蕃茄仔

Open Now

Now Closed

星期日1pm左右嚟到蕃茄仔，想試吓佢自家製特濃蕃茄湯麵究竟有幾濃，要咗雞扒刀削麵，雞扒煎得幾香同埋真係幾好食,刀削麵同上海麵先唔使加錢，烏冬要加$8😵，一開始連埋刀削麵一齊食嘅時候覺得個番茄湯都唔係好濃，最後食晒啲麵飲嘅蕃茄湯就飲到蕃茄味了。另外喺湯麵度加咗三隻自家製雲吞$24，味道一般大家可以唔使試。男朋友就叫咗麻香汁拌麵，一樣都係雞扒刀削麵，我哋兩個都認為呢個拌麵較吸引同惹味，麵條好吸汁，食落去有麻但係唔辣。最後差唔多$200買單都幾貴

Red Object, not green object. 每次出去食車仔麵﹑米線時總會叫蕃茄湯底，只有Red Object濃郁的蕃茄湯底最讓我印象深刻，是我心中的世界第一。早在銅鑼灣希雲街試業時已經幫襯過一次，當時還未廣為人知，現在每次經過都總是大排長龍，人氣十足！後來蕃茄仔去到九龍灣開分店，當然要繼續支持良心小店！這間無論是環境和座位都比銅鑼灣店闊落很多，不用等太耐就可以入座。蕃茄仔主打自家鮮茄濃湯，有多款配料可以選擇︰豬﹑牛﹑雞﹑鴨等等，還可以加一些健康配料，例如秋葵﹑鮮准山﹑萵筍﹑野生雜菌。而麵底也提供靈活選擇，可選上海麵﹑刀削麵﹑葛絲。餐廳定價非常親民，不用$100就能食到真材實料的蕃茄濃湯麵！♢ 🐓炭燒風味雞扒 $68蕃茄湯底非常濃稠，入口能嚐到幼細的茄蓉，而且帶有微微酸味，的確是由真材實料的蕃茄熬成，而不是添加了茄膏或茄醬。湯底還有不少炸蒜、蔥等配料，份外惹味。曾經有傳媒採訪過老闆，湯底秘訣就是每日以30斤新鮮番茄，加上豬骨及多款香料熬煮4小時，難怪湯底特別濃稠！上海麵煮得軟硬適中，質地煙韌，掛湯力強，入口盡是蕃茄味。雞扒肉質滑嫩，雖然與湯麵一起上菜，浸住蕃茄湯底，煎過的

呢間蕃茄仔本係開銅鑼灣，係都有啲人氣嘅湯麵店，今年6月殺入九龍灣工廠區，我係開初試業嘅時候試過一次，覺得價錢係當區屬於唔親民，所以冇成日食，值到前2日係附近搵野食，決定比多次機會佢🤣🤣先講個打底湯底，算得上我食過最濃嘅蕃茄湯，食到新鮮蕃茄蓉，十分稠仲好掛麵添！不過可能唔係用罐頭而係鮮蕃，整體偏酸，對我黎講好似太醒胃🤣🤣不過友人就大讚好味，各有各喜愛啦我估今次叫左蕃茄湯配豬扒，仲將麵底轉咗做通心米通，雖然要額外加10蚊，不過真係冇乜餐廳食到，而且配佢地呢款偏濃稠嘅湯，普通米線會顯得唔太夾，個人感受係轉硬身嘅米通或者烏冬會更合適。味道整體真係唔錯，中上水平，不過價錢對比下就真係有啲少貴，嗰日一碗淨麵都要70幾蚊，我叫嘅豬扒已經算較平嘅配菜，想食牛嘅朋友可能要預貴多10蚊，不過都值得一試嘅🤣🤣🤣

《蕃茄仔》九龍灣今日去朋右開屋開Christmas Party 🎄咁喺九龍灣附近揾野食，朋友介紹返附近既良知舖，蕃茄湯一定會係我首選，由MTR行過黎大約10分鐘🥰＜鮮蕃茄濃湯-特級牛魔皇＞$128最大賣點係‘牛骨髓’，店家有支棍仔比你括骨髓黎食，燒過既骨髓好好食😌另外牛肩胛同牛展都相當好味，和牛肉丸係特別好食，超濃牛肉味😆牛魔皇一定要點牛魔皇＜蕃茄濃湯-炭燒風味鷄扒＞$65這個都好有驚喜👍鷄扒皮係超級脆，脆到好似厚薯片（真係唔好叫我走皮）🤣鷄肉厚而且嫩，肉汁加埋落湯底超級好食，就算唔食牛既朋友都可以有選擇＜鮮茄濃湯-特級安格斯牛肩胛＞$78因為真係好好食，安格斯牛肩胛係我最喜歡的😌肉汁加湯底，基本上我全碗K.O※建議加$8轉烏冬，烏冬同蕃茄湯太夾了

