六角

Open Now

Now Closed

同朋友嚟咗呢間日式餐廳食飯🤣$45「日本益力多乳酸梳打」、$45「巨峰乳酸梳打」：2杯都係凍冰冰，甜甜哋，幾清新🤣「明太子青椒」、「天婦羅粟米餅」：兩個都炸得幾香口，亦都幾輕身，感覺唔太膩🤣呢度有多款「午膳定食」，咁我哋食咗其中2款🤣「午餐定食」附送「沙律及前莱，咖啡或雪糕」，前菜每日不同，仲有一個好滑嘅「茶壺蒸」，亦有一個熱辣辣嘅「麵豉湯」🤣$128「照燒雞扒定食」：雞扒甜甜哋燒得幾香，典型照燒雞嘅味道🤣，白飯煮得好有飯味😋$168「碎吞拿魚腩飯定食」：吞拿魚腩夠新鮮，撈飯就梗係好食啦，米飯應該仲預先加咗醬油同埋壽司醋撈過😋跟餐仲有個雪糕，係「豆腐雪糕」，好香豆腐味🤣

喺灣仔搵到間隱世高質日式美食😍搭電車要行上山，雖然有啲辛苦，但為咗美食完全值得😍今次2個人食Seasonal Dinner Set「夏」🎌- 季節雜錦先付 -🤍京都腐皮好滑，好清新🐟南蠻即沙甸魚配料有紅蘿蔔、洋蔥，味道酸酸的，開胃菜🥗蟹籽沙律爽口🐟碎吞拿魚腩伴紫菜脆餅好好食😋自家製紫菜脆餅香脆不油膩，碎吞拿魚腩有口感又新鮮，放埋一齊食好正😍🍣店長推介壽司8件有左口魚、油甘魚、鯖魚、海膽、竹簽魚、帶子、甜蝦、大呑拿魚腩全部都好有質素，最正當然係大拖羅😍油份十足🥢夏之野菜天婦羅6件有粟米餅、番薯、本菇、明太子青椒、南瓜炸得幾好，最特別係明太子青椒，竟然諗到將明太子放入青椒🫑，味道有層次🥚鰻魚茶碗蒸蒸蛋夠滑，有鰻魚加持下，味道特別香特別濃郁🐥燒地雞三味有微辛雞翼、雞髀肉、雞肉丸，全部都好好食，雞肉丸好有口感另可揀沖繩黑豚三味 或 + $150 香煎和牛壽喜燒風味🥣夏之味噌湯🍨雪糕咖啡味濃郁、熱情果微酸💰$980 for 2 ppl🚩六角 (灣仔)📍灣仔光明街6號地舖

灣仔風味日式居酒屋小店🏮1. 碎吞拿魚腩飯定食 $168吞拿魚腩份量都幾多 食落幾有鮮味 而個肉質仲係有彈性同結實 所以食得出佢都新鮮嘅 個飯係日本嘅壽司醋飯 粒粒分明 酸度都啱啱好 所以撈埋魚腩食碎食好滿足 個set 仲有茶碗蒸 個蛋滑捋捋 有個前菜 蘿蔔好清甜 好開胃 仲有豆腐雪糕做甜品 呢個質素係灣仔食到都幾抵食2. 吉列豬扒定食 $138呢個定食包嘅前菜 甜品等同上 而個主菜吉列豬扒都幾唔錯 食落外皮酥脆 咬落聽到咔嚓一聲 個豬扒厚度適中 唔太厚唔太薄 豬味都ok 仲有少少肉汁 點埋個沙律醬食就冇膩 烏冬就正正常常 咬落都彈牙 煙煙韌韌咁 湯底係普通鏗魚湯📍六角 灣仔光明街6號地舖

同朋友係附近行街，見到呢間隱世小店，見到門面幾吸引，入去試下個lunch😍👅定食包括：面豉湯😋茶碗蒸🥚海帶蘿蔔✨叫多二款小食：粟米餅🌽明太子青椒🫛🍱六角魚生飯定食呢個午餐定食好吸引，面頭嘅吞拿魚蓉份量多，海膽非常鮮甜好食，其他魚生非常多又新鮮，真係貪佢咩都有，中午食到好開心👅🍱照燒雞扒定食照燒雞扒嘅皮脆卜卜，份量都幾大，燒得唔錯，伴碟的沙律菜都幾多又好食😋呢個價錢其實來講算平，食到甘高質嘅日本嘢，lunch可以來試✅🍣六角🥢灣仔光明街6號地舖#灣仔六角 #光明街 #lunch #日本定食 #照燒雞 #六角 #午餐定食 #灣仔午餐

