Rice Paper (Closed)

假期第一曰晏一晏先起身,去睇戲食飯行街購物指定動作!睇嚟真係好多人飛咗去第二度!又一城竟然P1就有車位,AMC又無排長龍,連食飯都唔駛等位!去過一次尖沙咀店,記得春卷好味!所以諗都唔諗就直入坐低.兩個人當食Bunch!奇怪地飯麵先上,小食最後先到.海鮮炒麵----賣相就OK,食落就好唔OK!本身材料已經唔多,唯一果兩隻蝦球炸到又乾又鞋,個麵真係唔似係炒出嚟,以撈多D!食唔到有任何味道,無味橡筋一碟.茄茸牛肉飯-----茄茸喺邊就真係唔知!不過個飯就好有椰香味,撈埋牛肉同乾蒜片效果都唔知!小食拼盤----煎魚餅質感幾實淨!唔會又腥又霉. 串燒雞肉唔靱唔柴皮,OK喎. 鵝肝米紙卷有一片鵝肝同大量蔬菜仲有炸紫蘇葉同酸瓜卷埋,食落無咁漏. 蔗蝦就唔惦喇,蝦膠炸唔透,咬落軟淋淋好似未熟咁! 炸魷魚趁熱食就唔錯,但擺耐少少就變擦膠.春卷----春卷新鮮炸起夠晒熱!,最欣賞地方是那一杯四款的香葉同生菜份量夠多及新鮮!本來比個炒麵嚇親!價錢埋單

初三晚, 同老公行完又一城都只係6點鐘, 見有d餓, 附近又有間Rice Paper,就走去試下。我地Order 咗三樣嘢:1. 烤雞黃薑飯 如果只為求飽肚都OK, 因為份量都唔少, 但雞肉「鞋」、唔入味, 飯又太濕味道真係好一般啫!!!!!2. 蝦撈檬份量足, 蝦多, 味道OK。3. 併盤份量夠、多款式, 但只有炸魷魚圈好味, 其餘幾樣不過不失。呢一餐唔叫enjoy, 我地試過就算, 吸引唔到再去幫趁!

Overall the food is OK but the services are poor. However, I think the prices are too high, given the fact that the food is like mass prodution products. If you want to have authentic Vietnamnese food, I wouldn't recommend to come here. At Ricepaper, the food are more so called "fusion" which I think aren't any special.In terms of the services, I would expect if they charge such high prices plus 10% service charge the services would be better. I ordered a curry vegetables, which basically ar

之前成日食越南o野, 今次食間fusion得o黎又貴價d o既, 即管睇吓佢掂唔掂先. 椰子蝦乾柚子沙律- 一整碗新鮮柚子肉, 好fruity同juicy ar, 沾上大量的脆脆花生粒同蝦乾仔, 好香甜惹味的fresh沙律, 必試推介.煎豬頸肉(配燒汁)- 煎得頗香, 唔會太乾, 依然能保留肉汁, 以生菜包著配上燒汁, 不錯之選.牛油果軟殼蟹米紙卷- 這裡的米紙卷偏厚, 似腸粉多d, 軟殼蟹炸得好脆口, 而且好多肉同膏呢!!!! 配上牛油果, 是錯了的配塔, 不過...........佢夾埋片薄荷葉, 好重味, 我受不了, 拎走咗就好好味la~~玫瑰 + 荔枝+ 蘋果沙冰- 平時食o野都唔會叫o野飲, 但係有買一送一優惠又好似好抵gum wor. 不過兩杯飲品必需一樣.成杯飲品我只飲到荔枝味, 而且冰粒頗粗, 飲得太快會頭痛lei.........環境唔錯, 會有舒適的sofa卡位, 是難得的有格調越南館, 有一個蛓了"I am new" name tag的新人, 有d傻更更gum, 但好有笑容呢.可能有人請la, 又真係好唔錯wor~~~~

