麺匠 真武咲弥 (Moved) New Location

平時食拉麵都係銅鑼灣，尖沙咀，今次就一於係灣仔食la，e間拉麵店係用玻璃隔住個廚房，我係俾佢既廚房吸引左入去食( ･᷄ὢ･᷅ )，唔知點解望住人地煮嘢食，食都食得開心d(´▽｀)！我揀左佢地既招牌拉麵仲加左牛油，粟米(˶‾᷄ ⁻̫ ‾᷅˵)，第一次食拉麵加牛油，因為貪新鮮所以試下！拉麵好快就到，午餐時間即使人多，但都唔洗等好耐⁄(⁄ ⁄ ⁄ω⁄ ⁄ ⁄)⁄，估唔到碗麵咁大碗，我好仲意佢地既心思，將牛油切成星星咁，好得意，麵質唔錯，偏入味同彈，湯底超正，因為個豬骨湯味超濃，但一點都唔鹹，飲完一啖又一啖，叉燒肥瘦適中，我個人幾仲意，因為佢係厚切叉燒來的！(｡･ω･｡)ﾉ我嗌左個炸雞，因為心思思想試下，估唔到肉汁勁正，完全係冇太厚粉既情況，而且大大件好過癮！

喺呢個悠閒既星期日，小弟去左灣仔行下街睇下玩具咁，行完當然又係食tea既時間。本身想試下廉記冰室，但見到條長龍就5開胃，立即放棄; 如是者見到對面有間未食過既拉面店，而且有下午茶特價，好奇既小弟我即刻就入左去了。首先，環境不算窄，望落整潔，無異味; 台員正正常常服務，一坐低就俾餐牌同tea menu，正路。Tea menu係店家3個主打灸熱拉面既半價版，全部40蚊連汽水，還可以。最後，我就叫左個大辣既辣味噌湯拉面，試下灸熱拉面(好似話係抄過既湯底?)係米好食d。等左10分鐘，拉面送到。講真，賣相比一般低，少少失望，不過味道最重要，食左先講。湯底: 味噌味算濃，配以大辣味，易入口之餘都算有大辣既爽快感; 而且不算浠，口感濃度可以接受，ok的。另外一提，可能真係炒過既關係，飲落有多一種喉嚨熱熱既感覺，算特別。面: 因為tea得半面，所以份量就不評了，但如果少一點碎面會好好多; 而面質我覺得一般，偏軟; 味道方面有輕微鹼水味，可以煮得好dd(或者如來貨有關? 5知)，不過都吸到湯汁，可以啦。叉燒: 較多肥位置，但肉又偏硬，我不喜歡，無入口溶掉既感覺有失望。整體: 以4x既價錢有日式拉面配飲品

大熱天時食拉麵，對某些人可能是苦差事，但於我而言卻是一點問題也沒有而且還來得個愛吃呢....這一所來自北海道的拉麵過江龍，主打的是用火爆炒炙燒過的湯拉麵，而其中，又以味噌湯來作招倈。小弟一向不太喜吃味噌湯的，所以今次換來的，是一個黑漆漆的醬油湯底....用手摸一摸碗，發覺上是熱得燙手的，湯亦然。說老實，這是要讚一下；湯底的確散發出一股濃烈的炙焦醬油香，再加上有一點點的微辣。初時喝著實感到有點鹹但呷落倒可接受；麵條對我來說是較幼身但吸湯力甚強；除麵之外還加入了蔥粒、洋蔥及芽菜，算是有頗多的配料；叉燒片是瘦多過肥，咬下去有點柴韌，同樣的問題亦出現在湯中的叉燒粒。至於調味上它是走略甜的那一路....當然要能正確評價這裡的出品，固然要試試她的味噌拉麵啦....但單憑這碗醬油麵，亦可對這裡的水平窺之一二....

