紅堂 (Closed)

估唔到銅鑼灣有個咁雅致嘅地方可以打邊爐，最開心就係有卡位座～清油養生麻辣鍋拼東北酸菜白肉鍋$168湯底揀得實在太好～鐘意食辣嘅朋友，呢度嘅麻辣鍋一定唔會令你失望，辣得好過癮！有鴨血同豆腐～嫌唔夠辣嘅仲有兩款辣油比你自己加辣架！ 酸菜白肉鍋好多酸菜同白肉，好夠酸，同埋食完麻辣鍋再食呢款可以解到辣，兩款湯一齊食都好夾麻辣和牛餃$68呢款餃一咬落去d辣汁就噴出嚟，太刺激啦！手切西班牙牛頸脊$268打邊爐特別係麻辣湯底，一定要食牛啦～嫩滑無筋，唔肥膩萵筍小花$58夠爽脆清新，排得好靚寛粉$28份量都幾多，兩個人食一份都夠，建議加落麻辣湯，索晒辣汁好正！打卡仲有啤酒送～

呢間火鍋店既設計非常型格同帶神秘感 一拉開大門 就會被餐廳紅色既燈光同黑色既中式屏風吸引住 職員好窩心安排咗我同朋友坐係小房間 有獨立既私人空間 我地就可以邊講心事邊享受美食 有極大私隱度紅堂既麻辣湯底出色當然不在話下 清油養生麻辣鍋 以菜油為主既麻辣鍋 有20幾種養生材料熬成 回甘不嗆 湯底有千層豆腐同鴨血 超足料好味其實佢地既東北酸菜白肉湯亦都好吸引 呢排天氣咁熱 呢個湯底酸酸咪咪超開胃👍🏻 未放野食我已經急不及待偷食湯低既酸大白菜同五花腩肉 不得不提 白肉既數量都絕不吝嗇 用呢個湯底烚肉同配料，完全無油膩感 仲可以幫助到消化 個肚就可以裝更多野食物🤪西班牙伊比利霜降豚肉一開始係俾menu既玫瑰花造型吸引住😍上菜個陣真係睇得又真係好好味 平時去打邊爐，都無咩期望佢豬肉會有驚喜 所以都係求其放落湯底等食 呢個霜降豚肉就算烚耐左 肉質依然保持鮮嫩有彈性 而且完全無腥味或者雪味 性價比極高呀！ 重點配埋酸菜白肉湯 完全零油膩感🆙嫩豆腐超級滑嫩 我地再叫左蔬菜拼盤 一個盤有齊唔同蔬菜菇同南瓜🎃 健康一下 最後嗌埋寬粉 配埋麻辣湯底真係完美啦本身友人想再去食甜品 我就提議不如係紅堂試埋店家既

夏天嚟食麻辣火鍋聽起來好似好癲，其實有一定的食物哲學喺裡面，可以天時暑熱無胃口促進食欲，辣椒素亦有助排汗釋放體內濕氣毒素預防中暑，中醫話齋“寒熱調和，春夏養陽”，所以熱死辣辣打邊爐先係至好。到咗即時叫咗個小食頂下肚先“蕃茄甘醋清”話梅味剛好，開胃小食。“麻辣帶子多士”夠脆口再嚟睇下湯底，鴛鴦湯底收一個價錢，麻辣鍋湯底有鴨血和凍豆腐，酸白菜肉鍋酸白菜醃得夠味，西班牙豬爽彈。七色乾碟，唔係齋得個樣，用嚟點牛肉一流。叫咗客“牛肩胛肉”好新鮮夠哂滑。“蒜泥白肉水晶包”一碟有辣與唔辣2款口味。自家手製“紫菜響鈴”直接齋食都好正黃喉夠新鮮爽脆哈仔燈籠用新鮮蝦再加蝦膠，絕配！正湯底梗係要叫客“凍豆腐”來索湯食影相打卡飯後甜品😆

又去我最近大愛的紅堂雙拼湯底毋須額外收費，只以價錢較高者計算，十分均真！上次試了它們的招牌紅堂和牛牛油麻辣鍋，今次決定一試清油養生麻辣鍋！湯底內有鴨血和冰豆腐等，麻辣中帶出一點藥膳甜味！東北酸菜白肉鍋酸菜味十分突出湯底未滾起前，先來些佐酒小食！紅堂Shake  Shake炸酥肉有辣粉及花椒粉提供，有得玩有得食麻辣雞翼有驚喜！既香麻又不嗆辣，更有淡淡的南乳味道美女老闆娘誠意推介是日精選池板！乃牛前腿的肌肉，薄身脂肪多，肉韌但牛味十足

