金色不如帰 (又一城)

Open Now

Now Closed

今日做完運動，去咗食拉麵，簡咗一間叫金色不如帰，叫咗佢哋嘅主打✨貝汁醬油拉麵😋根據餐廳tent card介紹呢款拉麵為餐廳奪得米芝蓮一星💫榮譽😮拉麵基本附有叉燒、京蔥、青蔥、黑松露醬同埋牛肝菌油。拉麵上台時都算係熱👍🏻湯底由蜆湯、豬骨清湯、魚清湯及醬油混合而成，湯底清新唔濃，有淡淡嘅鮮味，醬油比例應該唔係太高，湯底感覺冇加太多調味料，湯咗幾淡都唔太口渴。叉燒有兩塊：低溫製叉燒同埋肥瘦分明嘅三厚肉叉燒，兩者都切得薄身容易入口，豬肉味道新鮮👍🏻食拉麵之前，我先將京蔥，青蔥同其他配料混合，之後再夾起拉麵，每淡拉麵多數都可以附有配料，味道比較有層次🤣拉麵質地，餐廳並無提供選擇拉麵硬度，以固定質地上台，質地唔會太爽身，亦唔會太軟，我覺得好適中👍🏻另外，叫咗杯紫蘇葉雙檸洛神花茶，茶水唔太紅，加入咗青檸同檸檬，洛神花茶混合咗檸汁之後，口味清新唔會太甜，好適合食完拉麵清吓口腔嘅油膩✨🤔Google了一下，金色不如帰 係解一種罕見嘅烏類名：黃金布穀鳥 🦜

放工後去又一城搵食，幫襯咗呢間日本過江龍拉麵店，佢哋東京店係連續5年拎咗米芝蓮一星🌟之前都聽朋友介紹過，呢日食完覺得真係幾好味，係屬於清爽類嘅拉麵，食材配搭都好用心👍🏻🥢貝汁鹽味拉麵 $128湯底係用蜆湯、豬骨清湯、魚清湯三種湯底調配而成，非常之清爽鮮味，又唔會膩！鹽味拉麵比醬油拉麵更清爽，我哋都比較鍾意呢個口味😋拉麵都有兩塊肉，係低溫叉燒同三層肉，口感軟腍不肥膩，幾好食～ 有大量京蔥配埋一齊食，仲有香草、白松露油、牛肝菌醬同煙肉碎，味道好夾又層次豐富！🥢貝汁醬油拉麵 $128呢款嘅湯底都係三重湯底，加咗醬油更加香濃～ 亦都有兩塊肉，而配料就變成係京蔥、青蔥、黑松露醬、牛肝菌粉及牛肝菌油，味道幾濃厚，配唔同配料食又會有唔同味道，幾有層次！又唔會太油膩～麵質亦唔會太腍～🔸一口芝士脆豚 $70用麵包糠包住炸，好香脆可口～ 豚肉捲住芝士，肉質唔會炸到乾柴，如果芝士再多啲就好！🔸紫蘇雙檸洛神花茶 $38幾清爽，紫蘇葉嘅香氣配上檸檬、青檸片，洛神花茶酸酸甜甜，可以解膩！

之前食過念念不忘，於是平日夜晚再次黎呢間拉麵店。金色不如㷌既東京店係連續5年獲得米芝蓮一星，自從開左黎香港，水準依舊冇變💯👍🏻 今次2個人叫左3樣野，連加一埋單$405，好足料，亦棒住個肚走。 豚骨辛拉麵($115)：平時食唔辣多，但今次想試下辣既，估唔到有驚喜，麵條煙un彈牙，湯底辣得過癮，濃味得黎唔會太咸，下一次會為呢碗拉麵再黎👍🏻 大根牛筋味噌煮($65)：偏辣，牛筋有好多舊好足料，白蘿蔔亦好入味👍🏻 鰻魚串燒華味鳥定食($188)：鰻魚好juicy，燒完肉質仲好嫩滑，冇骨，配上鰻魚汁及暖笠笠既飯，一絕👍🏻💯至於燒雞串燒都烤得好嫩，唔會過老或鞋口😁

