阿爺燒鵝餐室

Open Now

Now Closed

因新冠肺炎疫情影響，政府限食店6點後不准堂食，放工太攰又唔想去街市買餸，記起之前在大圍有間阿爺燒鵝，食過啲燒味質素唔錯，一於去買外賣做晚餐。餐室近大圍站，交通都好方便。阿爺燒鵝叉燒瀨粉，原本來買燒鵝瀨粉，回家打開多咗啲叉燒。燒鵝食落有煙燻香味，燒鵝皮更帶有鵝油甘香，肉質嫩滑有肉汁。叉燒肉嫩唔會梗。瀨粉爽彈，湯底沾了鵝的精華，添加不少香味！飛天頭抽雞飯， 油雞皮薄，肉質嫩滑，味道油香甘甜。燒味雙拼飯，燒鵝拼叉燒，叉燒入口軟腍而有肉汁，蜜汁甜度剛好，燒鵝又香又嫩，飯軟硬適中，加入燒味醬汁，增添美味！

上星期放假去左大圍既阿爺燒鵝餐室買外賣同屋企人SHARE食，餐廳提供左雙拼款可由客人自行配對。阿爺燒鵝(轉瀨粉)：當日既燒鵝其中有一半是全肉，所以食落啖啖肉，鵝肉口感吾鞋口，而鵝皮當然會滲出左吾少既鵝油香出黎。另外，不得不讚既系瀨粉湯底的確好入味，飲得出加入左燒味汁落去，令整個味道昇華！而瀨粉吸入左湯底也很入味啊～瀨粉吾太易斷，食落好滑口。轉瀨粉吾洗額外收費，所以吾中意食白飯既朋友，可以轉瀨粉啊！金鐘罩叉燒飯：叉燒是半肥瘦的，口感林林地；加上叉燒中滲出叉燒汁，甜甜地幾好食。每舊叉燒好夠大片，而且厚度剛好，令人食落充滿左口感啊！叉燒就配合左白飯貪叉燒汁可以滲入飯一同食用；白飯份量幾多。霹靂火腩仔飯：由於家人對火腩仔有一定既喜歡程度，所以特意地Order了。火腩仔每舊size好一致，口感吾乾天吾硬，食落仲有爽口既口感，味道帶少少咸味，火腩仔也很好食，完全冇伏味啊！

疫情期間沒有晚市堂食，放工就去沙田大圍阿爺燒鵝餐室買燒鵝返屋企，阿爺燒鵝係以瓦窯煙熏烤製，燒鵝皮色澤均勻，煙熏味特別香，真係食過返尋味。餐廳廚窗掛滿各式各種燒味，新鮮出爐樣樣都想食。燒味飯盒除咗配飯，重可以配瀨粉、米粉、生麵和出前一丁。燒鵝瀨份，鵝皮超薄，肉質鮮嫩，煙熏味香噴噴。叉燒瀨粉，叉燒夠入味，味道略甜，色澤鮮明，軟嫩多汁。燒腩仔瀬粉，豬皮鬆化香脆，燒腩仔肥瘦相間，肉質咸香。瀨粉搭配燒味放湯食，特別惹味！

今年平安夜真係失色，冇得慶祝又冇得食大餐，我就跟咗朋友去大圍老人院做義工，派禮物比啲老人家，之後買外賣回家食。行過大圍道見到阿爺燒鵝餐室，廚窗上掛咗啲燒味，見到隻紅卜卜的燒鵝， 燒鵝的吸引力，離不開它皮脆肉香，新鮮出爐的燒鵝，頓時令我垂涎欲滴，立即下單買回家享用。燒鵝拼腩仔飯：鵝肉食落除了有鵝的甘香，還有獨特既煙熏味，皮脆有光澤，肉汁鮮嫩有汁。腩仔肥瘦適中，皮脆肉嫩。阿爺燒鵝拼油雞飯：油雞夠濃好入味,皮夠薄肉夠嫩滑。拼又香又嫩的燒鵝，令人回味不已！义燒飯：入口甘香，肉質軟硬適中，瘦义亦不會鞋口。

雖然最近疫情有反反覆覆的跡象，但係也沒有影響我的食慾🤪，為咗安全起見，所以買外賣返屋企慢慢嘆。經過大圍就去到附近一間燒味店門面好開陽、招牌好耀眼、餐廳環境潔淨，這裏的燒味種類多款，有飯麵等套餐選擇，價錢經濟又實惠。我一向都好鍾意食瀨粉，最後揀咗呢度嘅招牌邪惡金蛋叉燒瀨粉，再配返隻原隻油雞髀，買返到屋企一打開嘅時候賣相已經好吸引，當然要相機食先。蛋的蛋黃味好重，啲叉燒半肥瘦，肉質比較林，好好咬口呢，撈埋啲瀨粉湯一齊飲好濃郁，而且瀨粉好入味添！油雞髀🍗有個手板咁大隻，肉質很鮮嫩，多肉少骨，而且真係啖啖肉㗎！霹靂火燒腩香脆嘅皮，加上半肥瘦嘅肉，係我最鍾意嘅口感啊，係屋企用焗爐再焗一焗仲滋味😋。買咗咁多食物埋單都只係$150有找，可以一家人一齊食，好抵食呀！