兩個月前，同兩個妹去食。我先到，門口要排隊，心諗有人排都唔會太差掛。等咗15分鐘左右，知客帶我入去，e~~~~，門口排晒隊，入面d枱得1/3有人坐，分明扮要排隊咋喎.....我兩個妹遲到，我又坐咗10-15分鐘，期間竟然無menu，無水。當日係晚上7:30-8:30左右，由我地開始食到食完，從無full過，而waiter? 好似有一個人係做嘢的，其餘3個係負責管理，即係企係度睇你舉手叫人，佢就再叫唯一一個做嘢的去做。講返嘢食，差算非常差，不過真係一般，客人數目己經反映咗。價錢，我覺得比食物應收的貴咗一倍。三個人食咗300幾400蚊，我覺得150-200還可以原諒，但係都唔會有下一次。

又約了蘿卜兄看電影，當然亦包括電影前的大餐了不過今次吃的餐廳就令我比較囧，竟然是Rice Paper...雖然對越南菜有心理障礙，但Levy讚這里不錯，我又想讓未食過越南菜的蘿卜試到多點菜系，那就去吃吧越南炸春卷：我點名要的小食，也是越南菜中極少的比較喜歡的菜式。春卷炸得脆口熱辣辣，內里的菜肉絲細膩香口，包上新鮮的香菜再點上濃度酸辣度都適中的辣醬，yummy~~~同場的香茅十分鮮綠，水靈靈的，可卻有一種我很不喜歡的香辛味，食了一根就只好放棄了…特級生牛肉湯河粉：是為了IA assignment而沒有吃午餐的蘿卜的主菜~~~首先要彈一下牛肉，上碟的時候已經基本熟透了。但湯底又實在很出色，香鮮有濃重的牛肉味。不過基于我從前在越棧關于這道菜的恐怖回憶，還是敬而遠之好了…三文魚椰汁紅咖喱：法包點紅咖喱，典型的fusion菜式。面包棍外脆內軟，凈吃已經很美味；紅咖喱第一啖頗為驚艷，椰汁香濃偏甜，與略咸得法包很夾，但食到對后未免有少少漏。紅咖喱汁中的三文魚則是另一亮點，燒得恰到好處，保持鮮嫩口夠；同場的蔬菜亦十分入味，紅蘿卜尤佳。藍莓香桃脆脆：脆脆餅甜酸適中，口感頗豐富，藍莓搭上香桃變得更香甜多汁

九月中跟同事到那吃飯，我叫左個越式香矛檬，清清地，仲有花茶送，差不多60多元在又一城食野地方比較得體又比較平，應該得RICE PAPERD野唔係好特別，不過係個環境唔錯，可以安安靜靜咁傾計

早幾日去到又一城食lunch男朋友話佢試過呢一間幾好食就決定走進去了誰不知當我們跟待應講"兩位"時她跟我們說因為全部都俾人book左同埋好多都係岩岩坐0係度食所以唔會有位於是我們便去找第二間但又唔知食咩好便再問第二個待應點知第二個待應竟然可以找到一張二人枱給我們而且還是望溜冰場景呢我們叫了兩個set lunch1. 香茅豬排凍檬 ($58): 味道一般，不太特別，不值這個價錢2. 黃咖哩鴨配法包 ($88): 對於喜歡咖哩和法包的我，當然喜歡這道菜啦!這道菜很特別，鴨也很入味，而且 法包熱哄哄的~不錯~而且在外面也吃不到這種味道呢3. 越式雞翼($20): 餐加 $20 叫了雞翼，好味道呢! 因為我倆都很喜歡雞翼，所以也很喜歡這道菜呢總括而言，這裡的食物不錯只是價錢有點貴看來要一段時間才會再光顧呢