天氣開始涼涼地想食碗湯麵暖下，今晚同男友揀咗呢間日本過江龍拉麵店🍜 東京店仲已經連續5年獲得米芝蓮一星⭐️原來店名「金色不如帰」意思係黃金布穀鳥✨ 難怪餐廳嘅設計都以此為主題💛枱上有推薦品嘗拉麵嘅次序，做到五感體驗：包括視覺、觸覺、嗅覺、味覺、聽覺就當然係食拉麵食到𠽌𠽌聲既聲音😆🔸貝汁醬油拉麵🍜 熱辣辣嘅拉麵一上枱香氣撲鼻，香氣來自黑松露醬、牛肝菌油、牛肝菌粉，味道以蜆湯、豚骨湯、魚湯為主調，加埋醬油，鮮甜之餘帶有咸香😋 低温叉燒同三層肉各有特色，兩者肉質都好柔軟，較喜歡後者嘅三層肉，油脂入口溶化🤤 再配埋彈牙嘅小麥粉製麵條，真係一口接一口停唔到🤭🔸煙熏黑椒豚骨拉麵🍜 呢碗拉麵嘅香氣濃厚，來自黑椒嘅味道較為濃烈。拉麵掛滿濃厚豬骨湯好夾😋 店員好好，主動問我地需唔需要一開二份溏心蛋，生熟程度同味道都岩岩好☺️🔸鳥皮烏賊揚🦑 平時食拉麵多數配煎餃子，呢個咁有趣嘅小食確實另人喜出望外🤩 其實佢係用雞皮包住墨魚膠同木耳粒去炸，外層雞皮炸到好香脆，入面墨魚膠配木耳，彈牙又爽口。沾少少蜜糖芥末醬仲惹味😍 整體餐廳環境闊落，店員會安排適當距離俾每枱客人，盡量安排至少一枱相隔。食物上枱時間亦控制得好好，而

😍被門口吧檯式嘅麵店吸引, 店內係日本風裝修格調, 燈光柔和, 卡座位舒適闊落🥰🌶️豚骨辛拉麵 $115辛辣味豬骨湯底, 薄切叉燒肉, 肥瘦適中, 入口甘香, 麵質口感煙韌, 掛滿辛辣味豬骨湯汁, 非常滋味😍🐙涼拌黑松露紋甲墨魚 $70選用厚肉的野生墨魚, 口感豐富鮮甜, 墨魚鬚尤其有彈牙嚼口感, 酸酸地嘅醬汁加上黑松露和薄切青瓜條及洋蔥絲製成涼拌小食, 清新醒胃😋✨鰻魚串燒華味鳥定食 $188🍚白飯使用日本青森米👍🥢鰻魚肉厚, 醬汁好滋味😋🐔雞肉串使用九州華味鳥, 配大蒜, 雞肉味濃, 肉質口感軟嫩🥒漬物：青瓜、黃蘿蔔及蛋絲🥣蜆汁湯：碗仔細細嘅湯內配料有海草、蘿蔔、豆腐, 湯味鮮甜, 仲有一隻肥美肉厚嘅大蜆👍🥗日替沙律沙律菜新鮮爽口😍🌟整個定食非常豐富, 份量十足🌟

朋友仔叫我一定要食金色不如帰，今日男朋友收工早決定食完再睇戲。我叫嘅係貝汁醬油拉麵（$128）一上我就聞到好香，原來入面有黑松露醬同埋牛肝菌！而湯底係由蜆、豬骨、魚三重湯底組成，好鮮甜嘅湯底！低溫叉燒大大塊，難怪令東京店連續5年拎米芝蓮一星啦～男朋友叫嘅係白豚骨拉麵（$115）相對冇我嗰個咁香濃，但都唔錯！小食我地叫左個一口芝士脆豚（$70）勁鬆脆！飲品方面，我飲嘅係白桃焙茶（$38），男朋友就飲蘋果焙茶（$38）我鍾意食黑松露，唔怪得朋友仔推介我黎食啦，要再食多次先得！

原來九龍塘又一城有金色不如帰， 餐廳是一間日本過江龍拉麵店，已在東京店連續5年獲得米芝蓮一星。 店內日式風格為主， 燈光柔和。主打自家製的金黃色貝汁湯底， 味道鮮甜，沒有添加任何味精。晚餐🥢 ～貝汁鹽味拉麵$128、貝汁醬油拉麵$128、涼拌黑松露紋甲墨魚$70、白桃焙茶$38。 📌貝汁鹽味拉麵🍜 ～ 以蜆湯、清魚湯和豚骨湯牛製而成的湯頭， 再配上日本進口海鹽，味道清甜， 拉麵和叉燒都是我喜歡的味道。 📌貝汁醬油拉麵🍜 ～ 湯底以大蜆熬製， 再加入自製黑松露醬、 牛肝菌粉和牛肝菌油， 湯底味道鮮甜濃厚， 油香味重。低溫叉燒入口軟腍，拉麵口感滑順，掛湯力高。 📌涼拌黑松露紋甲墨魚🥣 ～ 酸酸甜甜的味道，墨魚粒入口爽脆， 清涼又開胃的涼拌小食。 📌白桃焙茶🍵 ～ 焙茶解膩，白桃果味突出，清爽甜美。 喜歡拉麵的貝汁湯底， 獨特而鮮味突出。 🏷️溫馨提示～ 整個用餐體驗均屬個人分享意見， 只作參考😊。

