飯意主題餐廳 (Closed)

見openrice個食評有推介 一心去試 一睇價錢第一唔會期望話好好食 至少唔會係差先 可能冇收加一服務費啦 員工待別黑面 話說問佢廁所係邊 出面紅雨 個職員話唔可以經自己鋪頭入面去廁所 要兜外面出去拎鎖匙 再自己兜去鋪後面搵廁所 算 去到水都唔會有杯 佢d水係比自己員工飲 笑左 點餐個時 明明指住 講埋個號碼 都可以錯 人可以好多藉口 自問自己唔會奧客 唔同佢計 好啦 終於講完一大埋野 講野食啦 男朋友鐘意食ribs 叫左個黎食 見佢有四個手指公 一定唔會差得去邊 叫之下 薯角得幾塊 都算 個主菜係變左中式燒腓骨咁 睇落好大塊 其實食到第3塊 就唔想食 依家農曆鬼節都唔洗咁呀 好 之後要個w204 佢比左w201 都算 最好笑係 心諗我塊鐵絲網呢 隻原雞腿呢 算 肚餓 要食野 個芝士mix 落飯唔夠份量 冇咩味 真係好普通 😂個凍檸紅茶 得一塊 點呀 ？ 老細 你地唔怕做壞口碑嫁？ 最嬲係咩？ 兩個人加埋兩塊水都唔洗 勝價比 係差左d 糧尾係食黎d ga la 男朋友仲要話佢趁我去廁所講人壞話😂😂😂😂小學雞

呢間餐廳嘅位置較為偏僻，本身見openrice有唔少好評先諗住試下，點知食物質素同價錢唔係成正比......我同我男朋友叫咗個二人套餐，盛惠208蚊，個套餐包咗沙拉、湯、小食、嘢飲同主菜，雖然份量好夠，但無預期中咁好食，唔會再有下次

今天等緊朋友食lunch果陣，自己周圍行下睇下食咩，因為通常都系我揸fit, 佢懶得揀。路經一間寫住溶岩蛋漿飯，張相幾吸引眼球，就入去試下咩系岩漿先。其實幾似pepper lunch , 不過系行韓風版既pepper lunch , 就叫左個招牌溶岩芝士蛋炒飯，個waitress 仲即席表現鐵板炒飯，落蛋落芝士，d香味令我胃口大增，其實幾中意食前有個pre show , 有d效果，有d煙，對我來講，就好似前菜既效果甘，味道五錯，好玩又好食。再加埋特飲青蘋果薄荷荔枝綠茶，真的幾好，滿意

叫左晚市A(二人餐)食物方面好滿意食得好夠飽芝士蛋漿飯好match成個二人餐又湯又小食又飯又特色飲品都只係$168又正又抵食👍🏼另外職員有提醒我小心熱可惜我都係唔小心辣親手指😂🤦🏻‍♀️

😋 肥肥鰻魚🐟抵食珍寶鰻魚蛋包飯🌟✅ 蒲燒珍寶鰻魚蛋包飯 $88：一上檯已經流嗮口水🤤超肥美的原隻鰻魚！🤩 好少細骨，咬落去啖啖肉👅如果外皮可以再燒多一陣會仲香😋滑蛋也不錯🍳時間控制適當⭕️再淋上普通燒汁，最經典的配搭就完成啦～ 如果可以燒嘅時候已經加汁而唔係上左碟先淋會更完美🌟令啲汁同鰻魚融為一體。珍珠米粒粒分明，好有口感🍚整體而言，雖然沒有什麼意外驚喜，但非常不錯👍🏻而且幾抵食！