5月7日（五）難得約好了幾個閨密收工去銅鑼灣食火鍋，之前聽朋友介紹有間新開既火鍋店，原本訂了8:00食飯，我們7:45到達，出𨋢後完全找不到正式門口，只見一大堆雜物，沒有餐廳照牌，起初以為沒有營業或者已經關門大吉，幾經辛苦終於入到去，發現所謂訂座，原來是要等位，等了一段時間，門口的帶位看似完全沒有經驗，還好尚算有禮貌，但對於座位安排極差，場內環境如同街市一樣，不知所謂的音樂，完全9唔搭8，覺得嘈吵，準備落單先叫幾支啤酒解悶，點知啤酒完全唔夠凍，見到場內侍應已經很忙，最後唯有免強接受，另外順便一提，見食評資料發現房間內的Led燈真係得啖笑，最後朋友們選擇咗很多特式食物，上餐時大家都很開心，忙於而家既飲食文化，手機食先😬上了很多火鍋食物，但等了很久都沒有鍋底，經多次向侍應追單，等了20分鐘先出到個鍋底，與啤酒一樣，完全係唔熱😡落枱時有位疑似經理的人向我們致歉，但開著電磁爐都還要10分鐘先滾起鍋底，所有人的食慾和氣氛跌到落谷底，印象中我們差不多要接近9:00先可以用餐，難度火鍋店轉了日式刺身料理，最後因為營業時間至10:00，感覺原本有2小時朋友聚餐，變了1小時快餐式打邊爐😡真係掃興到一個點

朋友生日，一早就打去book左枱同佢慶祝，上到去餐廳，環境真係幾靚嘅，古色古香咁，食物正常，酸菜白肉湯底反而出色過麻辣湯底，呢樣最有驚喜！另外，毛肚黃喉的質素都ok，叫左碟西班牙牛頸脊都幾好味！但講到服務方面，真係有待改善，食到咁上下已經不斷有職員入黎收野收碟，其實有啲煩囉，根本張枱就夠位擺嘅！最後我去完個廁所返埋位，都未叫埋單已經直接隊張單埋黎要我埋單！講真，價錢都唔算平啦兩條女食左900幾蚊，咁嘅服務，無下次，完。

今日去左試新野，登龍街的紅堂四川火鍋。朋友們都是火鍋控又喜歡食辣，四川就一定有麻辣，3個人，點左麻中辣（已配有鴨血）同花膠雞双併湯底，除左基本調料，枱面仲放左兩支花椒油同辣油，大家都揀花椒貪佢嘅香味。先要個即炸紫菜响鈴及魚皮做小食，脆卜卜，好香口。跟住叫齊牛，羊，豬肉，海鮮拼盆，蔬菜藍，凍豆腐及店員推介的蝦佬sushi, 蝦膠上面有隻新鮮大蝦，幾特別。大家都鈡意個豬肉，係黑豚梅肉，好爽彈。整體食物，環境都唔錯，每張枱用木框間成小房間。聽講還有午試火鍋套餐，下次可再去試試。

終於明白有啲頭緒點解餐廳叫「紅堂」，除咗佢哋出名「麻辣養生火鍋」之外，佢哋嘅裝修佈置都係以紅色為主，俾人有火紅火熱嘅感覺唷！更加幸福嘅係兩個人已經可以擁有一個VIP包廂，可以喺一個私人空間開心咁打邊爐！唔使擔心食相嚇親其他人啦！經店員嘅介紹底下，我哋嗌左個鴛鴦鍋，左邊係麻辣養生鍋（揀咗小辣），另一邊係酸菜白肉鍋，因為朋友仔唔食得辣所以揀選鴛鴦鍋就最好不過啦！冇諗過麻辣鍋底仲會有埋凍豆腐同鴨血添，而酸菜白肉鍋裏面仲有好多白菜仔同白肉片，相當多料！店員仲話可以喺打邊爐之前先試下伯玉湯個湯底，果然冇介紹錯，清甜開胃！手切西班牙牛頸脊西班牙牛頸脊，厚薄適中，肥瘦均勻，一大碟約有20塊。簡單放入鍋底煮一煮就可以食啦！牛肉油香肉濃，塞滿左麻辣湯香味，正唷！西班牙依比利豚梅肉薄切嘅豚梅肉粉嫩，我選擇放喺酸菜白肉鍋煮一煮，希望保持佢嘅肉香。由於太投入食白肉，遲咗拎起豚梅肉！豚梅肉依然爽口彈牙，肉汁依然！黃喉平時食黃喉就多，和牛嘅黃喉就第一次食，感覺上更加爽口香脆！值得一試！蔬菜菇類拼盤食肉嘅同時，都需要食返啲蔬果菇類平衡返。我鍾意擺喺快啲菇類喺麻辣養生鍋，吸滿麻辣嘅香味，入口更加惹味！整體來講呢間餐廳

