薔紅

Open Now

Now Closed

呢間茶餐廳營業多年，多年來屹立不倒，因為一直都好受街坊+附近上班族歡迎。環境仍然保留住90年代既感覺，每逢食飯時間都係座無虛席的🫨🫨🫨.連夏蕙bb移民前都要黎食多次，佢地最出名既係「脆皮燒春雞」😈聽聞外脆內軟，皮夠脆、肉嫩滑多汁🤩不過今日我想鋸扒🤭所以就試下鐵板餐啦～.至尊T骨扒餐🥩：份量好大，有2大塊扒仲有隻煎蛋，肉質好淋，牛肉配黑椒汁絕配😍 黑椒汁個味整得幾好👍🏻..至尊什扒餐🥩：有腸仔、火腿、牛扒、豬扒、雞扒，揀左跟薯菜，腸仔火腿應該有搽左蜜糖黎煎，幾有心🤭 雜扒正常發揮，正宗港式扒餐質數😊..奶油豬仔包🥯：牛油煉奶落得夠，搽得好均勻，成個包都有好香牛油味🤤 如果個包再脆d會更好🤭..⭐️整體黎講，喺附近唔知食咩可以去試下🤗 下次要試下佢地既「脆皮燒春雞」，因為見到10個有8個都係食佢😂

行到灣仔，冇理由唔食薔紅！叫左份脆皮燒春雞🍗加意粉🍝。隻雞熱辣辣上枱，塊皮燒得非常之鬆脆，雞肉估唔到係非常嫩滑。食埋個意粉一定飽肚，加埋杯凍咖啡☕️簡直就係享受。😋🤤

咁啱去灣仔，知道呢間茶餐廳好多街坊幫襯，當中佢個燒雞就最出名脆皮燒春雞$86 可以配白飯，意粉，沙律或者係薯條加$8可以配羅宋湯，例湯或者熱飲加$10配凍飲等咗一陣間香噴噴同熱辣辣嘅燒雞就送上嚟啦，用咗個籃裝住，配上淮鹽同埋泰式甜酸醬，好有風味。我選擇左沙律，係傳統嘅港式沙律，有薯仔，菠蘿，雜果，酸酸甜甜好好味。燒雞半隻size都算大，就算係男仔食都夠飽，最重要嘅係真係燒到外面好香脆，雞肉好嫩，好juicy，餐廳會附上透明手套，所以唔使怕食到好狼狽！下次有機會嚟灣仔都一定想再食

📍灣仔茶記招牌燒雞🔥不用做選擇～全枱都只會叫雞（尾片➡️）近年多左聽人介紹呢間燒雞蔗渣價錢 燒鵝質素☀️曾經喺灣仔工作幾年都完美錯過了原來餐廳已經有多年歷史終於喺打仗完場後衝過去食啦🙂試左燒春雞配薯條⬇️皮脆肉嫩滑🧡（圖2 ➡️）肉汁熱油會喺撕開時爆出🤤即使話係半隻雞～但感覺係原隻雞份量女仔胃超飽/男仔都會滿足之量點埋泰式甜酸辣醬/鹽都匹配套餐另附薯條&老火湯或羅宋湯🥄粗薯條普通 不難忘啊📌餐廳上菜極快～燒雞會提供手套但雞油仍有機會穿過手套架記得問同事拎埋濕紙巾員工大多是有經驗的茶記叔叔姨姨講嘢都有Power㗎～

平時好少可會得登打茶記既差評 呢個真係忍唔住要打。。朋友介紹話呢間燒雞好得，所以去試下 一入到去有陣好勁既廁所味，諗住轉入去坐會冇咁臭 點知都仲係一陣味，但係變左係個種餐廳好梅好Up既臭味，個地又油油地咁諗住算啦都入到黎啦，咪試下囉啲餐具有積既仲要😭😭😭個雞一啲味都冇，得個皮脆 又乾又high咁，一啲都唔嫩，溫度亦唔熱 我相信佢係整到七成熟再翻整 完全係overcook哂。。。成件事令人好冇胃口廁所味+環境衞生唔好+野食難食唔係平 完全趕客。