今日嚟到灣仔日月星街附近嘅六角食晏，食同事介紹嘅日本嘢～午市套餐都幾抵，除咗有麵豉湯同茶碗蒸，仲附送沙律及前菜，咖啡或雪糕😀環境唔錯，乾淨企理🍱六角魚生飯定食魚生有好幾款，令賣相好colorful，而且都好新鮮，海膽非常鮮甜～係一個幾高質嘅魚生飯❣️🍱照燒雞扒定食照燒雞扒嘅份量都幾大，燒得幾嫩滑，而白飯就煙韌彈牙，雞扒旁邊嘅沙律菜都幾好食👍🏻總括而言，呢個價錢嚟講都算係食到幾高質嘅日本嘢，大家lunch可以嚟試吓😊

夏晚膳二人套餐季節雜錦先付，色彩繽紛的擺盤令人驚艷。京都腐皮上點綴著微鹹的三文魚籽和蟹籽沙律，搭配滑口的海帶和脆嫩的秋葵，這道開胃菜給人一種清新而又富有層次感的享受充分展現出食材的精緻與新鮮碎吞拿魚腩伴紫菜脆餅香脆的紫菜餅將鮮嫩的吞拿魚完美地包裹，口腔中瞬間迸發出海洋的鮮味，令人忍不住想再來一塊壽司8件，每一片魚肉都經過精心挑選，金目鯛的肉質鮮美，油甘魚腩的脂肪感豐富，而北海道帶子的彈性海膽入口即化，甜蝦與白螺的搭配則賦予了整道菜多樣化的口感夏之野菜天婦羅，炸得金黃酥脆，搭配的時令蔬菜展現了夏季的鮮美，尤其是脆嫩的茄子和秋葵，保留了食材的原汁原味鰻魚茶碗蒸，香氣四溢的蒸蛋滑嫩可口，而鰻魚的鮮香則恰到好處

早排同朋友去咗灣仔一間有成18年歷史嘅老牌居酒屋度食飯，入面環境超日系，食物水準亦比我哋想像中高，連一向嘴刁嘅朋友仔對佢都冇乜挑剔🥰我地食左：⬇️⬇️🌟SEASONAL DINNER SET🌟 $980 for 2✨季節雜錦先付✨▫️京都腐皮配魚籽豆香濃郁既綿軟腐皮同咸香爆漿既三文魚籽呢個組合，無論係味道定係口感方面都勁有層次，碰撞得唔錯😉▫️沙律▫️海帶秋葵水雲酸酸甜甜又夠凍，系一個出色嘅開胃小菜！✨碎吞拿魚腩伴紫菜脆餅✨吞拿魚腩碎油潤鮮味又粉嫩，用好脆口既紫菜脆餅包住食香而不膩，幾有特色！✨店長推介壽司8件✨▫️野生拖羅油花靚到好似雪花咁，入口滿嘴魚油甘香，香味仲要好持久❤️▫️海膽橙黃色嘅海膽份量唔少，味道甘甜；creamy質感，入口即溶，正到不得了😘▫️左口魚魚味清淡重油份，超嫩口！▫️深海大池魚油潤肥美，入口超有油脂感▫️池魚爽口鮮甜，脂肪比例適中▫️帶子鮮甜爽實，色澤透亮▫️響螺集鮮甜爽脆於－身嘅響螺刺身好大塊，朋友對佢超滿意😀壽司上台之前入面啲壽司飯全部已經用咗豉油調味，呢個細節位夠哂貼心，值得一讚！▫️深海甜蝦甜蝦甜度好高，又軟又糯真心正🫶✨夏之野菜天婦羅 6件✨▫️明太子青椒🫑▫️粟米餅🌽▫️冬菇▫️南

在灣仔上班，最近才知道有間「六角」，這天特地跟朋友過來幫襯，點了「夏之晚曦二人套餐」（$968/2人），想不到這麼味美！首先是前菜，有京都腐皮配魚子、水雲和蟹籽沙律，看起來非常精緻美味。腐皮軟嫩爽口的質地，與魚籽的鮮美滋味交織，口感層次豐富。水雲清爽滋潤，而蟹籽的鹹香，則為沙律帶來恰到好處的鮮甜。緊接有一道「碎吞拿魚腩伴紫莱脆餅」，也是一個非常開胃的小吃。吞拿魚腩肉質細嫩鮮甜。與香脆酥脆的紫莱脆餅完美搭配，口感豐富層次分明。清脆的脆餅與濕潤的吞拿魚腩相互輝映，可以讓人在品嘗時感受到不同的口感體驗。接下來是 「店長推介壽司8件」，這是一份精選的壽司拼盤。這晚包括有北海道帶子、甜蝦、油甘魚與拖羅等，每一件都體現了師傅的高超工藝，每一口都能感受到食材本身的鮮甜，以及壽司飯與配料的完美融合。然後侍應端上「夏之野菜天婦羅」，包括了季節性的各類蔬菜，有南瓜、栗米餅、冬菇等等，在高溫油炸後保留了食材原有的脆嫩質地，再配上鹹香酥脆的外衣，簡直是夏日裡的一道清新美味。之後又有「鰻魚茶碗蒸」。這道菜的亮點在於鰻魚本身，肉質鮮嫩多汁，入口即化。蒸蛋的質地恰到好處，既滑嫩綿密，又不失清甜味。這道菜融合了兩種截

