河畔強記雞粥海鮮酒家 (Closed)

經過河畔，有好多餐廳選擇，呢間係經朋友介紹，鮑魚雞粥最出名，於是黎試下。呢度宵夜幾平，一個雞粥都係$18，其他宵夜炒粉麵嘅都係$40-50左右。嗌左一個雞粥同乾炒牛河。雞粥啲雞有3、4件，鮑片就有2塊，個粥有啲稀，加啲胡椒粉又幾好味，鮑片幾彈牙，雞就好彩佢比雞比肉，幾鮮嫩，不過不失啦。乾炒牛河幾有獲氣，炒得好香，配料都幾多，炒河恰到好處，夠味之餘唔會太咸，連埋芽菜洋蔥食富有口感，牛肉幾多，又入味，幾有嚼口，值得一試喔！

今天五一勞動節，難得有假期，我們一家人來這裡吃午餐，點了菜式如下：1.老火湯：湯很熱很甜，十分足料，有白菜、紅蘿蔔、陳皮、黃豆、瘦肉等。2.西蘭花帶子花姿：西蘭花軟硬適中，帶子爽囗軟滑，花姿片很薄滑美味，有蝦醬作調味，味道不錯！3.薑蔥焗鮮蟹：蟹肉極少，吃不清楚味道4.豆䜴爆雞：有多片洋蔥青椒伴碟，雞的味道很好，可是肉質不太統一，有些軟，有些「鞋」。5.咖哩炆牛腩：咖哩香甜，牛腩軟滑，十分醒胃。6.清蒸海上鮮：是新鮮剛熟的𩶘魚，魚質軟嫩味美7.馳名雞粥：粥的質感適中，不浠也不杰，雞肉美味軟嫩，可惜有雞骨碎由於今次負責把食物放上枱的女侍應很有禮貌，食物味道不錯，大致上我們也算滿意。

今天我和家人來強記吃午餐，可能是復活節最後一天假期，餐廳不太多人，環境頗寧靜，吃得很舒服。首先我們點了豬膶田雞粥，雞粥香噴噴，熱辣辣，粥較浠，豬膶偏硬，田雞多骨少肉 ，有薑絲蔥粒點綴，算是不錯！接著我們吃蠔仔煎蛋，蠔仔煎蛋味道香囗，但質地較濕，如乾身一點較好。然後我們吃清蒸海上鮮，魚的肉質嫩滑鮮味，煮得非常好！正當我們等下一味菜來時，侍應突然收去我們其中三人的湯匙和碗，我們十分愕然!於是請他再給我們湯匙和碗，他説以為我們食飽。其實他是否應該先問我們D食物來齊未才收會好些呢！跟著我們吃咕嚕石斑球，石斑球香味撲鼻，甜酸味適中，十分美味！然後我們吃涼瓜肉片加一碗白飯，十分熱辣，但肉片不太軟。然後我們吃枝竹牛腩煲，很熱辣美味，牛腩很軟。跟著我們吃海味雜菜煲，材料豐富，菜很新鮮。最後我們喝例湯--青紅蘿蔔粟米合掌瓜湯，湯的味道很甜很不錯！

訂好晒枱去到，仲要成12個人等成半個鐘，價錢就貴、啲菜碟頭又細，蒸條紅尤又蒸到過火成條魚鞋晒，啲雞粥又唔掂雪味濃到死粥底又味精多，最差就係啲待應好似名店啲sales咁，做慣大陸豪客生意咁，唔願招呼我地啲港燦，唔使指意有下次!

以前都會成日去食，自從間野成日服侍自由行及又要加價又要越黎越細碟後都冇去過，由於友人話要食沙田雞粥，咁..又中左招 辣酒煮花螺，全部霉既 仲叫左白焯蝦，又係唔新鮮，都係霉既 雞粥？係冇味，係白粥水（仲要勁浠果隻）加兩舊雞，好難食，明顯唔係一齊煲出黎，d粥少少雞味都冇，四個人冇人可以啃得落呢碗野！ 炒面，係最正常，但其他野全部都咁難食，去隔離粥鋪買左炒面都係幾蚊，洗鬼食你咩

今晚諗住食雞粥，第一時間諗道既地方就係沙田雞粥。去到大圍強記話休息咪上openrice揾到河畔強記咪立即去，去到一攞餐牌$18鮑魚滑雞粥……咁x平，腦諗平嘢無好好嘢無平，鲍魚……（腦說不口叫得咪叫碗試下）等一陣間碗粥到，鮑魚=2大片彷鮑片一早估到，滑雞=3件雞，粥就少绵。味到就雞無雞味粥似水。小弟再有機會有人請都唔會再去。註:其他食物就不過不失