.裝修好in好靚既火鍋店，仲好有gimmick!Am i hot? Damn its HOT!貼心既「im too hot for you圍裙」.Damm Lemon$42酒精成份3.2%唔高，淡淡青檸味，配火鍋一流。（我地係fb share左餐廳相，可以免費有枝啤酒/碗冰粉送）.清油養生麻辣鍋 拼 東北酸菜白肉鍋$168.秒殺牛舌$98我真係數住淥10秒就食，薄薄既牛舌但爽口而且牛肉味濃郁.川味嫩牛拼盤$168 麻辣牛、泡椒牛 及 原味牛嫩牛打邊爐好正呀！呢個拼盤有齊3款口味，我由原味食起，之後泡椒味好食！牛肉已被泡椒汁醃了，惹味；而麻辣牛就最刺激，因為好香辣椒味！三種口味既牛肉都好嫩好滑。.蝦佬 Sushi$88餐廳好有創意既作品！外型賣相好似一舊蝦壽司，其實係芝心蝦滑+新鮮蝦，而且蝦滑好鮮味。.蒿筍小花$58蒿筍片勁薄，淥一淥就食得，爽脆而清甜。紫山藥$68紫色既淮山好少見！原來味道同普通白色既冇分別。.鴨血$48本身麻辣湯底有既，但佢又清又吸收晒湯汁，唔夠喉要encore.拔絲糍粑炸彈$88靚女老闆推介，話香香公主都食過！我自己食完都覺得係必點甜品！首先賣相好靚，糍粑外層俾拔絲

最近香港的疫情不斷好轉，相信不少香港人也回復正常生活,大家港人最愛的一定是打邊爐,今天來到了氣氛十分之好的食店嘗試一下高質火鍋配料.這個酸菜鍋十分之有特色，肉類也分量十足，加上自家製的酸菜，令湯底十分之好味道，也是舌尖上的新體驗.蝦膠，加上蝦，變成壽司，也是打卡之選.手打的牛丸十分之爽口充滿肉汁.自家製的雲吞充滿了廚師的誠意.這牛肉十分之香滑、充滿了肉味.提提大家在社交平台上發文，會享有免費的啤酒，或是甜品，大家比個like.

銅鑼灣食麻辣火鍋選擇都幾多，今次就黎到呢間位於永光中心嘅紅堂 座位以半包廂為主，私隱度大大提高。暗紅燈光感覺好似置身於酒吧內。茶芥每位$20，識食就必加麻油～清油養生麻辣鍋 併 東北酸菜白肉鍋 $168最中意佢雙併鍋只需以高價果邊鍋收費，而不是另外加錢麻辣鍋 有5個辣度選擇，小辣食到麻香唔會過辣，平時食得唔太辣都可選擇小辣～鍋內已有鴨血、蜂巢豆腐等吸湯佐料酸菜白肉鍋 有大量酸菜白肉係鍋底，夠酸夠醒胃！十秒牛舌 $98新鮮夠大碟，口感爽彈，真係淥10秒就食得。大根 $48唔知係味真係來自日本，切成蝴蝶型，清甜無渣～油條 $48 吸味之選炸伊比利酥肉$68酥脆唔油膩、加入花椒粉更惹味。就甘食或放入麻辣鍋都好正！寬粉 $28份量都幾多，煙韌Q彈。

