河畔強記雞粥海鮮酒家 (Closed)

元旦日，早上打點好東西，就按計劃的同父母去飲茶。開了車出街，所以要考慮一些方便泊車的地方，本來想豪少少入去麗豪食，誰知他們的停車場不開，那樣惟有改去河畔泊車。一行出來，我們連飲茶地點都改變埋，經過強記門口，反正N年沒有來過，就決定來這兒回味一下。有一半場是沒有人坐的，但樓面點都唔肯俾任何人坐入去內廳，一眾入來只為了飲茶既人士都要迫住搭檯，所以坐得不甚舒適。而那些檯留著做什麼 原來，強記是為了招待一批又一批的本地一日遊的街坊團，入黎沙田為乜......食乳鴿囉!!!!!我們是來飲茶的，所以並沒有點下馳名的乳鴿同雞粥。我們被安排了在點心檔仔旁坐下。點心檔仔.....自取自選點心啊....當然，興高采烈地，去攞點心，一拿就拿了四籠傳統的港式美點。雞扎，傳統的一舊滑雞肉，一舊靚靚魚肚同一條實肉火腿。油多，是一定的了，不過油油的，是雞油的香，魚肚"sok"滿了雞汁的精華，香味的非常。鵪鶉蛋燒賣，這兒的春蛋燒賣要比起在其他酒樓食到的有少少分別，因為隻鵪鶉蛋係經過走油處理的，是一隻炸蛋。食落，味道依然是夠香，燒賣的肥瘦肉分佈得也均勻，不過隻蛋經過"炸"的處理，總覺得失了鮮香味。

是晚唔知點解咁旺場, 已經六點半去到, 但都要等位, 一去到亞姐問幾多個, 知道2個之後話未有枱, 叫我地等等, 咁我諗住有排等, 就去咗隔離D鋪頭行, 留番老公响度等, 我諗都係行咗幾分鐘番去, 原來已經入咗去, 我左望右望, 好難先响人海中搵番個老公, 原來亞姐加開咗張枱仔, 係响正行人通道, 我地坐低之後, 搞到塞住咗, 上菜又或者去廁所, 都要兜路行, 其實咁樣係好危險, 所以我都唔諗住再幫襯~~由於環境太迫, 周圍又嘈, 好唔舒服, 都係快快趣趣叫餸, 拿拿聲食飽走人........... 燒腩仔 是日特價係燒腩仔, 唔好執輸, 叫番一碟先................點知..........果然平嘢係冇好, 呢碟都唔似係燒腩仔, 都唔靚, 又肥, 燒得又乾, 食落又鹹............ 薑蔥炒蟹 又係殼同腳同鉗係不成比例的, 因為咁啱隔離枱又係叫呢味餸, 炒到亂哂, 然後求其分開2碟就算, 睇下邊個好彩, 邊個唔好彩啦~~~ 開估,,,,,,,,我地果係多蟹鉗D, 而我本身又鍾意食蟹鉗多D, 所以我覺得我好彩lor~~~ 不過始終隻蟹都係好細隻, 冇乜肉食, 味就炒

同女友晚上到強記食晚飯,到達了大約6點半,因為早,未滿座,每晚都有海鮮孖寶,平日為$88 / 2樣餸,假日加$10第一味上菜係乳鴿,皮少脆,但味道一般,盛惠$38第二味上菜係出名的鮑魚雞粥,一少窩,份量大約為3碗,鮑魚同雞都係腌咸的,味道不俗,盛惠$12,呢個抵食,現場看到4人以上的枱都有一大窩第三味上菜係白果青瓜腐竹浸蟶子,有沙的,唔掂第四味上菜係蒜溶蒸扇貝,味道還好,但蒸過火,有點韌同”鞋”,有粉絲底總括而言都是一般

我食野都無咩要求，燒肉好熱的，但係用微波爐番叮，酥皮龍蝦魚翅湯就選用原隻雪藏蝦仲要係微形果隻，本身湯以經調味，仲要加埋煙肉，唔單止個湯呀，仲有d餸真係完全唔掂，仲衰過自己煮！真係咩都win嗮，可以稱得上史上最咸餐廳之一

