薔紅

Open Now

Now Closed

坐低就係咁逼你叫嘢食，比多1分鐘你考慮都好似好多咁。企喺後面係咁迫，而且成個雜扒得一隻味’鹹‘，連一杯嘢飲收$95唔知食咗乜落肚。又叫餐直到食完走，只有半個鐘。好似俾人逼住食，咁已經係夜晚10點，點解仲需要咁樣迫啲客？環境又嘈又污糟，唔會再去。

係灣仔返工的一定都聽過薔紅的大名每個weekday的lunch time都係人山人海好多白領藍領的上班一族去食!但餐廳好多枱 而且大家都食得好快 唔洗擔心等好耐最多人嗌的一定係燒春雞 (9/10)佢有得選擇配飯/茄汁意粉/薯條/沙律 仲可以+$3 幫你切埋當然係手撕最開心!午餐來有個好處 就係因為多人嗌所以隻雞永遠都係熱辣辣! 層皮超脆 肉juicy 仲會有雞油流出來$86來講真係CP值高 又好食至於配菜呢 薯條只係不過不失 茄汁意粉就係舊式茶餐廳的果種 唔洗特別期待 反正重點係雞 留意到都唔少人嗌鐵版扒餐 同炒麵有機會試下先~

薔紅早排見好多人介紹，自己都去試下係咪真係咁好味😋環境上唔係咁靚，侍應好快手咁上餐💛 脆皮燒春雞可以配薯條/飯/意粉/薯仔沙律今次揀左薯條，上枱熱辣辣😋燒春雞肉汁好多，個皮好脆好夠味怕入面唔夠味仲有椒鹽/泰式辣醬因為都幾夠味，所以我都無點到醬😋其實夠熱我就覺得加分😋凍飲加$10就少唔抵價錢：$86⭐️⭐️⭐️評分：8.5/10⭐️⭐️⭐️📍 薔紅 灣仔莊士敦道194-204號灣仔商業中心1樓

聽完電台介紹，自然要朝聖一下。 雖然是茶餐廳格局，都要搭枱，但不得不讚，整體的環境衛生非常好，入座亦都非常快。我排第10個位，轉眼間10分鐘內就可以入場。作為一間網上名店來說，這個速度是非常之吸引的燒春雞：整體來說，肉汁非常多，雞的調味不錯，偏淡（我個人喜歡淡口味），但餐廳有提供雞醬及鹽供顧客自行點用，但不知是否人太多，雞皮沒有想像中那麼脆。 我今次揀咗薯條，體操新樹條，但感覺好似預先炸起。反觀旁邊那台，佢地係波波型薯條，看來是一水水的。 牛河：味道非常好，值得推介羅宋湯👍👍👍

還好，嗌咗個咖喱牛腩飯，有啲油𣲷𣲷不過大部份餐廳都係咁。賣點應該係好港式/價錢相對親民，灣仔可能越來越少卦。大概喺下午茶時間嗰陣時嚟到，所以可以坐窗邊，一路食嘢一路睇出面風景，又係幾爽。

呢間嘅燒春雞都幾出名，先前都堂食過係唔錯。今次外賣咗兩隻燒雞同干炒牛河。堂食個皮脆d，外賣唔算脆但個皮仍然好香，雖然得半隻雞，但係佢隻雞大，齋食雞都勁飽，雞肉都仲係夠熱同嫩滑，調味都好夠，唔洗點佢嘅椒鹽同雞醬。而配菜就叫佢轉咗做烚菜，都幾多下。另一份燒春雞set就叫咗薯條做配菜，但係薯條乾得滯好難入口，放棄。朋友話之前聽講個干炒牛河幾得咪試下，又炒得幾乾身，牛肉大舊又多件數，食落唔會太油，幾出色👍。

最近睇到好多關於薔紅燒春雞嘅介紹🧐後來先知原來身邊好多人一早就食過！嚟到見到幾乎係每檯必叫🐔🐔脆皮燒春雞 $86配菜可選薯條/沙律/飯/意粉上菜速度極快，侍應仲會提供埋手套方便用手食🤩呢隻燒春雞驚為天人‼️真正做到皮脆肉嫩！雞皮好薄好脆，雞肉嫩滑多汁🤤一撕開隻雞，仲熱辣辣出緊煙🔥啲雞汁keep住滴出嚟💦雖然係半隻雞但睇落好大份！另外有配泰式辣醬及淮鹽，但其實就咁食已經好夠味！薯條就正常發揮🍟呢個價錢真係無得輸！天呀 點解我哋相逢恨晚🤧-🫘維他奶紅豆冰 $22 (餐飲+$12)見到呢類特飲就忍唔住想試下～紅豆偏向完整及有顆粒感，係正常茶記出品維他奶嘅甜度令杯飲品整體偏甜～-薔紅 📍灣仔莊士敦道194-204號灣仔商業中心1樓推介指數：9.5/10🍽: 5/7/2023-#sik6faan6laa3中式

相信灣仔呢間出晒名嘅茶餐廳無人未聽過，灣仔區嚟講，佢第二出名唔知有無茶餐廳敢認第一🤣Anyway！J小編個朋友講咗好耐話想同我一齊嚟食，今次終於夾到時間一齊嚟試吓呢度個招牌燒春雞啦😍茶餐廳來講佢唔係地舖嚟，不過面積超大，一入到去就好明顯feel到就係港式茶餐廳嘅味道。自己搵到位坐低落單，然後啲嘢食好快就到了，就係好香港🤟🏼除咗燒春雞之外，小編當日仲見到隔籬枱叫鐵板嗰啲扒食，勁香🥲不過點都好啦，無食過呢度嘅燒春雞，唔好話你嚟過薔紅啦🤪

