河畔強記雞粥海鮮酒家 (Closed)

本人居住於沙田己数年,成日聽人講話沙田雞粥頂瓜瓜,咁咪走去試下O羅,才知原來如此......昨晚一行二人到河畔花園所謂出名既"強記"雞粥食晚飯,一入去D侍應態度都幾好,不過環境麻麻地,周圍食客大部份都係国內既自由行,都幾嘈,洗手間又濕又"污租".我地叫左$88兩餸~薑蔥炒蟹,西蘭花炒帶子,另叫左一隻乳鴿$35,一煲鮑魚鹹雞粥$12,兩隻大連鮑魚$24.首先講下所謂馳名既雞粥同乳鴿,雞粥D粥都幾綿,不過D雞同粥味分開O既,個粥底都幾鹹,而乳鴿熱就熱,D皮唔係脆既,D肉又係鹹左D.(街市D燒味檔好食過佢),至於薑蔥炒蟹,D蟹肉"梅梅"地,一食就知係唔係新鮮,而西蘭花炒帶子,味道唔錯,不過唔知點解D帶子連埋D內臟一起,賣相唔係幾好,唯一好食既野係大連鮑魚,同碟前菜炸花生,臨尾有碗綠豆沙送既.埋單$194,你話底食嗎?????下次咪攪.離開間鋪頭周圍D打冷檔,粥檔....好似幾好味,早知食呢D啦!

本身諗住2個人去酒樓會好難叫送, 點知都ok喎. 佢有個$88/2送餐, 或$128/3送餐, 平均40幾蚊一個送, 都幾抵. 我地2個人都算大食, 叫左個3送餐+乳鴿+鮑魚雞粥. 佢地每日都有一款特價小菜, 今日係$48清蒸石斑, 點知無晒.隻乳鴿真係幾好味, 皮燒得夠鬆脆, 推介! 薑蔥焗蟹, 不過不失, 可以一試既 粉絲蒸元貝, 一碟4隻, 2個人食o岩o岩好. 都係不過不失, 隻扇貝都算大隻, 抵食! 清酒煮大蜆, 我見好多人都食, 所以就試下. 個湯算清, 幾好味~ D大蜆真係幾大隻, $40幾真係幾抵, 不過有d沙, 可接受 鮑魚雞粥, $12一煲, 雖然唔係有咩特別, 但有幾件雞有2片鮑魚, 都算係咁喇!! 我見好多自由行黎食, 都好多2個人黎食, 可能夠抵掛~ 我諗我會再黎食!

本來去龍華，睇完啲食評即縮，轉移陣地去河畔強記，穩陣啲！－ 乳鴿：皮脆肉嫩，啖啖肉，食到停唔到口 － 白灼蝦：好好味，又新鮮 － 清蒸海上鮮：一斤重星斑收費＄108，有鮮味兼火侯啱，幾抵食 － 燒腩仔：特價＄15，約十件，一般啦－ 日式清酒大蜆：十分失望，食到成口沙，啲蜆係好大隻，不過好韌，得個樣 － 粟米斑塊：斑塊肉質ok，汁就少得離譜，味道一般，下次一定唔叫呢度菜 5大人1細路，堆單＄450，我就覺得好抵喇！食完重有小形壽包仔送 重有，起碼唔洗成日都係食稻x集團啲食肆，間間都一樣味道嘅！不過服務就街坊啲，要自己主動啲換碟架 同埋個洗手間好濕，要改善吓！ 不錯之選，不過要識叫啱餸先得。

同男朋友入沙田行街, 佢提議食乳鴿, 叫多一個朋友三個人去左強記... 等左半個鐘度先有位... 台都未執好就叫我地入去, 我地企埋一邊, 個侍應一張椅車埋黎撞到我隻腳一句 sorry 都無!!好啦... 叫左 d 野食 :乳鴿 - 真係一般, 唔覺得有咩特別椒鹽瀨尿蝦 - ok日式清酒浸花甲 - 好味!西蘭花鮮魷 - ok 燒汁牛柳粒 - ok食到差唔多完, 竟然有兩個女人企0係我地張台後面等位!? 咩事? 而家黎左茶餐廳? 我地仲未叫埋單架喎!? 個知客 / 其他侍應完全冇理到..... 其實食物係唔錯, 但係食到最後有人企0係度望住你食咁真係好唔舒服....