灣仔有水準嘅日式居酒屋🏮 今日揀咗一間好靚嘅日式居酒屋同朋友慶祝生日😍呢間餐廳 地點好有懷舊feel 係新區被包圍住啲舊建築群中👍🤣 聽講已經開咗18年啦👍👍 我哋今日揀咗二人餐 呢個餐都差唔多係廚師發辦級數 🥰 晚膳二人套餐$980 季節雜錦先付✨沙律 ～ 蟹柳絲青瓜絲蟹籽 新鮮爽脆 好開胃😋✨京都腐皮配三文魚子 ～ 口感好特別 三文魚子卜卜脆👍✨水雲秋葵～ 水雲係沖繩特產 口感順滑爽口有嚼口 營養豐富 正👏 ✨鱈魚乾新鮮炸起 非常酥脆 😋 ✨吞拿魚蓉配米紙 吞拿魚蓉非常新鮮 放在米紙上 再點小小豉油食 呢個配搭好新鮮好好味😋 ✨店長推介壽司8件呢度啲魚生壽司都好高質 每款都好新鮮 甜蝦爽彈 拖羅鮮美肥厚 海膽濃郁鮮甜 大滿足👍😌😘 ✨夏之野菜天婦羅6件明太子青椒 玉米餅 香菇 本菇 南瓜 番薯天婦羅 全部新鮮炸起 炸粉唔會太 每一款都好好食 有冇水準😌 ✨鰻魚茶碗蒸有燒鰻魚 香菇嘅茶碗蒸 香味繚繞 蒸蛋非常滑溜🥰 ✨燒地雞三味燒地雞 ~ 好入味 燒到表皮微焦 肉質仍鮮嫩多汁😋自家製雞肉丸 ～ 店員介紹 點生雞蛋一齊食 肉質香口彈牙👍雞翼釀明太子 ～ 果然用心製作 連雞翼都咁講究

近老公返工嘅地方，之前老公同同事食過話幾正，跟住就帶我嚟💕我地揀左晚膳二人套餐季節雜錦先付（前菜）：日本腐皮配三文魚籽，三文魚籽好脹卜卜好新鮮水雲配秋葵，冰涼，微微嘅酸味好開胃蟹籽沙律，非常清爽碎吞拿魚腩伴紫菜脆餅，一入正題就令我驚為天人😳 紫菜脆餅好薄好脆，蔥吞拿魚腩好香好Rich店長推介壽司8件，立魚、象拔蚌、深海池魚、帶子、海膽三文魚籽、鯖魚、甜蝦、拖羅壽司飯都加咗赤醋，味道更有層次，魚類好鮮甜，象拔蚌好爽口，帶子同海膽都超級甜，整體一啲腥味都冇夏之野菜天婦羅6件，有冬菇、蕃薯、南瓜、粟粉餅、本菇同明太子青椒，天婦羅炸得非常出色，麵衣好薄好鬆脆👍🏻鰻魚茶碗蒸，熱度好夠，但係好滑😳唔止蒸蛋上面，連蒸蛋中間都有一大塊鰻魚👍🏻香煎和牛壽喜燒風味，入口即溶嘅和牛，加埋甜甜嘅洋蔥，淋上蛋黃超級滑😋夏之味噌湯，比較清爽，不會太鹹👍🏻是晚唔想飲酒，就叫左白桃氣泡伯爵茶，同柚子氣泡玄米茶柚子氣泡玄米茶幾清新，白桃氣泡伯爵茶嘅伯爵茶味好香☺️Service 唔錯，Staff都好nice👍🏻

星期五晚上在這裏食咗omakase set🌟第一次嚟到呢間隱蔽嘅餐廳，都用咗啲時間先搵到😅地方唔算大，但氣氛好好，服務都好貼心👍🏻六角原來已經開咗18年先至第一次試到，見到佢哋都好多熟嘅客人。食材新鮮，魚生同熟食都做得幾好，上菜速度都控制得好好，最後仲會問你夠唔夠飽想再加壽司還是熟食🍲甜品有日本訂返嚟嘅咖啡味或者豆腐雪糕🤍佢哋嘅天婦羅都做得好好味👍🏻最後加咗雜菜天婦羅烏冬，非常滿足的一餐😋