親戚從遠方來，16人訂左呢間，到即有位，係12人圓枱，只可坐圓櫈前後坐。超迫河畔有時租車位，$10/hr. 強記冇泊車優惠。叫左大量餸，全部不錯，㨂三樣寫黃金魷魚--用咸蛋王包面炸，魷魚新鮮，香囗野味，大大碟乳鴿--太乾身，味淡，肉實，感覺一般京都骨--大碟，粉不厚，吾靱，鑊氣夠，正整體--家常小菜不錯，價錢公道，16人頭埋單$1700

弼仔送到@沙田強記雞粥 Shatin Chicken Congee大圍積存街12號地下還是小孩子時爸媽會帶同我及細佬妹入沙田食雞粥,那年代還是大排檔, 在空地排滿了摺臺摺椅,夏天那住把比我們還高的巨型風扇,我們喜歡對住說話因出來的聲音很機械人,這樣子爭住玩就是童年生活了。相距十多年了, 再沒有daddy帶我來,倒有個好似daddy咁長氣老積的朋友陪我。雞粥($30)同蟹膏粥(時價)各一碗,白粥底米粒煮得起花, 軟綿香滑,白切雞令粥底帶鹹味及有雞的油脂,披了層粥雞肉更嫩滑, 肉中有米香,吃掉一半再等上菜,放了一陣都沒有出水。蟹膏令粥底橙橙黃黃, 比雞粥為稠,蟹蓋上確實是有很多鹹蛋黃色澤般的膏塊,未算鮮甜因蟹肉發霉~oh~肉不是一絲絲而是"淋"身。燒乳鴿($68一隻), 中型鴿不是bb鴿了,醬油醃皮帶啡黑色,吃下卻沒甚醬油味,預先製作好再翻熱, 皮肉都稍為乾身,皮唔脆紮實的肉質不是喜愛食乳鴿嫩的人杯茶,食肉怪倒是可以一叫因肉多。椒鹽瀨尿蝦($100)炸香了的蒜, 約有十來隻細SIZE瀨尿蝦,過了油,肉不多卻鮮甜, 只是要留心殼刺手,起勢拆殼時都插到入肉超痛。煎蠔餅 ($80)見到鄰桌點了份

平日都好中意來呢度食飯~又好味又抵新年都開梗係諗都唔諗就來啦。可惜。。價錢貴少少都預左，但味道有點強差人意雞粥必食啦，但好重口味，咸啊！蒜炒豆苗~大碟抵食黑椒牛仔骨~又係大贈送好大堆頭紅燒班腩就普普通通啦個蒸元貝。。好經典，好老好"tempo"個冰鎮鮑魚就好好食~同"wa沙bi"好夾~~失望，希望下次有改善啦

今日等登放假還亞爸心願去沙田食雞粥做午餐, 一行三人轉車又轉車終於去到, 坐底第一時間就叫咗一鍋"招牌雞粥", 之後再叫咗"棉花雞"同"鴨腳扎", 結果...招牌雞粥 $78/鍋粥底好棉, 好香, 無味精.  雞件有咸味, 好滑.  兩者分開食係好食既, 但夾埋之後就似係熱粥+燒味白切雞. 佢係用瓦煲上枱的, 但粥並無滾緊, 個煲耳亦唔熱, 絶對唔會燙親.棉花雞及鴨腳扎 (特點)兩樣都應該係即叫即蒸, 因為都等咗一段時間先有, 食落都好熱. 棉花雞既棉花係一片片既, 有D似豬皮, 哈... 鴨腳扎就...外面既腐竹有雪味, 鴨腳就唔够爽, 諗諗地, 而芋頭就唔够粉同唔够香.呢間嘢有兩樣嘢係好值得讚, 第一係服務, 非常殷勤同好醒, 只要你有小小"頭鱷鱷", 或者想鱷起頭, 佢地已經知道你想點, 好快咁行埋嚟.  比額外碗仔仲幫你用熱水洗埋, 攞上手既濕又暖. 你張枱放到一枱都係餐牌或者order紙, 佢就會走埋嚟執返好, 張枱繼續整齊.  第二係就係碟頭飯, 真係好大碟飯架, 所以我見食客好多都係男仕, 個個都係入嚟食碟頭飯.  我見到隔離枱個碟燒鴨/鵝飯, 我諗我要食兩餐先食得晒佢,

9點半到, 由於訂左位, 所以唔駛等位, 首先覺得侍應D服務幾好, 見我地凍, 都主動幫我地熄左其中一部冷氣.我地叫左3寶:鮮竹銀杏浸聖子 - OK丫, 個湯幾鮮, 聖子都正常京式賽螃蟹 - 味道淡過杯水, 就算加了醋同胡椒粉, 都係帶唔到個味出來, 個侍應仲要話佢地個賽螃蟹係淡味, 我心諗, 係完全無味囉.金蒜蒸元貝 - OK啦, 一般貨式加2碟菜:芝士焗龍蝦 - 芝士汁底無芝士味椒鹽賴尿蝦 - 賴尿蝦既肉梅呀總括, 唔會有下次啦.