每次嚟強記食飯都要6:30前, 如果唔係就會冇位, 今次遲咗少少, 差D冇位, 但最入仲有1張方枱, 食到差不多尾聲, 隔離2張細枱食完, 佢地竟然可以由2張枱變成3張枱, 但要我地移過少少, 咁冇問題, 大家方便啫, 跟住經理見好似冇乜位行, 幫我地將張枱由打斜角變成直放, 好似闊落D, 到我地埋單的時候, 將我地之前坐果張方枱變成圖枱, 可以坐5-6個人. 嘩.............佢一晚都幾大變動wor~~ 之前一路坐開近門口的枱, 都未試過咁大變身, 今次坐最入先體現到d伙計真係辛苦, 成日將d枱變大變細, 移左移右, 好似做咗搬運工人咁..............今日因為食咗下午茶, 相隔唔太遠, 未係肚餓, 所以叫d冇咁飽肚的餸............... 薑蔥炒蟹開頭見到有2個蟹蓋, 以為有2隻蟹, 但食落竟然有5隻鉗, 仲要有1隻係超巨形, 唔通佢幾碟一齊炒, 所以分唔勻?? 雖然味道幾好, 幾夠味, 最重要係夠鑊氣, 但可惜d蟹冇乜肉食, 係個蓋有d好老的蟹膏食............... 辣酒煮花螺唔係辣酒, 係辣油至真, 成鑊都係油, 而且仲好辣tim~~

阿媽病左, 唯有食d 易消化既野, 加上今日係要入馬鞍山, 就出黎食雞粥喇, 話晒成幾年冇食過....3人, 好采, 我們6點來到都算早, 我們坐下不久就滿坐了!門口有主打的牌真係好吸引, 就叫個腩仔, 2個雞粥先~另有是人孖寶set.孖寶最後揀左蒸條魚及魚湯浸時蔬;不過又幾得意, 問阿哥, 蒸海上鮮會係咩魚,佢話唔知, 廚房有咩就蒸咩, 都米話唔驚, 不過好采最後上菜條魚係多寶魚而不是泥鯭魚都好新鮮, 不過唔知點解d 豉油係唔咸o既, 好似溝希左咁; 所以有點怪.魚湯浸菜, 今期係白菜仔, 也好爽脆, 絕冇問題.腩仔一半肥, 支皮好脆, 呢個價錢, 已好合理了~咩獨是個粥, 得兩舊雞及兩片鮑魚,雖好食, 但門口個牌張相, 未免吹大左了吧服務方面, d 大叔全都好有個性.

參加區議員辦的本地一天團，就是覬覦行程中的午膳環節。早已聽聞強記的乳鴿和雞粥頂呱呱，今次終於有機會試試它的招牌菜。乳鴿上枱時熱辣辣，外皮炸得香脆，肉質嫩滑多汁，果然沒有欺場。徒手拿著半隻大啖大啖撕，夠晒滋味。雞粥令人十分失望，其實粥底幾綿，可惜有大陣燶味，每碗只得一小件雞，而且不太新鮮。導遊向餐廳反映意見後，換來皮蛋瘦肉粥補數。白飯魚煎蛋是另一佳作，白飯魚很多很大條，蛋煎得香口不老，拌飯吃最好不過。蒸魚亦是高水準之作，侍應告知這條是「細鱗」，魚肉甜美嫩滑，魚油香味濃郁，最啱我這個魚痴。冬瓜瘦肉湯味道清甜，我分不出是否有落味精，但確是不錯。同枱幾位團友盛讚生炒骨，我卻覺得十分一般，因為外皮不夠香脆。另一味西芹炒雞柳不過不失，分量很足。整體來說，除了馳名雞粥不能接受外，其餘的也算普通甚至有驚喜。見這裏食物價錢很相宜，如果不是路程遙遠，有機會會再試其他小菜。