530pm 同老公去食晚飯......哈哈! 夜 d 一定要消夜叫咗果皮蒸鮑魚 - 68$ 有 6隻, d 肉爽脆 豉椒炒聖子皇 - 15蚊隻, 叫左三隻, 好好味, 美中不足係其中有隻 size 細左 1/3, 燒乳鴿 - 皮脆肉汁多, 正 鮑魚雞粥 - $12碗, d 雞係 d 頭頭尾尾, 成碗只有 1小塊雞胸, 1 翼尖, 1 腳眼位, 1小粒雞脾 "較" 位, 兩片假鮑片 ( 鮑片預左係假, 但 d 雞真係唔掂) 飯後送左兩件椰汁紅豆糕, 唔 c $ 但好好咪

雞粥落足料，乳鴿脆到合到好處，不會太燶，2樣都超好味，而且價錢合理，十分抵食!~~侍應生服務好，叫他幫我們拍照十分落力。下次再光顧!~

強記去年吃過，相當抵食，不過食親都成百五以上埋單，對於我呢0的日日出街食飯既人唔太划算。周四同工友兩個來呢度食晚飯，咁岩坐低仲有電視睇，岩哂電視精﹗星期四原來竹笙翅大特價，$68賣$18，咁鬼抵當然唔理一人一碗先啦﹗鮑魚雞粥待應阿姐姐推介，12蚊窩，又係無理由唔叫﹗再加多個晚飯孖寶海鮮餐，魚蝦蟹咩都有，我地就清清地要了蒸蓉粉絲扇貝，再加多個白飯魚煎蛋﹗竹笙翅用大碗裝，都幾鬼大碗，見到竹笙、瘦肉、有0的雞絲同埋翅針等，翅我當然唔識分是真定假啦，見到翅針份量都不少也許是碎翅吧，不過碗野味道幾濃郁香甜，食完亦唔見口渴，18蚊碗過下心癮同口癮都很不錯﹗鮑魚雞粥用鍋上，不過個鍋係唔熱的好明顯是煲完落入去，粥底幾綿身不過無咩雞同鮑魚味，雞件反而有成四五件，鮑片就比我搵到兩大片，是足料卻未入味，幸好味道還可﹗$12夠足料都沒有其他要求了﹗白飯魚煎蛋夠哂大塊，蛋煎得不老外脆內半熟，白飯魚份量夠多真係啖啖都有幾條，十分香口，用黎送粥是不錯選擇﹗最後的是蒸蓉粉絲扇貝，一客有四粒，碟就大喇扇貝就比較細，金蒜夠多連蒜吃相當惹味，扇貝彈牙亦鮮味，粉絲其實是呢個菜既其中一個靈魂，如果有更多會更好﹗叫做四個菜，埋單

本來佢可以多我一個熟客, 但係我受夠啦 上次同我阿媽一齊食, 見佢唔好恰, 所以d例牌野都唔錯我同我女朋友再去, 佢地即刻打回原形 一隻2xx元上湯龍蝦連e麵底, 2個人食夠曬啦不過, 佢攞隻生勾勾的俾我地睇睇完入廚房就換隻死嘅俾我地 !!!!!!d爪腥, 肉霉, size細2個碼下次唔會再黎!!!!

同媽媽同仔仔三代同堂一齊食晚飯, 媽媽最愛強記的雞粥了, 雞肉的味道我都覺得好好呢! 侍應姐姐介紹我地食個加非蟹, 六十八蚊就有一隻, 用薑蔥粉, 味道好野味, 但係可惜無咩肉食, 所以只係麻麻, 不過六十八蚊一隻都預左有瑕疵了! 另外叫一隻乳鴿, 呢度既乳鴿好出名架, 味道十分之好, 炸到脆卜卜, 我就最鍾意食胸, 阿媽就食翼尖, 仔仔就食脾位, 好好味炒白菜味道都ok, 雞粥煲到好稀爛, 雞件的味道好好, 有貴妃雞的味道, 一煲的份量只夠一個人食, 所以我地叫兩煲先夠食! 食完飽住個肚咁返屋企, 好滿足了