閒日鐘意行又一城﹐ 有人流但個場唔雜﹐行得舒服兼間中見到好多名人藝人出入。食過 rice paper 幾次﹐ ok 架﹐ 始終係美心集團。 差極都有個譜。 但在 open rice 評價唔高。 今晚再試。 食物仍然 ok, 但服務就真係要執執佢哪。 同係美心集團﹐ 又一盞D服務高好多班。埋位未點菜﹐ 已經兩次送錯菜上來﹐ 姑公話不如食左先算。 班伙記好新面口﹐ 有禮貌﹐ 有笑容﹐ 但好似係新丁。 加上內部間格分 section﹐ 好難搵伙記做野。 我地幾次搵伙記都要出去叫。 食完埋單叫伙記打包﹐佢地都好有禮貌將打包餸擰出去﹐ 但一去無回頭。 等等等﹐ 又出去叫伙記﹐ 最後係廚房樔番出黎。生牛肉河扎肉米卷炒檬鴨肉米卷春卷吊燒鷄薈牛 (shin)garlic bread四個人 $560食物好味道﹐ 但奇怪鴨肉米卷要自己卷。 D米紙脆而薄﹐ 點卷﹖ 姑姑居住番邦多年﹐ 很多越南朋友﹐ 佢地大部份好客﹐ 在家做晚餐筵客。 自己卷米卷﹐ 做到姑姑都識卷。 夏天鐘意做 summer roll。 先用溫水拖軟張米卷才包食物。 rice paper 大名 米卷﹐ 要做做功課先得。免得被譏為港式越南菜

今晚同男友揀左呢度食晚飯, 因為覺得佢裝修都ok 靚等位唔駛好耐, 由於無訂位, 所以就限我地食1個鐘零15分鐘, 雖然唔係幾鐘意, 不過算啦, 反正食飽就走, 時間上都可以接受既我地今晚叫左三樣野食1. 越南炸春卷 - 味道都幾好, 不過嫌春卷硬左少少2. 串燒雞沙嗲 - 幾好食, 好入味3. 豬頸肉炒蛋麵 - 呢個味道 + 材料都普通到不得了, 豬頸肉好似豬肉咁, 顏色白白的, 蛋麵果然係蛋麵, 好似超市賣個d蛋麵咁, 又細碟, 賣$70 一碟真係唔值, 我亞媽都炒到咁既水準啦反而我想講下呢個店既service, 坐低左好耐, 落埋單, 連水都無杯, 淨係識叫你要唔要d幾十蚊一杯既野飲, 話唔要, 叫佢俾杯水我, 俾左9年都未俾到, 要再三催佢先有, 我見隔離台都係咁, 好似想迫人叫野飲咁, 唔叫既就連水都費事俾你但好奇怪, 俾左杯水我之後, 飲到咁上下, d侍應又好快速咁refil喎想搵人落單個陣, 明明大家有眼神接觸, 都有d侍應扮睇唔到你, 雖然唔係個個都咁, 但有一個半個, 個印象已經足以令人扣晒分啦講真, 呢間野d野食唔係差, 但服務態度真係有待改進, 佢d野食都唔

好耐都無食rice paper, 今日食又失望多一次.雖然要等位, 但都唔係等左好耐, 幾個字就可以入去, 不過一入去個姐姐就話只可以食個半鐘, 因為有人book左枱, 我心諗唔駛呀, 甘巴閉, 幾時有d甘既規矩架, 以前都無既, 猶豫左一陣都係決定入去, 入去個waitress姐姐比左張2人枱我, 夾係另外2張2人枱之間, 未食之前都覺得無乜feel. 點知一坐底發覺隔離枱d人講野好嘈好大聲, 後邊又有一枱外國人, 個bb了e哇鬼叫, 搞到心都煩, 呢d野無得賴, ok, 算, 點知發覺我地坐張枱唔穩, 搖黎搖去, 叫個waitress 幫我換枱, 佢就話有晒booking, 無得換, 我心諗, 我都係換過張枱啫, 又唔係要多你一張枱, 甘都唔比換? 枱數咪係都係一樣, 你地又無損失, 唔通d枱有刻晒名留比邊個人咩.....我好唔老泥甘望住佢, 我朋友就話張枱搖, 擾攘左一陣佢就叫人幫我整, 點知等左5分鐘都無人黎, 個waitress姐姐又行過, 我就啤左佢一眼, 跟住佢先走過黎問張枱整左未, 我地梗係話未啦!! 跟住佢先叫個男仔黎整.枱終於整好左, 不過mood就無晒, 餐牌連

