Reactors Coffee

Open Now

Now Closed

我第一次係openrice 寫食評想講兩位女侍應態度超級差而且意粉好似咬緊膠只能講10分裡面只有1至2分真係未食過咁難食既意粉我本人既㕑技有限相信都會煮得好食過你地雖然你地舖頭係第一城插到旗都唔洗怕無人食但真心想講如果繼續咁既服務態度你地一定唔會做得長P.S 如果openrice 個服務分可以比負分我相信會比負100分絕對連0分都無

向來真的不想寫差的食評，但今次一定要反映。由於近年搬咗入沙田第一城，故此都經常幫襯，最近覺得服務員態度真是十分惡劣，帶了口罩都覺得她有黑臉，作為一間咖啡店，客人就係要為一日忙忙碌的工作，帶唞唞氣😤我想講一間本身有好評的咖啡店，除了食物質素要keep 到水準之外，店員服務都仲好重要。希望餐廳能有改善，不是只是要有好食評就算。有好多連鎖咖啡店，都要訓練員工面帶笑容及好的服務，才能吸引回頭客。如果不是沙田第一城只是得得呢一間有水準的咖啡店，我都不會受着起來幫襯😳

轉左去第一城返工，又可以搵新野食。第一城商場無乜小店，今日試左呢間coffee shop 。上星期被佢嘅coffee 香味吸引住，但可惜無位，好full。今日早少少1點前都仲有位，不過落完order 就滿座了。今日試左：意大利巴馬火腿茄乾意粉😍意粉係我最鍾意食的乾身煙靭質地，好好味😋可惜無影相🤯Latte 👍🏼有下次👍🏼

開頭都只係抱住一個“是但飲杯迴雲啡”嘅心態黎點知有驚喜wor奶打得好滑咖啡base個blend都好滑我忍唔住去同barista講真係好好味最搞笑係距話“我都係一時時架咋”又會甘誠實嘅California egg benedict都唔錯好特別係香港比較少食到

位於商場地下，座位位於商舖對出，大概30人。商場劃出左一個area，座位開揚，唔逼。小店主要提供輕食，咖啡，有個corner賣咖啡豆。✨味道69分，環境70分，服務69分。.🔸薯仔蛋沙律酸酸種麵包($52)份量好細，早餐唔係好夠飽，沙律一細球，一片薄麵包，幾條沙律菜。薯仔蛋沙律都係正常，味道唔錯。酸種麵包一開二，烘到脆卜卜，沙律菜主要有火箭菜，冇調味。.🔸煙三文魚奄列精選($58)奄列內有熱熔芝士，蛋剛好，唔會整到好老。揀左煙三文魚，另可選黑松露野菌選擇。沙律主要係冇調味既火箭菜。.🔸Mighty Leaf Tea跟餐茶包，四種選擇：伯爵茶/英式紅茶/茉莉/洋甘菊。.🔸Latte(+$22)⭐️幾滿意嘅係佢嘅咖啡！可以俾你揀Fruity定Nutty。個人喜好nutty，沖出嚟都幾啱我口味，拉花都幾靚。

話說今日就黎到第一城，減緊肥既我想食得健康d，但係又想食得好味。見到呢間Reactor Coffee，主打西式食品，又口痕想食煙三文魚，就決定食呢間啦！呢間係開放式座位設計，喺第一城入面都相當有浪漫情調。用餐係想去Cashier點菜，再去拎位，採用自助式風格。咁我就點左呢個180度 Salad，入面有煙三文魚，蛋沙律，紅火龍果，牛油果同沙律菜，再伴有奇異果醬。食落感覺真係好Fresh，最令我感到Surprise係奇異果汁，係真係非常新鮮。同沙律菜攪拌係昇華左成個沙律。但係美中不足係沙律汁太少。其他配菜感覺都幾搭，連我呢個唔係好鍾意食沙律蛋既人都覺得唔錯。其實呢間我見好多人都有點咖啡，因為我坐係近廚房所以都聞到陣陣咖啡味。今次因為已經夜晚，所以就冇叫咖啡。但係若果下午茶與好友小聚下，感受咖啡店氣氛，比起到連鎖咖啡店，呢度會更有氣氛。