今日行又一城商場，見到金色不如歸，唔使諗梗係入去食啦，之前食過覺得唔錯，今日再幫襯😄這間分店座位特別寬闊，坐得好舒服，店員好有禮貌👍招牌拉麵～貝汁鹽味拉麵，枱面餐牌有食法介紹，呷一小勺精心熬製的湯，並配牛肝菌碎，牛肝菌，黑松露醬，令到湯頭更加合襯。真係諗唔到，原來食碗麵都可以咁多學問🤗另外一碗~白豚骨拉麵，湯頭奶白色，麵質彈牙，加埋三層肉，超正😋蘿蔔牛筋～夠晒𣺉，少少辣，非常惹味🌶️紫蘇雙檸洛神花茶～有青檸又有檸檬，味道好特別，飲落好醒神🍋總括嚟講：這間拉麵店，食材、製作都非常認真，絕對值得攞米芝蓮一星，但對於我來講，份量太細，如果大碗啲就好囉😅

之前食過米芝蓮一星拉麵店金色不如帰嘅銅鑼灣分店，非常鍾意😍前幾日去九龍塘開會，就決定帶同事去試下~當日叫左lunch set ($188)，包一碗拉麵、一款小食同一杯飲品或雪糕🌟貝汁鹽味拉麵呢個系列嘅拉麵湯底用左新鮮蜆貝熬製🐚並混合豚骨🐷同魚🐟清湯，濃郁而豐富再配以白松露油、牛肝菌醬，增添獨特嘅鹹香味麵條彈牙有嚼勁，完美地吸附湯汁同調味料嘅風味🍜🌟貝汁醬油拉麵醬油拉麵加入黑松露醬同牛肝菌油提鮮呢個豪華配搭嶄新又大膽，香氣撲鼻❤️黑松露同醬油嘅鹹香完美融合，令湯底更有層次豚肉質地嫩滑，入口即化而唔油膩🌟墨魚極盛沙律🥗沙律份量十足，非常開胃有齊彈牙嘅墨魚🐙爽脆嘅生菜🥬青瓜🥒番茄🍅洋蔥🧅同蘑菇等搭配酸酸甜甜嘅醬汁，作為前菜最適合不過🌟自家製豚肉煎餃🥟餃子煎至金黃酥脆，皮薄餡足上菜時熱辣辣，一咬開嘴裡充滿鮮甜嘅肉汁🌟芝麻雪糕🍨口感柔滑，芝麻味濃郁🌟冷泡烏龍茶🍵清新嘅茶香帶走飯後嘅油膩感餐廳嘅工作人員服務態度友善又周到坐位亦舒適，大家不妨一試👍🏻

金色不如帰 @konjikihototogisuhk 連續三年獲得米芝蓮一星拉麵 東京必比登推介🏅香港4間分店主打蜆湯混合豚骨湯和清魚湯的三重黃金湯底另推出煙熏黑椒豚骨/豚骨辛拉麵等特別口味·🖤煙熏黑椒豚骨拉麵透過加熱燃燒茶葉或木屑等 把色香味滲進食材賦予傳統豚肉燦然一新的層次🐷昇華拉麵香氣加上自家製的胡椒醬油 味道微辣且帶濃郁芳香層次豐富 湯底喝起來味道更加悠長 縈繞不散 .❤️‍🔥豚骨辛拉麵加入自家製特調辛辣醬油及辣豚肉碎 入口辛辣刺激味蕾 比想像中辣🌶️湯底更惹味 激發食慾自家麵條由北海道小麥製成 口感柔軟帶點Q彈與湯頭搭配得非常好 叉燒肥而不膩口 保持水準.🧀一口芝士脆豚優質豚肉釀入大量芝士 香濃爆漿 粉漿不會過厚炸得鬆脆可口 豚肉留有豐滿肉汁 肉質纖細易嚼.🦑鳥皮烏賊揚選用野生紋甲墨魚打成滑 用鮮雞皮包著油炸外脆內彈牙 充滿口感 蘸蜜糖芥末醬食更有驚喜

Lunch hour 又一城其他地方無位見到嚟間拉麵開咗一段時間 又有好多位就入去食Lunch set 都幾貴 $188 拉麵 小食 加飲品散叫拉麵 $115-$128左右叫左個煙薰胡椒豚肉拉麵份量 香味 味道 都比想像中差幾多- 本身無蛋 蛋要另加 - 肉只得一片 2mm左右嘅肉片 味道正常 但得一片同真係太薄了- 面質可以 但面條唔似拉麵- 湯底唔係死咸 但無胡椒味- 無胡椒香味以嚟個價來說 都幾失望啱啱見到原來係東京米芝蓮 過江龍 真係唔好有期望