老公仔今日過嚟同我食晏,所以去間未試過的,差不多一點去到,要排隊,等咗一陣子,有位,但沿途見到有唔少吉檯,唔知係真的留座,還是專登扮多人.睇返午餐餐牌,最平$58,最貴$118,我地就叫咗兩個$68,香葉雜菌炒河粉及香芧豬肉湯米線,熱玫瑰果香茶.先講炒河粉,份量都不少,雜菌都算新鮮;至於個米線,湯很清,豬肉煎得很香口,夠熱,切得很薄,亦有很多塊,也很淋,很不錯的.杯果香茶就比較甜,但味道還可以.

今日揀這裡晚餐係因為想轉一轉口味，日式、西式有點食寡了；其次就因為忽然想食米紙卷。二人叫了馬文香料配咖喱焗牛腩$95、香芒帶子米紙卷$60，另配兩個白飯@12。馬文香料配咖喱焗牛腩—落單時先詢問了一下侍應，因為一齊食那位唔食得辣，侍應說馬文這款咖喱係menu中最唔辣的一款，而紅咖喱係最辣的，咁都安心一點。咖喱中混有椰汁，配料除了牛腩，亦有薯仔、蘿蔔。由我第一件夾起的牛腩初初的口感真的有點鞋、有點乾，當時就心內弊翳：死啦！我會唔會冇牛俾我爬飯架！？<-最後都好彩~裡面有幾件牛都有點少肥、嫰口一點，肥的切位都係一件起兩件止，對於平日唔食肥野的我都ok接受到，碗飯亦因為咁成功俾我爬得晒~well done(讚下自己)！menu中每款咖喱都配有一款法包，個法包都幾有heart~脆皮又帶有熱力，用來沾汁一齊食真係perfect！至於個米紙卷對比我上次食的牛油果軟殼蟹米紙卷就稍為遜色了。今次的米紙卷不及上次那麼脆甚至做唔出米紙卷像紙張被撕開那種乾淨俐落的口感。既然消失了米紙卷的特色，那麼也沒有食米紙卷的樂趣，即食了等於冇食，故此無論材料怎樣新鮮、交足貨亦實在無補於事，因為真的挽回不了分數。

優:環境幾好,坐近溜冰場仲可以睇下人溜冰,坐位舒適,唔逼。環境算乾淨,裝潢唔錯。劣:食物份量少,對於大食之人係個大忌!!!!食物味道唔太特別,只可算不過不失,千萬別有太大期望。食物價錢貴,同一價錢我諗已經可以係旺角掃幾次街。總結:如果剩係叫杯野飲坐係到傾下計就還好,(但價錢都頗貴,要諗清楚)否則要食野既話都係去又一城其他店舖比較好,畢竟價錢同味道都唔算特出!

母親節飲完早茶, 下晏同屋企人去咗又一城行到攰 同細佬揀咗RICE PAPER飲嘢 順便叫咗個越南春巻 和拼盤試吓~普通,無乜特別好味, 拼盤好多油好肥! 成日聽人話呢度既生牛肉河和咩牛牛餐好正 '老公叫咗個生牛肉湯河, 普通, 個湯底比較咸, 番到屋企口渴到灌咗成公升水 飲品就不錯, 真係本應入來飲吓嘢! 紫羅蘭青檸梳打 ~ 甜甜地, 賣相夠靚滴漏咖啡~ 正統越南咖啡, 帶朱古力味, 唔錯 !五個人埋單$4XX, 勁貴 ! SERVICE 而且 唔係好掂, 啲WAITRESS 木口木面 !