行經此過江龍 🍜拉麵店時，見到火光紅紅 🔥🔥🔥究竟發生什麼事？？原來是拉麵店師傅正在炒緊湯底 ...... 非常有特色 👍北海道扎幌風味，地道湯底會略帶點濃 😋進入拉麵店，日本地道拉麵店感覺 👍炙熱湯底可供揀選，主要是：味噌 或 醬油 😋而味噌湯還可加辣 🌶🌶🌶炙熱醬油拉麵 🍜大大塊厚切义燒 😋炙熱辣味噌拉麵 🍜 三級程度辣，我揀了普通程度，也覺得有點辣 😅小食系列有： 自家製炸雞 🍗、侍餃子 🥟 及 炸章魚燒 🐙好味的餃子 🥟再加配 這隻味付半熟玉子，非常好好味 😋 這碗扎幌地道風味炙熱湯底拉麵，真不錯 👍.雖然，湯底款式不多，只得兩款，但由於味道真的不錯，也會再次到此店食拉麵 😄

首先我是比較喜歡捲捲那種的拉麵。他們的麵是找本地的麵廠特製的，所以非常有彈性。我們去得比較晚，所以心頭好的醬油湯底已經賣完。只能看著旁邊三枚法國遊客享受最後三碗醬油湯麵🍜。而我們只好點味增湯底的。整碗湯有一股爆炒過的香氣，很棒！味增湯的其實也很濃郁，帶點鮮甜。配菜不少，有芽菜、洋蔥、竹筍、蔥。另外多加了顆溏心蛋也不錯。炸雞也還ok，酥脆，但味道單薄，可以再醃入味些。High-ball-lu 也好喝。

返工咁攰，放工想食拉麵獎勵下自己。因為前幾日先食完鳥華亭，今日想試下新野，於是就嚟咗呢間拉麵店啦！😆我嚟到嘅時候已經五點39分，錯過咗下午茶🙀今次嗌左灸燒醬油拉麵($80+10%)湯底熱辣辣，味道香濃偏咸，入邊有燒肉粒同叉燒。飲佢哋嘅湯，覺得質感同其他拉麵店嘅湯底有啲唔同，後來先知原來呢間嘅湯底用鑊炒出黎。湯底味道方面都幾重口味，就咁飲感覺有啲膩。麵條非常彈牙，掛湯力強，每條都充滿醬油香。-我係一個好鍾意飲湯既人，對我黎講，呢個湯底實在太濃味，唔岩就咁飲，不過都值得一試既👍🏻我諗我都會再回頭，試埋味噌湯底！

週五晚家人各有各開P，小肥唯有食自己，收咗工喺附近兜，結果就行咗入去春園街一家連名都唔係幾識讀o既「麺匠 真武咲弥」食咗碗拉麵醫肚。拉麵店門外貼滿彩圖餐牌。XO仔被吸引入店係因為門外位妹妹實在落力又好客，加上透過玻璃窗又咁啱見到帶哂手套同帽o既師傅喺度表演，或許這就是緣份吧。小店為搭枱制，枱號可於牆上找到，嘻嘻，當日好好彩地有三號枱坐。餐桌上有齊凍水、水杯、紙巾、筷子、調味料，明顯全為自助式。四周牆身都有海報及紙條推介套餐及可追加項目，而且清楚標明只收現金。桌上亦有擺出彩圖過膠餐牌。點菜紙簡單易填。炙熱醬油拉麵（$80）：大大碗拉麵不單夠熱，份量亦十分強勁。黃色o既麵條煙韌有彈性，醬油湯底香濃而不膩。整碗拉麵o既精髓就係頂面嗰塊靚叉燒，其肉質軟腍嫩滑，個人覺得係自己食過咁多間拉麵舖中最正o既一塊叉燒，實屬「一番」（Ichiban）！最意想不到就係湯入面嗰啲豬肉粒都一樣咁軟熟可口，絕對值得推介！「ごちそうさまでした！」

環境4分：呢間日式拉麵店比一般拉麵店大，感覺上冇咁逼夾，所以畀四分。衛生4分：筷子清水紙巾任用任飲，地方都好整齊。服務5分：侍應服務態度殷勤，快手快腳，見到冰水壺Ｄ水就快冇就拿拿林換嗰支新嘅，所以畀五分。味道5分：1)      日式拉麵麵豉味，湯底幾香，個麵就係黃色粗身Ｄ麵底，最出色都係塊叉燒，同埋啲叉燒碎粒，不肥不瘦，超級嫩滑。尤其最特別就係有啲薑蓉，真係第一次見，但食落同啲叉燒又非常之夾，再加生蔥，可謂一絕。2)       小食叫咗碟炸雞， 絕對唔油膩又脆卜卜，中間又唔鞋口。 抵食4分：正常價位日本拉麵，一碗拉麵同炸雞小食相當豐富飽肚，抵讚。