唔知點解沙田d食肆好早就滿座, 我地六點半左右就到, 好彩室內仲有2張細枱, 再遲多十分鐘已經要坐門口lu~~我地被安排坐响魚缸邊, 一路食飯一路比條大龍躉睇住哂, 但後來佢見我地唔多理佢, 就成日游去後面有小朋友果張枱, 望住個小朋友食嘢~~ haha~~其實都係例牌叫個孖寶+乳鴿+雞粥, 不過今次試多個湯, 但相信只此一次lor~~~ 鮑魚雞粥 得果3片假鮑魚同3舊雞, 不過睇個價錢都估到唔會多~~ 而且個粥唔重雞味, 但都算幾綿~~ 紅燒乳鴿 好似細隻咗少少, 同埋炸得乾咗d~~ 日本清酒浸大蜆 佢d蜆真係超大隻, 隻隻超過2吋長, 而且仲响其中1只發現佢原來係食蟹架~~~ 至於個日本清酒湯底都好重酒味, 但唔知係中國燒酒定真係日本清酒, 因為我覺得都係差不多~~ 酥皮魚翅龍蝦湯 一上枱個賣相已經唔得, 個酥皮一pat咁pat响湯碗, 完全同西餐廳果d差天共地, 人地果d係圓拱形, 佢係平架!!! 而且食落個皮都唔夠酥..............個湯更加唔掂, 稀過水咁, 仲衰過d罐頭湯, d所謂翅其實即係假翅, 仲要係得幾條仔..........d龍蝦仲衰, 根本就係呃人,

老公想吃海鮮，特地到河畔強記。兩個人吃不到太多小菜，見到menu有$88海鮮孖寶，12款選兩款，我們選了日本青酒浸大蜆及西蘭花炒帶子花姿片。上大蜆時，我見到很大隻很多，以為很扺吃，可是好睇唔好食，蜆肉無味而且有點霉霉的，浸蜆的湯很重胡椒粉味，估計用來僻腥味，結果只吃了幾隻就擱下不吃了。西蘭花炒帶子花姿片少得出奇，只用一隻小碟盛著上菜，但我們兩個人吃份量還算可以就不計較了。花姿片份量ok，帶子就少了點又小了點。另外還點了乳鴿及豉椒炒蟶子王。乳鴿很好吃，招牌菜果然沒欺場。蟶子王$15一隻，肉質鮮甜，但略嫌調味不夠，有點浪費了蟶子王，另外不知道豉椒是否包括青椒?在其他地方食豉椒炒蟶子王是不見有青椒的，但這裏就有...總括來說，來強記就不要選平的海鮮孖寶或三寶了，點正價小菜可能保險一點。應該不會再特地來這裏吃飯，要吃乳鴿，樓下大圍都有很多選擇。

we went there on a sunday lunch at 12 and got a table straight away. The chicken and abalone congee is a signature dish which was excellent and so was the pidgeon which we ended up ordering seconds... The pidgeon is excellent value and very tasty, crispy on the outside and quite meaty insided with a lot of flavour.The seafood chow mein was good, the noodles were fried just right and enough sauce to cover the noodles with ample pieces of seafood. The only thing i didn't like was the crab sticks

果晚放咗工好攰, 唔想煮飯, 所以去咗食雞粥.....................當晚去到都成7點半, 已經有坐滿2/3人, 好彩仲有幾張細枱...............一望見個餐牌, 嘩.................12蚊有鮑魚雞粥食wor~~ 咁抵, 梗係要叫番1煲la~~ 另外, 仲叫咗個孖寶, 當然唔少得招牌乳鴿la~~ 鮑魚雞粥 等咗唔夠5分鐘, 傳菜姐姐已經將佢放上枱, 果然不出所料, 12蚊咁平, 唔方會有好大煲同埋好多料啦~~ 個煲size似係平時食煲仔飯果種, 鮑魚只得2片, 雞有4舊仔.............. 鮑片應該係罐頭鮑or螺片之類, 應該唔似係素鮑片, 因為都幾有咬口................ 雞有少少鹹味, 但好細舊, 碎濕濕, 又肥................. 粥底幾綿, 不過好似重手咗少少, 因為味道偏鹹................乳鴿 連同雞粥一齊上, 以為佢咁快上, 一定係斬好哂, 放到凍哂la~~ 但又唔係wor~~ 仲好熱辣辣架~~ 乳鴿皮好脆, 但略為肥咗少少, d肉都好嫩, 唔會過老............