唔係嚟過都唔知九龍灣有一座商場係美食雲集嘅！今日嚟到九龍灣德福商場附近嘅Eastmark搵正嘢食😋 雖然有好多嘢揀但呢一間，以蕃茄濃湯為主嘅Red Object就最吸引我，健康同美味我全部都要！覺得番茄同牛嘅配搭係最match，所以我就揀咗蕃茄湯牛肩胛烏冬，個烏冬一嚟到個蕃茄湯底濃稠度好高，你就已經知道一定係食到連湯都冇剩先得😁 蕃茄濃滿滿咁樣混和咗喺個湯度，每一啖都係滿滿幸福番茄味♥️ 牛肩胛肉肉質鬆軟，賠償番茄湯更加襯托出鮮牛肉味~ 雖然價錢唔算平但係質素對得住👍

九龍灣終於都有一間方便的蕃茄湯麵專門店，對一眾蕃茄控來說是天大的福音🍅位於銅鑼灣希雲街的大熱餐廳蕃茄仔過海進駐九龍灣工商區，他們每天用數十斤新鮮蕃茄加上豬骨、洋蔥、西芹、蒜頭和香料熬成湯底🥘還會經過攪碎和隔渣的工序，四小時雄雄烈火的磨煉下使湯底超級濃稠🔥 門面和場內隔板都印上自家設計的吉祥物蕃茄仔，有種可愛童心的感覺👶上菜時會用木托盤分好每一份餐。Menu可見，主要有十款主菜，如雞扒、牛肩胛和豬手粒，再配上自家鮮茄濃湯，麵底也有刀削麵或者米通等很多選擇，價錢由$6x起🤑 🐂慢火澳洲和牛碾 $80 8/10一片紅色汪洋中見到幾大塊滷水牛碾，其實這部分是牛小腿肌肉，富含肌肉纖維和少脂肪，肉質結實帶滿牛筋，味道鮮美😋濃稠湯底有著蕃茄的清甜，讓我忍不住把湯也整碗乾了，上海麵輕易沾上湯汁，人十口後帶來陣陣暖意🧈 🐮特級安格斯牛肩胛 $75 8/10原來除了湯麵還有撈麵，朋友選了撈刀削麵，撈醬有點麻辣感覺，一邊吃一邊刺激鼻腔🍝配料還有蔥、炸蒜和芝麻，令香味更上一層樓。牛肩胛肉質軟嫩適中，有油花，肉汁豐富惹味🥓

難得去開九龍灣，就約朋友去試下bookmark左樂耐既蕃茄仔！同朋友叫左豬同雞麵，覺得雞好食啲！至於個蕃茄湯底，同我食開既唔同，呢款似西式湯煮法，都幾好食後尾聽其他朋友講牛好好食，下次試下先

有個朋友介紹我去食蕃茄仔，所以我就同左另一個朋友去試吓係咪真係咁好食。------------------------------雖然我哋係食夜晚，但人流唔算好多，所以唔使等位。間鋪唔算好大，所以啲枱都有啲細。------------------------------我同我朋友分別雞扒刀削麵同埋安格斯牛肩膊刀削麵。------------------------------雞扒刀削麵塊雞扒唔算好大塊，而個湯底我同朋友都一致認為唔係煲出嚟，而係應該用攪拌機攪出嚟，所以個湯都係啖啖蕃茄蓉。我同我朋友都幾鍾意個湯底。但係個份量就有啲少。所以我同我朋友都唔係好飽。------------------------------呢間雖然幾好食，但係價錢都比較貴，所以我覺得性價比唔算好高。但如果係啲好鍾意食蕃茄湯底嘅朋友仔都可以去食下。😋😋

鍾意食一切蕃茄製品既我對哩間又係bookmark左好耐🍅難過黎開九龍灣就黎試下❗️☑️炭烤風味雞扒配上海麵湯底係十分結身既蕃茄濃湯，似係一隻隻蕃茄打爛做成既，而唔係加大量茄汁煮個種🍅我簡左上海麵就比較幼身，連埋湯底一齊食會好濃味😆雞扒表皮烤到好香，雞扒肉好嫩滑，而且用左燒汁煮過，好入味👍🏻