過往幫襯強記多數是宵夜外賣，反而堂食就係第一次，呢度晚市時段有特價套餐，$148有三款餸，週末假期加$10，有二十零三十款選擇，今次點了西蘭花帶子花姿片、蒸魚同埋黃金炒鮮魷，另外加了一碗雞粥$18。1. 西蘭花帶子花姿片，細碟，味道偏淡，帶子好碎。2. 蒸魚，雖然唔清楚條魚係咩品種，不過肉質鮮甜同好滑，可惜係豉油出事，偏淡。3. 黃金炒鮮魷，鮮魷炸起用鹹蛋回鑊，蛋黃鹹香惹味，份量唔算少。4. 雞粥，有兩片仿鮑魚及幾件雞，雞肉好鹹。埋單$213，晚飯未算出色，宵夜外賣乳鴿+雞粥$52反而抵啲。

仰慕已久的强记鸡粥和乳鸽，搬来沙田一个月后才有机会品尝。和太太两人点了一窝鲍鱼鸡粥，一只乳鸽，两只避风塘炒蟹和一条灿斑，才310hkd！饱到上颈啊啊。乳鸽肥瘦适中，咬下去香脆渗油但不会满嘴油腻感。好吃！鸡粥够滑，但是略咸，吃多两口觉得口渴，估计也是落了味精类调味。海鲜好新鲜，条鱼蒸得好靓，吃到一半侍应问要不要碗饭，我思想斗争了一阵觉得蒸鱼不用来送饭简直暴颤天物，所以最后结果就是饱到郁唔到。。总结：平靓正

耐唔耐都會同朋友入嚟食飯..雞粥..乳鴿好似同沙田扯上咗關係 除咗呢2樣..呢間強記每日都有唔同嘅特價精選..今日好好彩..有龍蝦喎.. ~$138芝士龍蝦伊麵--雖然係特價菜..但絕無欺場..啖啖龍蝦肉..芝士味剛好..唔太淡又唔太濃..好味!~辣酒煮花螺--今日D螺太細粒..唔過癮..但辣酒味道OK..~鮑魚雞粥--粥底好綿..但D粥就無咩雞味..~乳鴿--雖然不及龍華D乳鴿肥美..但都算好肉地..皮香肉嫩..正!~白灼鵝腸--好爽啊!!!..加埋辣椒豉油/蔥/薑一齊食..好正!

近來家中裝修每事忙，往往執拾到很晚。晚上九時，一行四人駕車去附近的河畔花園，嘗嘗沙田雞粥。這裡好像愈夜愈旺，駕駛人士佔多。四人海鮮套餐只是 $398，但家人擔心不新鮮，所以自行到魚缸揀海鮮，然後散叫。一窩沙田雞粥，四人分剛剛好。新鮮雞件頗多，可是有點骨碎，吃粥時要小心。粥底滿有米香，吃下去略咸，但咸味是出自雞的。兩隻紅燒乳鴿，新鮮燒起，乳鴿皮卜卜脆。肉質鮮嫩，但每咬一口都滿是油光。沒法子，去那裡吃燒乳鴿都無可避免大量的油吧。豉油皇大蝦八隻，蝦殼香脆入味，但味道不太能滲入蝦肉。蝦肉新鮮，沒有霉，相信蒜蓉開邊就更好吃。豉汁炒聖子，醬汁偏咸，我們要把醬汁分開才吃。聖子新鮮，很大片連在一起，要用點牙力把它分開。薑汁芥蘭，家常小菜。炒得有獲氣，芥蘭仍然保持翠綠色澤。清蒸老虎杉斑，是老虎斑 mix 杉斑的混血兒 清蒸的時間剛剛好，沒有過火。意想不到肉質鮮嫩，而且非常滑溜，家人對此讚不絕口。約二百多一條的老虎杉斑，如此中上質素，還真算抵吃啊。吃雞粥 / 海鮮同樣出色，價格合理。可能我們不是熟客，所以服務一般，老伙記的態度敷衍。