今晚同朋友2個人去左河畔強記雞粥海鮮酒家食飯，我地叫左鮑魚雞粥、豬潤田雞粥、薑汁炒芥蘭、乳鴿，每人都係$100度。鮑魚雞粥:麻麻地, 料唔多，勝在夠平，算係咁。豬潤田雞粥: D田雞好大隻好新鮮，D粥煲很好棉，又幾好味。薑汁炒芥蘭:一般，不過朋友話幾好味，幾香薑汁味。乳鴿:皮脆肉嫩，通常好多店都會把翼既位置炸到過晒火，但呢間就炸得幾好，仲有好多肉汁係裡面，不過就咸左D。 另外，D侍應服務態度都幾好、又有講有笑，好親切。

09/04/2010 晴天香港的出名食品都不少, 難怪人人都稱香港是美食天堂, 講起元朗我們會買"大同"或者是"恆香"的老婆餅, 但今天我和家人就去了沙田, 沙田最出名的當然是乳鴿和雞粥, 在不少人口中講的"強記雞粥"在沙田都好有名, 今天我們就當然去強記一試一坐下來, 心急的爸爸已經好快點菜, 我們叫了今天的精選"香蒜牙簽骨", 之後當然叫了一窩鮑魚雞粥, 之後再點多兩款小菜,因為之前食了個tea, 所以今餐不是叫了好多食物....鮑魚雞粥----招牌雞粥令我好失望, 鹹味重了一點, 粥底不是好夠綿滑,味精太多了,鮑魚明顯是罐頭的,雞味都麻麻, 不是太新鮮,而且是好像頭頭尾尾, 真是好鹹豆豉蒸元貝----元貝鮮甜味濃, 肉質實淨彈牙,而且都好大隻,豆豉的味道也是完全滲入元貝內, 真是不錯香蒜牙簽骨----肉質是豬肉, 外皮炸得好脆口,也是惹味, 但有點過鹹,味道太濃, 最適合送酒之食品,但我不是太喜歡食清蒸海上鮮---魚都唔錯好滑, 肉質一般不算好鮮甜, 配上豉油味幾香,蒸的時間剛剛好,時間掌握不錯西蘭花帶子花姿---魷魚也是爽口彈牙又大片,鹹味剛好夠鑊氣,火侯恰到好處, 西蘭花翠

好多年無黎，水準仍然保持不變，非常強差人意，但唔知點解啲食評咁好 ~招牌炸乳鴿，味道平平、無驚喜，皮唔脆、唔乾身、油林林、年紀太大肉唔夠滑，差 ~招牌鮑魚雞粥，真係一分錢一分貨，HKD12 蚊一碗，一片仔青邊鮑魚、兩三舊隔夜咸雞，真係有隔夜嗅雞味 ﹗離晒譜 ﹗粥底勁差、無味、一粒粒、一啲都唔棉滑，好似將啲白飯加水煲滾再落隔夜咸雞加鹽 ﹗勁差 ﹗大埔魚滑 HKD18 碗滑雞粥好佢百倍 ﹗清蒸大連九孔鮑魚，啖口、口感同味道似番熱，上枱時只暖不熱 ﹗應該係一早煮定、貪快貪方便，有人叫就拖水落蔥加蒸魚豉油 ﹗垃圾 ﹗係街市買一斤六七十蚊返屋企清蒸，咩都唔洗落，好佢千倍 ﹗

以為這星期不在港, 所以上星期已慶祝了, 幸好昨日就可回港而今日是正日, 還是可以一再慶祝的 而因為冇預先訂位, 所以今晚未夠六點便來到沙田強記, 因平日他們都是勁多人, 可況是母親節 果然帶完我們入座之後, 他們便跟同事說裡面沒有枱了看看餐牌, 有四人套餐, 但不能改湯, 所以侍應也建議我們點個三寶餐($138), 一個燉湯, 兩隻乳鴿, 兩個鷄粥, 便夠了!! (埋單才$382, 十分化算)!!!鷄粥同乳鴿都是有名的, 亦不失望. 而三寶餐就點了海上鮮, 灼蝦, 銀杏聖子煲. 魚就不是特別好, 灼蝦基本無難度只要蝦新鮮便可!! 至於銀杏聖子煲, 則比較有驚喜, 清清地濕濕但不失鮮味 燉湯亦唔錯!! 可惜掛住食, 食完先至發現唔記得影相, 真失敗 不過媽咪食得開心便可以了, 其實母親節父親節我都一樣會同兩老慶祝 (今天就等爸爸休息一天, 唔駛佢煮飯!!!) ps 我屋企是我爸爸作為伙頭大將軍的