路邊小炒

Open Now

Now Closed

依家好多餐廳都好早就收工openrice sesrch下附近想食嘅都close咗所以就同朋友一齊食呢間大排檔呢條街都有好幾間選擇我地就入咗其中一間我地order咗雜菜蝦米粉絲煲生炒骨黃金雙併(雙併可以任揀兩款)我地揀咗蝦同豆腐另外再order咗蜜汁薯仔牛柳粒每樣餸都唔錯特別係個牛柳粒薯仔軟硬適中而且牛柳粒都淋甜甜地都幾好食而且牛柳粒都幾多而另外我地都覺得生炒骨唔錯唔會骨多過肉而且都整得香脆總括黎講都唔錯可以再幫襯

又係屯門收夜，今晚和同事們一起食大排檔，貪夠港式風味和夠鑊氣。🌟#牛柳粒炒薯仔牛柳粒有點韌，唔算嫩，薯仔有點生。🌟#酸菜炒鵝腸完全冇味，好腥臭。🌟#蜆介鯪魚球分量十足，外脆內軟，配合蜆介食，好惹味，不錯。🌟#蒸鱸魚魚肉鮮嫩細膩，搭配特制的調味料，保留了魚肉的原汁原味。🌟#紅燒乳鴿乳鴿肉質鮮嫩，搭配濃郁的紅燒汁，口感豐富，香氣四溢，入口後肉質鮮嫩多汁。價錢不算實惠，但份量十足，賣相都ok，可惜水準差參。

第一次來這裡食食，兩個人叫左兩個餸，鹵水拼盤同啫啫雞煲，鹵水豬腸整得幾光淨，唔會太多一舊舊肥膏，鹵得夠入味又無臭味，拼上紅腸豆腐同爽口豬耳，再點上酸辣米醋食，別有一番風味。啫啫雞煲瓦煲上，熱辣辣，啫得香濃惹味。

叫左碟菠蘿咕咾肉點知食落舊舊都有骨，問事頭婆識唔識分咕咾肉同生炒骨就阿芝阿左，再問個男嘅佢 竟然話果舊軟骨唔算數小弟學識小食左幾拾年咕咾肉依家至知原來係有骨嘅，吹漲！

話說小弟4月18號晚 自己一條友去何福堂食飯！基本上除左呢間之外，我對其他店舖已經冇哂信心！坐底叫左兩支藍妹，一碟豉汁蒸鱔！一碟酸菜炒鵝腸.....論味道，論質素，論服務！其實我幾滿意！（只限未賣單之前）碟鱔食左一半，碟鵝腸食剩一大半！人有三急，想去廁所！去廁所前已通知侍應比個外賣盒！因為碟酸菜炒鵝腸食唔哂，想打包！咁岩又想買外賣比老婆食！於是乎就拎埋張單去收銀櫃！叫左個炸𧐢餅 同 京都豬扒 拎走！收銀計完錢總數係510蚊....其實1條友食呢個價錢都算係咁啦！比完錢去埋廁所 諗住行返張枱繼續下半場！未行到張枱已經見到男侍應拎住個膠袋清哂我兩碟餸！ 旁邊一位女侍應仲拎住個外賣盒發呆望住個男侍應....真係有冇搞錯丫，比500幾蚊黎食野，去個廁所賣完單你就清我張枱？我即時大聲喝止：有冇搞錯丫！成間舖都望住，點知個男侍應仲串，你未食完就唔好賣單.... 我當堂呆左其實我心諗你係清枱 又點會拎白色膠袋去裝我d食物？擺到明就係偷野....同老闆娘理論...點知老闆娘睬我都傻，話我賣左單就當你離開.... 然後就送左支藍妹比我飲....當賠罪丫？係飲梗藍妹等埋果兩盒外賣期間...個男侍應已經收收

難得另一半想食大排檔，路經呢間個陣門口姐姐都十分熱情招呼我地入去於是一於決定入去試下！兩個人叫左三個小菜，分別係：酸菜炒豬肚椒鹽三寶（除左九肚魚外，其他都可以任選）鹵水雜錦整體黎講味道不過不失，有獲氣，但味道以大排檔黎講略嫌清淡，還可以接受。

今日晚上七時，我約了朋友在何福堂一帶晚餐，行經呢間路邊小炒經過店員積極遊說之下便入內坐低試一試。今日人流不算太多可能只是平日的關係，坐低看看餐牌我和朋友點了椒鹽九肚魚，啫啫雞煲同埋豆豉鯪魚炒油麥菜，還點了一支藍妹啤酒。好快椒鹽九肚魚便送數上檯面，椒鹽九肚魚外層相當脆口內裏相當軟骨加上喼汁非常之好味而且帶有魚肉香味。豆豉鯪魚油麥菜我諗好難做得難食，但豆豉鯪魚相對上比較少。啫啫雞煲最後到來，雞肉經過走油大有少少炸粉的感覺，可惜雞肉相當之少全部都是頭頭尾尾，這個我感覺到相當之失望。雖然我感到失望但椒鹽九肚魚好味玩回不少分數，回頭率30%