.熱熔岩芝士鐵板安格牛漢堡蛋漿飯 ($108)飯意間唔中推出下新野 最近就有呢款熔岩蛋漿飯🦁見到呢個配搭就覺得會幾好食(鐘意食芝士呢啲肥膩嘢🤦🏻‍♀️)於是就嗌左黎到嘅時候其實未有芝士店員會另外攞一碗熱辣辣嘅熔岩芝士倒落去🤩🤩首先講下個牛 講到安格斯咁犀利但又真係幾腍幾有牛味 切落去仲有少少紅不過係因為咁先令牛juicy啲冇咁鞋飯應該同茄醬一齊煮過因為鐵板夠熱 所以微微食到飯焦😍😍建議食之前盡快將蛋同芝士同飯一齊撈匀唔係就好快燶啊🤭.大腳板(特級西冷)拼帶子蛋包飯 ($84)見到佢有三個👍🏼就好想試下係咪咁好食可能抱太大期望 所以食嘅時候有啲失望😂佢有幾個汁揀 我地就揀左白汁但白汁有啲hea 其實我都食唔出咩味好似輕輕打個芡咁🙈尤其個飯嘅配料比較乾時 個汁就變得好重要~而塊牛扒 特級西冷好似好勁咁但食落幾一般 佢多筋又唔太腍帶少少鞋口帶子其實都幾好食 只不過表面有啲燶其實呢個飯用嘅食材聽落幾高級 加上配搭都唔錯如果烹調方式有改善會是道好菜😀.卡邦尼意粉配煙蔥炒蛋 ($47)意粉個汁偏稀 令意粉變得無咩味 炒蛋都炒得幾滑 但如果比我揀我會鐘意係温泉蛋多啲~因為可以再令個意粉creamy一啲

兩個女仔第一次去，叫左個$168二人餐，有鴨胸沙律、餐湯x2、青口、芝士煙肉炒年糕、香腸豬扒蛋包飯，特飲x2(唔洗加錢)。超級好味，份量又多，絕對物超所值，完全食唔晒。而且可以慢慢食，唔趕人走。今日仲好好彩，放工夜晚8點幾去食，竟然唔洗排隊。待應都好nice，好好禮貌，又friendly。環境雖然唔大，但好乾淨好舒服。人多但又唔會覺得好迫，傾偈唔會聽到格離枱講咩。下次再同friend食飯都會再去，地點又方便易搵。

呢間餐廳經過左好幾次都係排曬長龍, 難得今次早左無咩人就入去試下.見佢大大個招牌寫住叫飯意, 諗住都係食下意粉Risotto ge je,點知見到斜到面枱有個waitress埋到面前即炒鐵板飯咁我緊係唔執輸即刻叫返個la,佢寫到明叫招牌熔岩芝士蛋炒飯, 仲要先56蚊,平到咁唔使諗就呢個la你知la, 出到去你要叫人泥你面前唔好話炒個飯, 煎個蛋都隨時成舊水先落到樓ga ma等左大概15分鐘, 見到佢將個飯包到成個pepper lunch咁送上泥,係我面前落蛋再落芝士逐樣逐樣炒,d香味谷曬出泥迫到我個胃打曬鼓咁一見佢撈完就即刻一啖送入口.雖然只係正常泡菜飯味, 配埋芝士同蛋香幾樣加起泥都夾味, 無話好驚喜,但勝左炒飯熱辣辣又有香味視覺效果, 係抵佢有咁多人排隊btw, 叫呢個餐記得記得要配個特飲, 普通野飲要加7蚊而特飲先9蚊,真係完全無理由要叫個熱飲咁傻豬, 佢個紅豆冰都唔錯ga

大約6點半去到，人唔係太多， 冇得訂位， 到左我地走個時， 門口開始有人龍。啲位都算多， 但係有啲密。每枱限時90分鐘。 上菜有啲慢，但係都冇人會催。一行三人， 一人叫左一份， 互相share 試下。鐵皮牛扒呢個， 有啲似pepper lunch, 件牛有少少根， 味道幾好， 啲洋蔥有啲酸。豬扒雞翼咖哩飯 性價比 幾高， 只係49蚊，仲要唔收加一。 咖哩唔太辣， 有啲甜， 似日式咖哩。大腳板牛， 舊牛真係幾大舊，如果鐵板上， 仲正。飯或意粉跟飲品 普通飲品加7蚊特飲加9蚊叫左杯薄荷朱古力唔係太薄荷， 正常朱古力， 冇乜特別