天口開始興🔥但打邊爐嘅癮永遠都唔會停😆🔥最啱就梗係一路嘆冷氣一路打邊爐啦！今次收咗工就一於黎依間好多好評既紅堂試下🍲 一入門口就覺得裝修好特別，餐廳用上型格既紅黑色調同燈光，暗暗地都幾有氣氛！座位寬敞，枱與枱之間都有間隔，仲有私人包廂，私隱度極高！環境咁好，咁食物又得唔得呢？一嚟就叫咗個鴛鴦鍋，湯底揀咗養生麻辣鍋X東北酸菜白肉鍋，前者係我最鍾意既麻辣口味，辣中帶麻帶椒香，配埋嫩滑既鴨血同豆腐，好正！另外既酸菜湯底入口係香純既酸度，仲有大量白菜同腩肉🤤配料方面，叫左造型好特別既蟹子墨魚手打手掌，墨魚滑相當彈牙，蟹子增加左口感，唔錯！另外亦order左手切西班牙牛頸脊、彈彈鵝腸、韮菜蛋餃、紫菜響鈴、皇帝菜同稻庭烏冬，大部份食材都好新鮮，最鍾意係牛頸脊，牛肉味濃，2個人食都覺得唔夠喉🤣🤣整體來講，呢度絕對係一間環境相當好，食物質素不俗、價錢合理既餐廳，就算三五知己定係同愛人過嚟打邊爐都係一個唔錯嘅選擇，推薦👌🏻

朋友最喜歡打邊爐，今次佢搵咗喺銅鑼灣登龍街-紅堂一進餐廳，天花燈全以紅色為主，裝潢設計古式古香，座位寬闊，有別於一般火鍋店，環境舒適😙湯底有4 款，有清油養生麻辣鍋、和牛牛油麻辣麻甩沙嗲鍋就東北酸菜白肉鍋及火腿花膠魚肚老火雞湯鍋😃火腿花膠魚肚老火雞湯鍋 ，香濃雞湯清甜，花膠厚身滑溜，魚肚吸哂雞湯味道，相當吸引手切西班牙牛頸脊，牛頸脊油花分布均勻，牛味香濃，唔需要蘸醬汁，已經好好味十秒牛舌，薄切牛舌，只要灼十秒，入口幼嫰紫菜響鈴，餐廳推介，新鮮即炸，響鈴脆卜卜，加埋中間紫菜香，食到停唔到，果然好介紹冰菜，清新爽脆又多汁，正好清一清味蕾食埋红桑子冰粉，大家都大滿足🥰

靚料火鍋專門店午餐超抵食,晚餐亦出色,有辣有唔辣,食材新鮮,特色鍋底湯底香港人四季都食吃火爐,凡係有新餐廳都好快爆場,最近過左去食返餐先上配料,蔥辣椒蒜,但其實個湯底已經非常夠味鮮甜,個配料最後都無用到足料花膠魚肚火腿雞湯底 $268,包花膠同魚肚,大約每樣4-5片,煮15-20分鐘吸飽雞湯先食叫左份伊比利豬梅肉片,油花均勻,肉味鮮嫩,簡單灼一下就可以食,帶點脂香食落非常好食超打卡芝士牛肉棋子,成盤上散發陣陣煙霧,造型特別,餡中是流心芝士餡,手打牛肉夠彈牙咬落彈牙爆芝餡食落相當滋味,唔好浪費個濃郁鮮甜雞湯,來了一個寬粉條做結尾粉條索盡雞湯,加少少特製花椒油,味道更突出鮮味埋單大約一位$300-400,如果飲埋酒水再貴100-200,人多抵食#紅堂 #火鍋 #麻辣火鍋 #銅鑼灣火鍋 #新餐廳 #銅鑼灣 #登龍街 28號 #永光中心 1樓

喺一個暗黑嘅環境裏面打邊爐, 特別有GIMMICK, 又有情調食咗個午市火鍋套餐, 只需要148蚊, 打邊爐嘅配料非常之多, 墨魚松露丸, 非常之有咬口, 咬落去之後個松露嘅味道大爆發炸魚皮浸一浸湯底就食得, 依然keep得好脆, 仲吸收曬醬汁嘅鮮香餛飩非常之皮薄餡料, 又多彈牙嘅蝦肉,之後就食過麻辣牛肩肉, 唔算太肥膩, 有咬口之餘, 肉味非常之香佢依家做緊個鴛鴦湯底有辣有唔辣, 辣嚟講, 最細嘅辣度, 已經令我非常之覺得辣, 所以要飲 返一杯烏梅汁, 降辣之餘, 入口非常的鮮香, 酸酸甜甜非常之開胃,食完火鍋之後, 仲要一個甜品去滋養下個喉嚨, 就係冰粉, 非常之滑, 再加埋topping上面嘅 葡萄乾，非常滋味