麺匠 真武咲弥 (Moved) New Location

大少同我今日衝出商業區，去咗灣仔度食北海道拉麵。大少叫咗味噌拉麵，而我就叫咗醬油拉麵。大少個拉麵油淋淋，碗湯浮左好多油，我試過個味，我覺得偏鹹，但係大少話OK。上網查過，原來油淋淋同埋味道偏濃嘅湯底係北海道拉麵嘅特色。我真係唔識貨。我自己嗰個醬油拉麵個味冇咁濃，亦冇咁油。個拉麵係北海道傳統嘅曲曲拉麵，同九州嘅直直拉麵係有分別嘅。我自己就覺得硬左少少，但係大少就話佢鍾意食比較硬嘅拉麵。碗拉麵嘅配料有筍，青蔥，洋蔥，同埋叉燒，大少同我碗拉麵都追加左半熟蛋。可能我食開九州嘅直直拉麵，唔係太識欣賞北海道嘅曲曲拉麵同埋咁濃嘅湯底，我自己覺得味道一般。今次嘅評分一般純粹出於個人喜好。

星期日下午途經灣仔，見這間拉麵站竟然有下午茶供應，原來是半份拉麵可加餃子或炸雞，一於同太太試試。叫了一碗味噌拉麵、一碗醬油拉麵加餃子。味噌拉麵先上，熱度剛好。麵條本身略粗，但彈牙，非常不俗。味噌湯底非常香及濃郁，啱本人重口味。另有薄薄一片半肥瘦义燒，好食。醬油拉麵味道亦鹹香，不錯。餃子充滿肉汁，但皮不算薄，亦較腍，但整體來說，都可以。另下午茶送罐裝汽水。二人拉麵下午茶約$100元，以價錢來說，非常不錯。

今日喺銅鑼灣行完街，行下行下就到咗灣仔，隨便行就入咗呢間拉麵鋪嗰度食，估唔到小店都有驚喜！呢間係名副其實嘅小舖，內部座位唔多，間隔亦都比較樸實。檯面有水同埋水杯畀顧客自己斟水，又有少量調味料，一切都好簡單、貼地。餐牌亦簡單！最後我點咗呢一份辛辣味噌湯底拉麵，黎到嘅時候見到面頭嘅蔥非常之豐富，青白色同個湯底好襯，食慾大增！佢嘅辣味好香，但唔算太辣，配合埋味噌，好易入口。湯底唔會話太鹹，但好濃郁。麵條咬落有彈性，同埋好掛到汁，連埋湯底一齊食啱啱好！半熟蛋蛋黃仲係呈流心嘅狀態，外面有淡淡嘅酒味，好香，就咁空口食都覺得好過癮，連埋個湯底有少少辣嘅感覺，更加可以豐富層次感！最後叉燒好大片，物超所值！脂肪分佈好平均， 唔會話太柴，咬落亦都好彈牙，好軟熟，唔黐牙！估唔到小店都可以食到咁出色嘅拉麵！分分鐘好過好多大型連鎖拉麵店！

今日喺銅鑼灣行完街，諗住食下日本野，朋友就推介左喺灣仔春園街既麵匠真武咲弞。（唔識點讀🤣）間拉麵店係細細間既，可以隔住玻璃睇師傅整拉麵。佢有三款拉麵可以揀，我覺得非常好，對於有選擇困難症既我就唔洗諗咁多，可以好輕易就揀到岩食既野。揀完麵之後，就可以揀加唔加大或者要唔要其他小食，咁就可以食到一碗好個人化既拉麵。炙熱味噌拉麵🍜呢個拉麵湯底好濃郁，啲麵既質感亦都唔錯。另外，我亦都加左叉燒同溏心蛋，令到成碗麵更加豐富。好大舊叉燒啊！至愛既溏心蛋🤤炙熱醬油拉麵🍜呢碗拉麵就無味增拉麵咁濃，但同啲麵都係好match,亦都好多配料，正！我同朋友亦都點多左個炸章魚燒🐙，新鮮即整既章魚燒，熱辣辣，好香好好味！