飯意最初就係以平價芝士熔岩飯而廣為聞名，估唔到而家芝士再度升級╴用埋瑞士Raclette芝士草根姐妹都係睇👀到其他人post呢個超級拉絲🧀熔岩蛋漿飯先知飯意出左新野🤩。作為飯堂之選，當然要盡快去試一試!!安格斯牛漢堡熔岩蛋漿飯 ($108)餐牌上寫用了瑞士Raclette芝士🧀，當然草根姐妹係食唔出係咪瑞士芝士，但呢隻芝士同飯意一向用開嘅有所不同，🧀比較軟身，比較細滑，感覺上質數較高🙌🏻。倒落個飯後真係好似熔岩甘🤤！另外，草根姐妹👭要表揚下🐮🐮漢堡，肉質可以用細嫩多汁去形容😋👍🏻，牛肉軟滑又有牛味，估唔到會係飯意食到咁正嘅漢堡扒！真係食過好多漢堡扒都又粗糙又鞋烚烚又乾真真，食到呢個咁出符預期地Juicy嘅牛肉，令草根妹妹好感動❤️。其實牛肉才是重點吧🐃😏～最後，個飯底加左咗午餐肉、泡菜、蛋漿等等，夠哂惹味呀🤤！黑松露鮮帶子野菌意大利粉 ($73)Mushroom Spaghetti with Perigord Truffle & Scallop一向覺得飯意嘅飯比意粉好吃，但由於唔想食2個飯，所以點左個芝士飯後唯有叫個意粉🤷🏻‍♀️。黑松露份量真係幾多，今次真係食到有Truffle味啦🙌🏻，

飯意又出咗新嘢，今次就嚟試下佢😆聽聞可以拉芝50cm😂當然我冇咁做😎 🧀熱溶芝士鐵板熔岩蛋漿飯首先店員會將蛋漿倒係鐵板到，之後炒下佢🍳跟住就將熱溶芝士到落去漢堡扒同埋鰻魚上面😚#安格斯牛漢堡 ($108)😋好味指數：(7/10)有漢堡同埋午餐肉粒粒😚可能我塊扒放係鐵扒同一個位太耐所以燶咗小小😭食落去外層有啲乾，不過入面嘅肉質都ok嘅🤔#蒲燒鰻魚 ($98)😋好味指數：(6.5/10)鰻魚食落去有少少骨😢份量都還可以🤔後記💁🏻‍♀💁🏻‍♂一開頭睇落去飯嘅份量好似好少咁，不過其實加咗咁多芝士都幾濟㗎🤔.⭐溫馨小提示📌2個飯都係有泡菜咖

一個人來到旺角，想找間好味、性價比高的餐廳，結果就走到廣華街附近的這間飯意主題餐廳 。由於時間尚早，大約7:00，所以人流不是太多 。看完餐牌後，我決定點我最喜歡的鰻魚蛋包飯，這是大人氣的食品，作為鰻魚控嘅我，真是十分期待。 過了不久，侍應已送來這碟原條鰻魚的蛋包飯🐟🍳 ，鰻魚十分肥美、好少骨，油脂分佈比例恰到好處，味道一流🖒，旁邊仲要有一啲沙律菜，食完完全不會覺得膩。蛋包飯嘅蛋都好滑，和饅魚十分夾。至於飯就是普通的白飯，如果可以改為炒飯底，我相信會更加出色。😉我一個女仔都能夠完全食曬全碟飯，你就知道味道有多棒！🤗旁邊的客人👭👫👬大多點了鐵板餐，不時傳來陣陣芝士香味 🧀，如果有機會，下次我都會來嘗試一下這裏的鐵板餐。備註🙋：七點半或之後人流會較多，甚至需要排隊，所以如果想食好西，就要早點到來。