薯條冰冷不新鮮，燒雞還可以。餐廳竟然沒有即磨咖啡飲？今時今日都少見了，唯有叫杯熱鴛鴦，咖啡和奶茶比例非差，咖啡佔了大部分，使整杯飲品變得酸和苦，沒有奶茶部份的滑和茶香，差勁。😨😨其他如多士和麵食都是一般般。

朋友推介過幾次，今晚終於的起心肝去試吓。 六點半去到，已經坐滿九成人。叫咗佢招牌燒雞配薯條加羅宋湯。個羅宋湯比想像中好味，很足料，有好多碎牛肉系湯入面，系我飲過頭幾位好味嘅羅宋湯之一😋之後正餐試個燒雞，見到上枱果半隻雞，已經知道系新鮮炸，等左一陣先敢戴手套撕開嚟食，皮好脆，啲肉好滑，好易入口，仲有椒鹽同甜酸醬可以點，好味😋雖然間餐廳環境有啲迫夾，不過食物質素就真係高分，所以我都會再約朋友去食，值得推介👍🏻

薔紅呢間餐廳屹立係灣仔好多年，我地team同事係我返工第一個禮拜就帶我去食🤤燒到啲皮脆卜卜嘅春雞半隻，仲要比對手套你名正言順用手扯嚟食🤪每啖咬落去雞汁油香極重流哂出嚟Juicy同邪惡到癲今日再戰薔紅，12:30已經人多到圍堵左門口，樓上同樓下😂我地一行11人派左6個做先頭部隊5個殿後，好彩有間房枱客食完走，去到等左10分鐘左右就有位坐。同以往一樣餐廳樓面哥哥都非常風趣，上菜又準又快🫶🏻雖然人多同啲餸密密落單密密出餐，水準都keep到！11份燒雞上到枱無比震撼，皮脆肉嫩多汁，再搭埋份薯條真係世界級，加埋杯麥精紅豆冰happy Friday achieved！

我家2位大少一個就好鐘意食雞脾一個就好鐘意食叉燒飯今次突登來試啲間真係一次過滿足曬一家人既願望大仔先點 ：燒春雞半隻，可以配飯/意粉/薯條/沙律，配埋手套比你、大手撕出來慢慢食！皮脆肉嫩、阿仔食到停唔到口！細仔就點：叉燒煎蛋飯，配甜豉油，流汁太陽蛋，加上肥廋適中既叉燒，再加埋豉油調配得岩岩好，溝埋啲飯真係不得之了！ 阿仔自己都差不多食曬成碗！最後大人叫左2個煲仔菜套餐：梅菜腩肉、沙嗲金菇肥牛粉絲煲，套餐跟埋例湯+白飯！例湯有苦瓜雞腳湯，個湯香濃回甘，感覺無味精，好好飲，唔口乾！ 煲仔菜味道十足，而且份量都非常足料，2個大人都食唔曬仲可打包！ 薔紅 (灣仔)灣仔莊士敦道194-204號灣仔商業中心1樓#炸雞脾 #美食 #灣仔******************************Love & ThanksSilvia ( 詩詩 ) : tansilvia@hotmail.comwww.tansilvia521.blogspot.com

燒雞唔熟 (應該咁啱姐), 意粉有up味, 為有同叔叔講聲換薯條啦！叔叔見怪不怪即刁,不發一言勁, 薯條到咗 乾得嚟唔脆,茄汁唔駛出聲自動自覺近手上,鐵板龍脷柳,又係唔脆軟瀨瀨不過唔乾囉！豬肚啫啫雞煲,冇豬肚但有豬潤,條洋蔥最好食,咸蛋蒸肉餅,D肉有D梅, 凍0茶正常,出櫃面找數最有誠意有好口,$338好意頭喎！但白講之前食過唔係咁㗎喎！由衛詩雅介紹後開始去食,仲介紹朋友帶媽媽去食,一向ok無問題, 冇去半年姐點解會變成咁,真的很失望,坐埋4個人兩個有同感,其餘兩個第一次嚟,只是懷疑自己黑仔咁啱姐,啲叔叔侍應有性格冇問題,但招牌嘢都攪成咁,我為有除名以後都唔嚟啦！灣仔心水食肆少一間吧,抱歉無影相因一路無諗住寫食評. 祝 生意興隆.