宵夜諗唔到去邊食, 忽然醒起不如入大圍食雞粥啦, 三個人坐的士入去食, 真係想做就去做三個人叫左兩煲細雞粥, 一隻乳鴿, 一碟薑蔥加非蟹, 豉汁炒大蜆, 炒通菜, 炸大腸, 雖然只係宵夜, 但係估唔到原來大家都咁肚餓一煲雞粥有三件雞件, 雞肉係有味雞, 幾正, 粥底好滑, 好香米氣, 果然係招牌菜! 乳鴒wonderful, 炸到脆卜卜, 正加非蟹七十八蚊一隻, 但無用, 唯一可取之處係薑蔥汁味道幾得, 不過有得揀寧願貴d都要食肉蟹好過炸大腸有水準, 食物算ok, 只係個蟹因為無肉, 有d失望, 總算保住大圍靚雞粥的美譽

今晚同男友去了一試，七點多去到，不用等位。點了一個三寶，$128三味，選了西蘭花炒帶子花枝片、薑葱焗蟹、金蒜蒸元貝。另外，叫了一隻乳鴿($35)，一小煲鮑魚雞粥($12)，一小煲北菇田雞粥($22)。先說蟹，味道還可以，但無乜肉可食，蟹本身質素麻麻地。西蘭花份量頗少，男友話味道略淡。元貝有4隻，味道不錯。乳鴿ok，鮑魚好硬，味道又唔覺咁好啫!田雞粥的田雞一隻肶也沒有，唔係咁好。埋單還計多了錢，若再去食要選一些位置不要在冷氣下，因為那裡的冷氣太勁，令到食物凍得太快，影響味道。

點了雞粥、粟米斑塊、蝦餅、炒通菜、酸甜骨中有一個不知名的$18 翅同普通的碗仔翅沒什麼分別..不太值十幾蚊的雞粥..粥底真的不錯不過雞很有味道..吃得出不是掉下去一齊煮的粟米斑塊...汁都比我用來撈飯蝦餅..似墨魚餅多d...一隻蝦都冇....一定要會再叫炒通菜太..咸..又老...結果三人只吃了一半酸甜骨幾好

如果只是鮑魚雞粥 應該每個細節都可以批評但當它是"十二蚊飽魚雞粥" 真的無話可說有粥有雞有鮑片已經算物超所值驚喜的是那隻乳鴿香口 多肉汁還點了粟米斑塊 炸魚塊基本做得不賴 但那粟米汁真的不行白飯魚炒蛋反而不錯可以翻啅 但不會是專登那一種

自從 河畔強記裝修後,就無黎過~今晚行開沙田~諗起好耐無食乳鴿.....所以就再去食啦~但今晚無帶相機...用手提影得麻麻地,只放一張出黎~今日星期六,但唔算多人,雖然坐滿,但唔洗等位~裝修後,整齊左同新左,多左幾部大電視........但menu上既菜全部加晒價!!今晚叫左幾樣以前常叫既菜.....鮑魚雞粥....幾好食~但無咩鮑魚味,但雞比以前多左幾件,算係咁啦~因為只係$12,但用一個細煲仔上,不過未裝修前賣$10乳鴿....即叫即炸,很新鮮很脆,但比出面既乳鴿較貴豉汁炒大蜆....好大隻蜆,出面未食過,碟頭都唔太小啫啫雞煲.....普通啦~份量一般,配菜較多~菜式同出面既酒樓差不多,但為左食佢既乳鴿.....都值得一試啦~價錢都合理!

2009年1月4日晚飯 – 強記(河畔)離家出走後, 與男友一直在河畔遊蕩, 晚飯揀了在附近的強記, 當然少不了要食招牌雞粥, 但原來其他野食都幾有水準, 出乎意料之外…兩人點了4樣野,1. 招牌鮑魚雞粥 – 一般, 粥唔太有雞味, 不過粥底好綿, 淨食粥底都夠2. 朱膶田雞粥 – 較雞粥出色, 朱膶很入味, 田雞有點煮過頭, 不過都好味3. 豉椒聖子皇 – 推介, 火喉控制得好好, 肉質鮮嫩爽甜, 我地只點了3隻, 如果再點個double或以上都仲食到, 因為真係好好味, 一流4. 乳鴒 – 唔錯, 細細隻, 肉夠嫩, 皮脆肉多汁未幫襯時都擔心強記會是那些名過其實的名牌老店, 想不到食物水準有如此驚喜, 價錢亦很相宜, 我倆食得很滿足, 值得再去…