疫情關係，晚飯冇着落，難得回家吃飯，就斬料吧！見到阿爺燒鵝餐室，掛上的燒味非常色香味俱全👍🏼相信是斬料加選😋霹靂火燒腩招攬打開時，靈魂所在，豬皮認知趣博博的，而且豬肉肥瘦軍情，點上芥茉醬，好味。五香牛展雖然是燒味店，但滷水做得很出色。牛展味香濃、有花椒八角的香氣，而且牛展帶有筋腱位，吃下時煙煙韌韌，好牛者必點。金鐘罩叉燒叉燒是我的最愛，甜甜的蜜汁，配上燒得焦香的叉燒，肥瘦均稱，我和家人都很喜歡。

今日去咗大圍度探朋友，老竇打電話嚟叫我哋加料買餸，所以買咗半斤叉燒半斤燒腩仔，再加半隻豉油雞第一次喺呢間餐廳買嘢，佢係住大圍嘅朋友介紹，呢間嘅燒味唔錯喺窗口望到勁大隻燒鵝，其他啲燒味都幾多選擇而且買嗰陣都見到有人排隊，而且堂食都有幾多人，質素應該唔差，佢入邊自己都有個廚房即刻燒，夠新鮮兩款嘅燒味份量都唔少，叉燒真係燒得幾靚，半肥瘦啱啱好，攞埋個叉燒汁撈飯真係一流燒腩仔就皮香肉厚，而且唔會燒得太鹹，夠入味兩個燒味都夠質素下次可以試吓燒鵝豉油雞好滑，而且夠入味，隻雞都幾大隻，所以都有唔少肉食

之前都食過一次，今日行過見到佢做減價， $68有一隻清遠雞，見到佢個size都幾大隻，所以就買隻返嚟試吓睇吓質素如何。我買嗰陣，都見到好多師奶都買，好多都係成日買返嚟，可能用嚟拜神，有啲肚餓順手買咗個鹹牛肉三文治下午茶等咗一陣就拎到，喺附近坐低咗食咗個三文治先，一打開有驚喜，個麵包勁厚，似係用厚多士嗰隻麵包，而且鹹牛肉嘅份量都好多，真係幾抵食夜晚嗰陣我哋就試清遠雞，阿媽都話好大隻，肉質都幾滑，而且個味道啱啱好，分量多到仲可以留返第二餐食

抗疫期間一家人食最多既莫過於外賣, 今日就食左個燒味外賣, 味道唔錯!燒味可自選飯、米粉、生麵, 招牌燒鵝絕對要一試!【阿爺燒鵝瀨】HK$53外賣看似一細碗, 但原來鵝既份量都唔少, 塞得滿滿的。燒鵝皮燒得帶點焦香, 雖然浸左湯已經唔脆, 但鵝皮還是keep到本身既鵝皮油香, 而且皮下沒有多餘油層, 鵝肉軟糯有肉香, 點上酸甜醬食, 味道更提升, 配上滑滑瀨粉再呷一啖清湯, 正!!推介!! 【蜜汁燒排骨飯】HK$48燒排骨表面平均包住甜甜蜜汁, 排骨夠林, 容易咬開, 間中食到邊邊既焦香, 配飯再送啤酒一流!【燒味雙併飯】HK$53 (雞併叉燒)叉燒keep到本身甜甜既肉味, 而且夠林唔會乾到難咬開。雞沒有雪味, 不過肉比例太少, 整體撈埋薑蓉食, 算係唔錯...

上次食過燒鵝同埋燒腩仔味道不錯，今次encore 燒腩仔，再試埋「金鐘罩叉燒」。「霹靂火燒腩」火腩仔係爸爸和公公至愛，送酒佳餚👍🏻 火腩皮燒到脆卜卜，肉質唔會好似其他燒味店又鞋又咸。所以今次 encore。「金鐘罩叉燒」個名好有氣勢😆 叉燒半肥瘦，有入口即融嘅感覺。加埋又香又甜嘅蜜汁，好開胃，仔仔追食。市道不景，最近經常叫外賣，打算盡點綿力振興經濟，但往往都有點點失望，遇到好多伏。我明白小店要生存，迫於無奈將貨就價，所以每次中伏，自己都唔會太擺上心。今次外賣經驗好感動，遇到逆境，燒味店冇偷工減料，依然保持水準，的確值得一讚👍🏻