📎餐廳類別：大排檔/風味小炒⏰用餐時段：晚市🍽餐廳環境：🧡🧡💛💛💛🙋🏻‍♀️餐廳服務：🧡🧡🧡💛💛👨🏻‍🍳👩🏻‍🍳味道🧡🧡🧡💛💛💲性價比：🧡🧡💛💛💛(5🧡最高)👅突然想食下大排檔就揀咗呢間價錢方面我覺得係偏貴 份量唔算好多味道就還好啦 都係同出邊食嘅差唔多🤣水煮牛肉 味道唔夠麻辣 配料都比較少豉椒炒鵝腸 都冇想像中咁好食啫啫雞煲 雞件比較少 煮得唔夠乾身不過整體都OK嘅 大排檔來講都算係咁

朋友話食得多新x榮，想試吓呢間。問題嚟喇，唔知係俾新x榮姐仔記養到條脷純咗，總覺呢間啲調味鑊氣都欠啲⋯⋯但先嚟嘅「薑蔥霸王雞半隻」明顯唔關先入為主事，同枱一眾都覺得做乜咁少得一小撮薑蔥？！預咗會用雪藏雞但如果連薑蔥呢啲幫手辟雪味且帶出雞味嘅低價食材配料都要慳的話，咁碟雞都唔慌會好食。果然，雞，冇嚟聞味，甚至髀、背都唔夠滑。之後嘅小炒「魚香茄子煲」、「豉椒炒花甲」（起碼冇肉少過殼）只屬不過不失，冇難忘印象。「炸蜆蚧鯪魚球」表現稍為好番啲，個頭酷似長洲大魚蛋大細，熱到辣嘴，唯始終鯪魚肉味都係唔夠，又令我諗起食到流口水嗰間喺川龍⋯⋯都係麒麟徑路邊小炒，但點都有分別。

之前難得一次入嚟屯門搵個friend聚下, 我入到嚟唔知頭唔知路, 佢就推薦呢間, 拉住我一齊嚟試下去到, 大佬而家六點幾都唔算夜呀,竟然要排到出門口? 我只係想搵個地方同friend食下嘢, 飲下野吹下水, 都有少少想去第二間, 但我個friend好似好有興致咁樣即刻衝埋去問幾時有位冇計呢度佢熟, 唯有等等嘅時候我個friend仲話呢度真係正呀,嚟到屯門一定要試一次呀！ 講到咁我又真係有少少期待喎當時天氣凍嗌咗一個羊腩煲, 坐門口出少少嘅位又唔會太焗啱啱好,個羊腩煲嚟到, 認真對嘢食我又唔係幾識食, 覺得啱口ok就可以, 羊嘅話只要唔騷,對於我嚟講都可以接受, 咁啲羊又真係唔騷幾好食食食下又好似唔夠食咁就嗌多咗個椒鹽粟米鮮魷, 今次呢個我識食啦, 啲鮮魷脆卜卜,粟米又甜,認真我食呢個仲多過個羊腩煲同個friend飲下食下都唔記得咗影相😂總之我就對個椒鹽粟米鮮魷非常賞識, 走時仲打包咗一個返去下次入嚟要再試多次呢間👍

難得終於凍番啲，屋企人想食番個羊肉煲暖吓身。路邊見到有個將promotion 唸到倒背如流，又見餐廳有我哋想要嘅羊肉煲就入咗去試。除咗羊肉煲外，仲叫咗黃金蝦、椒鹽鮮魷同個京都豬扒。羊肉煲好快就上咗菜，個人認為比較韌，會難咬啲，要番啲耐性去享用。識食一定食入晒味嘅蘿蔔同冬菇。食緊嘅時候，店員有多次問我哋有冇需要開冷氣，係體貼嘅～至於椒鹽鮮魷，幾時叫都最穩陣。好食，唔係淨係大大舊炸生粉，仲食到啲炸蛋黃添！而黃金蝦，雖則炸到脆一脆，但就唔係個個都接受到成隻蝦連殼食。。最後⋯雖然我哋都追過個京都豬扒，但最尾都無上到。原來一直煮好，留低咗喺廚房⋯所以都係取消咗。轉咗個韭菜豬紅填填肚，少少辣辣哋咁，唔錯。羊肉煲388，加埋另外三個餸，四個人食七百幾埋單，合理嘅。