話說個個月都要去深水埗睇牙醫(矯齒中😝)。某日發現咗rice love呢間餐廳，幫襯過一次之後，對佢哋嘅蛋包飯配上芝麻醬清新配搭念念不忘😂之後幾乎個個月睇完牙醫都會喺Rice Love度食蛋包飯😍最近發現原來旺角都開左分店❤去開旺角當然要去幫襯下啦！除咗我最中意嘅蛋包飯之外，發現食物多咗好多選擇❤今次試咗好幾樣食物想大家分享下。💗鐵板照燒長洲魚蛋串💗好有特色嘅小食，長洲大魚蛋配日式醬汁加上木魚碎，估唔到味道好夾！大魚蛋點上鐵板燒上嘅蛋汁，再加上鬆軟既滑蛋皮卷住一齊食。蛋汁甘香，加埋日式醬汁嘅魚蛋味道好夾！溫馨提示：建議大家食嘅時候即時用滑蛋捲住魚蛋來食😊怕滑蛋放得太耐凍咗會影響質感。💗主題小食拼盤💗入面有米米腸，水牛雞翼，炸餃子，脆薯角焗大啡菇同沙律。一次過可以試到唔同嘅小食，全部都係即整好新鮮熱辣辣。特別鍾意拼盤入邊嘅米米腸，食落好特別，煎得好脆食落有好香嘅米味！好奇一問員工，原來係用穀物整成嘅腸仔,感覺好健康！另外拼盤入面嘅大啡菇，又係好有水準。唔會焗得太乾，食落好juicy！大啡菇醬汁酸酸甜甜，平衡得好好即使。拼盤食左幾樣煎炸食物，食咗咁多嘢都唔會有油膩感。💗招牌芝士牛肉搭咖喱💗

一開始佢比兩份比兩碗蛋漿😑我唔知咩嚟用脷奶左一下先知係生雞蛋... 入正題🧐成板芝士當住我面落係有驚喜既飯底似係用左泡菜炒，入面仲有啲好特別既午餐肉🥓但唔係平時香港地食開嗰隻咁鹹而且細滑好多芝士嘅份量係好足料，多到我甚至覺得食唔晒🤩而且芝士太多仲有少少滯，咁樣好易飽仲有燒熔既芝士油香滴晒落啲飯入面真係好香.***之後係鰻魚🤩主角來***入口軟滑彈牙💖仲有少少肥膏位💓超香但就係欠左鰻魚汁果隻香魚肉整體係完美😋如果可以有少少燒鰻魚汁補試淋面，甜味就可以更加出同時唔會比芝士搶哂啲鰻魚味😎始終我都覺得鰻魚先係主角...

作為女漢子😌，草根食佬飯嘅時間絕對係以每日做單位，今次係寵幸嘅係草根嘅飯堂「飯意」。今次試試一個未試過嘅先!招牌芝士牛肉塔咖哩（$76)草妹佬飯頭號最愛係咖哩牛腩飯❤️，呢到雖然冇，但點左個差唔多嘅。咖哩帶點香料，食落味道接近東南亞口味🏝，少辣🔥，味道都唔錯，唔係Hea Hea咁用d得隻色嘅咖哩。雖然表面見到唔少芝士🧀，但與咖哩伴勻後，老實講芝士味俾咖哩蓋過。牛肉份量好多又大片🐂，大約都有6塊，不過質感就乾身左d，唔夠軟腍。最正應該係薯仔炆得入味又夠腍🥔，加埋咖哩汁送飯一流🍛。 帶子。海鮮芝土熔岩蛋醬飯 ($98)之前食過配菜係鰻魚蟹籽嘅熔岩蛋醬飯🐣，今次試埋帶子。食落幾驚喜，感覺似刺身帶子，口感軟腍。配菜仲有蟹籽、魷魚同蜆。🦑魷魚仔算鮮味，加埋大量蟹籽脆卜卜口感好好，然後倒入勁惹味嘅泡菜、紫菜、芝士🧀同蛋一齊去炒個飯，呢個組合冇得輸，好難唔好食呢😌可惜價錢貴，唔抵食，平日平平地都係叫個冇海鮮嘅，平一大截😝✌🏻綜合水果茶 (跟餐+$20)Mix Fruit Tea每次嚟都叫呢個，夠大杯又唔係死甜，飯意嘅水果茶的確幾岩草根口味🍹👍🏻