聽啲 friend 話大圍呢間燒鵝係用古法炮製， 好好食 ，於是係瀝源專誠過來試下，希望唔好令我失望 。門口見佢啲燒鵝一排排，好似新鮮出爐。我們點了燒鵝飯及叉燒飯。燒鵝皮夠juicy， 些少脂肪，外皮脆脆地又夠薄身，顏色有光澤，食入口肉質充滿彈性，裏面嘅肉幼嫩，不算太過油膩，色澤均勻燒鵝肉結實，肉汁豐富， 加埋酸梅醬更提升燒鵝嘅煙燻味， 有水準！ 叉燒份量，很足料，肥瘦均勻，入口肉質軟淋，我最怕食柴皮、超乾嘅叉燒！味道唔錯，而且每盒飯都好大盒 我同細佬交換一半，自製燒鵝叉燒雙拼飯

早兩日喺大圍買餸， 經過這間阿爺燒鵝餐室， 見佢新裝修， 都幾企理。門外見到掛滿一大堆燒味，顏色好柔潤。燒鵝顏色很靚，肥雞、 叉燒， 賣相都很好。餐牌選擇很多， 我睇咗一陣都未決定買乜好忽然間好想食乳豬， 最後決定買四分一隻 乳豬回家斬料加餸！買埋其他海鮮， 行完街市， 買埋餸， 回家都差不多一小時， 雖然個外賣盒佢都開咗窿。但係都有啲擔心唔知仲脆唔脆，打開一看，乳豬，每件大細都一樣，入口好脆！少少脂肪， 嫩滑嘅肉， 加上超級鬆脆化皮乳豬，入口真係停不了， 勁正！

早排經過大圍，見到呢間阿爺燒鵝餐室好似新開張， 幾次都想嚟試下， 今日咁啱經過， 見佢門口賣嘅燒味色水好靚，可惜限制聚令， 唯有買返屋企，同家人一齊分享。 燻蹄夠爽口，啖啖肉，而且每一件都好平均，就算墊底嘅都唔會畀啲頭頭尾尾， 每一件大細都差不多，而且脂肪比例剛剛好，口感十足燒腩仔個皮超脆 ，肉質十分柔軟，味道好香，就算外賣回家，外皮都係一樣咁鬆脆！燒腩仔平時都食好多， 但係這間嘅燒腩仔，有三層口感，皮脆、 中間位置少少肥肉但係好柔軟、 最尾嘅位置就十分煙韌， 夠曬鹹香味！

是日冬至，一家人食飯加餸，當然要斬料啦！一直都好想試位於大圍呢間「阿爺燒鵝餐室」，今日終於有機會啦！飛天頭抽雞：呢度只有半隻雞，但係估唔到望落都有成隻雞咁多啊，返到屋企時打開盒，真係滿分驚喜！頭抽雞嘅烹調時間得宜，肉嫩滑之餘皮又夠爽，相當入味，肥膏都唔算多。霹靂火燒腩：師傅將發泡膠盒一個切口，等燒腩可以疏氣，喺回家期間豬皮都仍然可以保持甘香可口。燒腩仔皮脆肉嫩，一層皮，一層肥肉一層瘦肉，食落去一啲都唔鞋身，帶有點點鹹香，仲有保留少少油香同埋豬香味，真係令人回味無窮。例湯：收銀阿姐話今日啲湯好好飲，係花生眉豆雞腳，話$15一碗好抵飲，叫我試喎，見佢咁有誠意，即管試吓啦！例湯非常足料，亦都無咩味精，都算唔錯。抗疫底下可以渡過一個難忘嘅冬至，真係好難得。

剛剛朋友聖誕平安夜早收，過來大圍找他食個聖誕下午茶。跟他見面大約下午兩點，他帶我來了這邊一間好出名的燒鵝店，他跟我說這間店開了未夠一年，但吃過之後，就會想再食，所以返頭客好多。單單我們吃的半小時已經輪轉了四五枱客，還有數名外賣客，可想而之有幾受街坊歡迎。因為想食乳豬，我們點了燒鵝乳豬奶瀨粉, 燒鵝非常新鮮，皮與脂肪分離，皮燒到非常脆口，酸梨酸增加燒鵝的味道，乳豬燒得金黃色，脆卜卜，像薯片，可點乳豬醬一起吃。另外點了一個下午茶餐，阿爺燒鵝胸肉加十蚊，配鵝油撈麵，加八蚊轉紅豆冰。鵝油撈麵係鹼水粗麵，彈性十足，喜歡食燒味的，總會喜歡食蔥油，加一些蔥油，撈埋一齊食，非常好味，碗湯是獨家秘製，都好味。朋友發現我的不是鵝胸肉， 店員另外上咗一碟鵝胸肉畀我，有些燒鵝汁在碟底，更好味。這個下午茶非常滿足，我們不喜火雞，反而道地食燒鵝，希望大家聖誕快樂，我誠意向住在附近的朋友推介。想不到聖誕有小禮物收，好開心咯！滿分為10分(1分最低，10分最高)食物：8.5環境：8衛生：8服務：8價錢: 8.5舒適度：8總分：8