朋友係灣仔番工，話呢間拉麵吾錯，星期六放工之後就一齊去食。有三款拉麵簡，仲有幾款小食，我地一人叫左一個拉麵，再加一份章魚小丸子。我叫左炙熱醬油拉麵（$80）+叉燒（$15）+半熟蛋（$11）我好驚太咸既湯底拉麵，但呢個湯底岩岩好。特別鐘意個麵條，比較粗，咬落煙韌幾有口感，有三塊叉燒，叉燒都算肥瘦適中，至於個半熟蛋都唔錯，蛋白入味之餘蛋黃都幾流心，值得加！朋友叫左炙熱味噌拉麵（$80）+叉燒（$15）+半熟蛋（$11）。我試左佢既湯底，覺得都幾有驚喜，濃郁香醇，下次我應該會再黎叫呢個拉麵食。我地仲叫左章魚小丸子share（5粒$40），本身都無咩期待，但點知都幾好食，個外皮燒得好香脆，入面食到粒粒既章魚，點埋個蛋黃醬真係幾惹味。

近排又開始凍番，最啱食番碗熱辣辣嘅拉麵。黎到灣仔，就見到依間日式裝潢嘅拉麵店。拉麵店提供3款特定拉麵同埋1款每日限定嘅拉麵，仲有幾款小食，貴精不貴多。今次就想食辣，所以點咗炙熱辣味噌拉麵($85)，揀咗普通辣。首先試咗佢個湯底，非常濃郁，辣味好香，仲透出啖啖鮮甜味，唔係淨係得個辣宇。拉麵彈滑，而且份量非常多，我同朋友都覺得食得好飽。拉麵嘅配料有叉燒、蔥、筍等等，叉燒肥瘦均勻，好香口，有啲可惜淨係得一片，加$15就可以加多啲叉燒。再額外點咗自家制炸雞($55，共5件)，平時食開嘅都好細舊，點知依度嘅炸雞好有份量，炸得香脆之餘，仲調味得好惹味。我本身唔中意食雞皮好厚嘅炸雞，依度嘅皮好薄又唔肥依度，滿足咗我唔少，下次一定要食埋其他小食！

灣仔尼邊既街道有好多間拉麵店，尼間主打3種湯底。環境雖然細，不過食物質素高，食完好有日本拉麵feel。叫左灸熱味噌拉麵($80)，自家製炸雞($55)。味噌湯底濃郁，唔鹹亦唔油膩，所以食完唔會口乾。叉燒有1大塊，差唔多三隻匙羹咁大片，肥瘦均勻。而拉麵方面，軟硬適中，唔會過硬，所以好彈牙。另外，仲有大量配菜，有筍同芽菜。一碗既份量都已經夠飽。如果唔夠飽既話，或者想試下新食法，餐廳建議，可以配飯黎撈湯食，好似泡飯咁。咁既話，就可以連湯食哂所有野。炸雞大大粒 ，中間有d脂肪，所以有口感，炸完之後仍然多汁唔乾，肉質嫩滑。炸粉亦薄薄一層。整體，好少拉麵店會以味噌作為主要湯底，大多數係豬骨湯底，所以今次食到好濃郁既味噌，將前菜既湯當作主菜既湯，唔錯。如果下午茶黎食，會再平dd。

香港既冬天時凍時熱 呢個星期又話有冷風足到跌到去13度 凍冰冰當然要食返啲熱辣辣既野暖一暖個身天氣凍人都懶啲 係無時間食早餐之際仲要去到3點先有得食lunch 飢寒交迫之下途經呢處 見到呢間拉麵店 就即刻入啦店內大概有20個座位 坐低睇一睇menu 愈坐愈多人可能因為好少拉麵店會有下午茶 對於放飯時間唔定既人簡直係福音而成朝無食野既我就叫左限定既煮干醬油拉麵 炸雞 同可樂啦店員好好咁介紹呢個限定拉麵特別之處係湯底加左鰹魚去煲紙巾 水 調味粉 一應俱全好豐富既一餐拉麵加左芽菜 附上柚子同黑椒 為湯底提味不過就咁飲已經好好味 可以唔駛加都得湯頭係充滿鰹魚同醬油味 而且好清唔會好油麵係粗麵 好掛湯同有咬口半熟蛋做得好好 好流心叉燒層分明 一層肉 一層半肥肉 好正宗自家制炸雞即叫即炸 好熱辣辣肉質一啲都唔乾 好juicy 好食過好多炸雞店難怪連下午茶時間都會坐滿人而且menu有英文 所以亦都吸引到外國遊客能夠係凍冰冰既下午食個咁豐富高質既午餐真係好幸福