終於可以唔使排隊食呢間拉麵，佢嘅貝汁拉麵的而且確有一手。餐廳比起一般日本拉麵店坐得舒服，叫左招牌鹽味同醬油兩款，再加炸雞和小棠菜。鹽味貝汁拉麵湯底有濃香之餘會慢慢滲出蜆肉鮮味和白松露油香，是少有海鮮味湯底拉麵，而且麵質細如天使麵，整個配合都和一般的拉麵完全不同，所以特別顯得與別不同。醬油貝味拉麵就是多了一層醬油和牛肝菌香，另外不得不提這裏的叉燒有兩款，一塊是慢煮叉燒，另一塊是三層的豬腩肉，和湯底一齊吃啱啱好，不會增加湯的油膩感。配菜的小棠菜亦很重要，將清新的小棠菜和濃湯一齊吃是很不錯的平衡。最後的唐揚炸雞是中規中矩，穩陣之作品，所以整個晚餐都是拉麵最精彩。絕對合乎預期。

今日一個人食午餐，不如就去食個拉麵啦！其實已經不是第一次食，所以都無抱太大期望🤣✿貝汁醬油拉麵 ($188/set)上次食過鹽味，今次就試吓醬油味。湯底有蜆湯，豬骨湯，魚清湯熬製而成，另外還有少許牛肝菌油、牛肝菌粉。試了一啖湯，感覺真係好似豉油味🤣🤣不過都有少少黑松露香，因為有少少放咗係叉燒上面，混合係湯底又多返少許層次🙂🙂至於肉方面，個人比較喜歡三層肉多過低溫叉燒，因為個人比較喜歡吃脂肪😆麵身亦都係我喜歡嘅幼麵條，幾有咬口，唔會話煮得太過火😉✿八爪魚沙律 另外仲有個小食，沙律菜係正常嘢🤣反而八爪魚🐙幾好食，可能本身我係八爪魚控😂😂不錯不錯！總括來說，個人會比較喜歡鹽味拉麵🍜📍 金色不如帰 (又一城)九龍塘達之路80號又一城LG2樓LG2-25號舖推薦指數: ♥ ♥ ♥ ♡ ♡性價比: ★ ★ ☆ ☆ ☆人均消費$200(自費食評）

今日同朋友去左又一城食飯，原來金色不如歸係一間出名嘅餐廳，佢喺東京嘅分店已經連續五年獲得米芝蓮一星嘅榮譽。我最近試咗佢，又真係幾唔錯喎。前菜食左涼拌黑松露墨魚（$70）呢道菜真係令我驚艷到！墨魚嘅肉質鮮嫩有彈性，配上香氣四溢嘅黑松露，味道更加濃郁。涼拌嗰種口感令味蕾嘅享受加倍，真係食咗一口就停唔到口。之後叫左濃厚白豚骨拉麵（$115）如果你係個拉麵愛好者，呢碗絕對唔可以錯過。白豚骨湯底濃郁香濃，拉麵彈牙有嚼勁，令人回味無窮。湯底嘅豚骨香氣深入骨髓，每一啖都好過癮。加埋啲滑嫩嘅叉燒肉同半熟嘅呀王蛋，真係一碗令人滿足嘅拉麵。鰻魚串燒烏雞定食（$188$）呢個定食真係物超所值！烤得香脆嘅鰻魚串燒肉質鮮嫩多汁，每一口都好滋味。加埋啲烤得恰到好處嘅燒雞串，口感嫩滑，仲有配菜同飯令呢個定食更加豐富，滿足咗肚子又滿足咗味蕾。金色不如歸都幾值得一試嘅餐廳，下次會再翻兜。

📌金色不如帰東京店連續5年獲得米芝蓮一星餐廳榮譽拉麵相當出色🍜湯底以豚骨湯、雞湯為基礎加入海鮮等食材熬製湯底，鮮味倍增🔖[ 貝汁醬油拉麵 ］$128平時鍾意食濃厚湯底，估唔到呢個相對清淡嘅湯底都好有驚喜✨湯底以蜆湯、豬骨清湯及魚清湯熬製而成食到魚鮮同蜆貝清甜加上黑松露醬、牛肝菌粉及牛肝菌醬提味味道更有層次，另外值得一讚係湯底好夠熱🍲拉麵配有一片三層肉及慢煮叉燒三層肉味道較濃郁而叉燒軟腍滑嫩追加嘅溏心蛋亦夠入味🥚雖然拉麵份量唔多但以質素取勝👐🏼🔖[ 比目魚柚庵燒 ］$118比目魚以秘製柚子醬油、清酒、味醂等醃瀆肉質細緻軟嫩，魚皮帶有陣陣魚油香而且好鍾意魚肉有濃厚燒烤香味，推介👍🏽🔖[ 生啤 ］$68地道日式食法當然要配上生啤至夠爽🥰