, 肥瘦比例適中, 口感特別喜愛 麵底我是寫正常的硬度, 唔會太淋亦唔會太硬抵讚, 而且個麵吸收哂湯既精華, 兩者都好MATCH!! 再到個餃子, 皮薄, 入面好多汁, 一咬差D流哂出黎新鮮製作係好食D既!!! 

約左友人7點剛到門口便見到一條長長既人龍原本以為有部份係排隔離間店點知原來全部都係排緊拉麵 等左15分鐘左右先入到入面既環境都幾舒適唔會安排到D座位迫一迫我見都有好多人係2人坐4人枱都唔需要搭枱 我點左既係特盛叉燒溏心蛋醬油豚骨湯拉麵麵質係軟麵 而湯底就係濃味湯底 因為係特盛既關係 叉燒數量係會差唔多DOUBLE左咁多!!數量大約有5-6塊, 而且都好大塊下, 至少都算係厚肉呢度叉燒既油脂分佈係一半肥一半瘦肥個部份真係入口即溶而且係食到佢既油香味同埋豚肉味 成個拉麵最正既我覺得係個湯汁特別係因為我揀左濃味既關係稠稠的豚骨湯口感一流而且味道唔會太咸 總括而言可以稱為一間性價比高既日式拉麵餐廳

今次去左荃灣麵道，環境幾好，幾有當初係日本食搵拉麵既感覺，不過開係大商場，都無口期望，純粹好想食拉麵，所以就求其入咗去。我叫左一個叉燒伊勢海老豚骨湯拉麵，男朋友叫左一個叉燒味玉醬油豚骨湯拉麵，另外再叫左一個胡麻露筍同麵醬青瓜。兩個小食味道不過不失，露筍同青瓜口感爽口，但係冇乜驚喜，同一般日式拉麵店冇乜分別。之後就係拉麵，拉麵唔係太粗，兩款湯底都比較濃味，反而值得一讚嘅係叉燒，叉燒嘅厚薄適中， 肥瘦亦都均勻，肥膏嘅部份入口即溶，叉燒來講算係非常高質，整體來講唔算好有特色，但係都有少少超出預期，至少比好多大型連鎖都做得出色！

山長水遠去到荃灣 緊係要問下朋友個到有咩好野食, 佢就推介左呢間麵道見有朋友推介就試試佢!呢間主要係食拉麵為主 有3種唔同的湯底, 店長推介 海老湯 就try try呢個湯底真係好唔錯, 好香的蝦味, 最重要係佢有D蝦籽係面, D味出晒黎 比起一般湯底香好多! 除左拉麵仲有好多唔同的小食!!有餃子!!唔好睇佢個樣好似平平無奇, 其實佢香脆無比! 個燒汁都好野味! 我覺得5隻唔係太夠食哈哈. 真心推介比大家呢隻無骨雞翼都好正!!!! 啖啖都好脆口!呢杯係店長推介冰雪啤酒! 佢d泡唔係簡單野, d泡入面全部都係碎冰!!真係好正 夏天最岩飲!!2個人食差唔多145一個都ok喇唔算係太貴, 最緊要係好食!!!

天氣熱總是想食濕口野，拉麵是一個好選擇，今次上openrice找到這間評分唔錯的一試。湯底有淡，普通，濃選擇，今次兩碗都是普通，但已經味濃，想像唔到選濃都係點。湯底幾好，而海老的第一次入口香濃蝦味，但第二次開始之後就感到油了，容易膩口，所以少一星。叉燒外邊帶脆，溏心蛋有點過熟，麵質可選軟硬。整體唔錯。枱上有蒜頭（左）可壓碎加上拉麵更可口，前菜（右）開胃。無骨雞翼十分香脆，啖啖肉，價錢合理。餃子味淡，無肉汁，而且對比雞翼就貴好多，麻麻地。兩個人二百幾蚊，無加一，十分滿足，也十分滿意。店舖環境唔錯，上菜速度快（餃子需時）。枱上的蒜頭，前菜，枱邊有掛勾可掛袋，服務貼心。有機會會再來。

今日喺荃灣做完嘢，已經過咗食晏時間，餓到腳都軟埋！諗起朋友話荃灣有間京都風拉麵店由日本師傅精心炮製，味道好正宗。即刻充滿力量腳步自然加快向千色匯二樓出發。離遠見到日式布簾同實木招牌嘅就係「麵道」。可能食晏時間過咗，唔駛排隊就有位。佢嘅佈置喺用木枱同木櫈，好有日本嘅地道京都小店風，位同位之間好闊落，覺得好舒適自在。牆上面仲有個古典武士背影，令人諗起日本劍道，唔知同個店名有無關係呢？睇睇餐牌有三種拉麵湯底可以揀，醬油豚骨湯、伊勢海老豚骨湯同雞白湯。最特別係用龍蝦頭、蝦殻、蝦膏同蝦籽先烤咗，再加入豚骨熬製嘅出伊勢海老豚骨湯。聽落都覺得好味，所以就叫咗特盛叉燒溏心蛋龍蝦豚骨湯拉麵，點餐紙上仲可揀走蔥、走木耳，麵質有軟、適中、硬麵。枱面有一個細盒，有齊各種用具同調味料，隔離有餃子醬油，仲有前菜小青瓜粒任食，辣辣地又爽又脆，好醒胃。等咗幾分鐘拉麵就放喺眼前，聞到陣陣蝦湯香味，快快手飲啖湯先，蝦味又唔會搶走豚骨鮮味，入口又香又濃，湯底又唔會好杰。拉麵㨂咗直麵，佢比其他麵幼D，估唔到掛湯力咁高，一啖啖掛滿湯嘅直麵煙韌又彈牙。四大塊叉燒表面有少少燶燶地，但又有少少焦香，肥瘦雙隔嘅义燒又唔會好油膩，好鬼鬆

麵道🤤一直都想去食，每次都無時間等位😢今日一收工就衝去食在人還不多的時候去食是最好的👍點餐紙。精而簡。但拉麵有很多選項👍少油、走蔥、走木耳、麵質、湯底濃度🤡另一張係各種小食，飲品。一底一底的麵就在我面前，自家製係零舍不同拉麵未到，先嘗一嘗靜岡綠茶可樂。有氣的綠茶不是很多地方可以喝到，當然要一嘗滿足好奇心。特盛叉燒溏心蛋醬油豚肉骨湯。最豪華選擇還要是濃湯底。蔥跟木耳很多，增加麵的層次感，帶出更多濃湯底的味道。叉燒夠大片，肥瘦肉卷得十分平均。不能夠一啖把它征服😂肉汁跟湯底相輔相成，味道更出更濃。拉麵主體。選了適中的麵質。咬感剛剛好，一啖麵一啖湯，完美。麵條亦不會太碎太長，一啖，剛剛好🤤溏心蛋🤤內裡甜甜的，流心感滿滿的。餸太多太好吃。辛口天婦羅無骨雞翼估不到竟然會有全翼😳驚喜，而且切好件，方便人食沾上辛口的辣醬，愈食愈想食。跟平日的天婦羅差不多，澱粉漿完全覆蓋雞翼，更像吉列雞翼