間餐廳位置幾方便，好近地鐵站。我5:00 到餐廳，可以揀Tea Set (半份拉麵加汽水），但因為我好肚餓，所以都係散叫😂估唔到咁早到都咁多人，有唔少學生放左學去食。第一次食緊係叫個招牌灸熱味噌拉麵，我好鍾意食粟米，所以加左$10粟米，個湯好濃味！我覺得啲拉麵幾特別，係粗身嘅，所以咬落好有口感，好滑同埋彈牙，軟硬度適中，神奇嘅係浸得耐都唔會林，係成碗拉麵嘅亮點粟米好甜，份量有好多。塊叉燒都幾林，肥美！但係如果唔加錢叫叉燒嘅話就得一塊+兩粒，下次我會加多一份叉燒順帶一提，d水幾好飲😂有檸檬味😂呢間餐廳嘅服務員好有禮貌，有客人入黎既時候都會大聲用日文打招呼，都幾有日本拉麵店嘅感覺😂下次試下個醬油拉麵先

炙熱辣味增拉麵🍜.又有好食既灣仔拉麵店介紹啦‼️選擇只有三款：味增/辣味增/醬油。所謂有真正既實力就唔需要太花巧，呢間店完全做到！湯底一D都唔油膩，但又做到濃湯既效果😍小編仲加左辣令佢更香😍麵條係曲麵，呈粗身，好索湯啊👍🏻叉燒雖然得一塊，但勝在做得好林又肥瘦適中😌.仲有小食可以加啊!點左份炸雞，有五件大大件，上枱好熱辣辣！欣賞佢炸粉勁薄，雞肉依然好嫩滑，面層既調味粉都好入味😁唯一就覺得價錢定得高左少少🙈😅.整體評價都好高分！

拉麵一向係my favourite !!😋😋 灣仔係好多拉麵店嘅集中地，今日就嚟食下呢個半開放式廚房設計嘅拉麵店食下啦！坐得出小小就睇到師傅煮野 幾有視覺效果😄😄 今次就試佢嘅味噌湯，加左d荀同蛋嘅，都係100蚊樓下🍜🍜 湯底十分濃郁，又唔會死咸👍🏻👍🏻 叉燒都幾香口，肥瘋分明嘅😀😀 而個蛋就真係必須要食，當然建議早小小食，放耐左會熟左ge 咬落去蛋黃好流心. 入哂醬油味，非常滋味😽 另外都加左一份炸雞($55/5pcs)🤠皮炸得剛好，唔會過火，食落脆口又夠薄💁🏻‍♀️而雞肉都好嫩滑，仲非常飽滿多汁添！再點上配嘅沙律醬超正😍😍😍 加左一支雲抹綠茶，好解渴的。另枱頭已經有lemon water offer.

平日lunch time行過都見呢間拉麵店，都幾多人排隊食🦔🦔 今日早收就嚟試下啦！ 餐廳係半開放式咁，可以睇到師傅煮麵😺😺💁🏻‍♀️今日就試下新湯底🍜🍜係煮干貝醬油湯($85)😈😈 本身已經包左蛋、叉燒、紫菜嘅👻另外都加左粟米同荀🤤🤤 湯底好特別，就咁飲帶鮮，比較清的。額外要加入薑蓉同干貝醬😬會提升左湯底味道嘅層次！呢度嘅麵係曲身同比較粗嘅🤤🤤掛湯都多d！而叉燒都幾香，唔會太肥，食落腍身的。半熟蛋好出色，比100分！🤠 另外加左炸雞👻👻好大件！55蚊有5件🐓🐓皮薄肉嫩，面頭有小小調味，可以自己加d辣粉食，味道更多元化😍😍 餐廳亦有lemon water offer. 幾貼心😽😽