想試第一城呢間cafe好耐，今日終於有機會黎到試吓！😍牛油果煙三文魚班尼迪蛋🥚🍳🥑 嘅擺盤有驚喜🤩 sourdough、牛油果、煙三文魚同egg benedict 全部層層疊咁疊起，視覺效果唔錯🤣 牛油果幾新鮮，egg benedict 煮得岩岩好，sourdough烘得好香、上面搽咗cream cheese，配埋其他配料一齊食好滿足😋 食完好飽肚添！飲品跟埋主食可享半價優惠！ latte拉花好靚💕 而且咖啡可自選nutty/ fruity口味～ 入口溫度剛好、泡沫夠綿密幾好飲喔☺️

今日專程來到第一城食早餐，早餐梗係要一杯靚咖啡啦！呢度咖啡好飲之餘亦都非常靚，睇吓圖中嘅latte art就知道，靚到唔捨得飲。食物非常簡單健康。今日食avocado sourdough, avocado生熟啱啱好，個人覺得非常難得，好好食呀！sourdough唔合格，sourdough唔sour，sourdough係要有長時間ferment先會sour，好多餐廳都為求成本效益，serve一啲未ferment得夠嘅sourdough，呢間餐廳就係例子之一。好在有perfect avocado 加番分😛我應該唔會再嚟，有位女店員嘅態度非常之差。如果要飲靚咖啡，我都係返去石門whitewood coffee。不過難得沙田區有好嘅latte，我都會俾好評。

返到以前讀書的地方慢慢回味下以前讀書嘅日子見到呢一間這咖啡店反正有幾個鐘頭不如買杯咖啡坐低飲呀叫左一杯美式咖啡會問你想要fruity啲定係nutty我就話我想要fruity坐低慢慢等就有職員將咖啡送過來連埋有個號碼牌號碼牌上面有一啲咖啡品種可惜係職員無同我講所以太清楚牌上面嘅咖啡種類係咪就係我飲緊果一杯但的確店員會點餐時問清楚你想飲咩口味所以如果你唔太識你可以叫店員介紹坐得太耐有點唔好意思所以就叫左一個檸檬撻哩嗰檸檬但亦都係非常美味檸檬味唔會酸到喉嚨唔舒服甜味亦都啱好但提提大家最好就係買左檸檬撻先, 再加購咖啡因為咁樣你可以用優惠價錢買到杯咖啡如果你好似我咁買左一杯咖啡先隔左一陣先至再買檸檬撻優惠就做唔到啦

因為就係屋但樓下 基本上每天都會嚟特別欣賞佢哋嘅咖啡你可以選擇fruity 或者nutty嘅咖啡豆咖啡師拉出嚟嘅每一杯咖啡都好有heart 試過有一次員工拎杯咖啡出嚟倒瀉左少少係碟 佢哋都主動沖過一杯比我 最愛晚餐： Salad-Degree 180 /220/ Honey Pig Salad Bowl沙律菜非常新鮮 佢哋係用高級食材做沙律菜Honey pig 有點似食豬肉乾咁 不過就有套餐包左杯茶/咖啡沙律係跟芝麻沙律醬 如果冇avocado 佢哋會跟大啡菇 一樣好好味😋

今朝早食咗早餐至出門口，所以10:00嚟到坐低都唔係好食得落野。於是嗌左杯齋啡飲。果然係一間專業嘅咖啡店！落單時同事問我想飲乜嘢味嘅咖啡，想 bitter d? Fruity d? 我話想要fruity 啲.結果來了這杯 beauty ! 好 refreshing ！一啲都唔苦，感覺清甜清新，一流！想知道自己飲緊啲乜，玄機就在號碼牌上！原來咖啡的名字，來源地，處理的過程，味道特點⋯⋯等等，都可以在號碼牌上讀到。咁就可以開始慢慢學識辨別自己喜歡的味道，同埋下次再encore了！真細心！