可能係茶記界入面最好食既燒春雞🦭幾乎係台台都點🔥openrice上對春雞基本上都有讚無彈👍🏻👍🏻🦭直接一句：「皮脆肉嫩🦭啲油流曬出黎」今次肥豹試左🦭1. 燒春雞配薯條帶定頭盔先個五隻豹係比隻雞既🐓薯條好普通😂但隻雞有咩位咁超卓呢🙊佢比起一般春雞起碼大一半既size😂皮脆就緊架啦🦭一撕開係黃油雞黎，超多熱油流出黎😋啲肉係岩岩好👍🏻就算雞胸都係超嫩👍🏻最神奇係佢比兩隻汁🦭泰式辣醬點雞肉食就剛剛好，因為本身都有咸味，同甜辣夾埋一齊仲正🦭第二個係淮鹽，用黎點個脆皮不得了，好似食乳鴿咁🤤🤤🤤真係值得試下🦭。2. 至尊什扒餐呢個就相對普通啲🦭啲肉ok腍身，但無乜牛味🦭但佢既腸同火腿都值得講下🙊因為佢係有搽蜜糖咁煮🦭多左層焦香味😋都幾有心🦭不過都係食返春雞啦。豹言豹語:好多街坊由細食到大🦭甚至好多係附近讀書既朋友，側如樹仁學生都會專登落黎食🦭你就知有幾得啦😋

朋友想試呢間餐廳好耐 終於有機會去朝聖🤤呢度除咗佢招牌的脆皮燒春雞餐之外 仲有好多茶餐廳的野食 全部都大件夾抵食 超值👍🏻😆廚房做野好爽手 次次嗌咗冇幾耐就食得啦🍽️😋唔使等位 啱哂趕時間的上班族💼餐廳環境好似九十年代的茶餐廳 幾適合情侶嚟試下👫🏼🥰Mermaid’s favourite — 脆皮燒春雞餐（$86）🧜🏼‍♀️♥️話就話半隻雞 但份量大到成隻雞咁 男仔食都一定夠飽🫃雞髀雞翼樣樣齊 仲要係熱辣辣㗎🐥🔥雞皮香脆 咬落去絕對會爆汁⚠️而且啲肉好嫩滑 係名符其實的外脆內嫩🥹‼️私心推介大家配意粉🥳佢地的意粉唔係出面乾爭爭嗰啲 係用番茄醬炒過🍅味道同燒春雞好夾 十分出色👏🏻😽

薔紅，相信大家對呢個名都唔陌生。以前成日喺附近工作之後就會去嗰度唞一唞，食返個燒春雞或者鋸扒。今次約咗個朋友喺嗰度食宵夜，行上樓梯，坐喺熟悉嘅座位上，本身諗住食返個燒春雞，點知賣晒。退而求其次叫咗個乾炒牛河，乾炒牛河上嘅牛肉，份量比想像中多，牛肉比想像中大件。有別於其他嘅茶餐廳，乾炒牛河嘅河粉恰到好處，唔會黐埋一舊亦都唔會太油膩。簡直係一份邪惡嘅美味。餐廳名稱：薔紅餐廳餐廳地址：莊士敦道194號灣仔商業中心1樓

比朋友燒到呢隻燒春雞🐔隻雞上枱熱辣辣新鮮出爐，夠大隻仲皮脆肉嫩，配菜可以揀沙律薯條白飯或意粉，真系好夠飽！餐廳仲好貼心有埋濕紙巾同手套供應，可以大大啖手撕食都唔怕隻手油膩🤭$86系灣仔黎講好抵食

脆皮燒春雞配薯條｜$86皮脆肉嫩既代表😍上菜速度快！而且雞系熱辣辣架！有手套提供可以‘徒手撕雞’，雞皮好薄好脆，入面既雞肉直頭系有汁流出黎既程度，超嫩滑～點埋個泰式辣醬簡直perfect match，點椒鹽就會鹹左少少，配埋脆薯條，簡直不要太滿足。📍 薔紅 (灣仔)灣仔莊士敦道194-204號灣仔商業中心1樓———————————————#香港美食 #美食 #美食推介 #薔紅 #燒春雞 #灣仔美食 #半隻雞 #手撕雞 #茶餐廳