成日一個人食飯都怕尷尷尬尬，所以我比較鍾意食拉麵，因為唔使同人面對面，以免尷尬癌發作。收工之後行去灣仔地鐵站，成日都經過呢一間拉麵店，今日終於可以一試。佢嘅裝修走比較平實嘅路線，冇誇張招牌，亦無鋪張嘅宣傳。佢嘅湯底只有三款，炙り味噌、炙り辛味噌同炙り醬油，仲有兩款小食， 選擇唔多。今次叫咗炙り味噌拉麵加大，其實唔使嗌加大份量已經好多，見到師傅用鐵鑊大火大炒個湯底再上碗，第一啖飲落去個湯係熱辣辣，難怪叫炙り。味道比較濃郁，似返日本北海道嘅口味，比較鹹，我個人比較重口味，所以我都幾鍾意。面條屬於粗身，能夠做到掛湯嘅效果，而且麵條煮得剛剛好唔會過分淋，口感層次唔錯。佢嘅配料加上薑蓉同白蔥，香港拉麵店比較少選用呢兩種配料，但配上叉燒，味蕾上的層次更加豐富，仲有有少少解油膩嘅作用。只可惜叉燒比較普通，而且厚度不夠，亦唔夠juicy，如果用火炙燒可能會更加好。整體來講，呢一間拉麵嘅質素絕對唔差，不過附近好食嘅拉麵比比皆是，呢一間真係會比下去，見到佢有一個下午茶餐好抵食，有機會再嚟試試下午茶。

呢晚自己一個人食，去到灣仔呢頭，記得朋友有介紹過有間日式正宗醬油拉麵，咁就去試下。餐廳環境:去到間餐廳之後先發現原來呢間係一間小店，環境幾有日本拉麵小店既感覺，可以話係隱世拉麵店，但衛生同環境都好ok的。餐廳餐牌:餐廳可以選擇既食物唔多，主要分為拉麵、飯同小食等等。我本身好鍾意食醬油拉麵，咁所以呢晚都叫返個醬油拉麵黎食下。呢間餐廳佢有張order紙比你自己揀返，咁你揀完自己想食既主食之後，可以加配料同埋可以加配小食。炙醬油拉麵 ($91):呢款炙醬油拉麵一黎到果陣，陣香味係真係有驚喜，係好香既醬油味 (仲有名顯燒過既味)，除左拉麵同基本既芽菜(唔記得左走)、荀同蔥等等之外，仲有一大片叉燒同幾粒肉粒，而糖心蛋係我自己加的，食拉麵無理由唔加埋蛋(就算加錢都要加哈哈)。拉麵既麵質唔錯，口感幾好，肉質鮮嫩，其實食拉麵大部分都大同小異，但呢到既拉麵主要醬油真係好出色，好香好好味，同埋重點係佢炙過之後既味道好特別，係其他地方未試過，呢個價錢食呢種質素，值呀！自家製炸雞 ($55):因為擔心一個拉麵會唔夠飽，所以我都叫多份自家製炸雞，味道都正正常常，不過不失，食炸雞最重要係個醬正，咁呢間係唔錯的，重

約左朋友係灣仔食Lunch，苦惱緊食乜之際，突然傳來一片火光，原來呢間拉麵店用緊大火煮麵，見咁特別天氣又凍就不如試下啦。呢到主要得3款湯麵， 分別係，味噌，辣味噌，醬油。唔可以好似其他既拉麵店可以自己選擇麵硬度 同配料份量 。同朋友都叫左味噌， 但佢怕唔飽就加底同一隻塘心蛋，但我覺得普通都夠份量。先講個湯，經過炙焰加持，熱辣辣，飲一啖成身暖晒 ，燒過既油脂香味更出，能夠同味噌互相調和 味道唔會好鹹；而個麵彈牙，份量多，夠粗易掛湯；至於叉燒切得比較薄，所以欠缺口感，亦都令到味道唔夠濃厚，比湯頭完全掩蓋。總結而言，拉麵好出色，淨係個湯頭夠熱已經贏到大部分拉麵店。但有樣野唔係好欣賞就係要收加一服務費，因為連裝水都係自助，何來服務可言呢。