☆𝘙𝘦𝘢𝘤𝘵𝘰𝘳𝘴 𝘊𝘰𝘧𝘧𝘦𝘦文青輕食型咖啡店💛可以選擇多款all-day breakfast、意粉、貝果🥯、班尼迪蛋等-Avocado smoked salmon egg benedict （$108）牛油果🥑+煙三文魚可以話係café嘅經典配搭(?)🤣每次去咖啡店都會嗌呢款餐點～望落份量唔算多其實幾飽肚，sourdough上塗抹大量cream cheese，放上牛油果粒同煙三文魚，配埋流心嘅蛋汁，味蕾大滿足😋(˶‾᷄ ⁻̫ ‾᷅˵)推薦指數:7.5/10.Chicken spaghetti with tomato sauce（$75）意粉軟硬度適中亦好掛汁，醬汁調製得唔錯，用新鮮蕃茄製成🍅加埋雞肉，酸酸甜甜既開胃又易入口(˶‾᷄ ⁻̫ ‾᷅˵)推薦指數:7.5/10.Rose latte（$21👈🏻lunch set半價）想飲特別嘅咖啡就可以點rose latte☕️咖啡底揀左nutty，飲落去有淡淡的玫瑰清香，甜度啱啱好中和苦澀嘅咖啡，味道幾特別，值得一試🌹P.S. 咖啡轉oat milk +$4 (˶‾᷄ ⁻̫ ‾᷅˵)推薦指數:8/10

Salad Degree 220😝😝$89慢煮雞胸🍗、沙律菜🥬、羽衣甘藍、牛油果🥑、杏仁、藜麥、青瓜🥒、車厘茄🍅、芝麻醬（自己落）。雖然我唔知個名點嚟，但呢個配搭幾健康🤭🤭。牛油果熟得幾靚🤭🤭羽衣甘藍好香好似紫菜味🥰🥰雞胸嚟講只係少少鞋但係係正常程度，夠味。杏仁碎添加咗味道同口感。最鍾意就係個醬自己落，唔會好似逼人食好多咁。燕麥奶 $17（跟食物半價）燕麥味好香🌾🌾溫度冰凍，唔會太淡或太甜，係我暫時遇過最好飲嘅植物奶。

好鍾意呢間舖頭食嘢，原因係嗰啲意粉真係好好味。個人食意粉唔鍾意太多汁，亦都唔鍾意啲意粉太過淋。成日都覺得意粉易整，但整得好食並唔容易。呢間我真心欣賞！食過佢幾款嘅意粉都覺得係水準之內，麵嘅硬度煮到啱啱好，調味都到位，唔會太鹹都唔會太淡。最鍾意食嘅蒜香意粉，唔係好油但係都蒜味濃郁。曾經食過佢嘅卡邦尼意粉，芝士味都好濃！所以未曾令我失望過🤤近餐仲可以配咖啡，咖啡有得揀nutty or fruity d嘅咖啡。雖然飲咖啡唔叻，但係鍾意飲佢杯咖啡，同埋覺得好香好飲🥰價錢方面，就係第一城地段嘅價錢，所以都少偏貴🤣🤣🤣但佢係黃店又好食，所以間中都要返嚟食下🥰🥰

係屋企樓下食飯 又想食得黃 (又想好食）選擇真係唔多.. 所以又黎到呢間我wfh 時候的飯堂😂 午餐選擇其實唔算太多 有all day breakfast 幾款pasta 同一款risotto~ 然後飲品半價🥰如果兩個人食我建議可以叫一個pasta一個risotto咁share食😃因為食pasta份量唔多未必夠 而risotto 就可能太漏～share 就剛剛好了! 飲品就例牌 cappucino (nutty)! 價錢其實唔算平 ($100 左右啦）但味道都幾唔錯～所以都好多街坊幫襯㗎第一城嘅黃店少之又少 仲要係味道唔錯既 呢間真係我呢個街坊的心水之選😃