聽人講呢間嘢質素ok所以試吓lunch set點知呢間嘢個老闆娘對客人呼呼喝喝book咗檯準時到，喺門口等咗好耐冇人理。到佢理人嗰陣叫人探熱都超惡唔知以為我地成檯前世欠咗佢咁。態度衰過澳牛，又唔係平十二點零坐低已經好多set都冇。老闆娘同我地講嗰陣啲態度都令人好唔舒服。魚生飯係好食，不過太少飯，同埋等好耐先上菜。呢啲態度真係食完都背脊骨落。見到有啲食評都話佢態度有問題，好後悔冇睇就去咗。如果對服務態度完全冇要求，唔介意俾錢去受氣嘅話不妨去試吓

六角係我同同事嘅飯堂😂，諗唔到食咩又想近近地就會去食，成個menu食過唔少，今日就同大家share下食過又好嘅。碎吞拿魚腩飯定食($158)(相左下)，好肥美，充滿魚油香，撈埋蔥食，可以中和下，正。通常都係食魚生，有一日食咗蒲燒鰻魚飯定食($178)，鰻魚軟綿，鰻魚汁好夠，不過overall唔特別。每日有special，其中一個我覺得幾好係有兩碗唔同嘅魚生，$200左右，碎吞拿魚飯(右上）同角切魚生飯(右下）。兩碗係細細碗，比平時嘅細。都幾好，一次過食到兩款，感覺豐富。都試過單獨叫角切魚生飯定食($168)(左上)咩魚生都有啲，新鮮嘅，不過食角切好難真係品賞到魚生嘅質素，都係貪佢咩都有啲，對我嚟講幾開心。Overall 質素唔錯，但價錢真係唔平啦😂，因為次次食完其實唔太飽。好好味就好味，但唔算好抵食。

灣仔可算是日本菜死城( 食日本菜方面真係冇乜選擇） 今日工作需要又喺灣仔出現 咁啱畀我喺 太古廣場三期後面見到呢一間細細哋嘅六角餐廳 可能當其時仲未去到午飯時間唔算太多人 咁樣仲好我鍾意靜靜地食 去到餐牌價錢上算合理始終呢個地段 鋪租都好貴 冇乜諗法之下嗌咗個三文魚親子丼: 頭盤除咗麵豉湯之餘仲有沙律同蒸蛋 有蒸蛋真係有少少出乎我意料: 個蒸蛋都好滑好香 我貪得意加咗啲七味粉落去 又幾夾🤣 到咗三文魚丼上場 啲魚生好新鮮但啲飯感覺有d少 佢啲飯有啲醬油嘅顏色 食落去鹹鹹哋好好味😋之後店員先話我知原來有得加飯 不過係都叫我地食哂先好叫 又係咁問我係咪食得哂（其實都好細碗）不過都明既驚我地哂左😶最尾仲有豆腐雪糕做甜品 我另外再加多杯咖啡 雪糕配醒神啡~飲完又努力去工作lu~😇

六角都算係灣仔嘅隱世小店，隱藏喺星街月街😂，一直都聽到有啲同事話幾好，所以擺咗喺我to-eat list好耐。我叫咗個特上雜錦魚生飯定食 🍱（$178 plus 10%)，無話邊樣特別出色，因為每樣魚生都新鮮軟嫩，仲好爽口，唔係梅梅咁。有好多種魚生🍣，好似三文魚/帶子/甜蝦/白身魚/碎吞拿魚腩。有一種魚生喺丼飯係比較少見，應該係鯖魚，好好味，爽身香甜。不過我覺得個飯🍚有啲太濃味，會搶咗魚生嘅味道。睇返其他人嘅食評，因為係赤醋飯（？），可能係個人味問題啦。個定食仲包埋茶碗蒸🥚同雪糕🍦，無咩特別。💁🏻‍♀️侍應語氣態度非常‘特別’😂，比中環以前某間出名3碗魚生飯嘅日式料理店有過之而無不及。但有同事叫佢加咗3次飯，佢都無問題，似乎又唔太差🤔🤔🌟環境唔錯，唔會逼。我哋幾個人坐咗幾耐下吹咗好耐水，都無點明示暗示我哋要快啲交枱。價錢喺灣仔金鐘食魚生嚟講算係咁。不過要抵受得住侍應特別嘅服務態度先好嚟😂