Video
Read full review
2022-10-04
611 views
放假返咗去舊公司探同事同食晏，佢帶咗我去試青山道新開嘅小店「Ricco」。店舖喺正天悦廣場後面，位置都算幾方便。小店門口幾靚，行過都不難發現😙。餐廳環境面積唔大，不過乾淨企理，而且都有花啲心思裝修。如果唔堂食的話，亦可以選擇外賣，而且自取更有八折優惠🥡。我哋嗌咗兩個主食同小食，全部賣相都唔錯，可算係色香味俱全。同時，製作時間亦合理。價錢方面，我認為喺呢區屬一般水平，但畢竟小店經營都唔容易🙏🏻。黑松露忌廉芝士雜菜魚柳炒意粉($75)，🍝炒意粉口感彈牙，我見到廚房有將意粉過冷河。另一邊廂，意粉散發住好濃郁嘅黑松露香氣🍄，味道自然。餸料方面，主材係兩大塊龍脷魚柳，肉質軟嫩🐟，另外仲有大量雜菜，例如雜菇、翠玉瓜、茄子同洋蔥等，感覺既豐富又健康。日式咖喱汁香煎豬扒蛋蓋飯($58)，🍛咖喱汁味道好香，由於係日式嗰種，所以辣度溫和，老少咸宜。🍳炒蛋香滑，配飯食令口感更濕潤，另外當然唔少得蔬菜。餸料有多款選擇，我要咗香煎豬扒🐷，比起吉列脆炸無咁熱氣。豬扒肉質都OK，夠大件同有一定厚度。椒鹽雞翼尖($26)，🐔雞翼尖以椒鹽爆香，惹味到不得了。酥炸外層脆卜卜，我哋啜得好滋味，佐酒一流。水牛城雞翼($35)
放假返咗去舊公司探同事同食晏，佢帶咗我去試青山道新開嘅小店「Ricco」。店舖喺正天悦廣場後面，位置都算幾方便。小店門口幾靚，行過都不難發現😙。
餐廳環境面積唔大，不過乾淨企理，而且都有花啲心思裝修。如果唔堂食的話，亦可以選擇外賣，而且自取更有八折優惠🥡。
我哋嗌咗兩個主食同小食，全部賣相都唔錯，可算係色香味俱全。同時，製作時間亦合理。價錢方面，我認為喺呢區屬一般水平，但畢竟小店經營都唔容易🙏🏻。
黑松露忌廉芝士雜菜魚柳炒意粉
$75
16 views
0 likes
0 comments
日式咖喱汁香煎豬扒蛋蓋飯($58)，🍛咖喱汁味道好香，由於係日式嗰種，所以辣度溫和，老少咸宜。🍳炒蛋香滑，配飯食令口感更濕潤，另外當然唔少得蔬菜。餸料有多款選擇，我要咗香煎豬扒🐷，比起吉列脆炸無咁熱氣。豬扒肉質都OK，夠大件同有一定厚度。
椒鹽雞翼尖
$26
11 views
0 likes
0 comments
水牛城雞翼($35)，🍗雞翼一客有四隻，每隻都好肥美，外皮經油炸，但肉質都無變嚡。水牛城口味正宗，辣度明顯🌶。
我另外加咗餐湯(+$20)，兩款口味各一，分別係羅宋湯同南瓜湯。羅宋湯用足料煲，味道偏酸🍅，但就略嫌南瓜湯偏鹹🎃。
飲品方面🥤，我哋要咗柑桔蜜綠茶(加配價$10)同莫卡咖啡(加配價$10)。兩杯都唔錯，唔會太甜。柑桔綠茶清潤🍊；Mocha好香，朱古力味同咖啡味協調☕️。
總括嚟講，Ricco小店乜都有得食，輕食以至主食通通都有，而且每樣食品嘅味道都唔錯，我最推介意粉。店家用心經營，值得大家支持💪。
Post