-以前路過灣仔就會食燒春雞🙌🏻今次咁岩去開灣仔就順便食埋～長期都坐滿好多人😆-脆皮燒春雞（$86）可以配薯條/飯/薯仔沙律/意粉每次去都係必點招牌半隻燒春雞🐣今次就配意粉，意粉麻麻🫣下次都係配薯條好d🥹燒春雞真係好好食，味道同之前一樣咁好味皮脆肉嫩，好juicy╰(*´︶`*)╯♡肉質一d都唔乾😘帶埋手套就慢慢撕嚟食(*´∀`)♪如果覺得雞肉唔夠味，可以點椒鹽或者泰式辣醬😋路過灣仔，真係一定要試下🫶🏻好惹味😋-紅豆冰（＋$18）味道正常，好多紅豆🫘-Name🏠:薔紅Rose KitchenLocation📌:灣仔莊士敦道194-204號灣仔商業中心1樓（港鐵灣仔站 A3 出口, 步行約5分鐘）價錢💰:脆皮燒春雞（$86），紅豆冰（＋$18）

一有過開香港區，特別係灣仔，總是會想起黎隻雞，無論食過幾多次都好，入到餐廳就係只會叫黎隻雞食，你可以跟薯條，意粉或飯，配埋杯紅豆冰，寫緊食評都想食，記得行開嗰頭就去試下

看完餐牌一大輪 後來還是跟著點了差不多一半客人都點的燒春雞😆但我是被配的茄汁意粉給吸引到😆因為我很愛這種懷舊餐廳才出現的意粉😆一來我就直接先把這個吃完🤣燒春雞一來的時候我感覺好像在吃炸乳鴿😆因為可以沾淮鹽吃🤣雞皮都很脆！而且雞肉都很嫩😋而且份量好大 我都吃不完😆但真的很讚👍🏻

好耐冇黎到呢間餐廳黎食燒雞🐔今次經過灣仔就上黎食啦😋上到黎當然就係叫左燒雞食啦🤤個雞一上到黎熱辣辣好明顯係岩岩炸好出黎🥰用手meet 係好辣手同埋好多肉汁好juicy🤤食落去d雞肉都好嫩滑至於d皮就脆卜卜🤫加上雞本身都好夠味唔洗再點佢d醬黎食🤭但可惜嘅係佢嘅意粉碎上左😂食落個口感會差左🥺同埋得茄汁味🧐如果下次再食我會揀份量大d嘅白飯或者都係新鮮熱辣辣炸好嘅薯條🤭Overall黎講因為我都係想食燒雞所以都唔錯的👍🏻至於服務同環境就唔好要求咁多喇😂係灣仔區黎講都唔算特別貴🫡經過都可以黎試下🙌🏻味道：7.5/10價錢：7.5/10環境：7/10服務：7/10

好耐冇過海，今日出開銅鑼灣，黃金周周圍都係人，冇一間餐廳唔使排，諗咗陣，決定行去灣仔食薔虹。星期六晚7點，等10分鐘就有位啦，必叫就梗係燒春雞啦，我係為咗佢先嚟，生痱滋都要食，勁多肉汁，我最鍾意就係食個雞皮，脆卜卜。朋友叫咗個黑椒豬手，豬手皮都超好食，但我最鍾意都係燒春雞。埋單兩個人都唔使$200 ，記得薔虹未滿$200係唔收信用卡㗎，記得帶夠現金，唔夠都有八達通，或者再叫多樣嘢食夠$200啦🤣🤣🤣

呢個星期嘅Family Day，我哋一家四口去開灣仔，咁當然要食餐好先再去玩啦💜朋友介紹之下，嚟到莊士敦道一間係一樓嘅茶餐廳。樓梯上去嘅環境同感覺已經好有年代特色了😊入到去，我哋好快就揀咗個卡位嚟坐。再望望餐牌，見到朋友極力推薦嘅食物 - 脆皮燒春雞 - 就係佢喇！朋友話係必試ITEM嚟架，咁梗係一試究竟啦！老公就揀左個鐵板雞扒配白飯，兩隻小魔怪就揀咗個常餐比佢哋SHARE脆皮燒春雞🍗🍗餐廳寫住燒春雞係佢哋餐廳「必點」之選！當然亦都就係我朋友嘅推介🉐可以選配茄汁意粉或薯仔沙律或炸薯條，真係好邪惡呀！哈哈哈我最終係揀咗薯仔沙律🥗講返隻燒春雞，嚟到個賣相已經好吸引！唔會炸得過火或者唔夠火喉，手撕嘅食法係佢哋推薦，所以餐廳會提供埋一次性手套比客人。雞皮燒得好香脆，撕開裡面肉汁仲會流出嚟，肉嫰而且夠味，真係推薦得無錯！絕對係必點呀！而個薯仔沙律係令我諗返以前細個「餐廳沙律」味道(而家已經唔多餐廳會整沙律了，有都只係沙牛菜之類)所以真係好令人回味又LAM LAM脷😋😋😋🥘鐵板雞扒配白飯煎得金黃嘅雞扒放上燒到熱辣辣鐵板上，再淋上黑椒汁，即時香味四溢呀！兩個小魔怪都即刻係咁索索索🤣🤣🤣雞扒係鐵板上K

以前學校係附近 經常都食今次再食 味道水準都keep 到今次食黯然銷魂叉燒飯偶然都會好掛住呢間冰室既黯然銷魂飯，兩隻流心煎蛋 撈飯食加上好肥美多汁 份量十足嘅叉燒，大大碗飯都可以食到！