🍜鮮茄濃湯牛魔皇💰$90😈上次經過銅鑼灣撞唔岩時間⌚️食蕃茄仔🍅今次去左九龍灣個EASTMARK到食🍜我同🐻都一樣叫左鮮茄濃湯牛魔皇😍不過麵底我地就一個加$8轉稻庭烏冬🍜一個就加$10轉米製通粉拌櫻花蝦🍜佢兩個都好好食可能吸哂啲鮮茄濃湯🤤不過🐻個米通就再索味啲🤤佢都算濃同埋唔會太過水🤔而佢個牛魔皇🐮係有牛肩胛同埋和牛腹🐮食落好薄身兩種肉味都好濃份量都唔錯😈我地兩個都一樣加左$20媽媽手工雲呑🥟佢有三大粒🤤雲呑脹卜卜皮夠薄但又唔會爆餡🥟佢係有啲芫荽同埋肉我覺得都幾必嗌👍🏻下次食都會叫返呢個

去九龍灣megabox睇戲醒起蕃茄仔係九龍灣開左分店而位置正正係大渣哥茶記上面今日下午時間去到人煙稀少唔洗排隊直入·用QR code掃碼點餐款式種類唔多點左大熱既牛魔王雙拼特級安格斯牛肩胛/和牛𦟌 （$78）改配稻庭烏冬（+$8）望落去已經見到蕃茄蓉蕃茄味好濃郁牛肩胛肉同牛𦟌各兩塊牛肩胛肉味濃但略嫌太細塊太薄牛𦟌厚身而軟腍烏冬彈牙唔會淋pet pet咁配蕃茄湯真係唔錯炭烤風味雞扒配上海麵（$68）加特製激辣肉醬(+$18)個炭烤雞皮烤到好脆身雞肉仲好嫩滑個辣肉醬好惹味但一啲都唔辣唔刺激蕃茄湯配烏冬比上海麵更出色整體而言兩碗蕃茄湯都飲哂無淨飲完唔會口渴· 應該無味精成碗麵係幾好肉麵湯都發揮到水平但略嫌份量唔夠上枱望落碗麵會有空虛感食完亦唔夠滿足

我一隻都係一個蕃茄控，基本上食啲咩有蕃茄揀嘅話我都會揀呢一個湯底，所以呢間蕃茄仔真係啱晒我，啱啱佢嘅湯底超級濃郁🤩🤩🤩🤩一定係用咗唔少嘅蕃茄去打成茸，仲有少少creamy嘅感覺，酸酸地超級開胃呀👍🏽🥰😍//仲有就係佢嘅牛肩胛，望落去好似好薄咁，識落口感味道佢係非常之濃牛味，而且一啲都唔難咬，好彩份量都好多塊！😍以我今次就配左刀削麵，麵質都好有咬口，成個麵overall都真係呀蕃茄控嘅天堂

是日lunch12:00去食，真係幾多人，不我我真係一個番茄控，所以點都要試下，等左20分鐘位呢度自助點餐嘅，所以一定要有位先du到個qr code點餐，得一個鐘lunch黎講已經唔係幾夠時間，一入到去就即點啦，之後見到隔離枱果張單order時間係20分鐘前都心知不妙，要等20分鐘先出到餐。我等左30分鐘之後就問下個餐得未啦，因為真係夠鐘喇，點知佢答我，“正常架. 呢啲時間係咁” ，果刻真係好嬲，最後35分鐘先黎第一個餐講返嘢食，見食評講好濃郁所以諗等下都抵，但係大家講嘅濃郁應該只係個湯係一patpat打溶咗嘅texture，而唔係個茄味濃郁，佢嘅番茄味係冇乜，我覺得佢可能係溝左南瓜打溶，所以係甜味大過茄味，番茄湯唔合格不過佢啲肉就真係整得好好味喇，我個豬扒係又滑又淋，而友人個牛展都係又淋又入味，啲肉真係要比個like佢

我在九龍灣食，我問服務員是否要在手機點餐才能用饍，服務員答是之後就沒有進一步的問顧客有否需要幫助，如果有年長客人沒有智能手機可能就吃不到貴公司出品，及後我點了一 分豚三宝， 但是當食品到我面前 服務員才說少了一樣 食材 但已補回奇份量 我不明白為什麼少了一樣食材 都不用向客說明 應否換過第二種食物 我覺得好有問題希望貴公司能夠檢討一下

今日食咗個炭烤風味雞扒加自選蕃茄濃湯再加左$8將刀削麵轉左烏冬，個蕃茄湯底喺OK嘅，但係呢冇傳說中咁好味，成$76蚊重要晤包野飲，都几貴，上次食過一次刀削麵就麻麻哋，今次個烏冬就可以接受