有日要自己一個人食飯，食自己其中一個好選擇就係食拉麵反正自己食又唔會坐得雲耐，省時間又想好食既嘢非拉麵莫屬依間真武咲弥聽聞係依頭幾受歡迎，唔講唔知原來佢係日本傳過黎架入面舖面乾淨企理，由於早食飯既關係所以無咩人有吧枱位坐，亦有四人位坐方便起見，店舖都採用畫紙仔既點餐模式隨意加餸同叫小食依個係期間限定拉麵，睇落幾特別，不過初到貴境就叫樣傳統既拉麵好似好啲店舖仲會做埋外賣，仲有丼飯食男士最愛既啤酒餐嘆住日本啤酒配日式炸物下次先試店舖係日本分店分佈圖，唔講真係唔知係過江龍點完餐後師傅開始煮啦但原來店舖特別之處係個湯底係用鑊炒出黎架鑊中既湯炒到起晒火我叫既係炙熱辣味噌拉麵賣相極為工整碗麵一上枱果時噴出陣陣薄煙架先飲一口湯底，感覺係有炙熱但又唔會炙傷個口，熱辣辣既感覺係源自鍋氣啊而拉麵質地很彈牙亦很值得一讚另外叫多一味小食，係自家製炸雞意外地好食表習炸皮較薄，更突出雞肉既嫩滑質感，香口得黎又唔太熱氣，推薦

一個人去灣仔辦事，例牌完事之後在附近搵好嘢食，本來打算食粉麵，點知比我發現一間拉麵店改變主意，因為佢用個鑊炒湯，拉麵的豬骨湯如果炒過應該會非常香，豬骨的肉香會被高溫迫出，唯一方法可以知道真相就係親身去體驗，要試出真功夫要從基本開始，所以要食基本的醬油拉麵，先飲一口湯，油裏面爆出肉香，濃郁豐富，叉燒半肥瘦，傳統的日本叉燒，採用比較粗身的拉麵，夠煙靱，呢碗麵我比7分。拉麵店建議客人試一味粉，辣辣地，即係辣椒粉，仲有啲咖喱粉，食完麵之後加左啲落湯，就變成咖喱湯可以撈飯食，應該都會幾好，今日冇試。仲食咗炸雞，唔油膩，夠香脆，裏面嘅肉仲好熱，而且非常滑，又係攞7分。

日本拉麵百吃不厭，何況每間麵店街皆各有特色，星期日行過灣仔春園街購物，發現一間北海道拉麵店"麺匠 真武咲弥"，特色是湯底是炒的，未食已經估到香惹。面向街的櫥窗，可以見到師傅在大鐵鑊上炒湯，突顯這店的特色。深長的舖位，正好適合做拉麵店，我們坐在面壁吧位，背面設置方桌位。選擇容易清晰，基本上只提供三款拉麵湯，首先你要考慮是味噌或醬油湯底，如果揀前者可以揀辣的，小食方面有炸雞、餃子及炸章魚燒，飲品是基本的汽水飲料。留意到有個新口味，柚子鹽味雞湯拉麵。港式做法，供應下午茶餐及外賣套餐。入鄉隨俗，先要了解這裏的吃法，師傅有教，必須閲讀。桌上備有一味粉及咖哩粉，必須吃得有序，方能品嚐與別不同滋之味。首次光顧先試招牌，我選了辣味醬油拉麵加大版，追加紫菜及半熟蛋。加大版麵的份量是1.5，碗都比較大。普遍的日式肥叉燒有燒肉粒。粗大的麵條，口感比較腍，飽滿吸汁。我選了普通辣，湯頭只是微辣，濃郁味香，明顯有炒肉的香惹，難免有點膩。有趣另類，不妨試試。

走進春園街，遠遠看見門檐上掛著的大紅燈籠，就知道自己沒有找錯地方🏮時間稍晚，店面不算大，顧客只有數人，我獲安排靠角落卡座，位置算頗寬闊，坐得舒服😌醬油拉麵似乎在香港並不特別普遍，而這一碗絕對有驚喜！這裏最大特色是湯底都經高溫炙燒處理，醬油湯也不例外，拉麵上桌時，石碗熱得燙手，連帶裏面的湯和麵都保持高溫。湯頭顏色很深，除了醬油本身的香甜，還能嚐到一絲絲魚乾和香料的味道，層次豐富，甚至讓湯頭變得濃稠，令麵條能夠輕鬆掛湯，吃醬油拉麵很難得有這種體驗另外厚切叉燒肉質極捻，油脂分佈平均，輕咬一口即香氣滿腔，配上香濃醬油湯，享受一流吃完後已經忍不住想要試其他湯底的拉麵，希望快點有機會再來！