今日休息同太太行完尖沙咀返屯門揾食，去到新墟路邊小炒點知食到一肚氣。點咗個羊腩煲細份嘅$288，一来到骨多过肉，加埋唔超十塊肉好多仲係脊骨位，成煲隻得一塊筍，講都冇人信咁都算啦,太太中意食蒜茸开邊蒸蝦$168，特登問咗點菜的姐姐係咩蝦，佢話係海中蝦🦐，一上嚟原来係基围蝦細無可細仲要係死蝦，肉都霉哂，心知中伏啦！喂，大佬，使吾使食水咁深啊！你可以收我貴啲，吾該你都用番咁上下的食材貨比人吖，唯有自認倒霉！食完埋單向老板娘投訴，佢一句没意思都冇，仲口口聲聲話係新鮮蝦。唉，你第一日出來開店咩，當個個食客係白痴？真係扯火，从此以後不會再帮襯……可惜今晚唔記得影相，但句句属實。

母親節💖食飯，又唔想食外賣，又想食下中餐，我就提議去呢間食，不過細佬問得唔得🤷🏻‍♂️，因為之前喺附近食過幾間都麻麻地，我拍心口話試過，咁就決定食啦。8點去到都要等位，不過啲姐姐勁細心，俾哂啲櫈我地坐👏🏻👏🏻，環境係迫呢個要接受，大排檔你當風味啦，坐低叫野食，5大1細叫左6樣野：薑蔥🐟雲煲、西檸🐔、韮菜🐷紅、蜜汁茄子🐮粒、蠔仔粥同埋小炒王，係個蠔仔粥真係差小小之外，味味都唔錯。餐飯都算唔錯，味道好價錢平，唯獨上菜時間有啲耐，其他都好唔錯，行過路過可以試下P.S. 鬍鬚🧔🏽老闆好好人好鍾意吹水

大排檔的名字叫路邊小炒，名字改得好，立刻令人想起鑊氣小菜，食指大動了，今晚就在這裏吃飯吧！太肚餓的關係，先來一碟乾炒牛河$70。上菜速度超快，估唔到咁大碟，而且超多牛肉，鑊氣夠所以好香！味道不會太鹹，還附上一小碟辣椒醬，正合我意！辣椒醬味道微鹹微辣，拌炒河一起吃就更惹味！兩個人三 三扒兩撥便吃光光。蜜汁薯仔豬頸肉$88,都是大大碟，豬頸肉和薯仔有蜜糖炒過，加上有鑊氣，真的非常香甜！薯仔夠粉，外面有蜜糖炒完脆脆的，超好吃！豬頸肉本身爽口， 夾著薯仔和青紅椒等配料一起吃 增加層次感味道又好。黃金鮮魷$88,平時食黃金蝦食得多，今次試下鮮魷。炸完再加咸蛋黃炒，味道超香，微微鹹味又脆卜卜，裏面魷魚煙韌有嚼勁，食得好過癮！路邊小炒皇$98,第一次食到小炒皇的配料有油炸鬼，很特別，而且是用西芹取代韭菜，自成一派，有爽口馬蹄，和炸完超煙韌的魷魚絲，蝦乾，很香口，一碟小炒皇真的吃到一整晚，因為全部食材都要用點牙力，要慢慢咀嚼，來一瓶啤酒就最匹配了。四碟小菜埋單$344,價錢合理，每碟份量大而足料，又夠鑊氣，整體都很滿意。

和朋友去了屯門麒麟徑仁愛堂街的路邊小炒，相信住在屯門的朋友一定認識這裏新墟食小炒，這邊集中了很多小炒店，主要做街坊生意所以，所以價錢較為低食，而且招呼店員都是很有人情味。路邊小炒雖然沒有華麗裝潢，但坐得好舒服，枱櫈亦好闊落。我們點了雞煲小麻小辣，另外再點了一碟蜆蚧鯪魚球。雞煲上枱是熱辣辣，聽到咋咋聲， 揭開蓋後香濃的雞煲味道撲鼻，已經令人吞口水。雞煲非常好味，雞肉軟淋入味，而且有好多配料洋蔥，青椒等配菜，也非常好味。另外再叫了一碟蜆蚧鯪魚球，這鯪魚球非常出名，滿滿一碟，每一粒都非常飽滿彈牙，體積有乒乓波那麼大，配上蜆蚧非常香口惹味。 再配一罐汽水，真的很爽。總結：路邊小炒是一間做街坊生意的小炒店，價錢抵食，又夠鑊氣，而且店員有禮貌，有人情味有禮。