去買奶茶給老爸前，先餵飽自己。最想吃的雞球大包又售馨，於是再走前幾步去吃拉麵。一個人，最適合吃拉麵，快捷，飽肚，美味。甫走進店內，嬌滴滴的女店員問「一位？」，然後示意我就座。竟然有下午茶餐，半份麵的份量售＄40，半價！還送飲品，十分抵食。其實見到個叉燒丼都心郁郁，但始終是拉麵吸引，而且很久沒有吃過味噌湯底。炙熱味噌拉麵女店員雙手捧著，為我送來拉麵，臉上掛著超親切的笑容，放下碗後說了一堆日文，原來她是日本人。未吃已聞到味噌的香。把鋪在上面的薑蓉、蔥和芽菜拌勻，就可以起動了。吃拉麵最喜歡它的嚼勁。之前去麵屋一燈，即使湯、叉燒、雞叉燒等都一流，但幼身的麵始終不是我杯茶，再吃也只會吃它的沾麵。見到粗身的拉麵有如抽中獎。落單紙上沒有如其他拉麵店般加入多個個人化的選項，如軟硬度、湯底的油量等，反而感覺更正宗。麵質正合我的喜好，夠硬，嚼勁十足，但不會太過份。試過有次點了較硬，邊吃邊後悔，硬得吃完牙骹都緊了。這個適中的硬度確是一流。拉麵掛滿湯，湯夠濃厚而不會黏稠或油膩，啖啖濃郁。偶爾吃到薑蓉的微辣，有突如其來的清新，十分特別。半肥瘦的叉燒，肥瘦相隔，肉質軟腍、濕潤，以味噌湯作調味。芽菜有清新之效，卻不

近年多左日本拉麵店來港開海外分店，大路嘢相信好多港人都食過晒架啦，大家都知道拉麵精髓之一係湯底，而依間同樣來自日本既麺匠 真武咲弥，湯底真係落足功夫，係用鑊鏟炒出黎架今次一試覺得真係極為推薦一坐低即睇餐牌，依個係主餐牌，全部散叫的。三款主打拉麵都係80蚊-85蚊，屬正常香港拉麵價。另有小食兩款，我就打算同友人一人一碗麵，另加兩款小食飲品方面，有汽水、支裝綠茶、檸茶同埋啤酒，都算幾齊全。依個係下午茶餐牌，我地係食晚餐所以用唔著，不過就咁睇覺得下午餐都好抵食，40蚊包飲品，又可以平啲既價錢另加小食餐廳仲有丼飯食睇樣覺得幾靚，留番下次先試啦下午茶餐都有丼飯食不過今次我地唔係食下午茶。我就叫左支綠茶黎飲，話晒食啲熱辣辣既嘢，搵支凍飲黎送會爽啲支茶係無糖既，清涼可口又有陣陣煎茶味，比想像中還要好第一款小食係侍餃子煎得很不錯，入面包住既應該係豬肉，咬落去表皮雖然並非走香脆路線，但質地軟熟得黎有咬口，肉味香，整體食落又唔會太濃味同太油，不錯第二款小食叫左依味自家製炸雞依個真係推介佢炸皮唔厚，新鮮炸好香脆之餘，亦唔會太油太肥，入面既雞肉仍然保留肉汁，點埋沙律醬一齊食味道更有層次終於到主菜出場我叫既係炙

早排同女朋友行完利東街，就喺附近搵吓餐廳食晚餐，由於太耐冇食過拉麵的關係，又想試吓新野，所以就入咗嚟呢間餐廳食拉麵啦。呢間餐廳嘅價錢都唔算太貴，一個拉麵大概＄80左右，算係香港食拉麵的市價啦。我哋食一間未試過的拉麵餐廳時都會揀返佢地的招牌拉麵，通常都冇乜伏。個拉麵嘅湯底都非常之濃郁，舊叉燒亦都唔錯，肥瘦均勻，麵質亦都幾爽口，算係我鍾意食嘅拉麵嘅味道。呢間餐廳距離灣仔站大概只有5分鐘步程，雖然附近都有好多好食嘅餐廳，但如果想試吓新野嘅話呢間都算係一個唔錯的選擇。